iyang mga ngabil makahimo paglitók sa mga pangadyeón, apán
ang iyang kasingkasing punô sa mga kaguól ug mga panghayhay.
Si Bathalà nga nanalangin sa mga kabús ug ang mga kalág sa
Purgatoryo nga nanag-antus sa kasakit nga dili ikag-asoy, ¿man-
galipay ba kahâ sa bug-os nga pag-ampò sa kabús nga mangila-
bà sa atubangan sa usá ka estampa nga laksot pagkapintal di-
nan-agan sa siga sa usá ka timsim, kun buút ba silá sa mga kan-
dilà nga dagkután sa atubangan sa usá ka Kristo nga nagkadugò
ug sa usa ka Birhen nga gamáy ug bàbà ug may mga matá
nga bildo, kun sa mga misa ba nga linatin nga himoon sa usá
ka pari nga magapakutab lamang sa baba? Ug ang Tinuhoan
nga gisangyaw alang sa katawhan nga nanag-antus sa daghang
mga kagul-anan sa kinabuhi, nalimot na ba lamang sa iyang
katungdanan sa paglipay sa mga dinaugdaug sa taliwalà sa ilang
mga kalisdanan, ug sa pagsumpò sa kamapahitas-on sa mga ma-
kagagahum, ug maó na ba lamay iyang tagdon ug palabihón
ang mga datò, kadtong mga tawo nga makahimo pagbayad ka-
niya?
Ang alaut nga balo nagatukaw taliwalà sa iyang mga anák nga nangatulog sa iyang tupád; nagahunahuna siya sa mga bula nga kinahanglan iyang palitón arón sa kapahulayang dayon sa mga kalág sa iyang mga ginikanan ug bana nga nangamatay. "Kining pisos nga akong dinaginot sa usá ka bulan ― nagka- nayón ang iyang hunahunà ― ug nga akong ipalít karón ug bula, makalipay man untâ sa akong mga batà sulod sa usá ka simana ug makapalit untâ akóg sapút alang sa akong anak ba- baye nga hapit na madalaga..." Apán pagahidunggan usab niya ang wali sa parì nga nagkanayón: "Kinahanglan pagngon mo kadtong kalayo sa Purgatoryo nga nagasiláb sa mga kalág sa imong bana ug mga ginikanán; kinahanglan mag-antus ikaw arón pagluwás kanila." ¡Oo, kinahanglan gayud! Kay ang Simbahan dili mopasalig pagluwás sa mga kalág sa imong mga pinalanggà nga nangamatay kon dili mo siyá bayran: ang iyang mga bula baligya. dili ipanghatag. ¡Oo, alaut nga balo! kinahang- lan palitón mo gayud ang bula, ug ináy ikaw matulog ug mopa- hulay sa kagabhion, kinahanglan magtukáw ug mamuo ka. Ug ang imong anák babaye, pasagdi nga magkagidlay lamang unà;
