ipagpugóng sa pagkaon kay ang langit mahál kaayo! ¡Dagway
matuod gayúd nga ang mga kabus dili mahalangit!
Kiníng mga hunàhunaa didto maglupadlupad niadtong gab- hiona sa mga baláy sa mga kabús, diín makità ta ang usá ka baníg nga binukhad sa salóg ug usa ka duyan nga gihigdaan sa batà. Ang bata natulog ug ang iyang pagginhawa maayo; usa- hay damanón siyá, mangyamyam ug magakisápkisáp ang bàbà: ang iyang tiyan nagakutoy sa kagutom ug gidamgo siya nga nagausap sa makaon nga gihatag kaniya sa iyang mga magu- lang.
Dihâ nga ang ulán mituáng na ug sa langit walâ nay dag um nga nakità, mabatì ta ang tingog sa gagmayng mga mananap nga nagkaguliyang daw nangalipay nga milundok ang unós ug walâ silá abutág mga kadaut dihâ nga ang mga linti ug dalug- dog nagpungasî gikan sa kapanganuran sa langit. Ang mga irô nanag-ulang sa dalan ug ang matuhòtuhuón nga makadun- góg motuo gayúd nga kadto silá nakakitâ sa mga kalág ug mga anino sa nangamatay. Apán ni ang irô, ni ang mga gagmayng mananap managpakamatngon sa mga kaguól nga babation sa katawhan.
Sa usá ka dapít nga halayô sa lungsod, daw mousá ka tak- nà gayud kon lakton, didto magapuyo ang inahan ni Basilio ug ni Crispín, asawang alaut sa usá ka tawong waláy kasingkasing, inahán nga naningkamot pagpangita ug takús kabuhian sa iyang mga anák, samtang ang iyang bana atua lamang sa bagdoy-bag- doy ug kugos-kugos sa manók. Ang iyang bana talagsa dang mopatim-aw sa ilang baláy ug ang ilang panagkità kanunay ga- yúd nga pagaubanán ug luhà. Ang pipilá ka buók nga alahas ni Sisa gianam-anam pagbaligyà sa iyang bana arón dunay ika- hubog-hubog ug ikasugál, ug sa dihâ nga ang alaut nga asawa walâ nay nahót, gidagmalan sa iyang bana. Sanglit mahuyog kabubut-on, malumó ug kasingkasing ug dili kaayo masinabu- ton, maó day iyang hibalóan ang paghigugma ug pagsamot hilak. Alang kaniya, ang iyang bana maóy iyang bathalà ug ang iyang mga anák maó ang mga manulondà. Ang iyang bana nga nasayud nga gihigugma ug gikahadlokan, nanig-ingon usáb sa batasan sa mga bathalàng tinumòtumò: matag-adlaw nagdugáng ang kangil-ad sa iyang tarás.
