Usá ka adlaw nianà nga ang iyang bana nahitunghà sa ila nga nagbungiut ang nawóng, iyang gipangutana kong uyon ba nga si Basilio pasudlon niya sa pagka-sakristán. Ang banyagà walâ mobalibad ug walâ usáb motangdò, mipadayon paghapoy- hapoy sa manók ug maó day iyang gipangutana kon daků bag su- hol nga madawat. Si Sisa walâ na mosuná pag-usab sa iyang bana, apán tungúd sa kahagip-ot sa iyang pagkabutang ug sa iyang tinguhà nga ang mga batà makakat-on pagbasa ug pagsu- lát sa tulonghaán sa lungsod, napilit siyá pagtuman sa iyang gihunàhunà. Sa pagkasayud niini, ang iyang bana walâ lamang usáb motingog.
Niadtong gabhiona, sa may ikanapulog-tungâ kun ikanapu- log usâ ang taknà, samtang nagkasigá ang mga bituon sa langit. nga nahinlò na sa dag-um, si Sisa nagalingkod sa usá ka bangkò nga kahoy, nagapaminaw sa pipila ka buok sangá sa kahoy nga iyang gisugnod ug nagasilaub sa dapugán diín adunay mga sug- ang bató. Sa ibabaw sa mga sug-ang adunay gitungtong usá ka kolon nga gilung-agan ug kan-on, ug sa kalayo sa ubús adu- nay gisugba nga tuló ka buok bulád nga tamban, kanáng gina- baligya nganì ug tagutlo usá ka dakú.
Nanampilíng siyá ug nagasud-ong sa maalop nga siga sa sugnod kawayan nga maagiw lamang dayon; ang iyang pahi- yúm masulub-on uyamut. Nahanumdóm siyá sa maanindot nga tigmo sa kolon ug kalayo nga gipatag-an kaniya ni Crispín, usá ka higayón nianà. Si Crispín miingon:
- Nagalingkod si Maitúm, gidughò ni Mapulá
- Dayon nasuko siyà ug mikará-kará.
Si Sisa batan-on pa ug mailá ta sa iyang pamayhon nga kanhi ambungan ug maayong batà siya. Ang iyang mga matá, nga, sama sa iyang kalág, nahulad sa iyang mga anák, mga maanindot, halawom ug linandungan sa tag-as nga mga pilók; ang iyang ilong maayong pagkapikpik ug ang iyang mga ngabil maanindot bi- san maluspad... Maó kadto siyá ang babaye nga ginatawag sa mga Tagalog ug kayumanging-kaligátan, sa ato pa, tabunon apán malinis ug mahamis ug panit. Bisan siyá batan-on pa, ang iyang maluspad nga nawong nangunót na tungúd sa kaguól kun kagutom; ang iyang malabong buhók nga kanhi nakadu- gang sa iyang kaanyag, karón iya gihapong gialima, apán kiní
