tungúd lamang kay nabatasan man niya, dilì arón ipaibog: ang
iyang pinangkò walâ nay dayandayan.
May pilá na ka adlaw nga siyá walâ mahikanaug sa baláy, kay aduna siyay gitahî nga gipadal paghumán sa tag-iya. Arón makadawát sa suhol, siyá walâ mosimba niadtong buntaga kay malangan man untâ ug duha ka taknà sa iyang buhat. -¡Usahay bitaw, tungud sa kawad-on, ang tawo mapilit pagpakasalâl -Sa pagkahumán na sa iyang buhat, iya dayong gihatúd sa tag-iya, apán kiní misaad lamang ug walâ siyá suholi dayon.
Sa tibuók adlaw nag-utas lamang siyág hunàhunà sa kalipay nga iyang bation inigkagabii, kay nasayud man siyá nga ma- mauli na ang iyang mga bata nga gitagan-an niya ug maayong panihapon, arón silá adunay hinangpon. Mipalít siyá mga bu- lád nga tamban, gipupò niya sa iyang lagwirta ang labing mga maanindot nga tamatis, kay sayud man siyá nga kini maoy ki- naham ni Crispín; nangayò siyá kang pilosopo Tasyo, nga iyang silingan, kasahos nga baboyng ihalas ug paa sa gakít, nga maóy mga sud-an nga ampay ni Basilio, ug naglung-ag siyá sa bugás nga maputî kaayo nga bago niyang kinutlò sa humayán. Alang sa iyang mga bata, kadtong panihapon nga iyang giandam, pa- nihapon na sa parì.
Apán nahiatól gayud nga nahitunghà ang iyang bana ug gikaón niini ang paa sa langgam, limá ka buók bulád ug ang mga tamatis. Si Sisa, bisan nasubô, walâ lamang motingog. Sa pagkabusog na sa iyang bana, maó pay pagkahinumdom pag- pangutana sa ilang mga batà, ug si Sisa mipahiyúm ug misaad nga magpausa lamang niadtong gabhiona, kay ang gisalín sa iyang bana dili man paigong ipanihapon nilang tuló. Nalipay siya nga ang iyang bana nangutana sa ilang mga anák ug kadto. alang kaniya, labí pang maayo kay sa panihapon.
Sa pagkahumag panihapon, ang iyang bana mikuhà sa iyang hiniktan ug buút na usab untâ molakáw.
-¿Dilì ba lamang nimo hulatón ang mga batà? -nanguta- na si Sisa nga nagpanguróg; si iyò Tasyo nagsugilon nga tin- gali madugáydugáy kadto silá; si Crispín maantigo nang mobasa ug... ¡tingali madalà ni Basilio ang iyang suholl
