- El vulgo e necio y pue lo paga e juto
- Hablarle en necio para darle guto. (1)
- (Lope de Vega.)
- Hablarle en necio para darle guto. (1)
- El vulgo e necio y pue lo paga e juto
Walay balud nga makita niadtong gabhiona sa tubig sa lanaw nga gilibutan sa bukid, daw wala siya moduyog sa ka gahub ug kaguliyang sa unos nga mihuros niadtong gabhiona. Sa pagsidlak sa Adlaw, makita natb nga nagpapautaw-utaw ang daghang mga bangkh sa mga mananagat nga nanghipus sa ilang mga sikop, mga kasko ug mga paraw nga linayagan.
Duroha ka tawo nga nanagsaput ug pulos maitum, sukad sa ibabaw nanagpaminawng mahilumon sa tubig sa lanaw; usa niadto mao si Ibarra ug ang iyang kuyog maoy usa ka batan-on nga mapaubsanon ug panagway ug masolub-on ug nawong.
—¡Dinhi niini!—pulong pa sa kuyog ni Ibarra;—dinhi niini itambog ang lawas nga patay sa imong amahan. Si tenyente Guevara ug ako dinhi dad-a sa manlulubong.
Gipig-it ni Ibarra ang kamot sa batan-on.
—¡Dili kinahanglan nga imo akong pasalamatan niining tanan!—matud pa sa batan-on. —Daghan akog mga utang-kabubuton sa imong amahan ug ang bugtong akong gikabalus mao ang pagkuyog kaniya sa iyang lubnganan. Miabut ako dinhi walay kaila, walay gisandigan, wala hiilhi, kabus kaayo, sama karon. Ang akong gisundan mibiya sa tulonghaan aron pagpamalit ug tabakb. Gisagop ako sa imong amahan, gihatagan ako niyag balay ug gisangkap sa tanan kong mga kinahanglan alang sa kauswagan sa pagtudlo sa kabataan; moduaw siya didto sa tulong haan ug manghatag siyag kuwarta, mga basahon ug mga papel sa mga batang kabus ug kugihan nga motuon. Apan kini, sama sa ubang mga butang maayo. ¡wala magdugay!
