Page:Noli-Me-Tangere-Cebuano-Visayano-ni-Jose-Rizal-1962-N719c.pdf/141

¡Oo, ikaw mahikatawa karon nian&,—matud pa sa magtutudlo nga nahikatawa usab;—sa pagkatinuod, niadtong higayona wala ako layhing mikatawa. Nagbarog ako sa iyang atubangan ug nabati ko nga ang akong dugo misaka sa akong ulo ug gipangalipudngan ang akong panan-aw. Nakita ko nga ang kura didto na sa layo, sa layo kaayo; giduol ko siya kay ako na untang tubagon bisan wala ako makahunMiuna unsay akong isulti. Niini ang sakristan mayor mipataliwala kanamo, mitindog si pari Damaso ug unya nagligdong ug misulti sa tinagalog:—“Ayaw pagsul-ob ug mga saput nga dill imo; gawia lamang ang imong kaugal ingong pinulongan ug ayaw paggub-a ang kinatsila nga wala buhata alang kaninyo. ¿Nakaila ikaw kang magtutudlo Cirucla? Kadto siya maoy usa ka magtutudlb nga dili maantigong mobasa, apan nagbukas ug tulonghaan.” Buut ko unta siya pugngan, apan misulod dayon sa iyang lawak ug gikalit pagtak-op ang ganghaan. ?Unsa may takus ko mahimo nga ang akong suhol lugos man ngani paigo sa among mga kinahanglan, suhol nga usa nako madawat kinahanglan uyonan sa kura ug hagoan ko pa pag-adto sa kaulohan sa lalawigan? ¿Unsa may takus ko mahimo batok sa kura nga maoy gitahud sa lungsod ug sa mga punoan, gilabanan sa iyang Kapunongan, gikahadlokan sa Kagamhanan, tawong datb, makagagahum, ginasakna, ginapamati, ginatuhoan ug ginatamiid kanunay sa tanan ang iyang hunahuna? Kon ako iyang panamastamasan kinahanglan nga ako mohilum lamang; kon ako motubag kaniya papahawaon sa akong katungdanan ug mausik ang akong pangita, ug dili tungud niana mouswag ang pagtudlb sa mga batik, hinunoa ang tanan molaban sa kura, kasilagan ug hinganlan ako ug mapahitas-on, sukihan, dautang kristiyanos, walay batasan, ug kon dili man ugaling, hinganlan ug kaaway sa mga Katsila ug tulisan. Sa usa ka magtutudlb wala gayud ing mapaabut nga kaalam ug kaisgot sa pagtuman sa katungdanan; mao day pangayuon kaniya ang pailub, paubus ug paghulat sa kabubut-on sa mga makagagahum, ug nga pasayluon lamang ako ni Bathalik kon ako wala mamati sa akong konsiyensiya ug sa akong salabutan, apan unsaon ko man gayud: natawo ako dinhi, kinahanglan mangita ako ug takus kabuhian, kay aduna akdy inahan nga

— 134 —