gibuhi ug mopaanod lamang ako sa palad sama sa usa ka
minatay nga pagadtiyanduyanon sa mga balud.
—Ug tungud niining kaulangan nga imong giasoy, ¿naluya na lamang gayud ang imong kabubut-on hangtud sa hangtud? ¿Ug nagapadayon lamang ikaw nianang kinabuhia?
— ¡Maayo unta hinuon kon mitagam pa ako, kay ang akong mga pag-antus kutob da unta diha! Matuod hinuon nga sukad sa paghitabo niining akong giasoy kanimo, daw giluod na ako sa akong pangita; naghunahuna ako pagbulong ug laing kapasingadtoan sama sa magtutudlb nga akong gisundan, kay ang buhat nga ikaulaw ug ikabug-at sa atong buot makasamad man sa atong kasingkasing, kay ang tulonghaan kanunay man nga makapahinumdom kanakb sa mga panamastamas nga akong nadawat ug kay sulod sa mga takna nga ako atua didto magaantus ako mga kapaitan nga dili ikag-asoy. Apan dunsa may takus nakb mabuhat? Dili mahimo nga ang mga damgo sa akong inahan hunluson ko sa usa lamang ka pamilok; kinahanglan ingnon ko siya nga tungud sa tulo ka tuig niyang pagantus ardn nakb makab-ut ang katungdanan sa pagka-magtutudlo, ako mahimo karong bulahan; kinahanglan patuhuon ko siya nga ang maong pangita dungganan uyamut, nga matam-is ang kahagb, nga ang dalan binakbakag mga bulak, nga tungud sa pagtuman ko sa akong katungdanan nakakita akog daghang mga higala ug nga ako gitamud sa lungsod; kay kon sultihan ko siya sa matuod, walay duhaduha siya bation gayud dakung kasubo, ug kini, labut pa nga dili makaluwas kanakb sa akong mga pag-antus, makahimo usab nga alaut sa akong inahan, ug sa ingon niana wala gayud akoy bungang makuha ug makasala pa ngani hinuon. Busa mipadayon ako sa akong katungdanan, gilig-on ko ang akong kabubut-on ug gisulayan ko pagpanglimbasug.
Ang magtutudlo mihunong makadiyot ug unya mipadayon pagsulti:
—Sukad sa adlaw nga ako gipanamastamasan, gisud-ong ko pag-ayo ang akong kaugalingon ug tuod man nakit^ ko ang akong pagkawalay hibangkaagan. Sa adlaw ug sa gabii gitunan ko ang kinatsil^ ug kadtong mga butang may labut sa akong katungdanan; pahulamon akog mga basahon sa tigulang pilosopo,
