—Hain na ang salapî nga gidalá nganhi kanimo sa imong
mga anak kagabii?
—Ah! ang salapi... —Ayaw na lamang ilimód kay labí pang daután alang kanimol misumpay ang usá-Mianhi kamí arón pagdakóp sa imong mga anák ug ang magulang walâ namo hisakpi; hain man nimo tagoi ang manghod?
Sa pagkadungog niini, si Sisa miginhawa.
—Senyor, pilá na karón ka adlaw nga walâ ko makità ang akong anák nga si Crispin Gipangità ko siyá kaganina sa kombinto ug didto giingón akó nila nga...
Ang duha ka sundalo nagkinidhatay.
—Buyno!-misulti ang usá kanila;-ihatag kanamò ang salapî kay dili na ikaw namo unsaon.
-Senyor intawon!-mipakiluoy ang alaut nga babaye;— ang akong mga anák dilì gayúd mangawat bisan panggutumon: nangaanad kami sa kanunayng puasa. Si Basilio walâ gayúd makadalá bisan usá ka diyot; susiha ninyo ang tibuok balay ug kon makakaplag ngani kamó usá ka tagwaloon, kamó lamay mag-igò kon unsaon kami ninyo. ¡Kaming mga kabús dilì intawon lonlon mga kawatan!
—Sa ingón nianà, mitubág ang sibíl nga nagpahitad pagsulti ug mitutok pagtan-aw sa mga matá ni Sisa-ikáw kinahanglan moubán karón kanamo; kadtong imong mga anák manunghà da dalá ang salapi nga ilang gikawat. Hala, kuyog kanamo!
—Kinsa, dakó?... čakó, mokuyog kaninyo?-nangutana ang babaye nga misibug ug mitan-aw sa dakúng kalisang sa sapút sa mga sibíl.
—Nganong dili man?
—Ah, kaloy-i intawon akó ninyo!-mihangyo ang alaut babaye nga mihanâ pagluhód.-Kabús akó kaayo, wala akoy salapi ni mga pahiyas nga ikahaylo kaninyo: ang bugtong akong gitipigan inyo nang gikuha: mao kadtong himungaan nga akó untang ibaligya... Dad-a ninyo ang tanan nga inyong hingkaplagan sa akong payág, apán ayaw intawon akó ninyo paghilabti, pasagdi akó ninyo nga magpakamatay dinhi.
