kon walà akó masayóp. Walâ ba siyá nimo hikit-i didto?
-nangutana kang Ibarra nga daw nagpanukó ug naulaw.
-Tingali kahâ -mitubág nga maabiabihon si Ibarra, apán karón walâ akó mahanumdom.
-Kadto siya hi . . . hiilhan mo gayúd dayon -misumpay ang Doktor nga nasibut na, -kay ang iyang buhók bulagáw sama sa bulawan ug mangil-ad kaayong mosultig kinatsilâ.
-Mga maayong tilimad-on kanáng imong giasoy, apán niad- tong mga dapita walâ gayúd akó makasultig kinatsilâ, gawás sa pipila ka mga consulado.
¿-Giunsa man diáy nimo pagpakigsabut sa mga molupyò didto nangutana si Donya Victorina nga nahibulong.
-Migamit akó, sinyora, sa pinulongán sa lungsod nga akong natalà.
-Mahibaló ba usáb ikaw nga moininglis? -nangutana si parì Sibyla nga nakapuyo sa Hong-kong ug makasulti sa ining- lis nga sinangotán sa mga Insik sa Hong-kong.
-Nakapuyo akó ug usa ka tuig sa Inglaterra ug ang akong mga kasulti didto mga tawo nga ininglis da gayúd ang pinulon- gán nga hibaloán
-¿Unsa mang nasura sa Uropa ang hiuyonán mo? -na- ngutana ang batan-ong bulagáwg buhók.
-Humán sa Espanya, nga maóy ikaduhá kong yutang-nataw- han, hiuyonán ko ang tanang mga nasud nga may kagawasan sa Uropa. Ikaw nga daw nalukóp ug panaw, amb: asoyi akó: ¿unsa may butang labing katingad-an nga imong nakità? -nangutana si Laruja. Si Ibarra mihinuktok. Si Ibarra mihinuktok. Pananglit, mahitungúd sa kinabuhi sa kalungsoran nga imong nakitá... ang panglihok nila sa katilingban, sa kagam- banan, sa tinuhoan. sa usa ka pulong, ang kinaiyá sa tag- satagsa ka lungsod
Si Ibarra miurong ug dugay. -Sa pagkatinuod, wala ako'y katingad-an nga nakità sa mga lungsod nga akong natalà, gawás sa ilang kamapahitas-on ...
