niadtong sanglitanan nga nagaingon: himungaan nga matambók ug paa nga matigsòn, alang sa kura!
-Kay ngano, sa imong hunahuna ang mga mananambal mangaon lamag bulad? Mangahilos ba ang ilang mga tudlo sa pagkinaon ug asin?
-Mahugaw bá ang kamot sa kura sama sa mga mananam- bal? Alang niana aduna siyay dagkung mga yuta, ug kon uga- fing mobuhat man. duyogan siya sa musika ug tabangan sa mga sakristanl
-Ang pagpakompisal diay, komare, dili ba buhat?
-Anindot nga buhata! Kon mahimo pa diay nga ikaw maóy magpakompisal sa mga tawo tingali laliman ka pag-ayo! Kità, aron masayud sa pagabuhaton sa mga lalake ug mga babaye suginlan pa man una sa atong mga silingan, panington pauna! Apan ang kurá igo lamang molingkod ug ang tanan mosugilon kaniya sa ilang mga buhat; usahay mahikatulog siya,apan igo lamang mobirisbiris pagbendisyón ug unya mahibalik kita dayon sa pagkaanak ni Bathalà. Kon mahimo pa lamang unta nga makura akó bisan usà lamang ka hapon sa kuwa- resma!
- Ang... ang pagwali diay? kanà dili buhat. Kon dili ka ugaling motuo, tan-awa lamang kadtong pari nga miwali ganina sa buntag kon wala ba paningtág tag-ingóg balugbog! --milalis pa gayud ang tawo nga mia nam nág sibug sa lantugi.
-Ang pagwali? Buhat ba ugód ang pagwali? Hain na man dapit ang imong kabuot? Buut akó kaayo kon maóy pa- walihon ug tunga sa adlaw; sukad sa pulpito mangasaba akò sa mga tawo ug wala gayud bisan usa nga mangahas pagtubag, ug unya suholán pa ako! Buut ako kaayo kon himuóng kura bisan usa lamang ka buntag inigpanimba sa mga utangán kanako! Tan-awa, tan-awá lamang kanà si pari Dámaso kon dili ba na- nambók sa labiháng pangasaba ug pamunal!
Tuod man, si pari Damaso nagapadulong kanila sa linaktan nga kabtang sa mga matambok, nagapahiyum nga labihan ka- mabiaybiayon nga si Ibarra, sa pagkakita, daw gipanlimutan ug wala na makatultol sa iyang pakigpulong.
Gawas kang Ibarra, si pari Dámaso giyukboan sa tanan sa yukbo nga malipayon bisan sinaktan diyutay nga kahibulong.
