Nganong tinakpan man ang tamboanan sa balay sa "Alferez"? Samtang milabay ang pasunding, diin man dapit magtago ang nawong lakin-on ug ang sinina nga pranila sa Aghoy sa "Guardia Civil"? Nakasabut ba kaha si Donya Consolación sa kalaksot sa iyang agtang diin namathay ang dagkung mga ugat nga gidaligdigan sa dugo nga daw suka nga sinagolan ug apdo; nakaamgo ba kaha siya sa kangil-ad nga tan-awon sa dakung tinustos nga gium-om sa iyang mga ngabil nga lagum ug sa iyang masinahón nga tinan-awan, ug, sinugo sa usa ka mapuangurong hunahuna, dili siya buút magpakita aron dili ma-
tugáw ang kalipay sa kadaghanan?
Ay, alang kaniya ang mga hunahunang mapuanguron gihuptan lamang kanhi sa mga tawo sa kakaraanan!
Ang iyang balay nagmasulub-on kay ang lungsod nagalipay man, matud pa ni Sinang; walay parol ni mga kandila nga gipamitay. Kon ang sundalo nga bantay wala pa magsuroy-suroy atbang sa ganghaan sa balay, makaingon untá kita nga niadtong balaya walay tawo nga nagapuyo.
Usa ka suga nga nagapaok nagadan-ag sa hawanan sa balay ug tungud niini nanihag ang mga mahugaw nga lampirong sa mga tamboanan nga gibayian sa lawa ug nagakapal sa abóg.
Sumala sa iyang nabatasan, si Donya Consolación nagaduka sa usa ka halapad nga lingkoranan. Sama sa iyang naandan matag-adlaw, ang iyang binistihan mangil-ad uyamut: gipurongan ug panyo ang iyang ulo ug sa maong pinurong nang.ibkás ang pipila ka lugás buhok nga mugbô ug nagubút sama sa gumon; nagasul-ob siya usâ ka sininang pranila nga tagumon ug gisapaw sa laing sinina nga lagum na tungúd sa labihang buling, ug naang daút gasaya panapton nga lubad na diín mihulma ug lagpad niyang mga paa nga gitinambid ug gikinakin pagkusóg. Ang iyang baba nagsamot buhot dagháng aso nga iyang ibugwak sa
