Page:Noli-Me-Tangere-Cebuano-Visayano-ni-Jose-Rizal-1962-N719c.pdf/433

daut usab, ang bata natawo nga matambok. Human mangagi ang duha ka bulan, gituman ang silot nga gipahamtang sa dakung kahimuot sa mga tawo nga nanagtuo nga sa ingon Sanglit dili na niini nagatuman sila sa ilang katungdanan. man siya makakaplag ug kalinaw sa kabukiran dinhi, kuyog sa iyang duha ka anak, mikalagiw ngadto sa silingang lalawigan ug didto nanagpuyo sila sama sa mga mananap nga mapintas: nasilag ug gikasilagan. Ang anak kamagulangan nga, taliwala niadtong labihang kapit-os sa ilang pagpuyo, nagahandum kanunay sa kinabuhing bulahan nga iyang natagamtam sa diyutay pa siya, misulod sa pagkatulisan diha nga gisabut niya nga ang iyang mga bukton may kusog nang igo. Ang mapintas ngalan ni Balat nadungbg dayon sa tanang mga lalawigan ug gikalisangan sa kalungsoran, kay sa iyang pagpanulis silaban man niya ang kabalayan human dagmali kun pamatya ang mga tawo nga iyang tulison. Ang manghod, nga gitugahan ni Bathala usa ka kasingkasing malumo, mipahiuyon lamang sa palad nga iyang naangkon ug sa kaulawan sa iyang banay tupad sa iyang inahan; nangabuhi lamang sila sa mga makaon nga ilang hingkaplagan sa kalibonan ug nagasaput sila sa mga nuog nga isalibay kanila sa mga lumalabay nga manghisum-ok niadtong mga dapita; ang ngalan sa inahan hikalimtan na sa mga tawo ug hiilhan na lamang siya sa mga angga nga delincuente, prostituta ug apaleada; walay nasayud sa ngalan sa anak nga kamanghuran ug giila lamang siya nga anak niadtong alaut nga babaye, kay tungud sa kahuyo sa iyang kabubut-on walay mituo nga siya anak niadtong maninilab ug tungud usab kay gituhoan man nga ang usa ka indiyo takus makahimo sa bisan unsang kalapasan. Sa katapusan, ang bantungang Balat nahulog sa mga kamut sa hukmanan ug gipaninglan siya sa iyang mga sala nga nahimo, gisilotan sa kagamhanan nga wala lamang magkabana pagtudlo kaniya sa matul-id nga dalan sa kaayohan; ug usa ka buntag niana nga ang anak nga kamanghuran miapas sa iyang inahan nga misuot sa libon aron pagpanguhong ug wala pa mahiuli, hikaplagan niya ang alaut babaye nga nagabuyod sa yuta didto sa daplin sa dalan, sa landong sa usa ka punoang doldol, nagahayang, namudlat ang mga mata, nangiwi ang mga tudlo nga nanghilubong sa yuta diin may mga tulo sa dugo nga nanghipasapasa. Nakayahat ang batan-on sa dapit nga

— 426 —