kalit lamang pagkahanaw daw lalamyon niini kon ang unang
anino mohunong ug moling!.
—Gisagnunotan ako!— matud sa unang anino;— ang Guardia Civil ba kaha? Nagbakak man tingali ang sakristan mayor?
—Miingon sila nga anhi dinhi makig-abut— matud sa hunahuna sa ikaduha; — dagway dautan ang pagahisgotan dinhi kay wala man itug-an kanako sa duha ka magsuon.
Sa katapusan ang ikaduhang anino miabut sa ganghaan sa kalubngan. Ang tulo ang una nanugat.
—Kamo ba diay?
—Ikaw ba?
—Magbulagbulag kita kay gisagnunotan ako! Ugma madawat ninyo ang mga hinagiban ug sa pagkagabii maoy inyong ilihok. Ang singgit nga ilhanan mao kini: “Mabuhi si Don Crisostomo!” Panglakaw na kamo!
Ang tutulo ka anino nangawala sa luyo sa mga paril. Ang bag-ong miabut mitago sa gawang sa ganghaan ug nagpaminaw nga walay tingog.
—Tan-awon ta ngani kon kinsa kining nagsagnunot kanako! — Matud niya.
Ang ikaduhang anino nahiabut nga naghinay pag-ayo ug mihunong aron paglingilingi.
—Wala ko na hinuon sila hiabuti!— mihagawhaw;— apan basin pa mamalik kadto.
Ug sanglit nagsugod na man paghabohabo ug dagway kadtong ulana dili motuang dayon, mipasilong ilalum sa atop-atop sa ganghaan.
Dayag na lamang nga gikahibalag niya ang usa ka anino nga mipasilong usab didto.
—Ah! kinsa ka?— nangutana ang bag-ong miabut sa sinultihan nga mainggit.
—Ug ikaw, kinsa ka man usab?— mitubag ang usa sa dakung kalinaw.
Silang duha nangahilum makadiyot; tagsatagsa kanila isigpaninguha pag-ila sa tingog ug sa nawong sa iyang kasulti.
—Unsay gihulat mo dinhi?— nangutana ang mainggit ug tingog.
—Nga mobagting ang a las 8 aron ako makataya sa baraha sa mga minatay kay buut ako modaug karong gabhiona— mi-
