—Si Elías nangumo, ang kumo giduot sa iyang agtang ug mitan-aw kang Crisóstomo, nga misibug sa pagtan-aw sa nawong sa piloto.
—Nasayud ka bá kinsa kadto si Don Pedro Eibarramendia?
—nangutana si Elías sa tingog lugos nadungog. — Si Don Pedro Eibarramendia mao kadtong banyagang Katsila nga nagbutangbutang sa akong apohan ug maoy ginikanan sa tanan namong mga kadaut. .. Gipangita ko ang iyang bansagon, ug ikaw gitugyan karon ni Bathala sa akong mga kamot . , . Karon, bayre ang mga kadaut nga among giantus!
Si Crisóstomo mitan-aw nga nalisang kang Elias, apan giyugyog niini ang iyang bukton ug ang piloto misulti sa tingog masulub-on apan nagpangurog sa kasilag:
—Tan-awa, tan-awa ako pag-ayo kon nagaantus ba dagkung mga kaguol, ug ikaw nagapuyo nga malipayon, nahagugma sa usa ka dalaga, aduna kay bahandi ug panimalay, ginatamud, nabuhi . . . nabuhi ikaw!
Nawad-an sa kabuot, si Elias midalagan padulong sa dapit nga gibutangan sa mga hinagiban nga tinigum, apan igo lamang nakahulbot duha ka baraw, kini iyang gibuhian ug mitan-aw kang Ibarra sama sa buang; si Ibarra wala mahaglihok.
—Unsa ugod untay akong buhaton? —nagkanayon. ug midali pagkanaug sa balay ni Ibarra.
— 458 —
