Donya Patrocinio, tungúd sa labiháng kalagot, itlibon ang iyang
ngabil sa iyang lagús nga walâ nay ngipon, sanglit alingisigan
man siya sa bagting sa mga lingganay ug mahaigking sa butó-butó sa mga luthang. Samtang si Kapitán Tiyagò magapahiyúm, si Donya Patrocinio magahunàhunà sa iyang ibalus, ug
palitón niya sa mga amot nga iyang mahipus ang labing maayong mga magwawali sa limá ka Kapunongan sa mga parì sa
Manilà, ang labing mga bantugang canónigo¹ sa simbahan sa
Katedrál ug hangtud sa mga Paúl aron silá magwali sa mga
pangilin mahitungúd sa mga butang halaglum uyamut ug kahulogan nga gisaysay sa Teologia² ug makadungóg niining tanán
ang alaut nga mga makasasalà kinsa maó da gayúy hisabtan ang
kinatsiláng sinanggután. Ang mga kadapig ni Kapitan Tiyagò
nakamatngon nga si Donya Patrocino mahikatulog sa simbahán
samtang ang parì magawali, apán ang mga kadapig usáb sa
pikas manubág nga ang wali human na bayre sa tigulang, ug sa
tanáng butang dinhi sa kalibutan ang kinahanglan gayúd kaayo maó ang bayad. Sa katapusán na gayúd, si Kapitán Tiyagò
gilupók ni Donya Patrocinio, kay kiní mihatag man sa usá ka
simbahan ug tutuló ka andas nga salapî dinayandayanag mga
masiga sama sa bulawan nga iyang gibayran tuló ka libo ka
pisos ang usá. Si Kapitán Tiyagô nanghinaut nga mamatay
na untà kiníng tigulanga kun mapilde ba ang limá kun unóm
sa iyang mga buroka aron magbinugtong na lamang siya paghalad
kang Bathalà, ugaling kay maó may nanaglaban sa iyang mga
buroka ang labing mga maayong laking manlalaban sa Real
Audiencia,³ ug mahitungúd usáb sa iyang lawas, ang sakit daw
nagapahilayo kang Donya Patrocinio: nahisama siya sa usá ka
kawat nga asiro, dagway aron kapanaminan sa ubáng nanaglagad kang Bathalà, ug migamút siyá pag-ayo dinhi ning walóg
sa mga luhà sama sa nuka nga motapút sa atong panit. Ang
iyang mga kadapig nanagtuo sa hugót nga inigkamatay ni Donya
Patrocinio kanonisahón dayon ug sa ingón niana si Kapitan
Tiyagò magatahud ug moluhód na unyà sa atubangan sa iyang
larawan nga pagasimbahon sa tanáng mga alampoanan. Si Kapitán Tiyagò motangdò ug mosaad nga mosimba unyà sa larawan
_______________
- (P. 59) (1) — Makinaadmanon kun doktor sa Teologia.
- (2) — Kinaadman mahitungúd kang Bathala ug iyang kahingpitan.
- (3) — Maó ang Corte Suprema karón.
