Page:Noli-Me-Tangere-Cebuano-Visayano-ni-Jose-Rizal-1962-N719c.pdf/61

sa akong inahán, ug sa pagkakitâ mo kanakò miduol ikaw, gita- pion mo sa akong abaga ang imong kamót nga dugay nang walâ nimo pakupti kanakò, ug unyà imo akóng giingón: "Namatyan ka sa imong inahán, apán akó walâ makakitâ sa akò"... ug unyà miduyog ikaw paghilak kanakò? Gihigugma mo kadtong akong inahán ug ikáw usáb gihigugma niya sama sa usa ka anák. Sa gawás, ang ulan nga inubanán sa mga kilat ug dalugdog, naga- padayon, apán daw sa akong dalunggan milanog ang usa ka ma- tam-is nga honì, daw nakità ko nga mipahiyúm ang maluspad nga mga ngabil sa minatáy... ¡Oh, kon buhi pa untà ang akong mga ginikanan ug makasud-ong pa silá kanimo! Dinhi, gikup- tan ko ang imong kamót ug ang sa akong inahán, nanumpà akó nga higugmaon ko ikaw, nga himuon ko ikawng bulahan, bisag unsay palad nga akong maangkon; ug, sanglit kadtong panumpaa walâ man gayúd ikabug-at sa akong buót, bag-ohon ko karón dinhi sa imong atubangan. ¿Mahimò ba nga hikalimtan ko ikaw? Ang imong handumanan walâ gayúd mahibulág sa akong panum- duman: siyá maó ang nakaluwás kanakò sa daghang mga kata- lagman nga akong gihibalag, siyá maó ang nakapuypoy sa mga kamingaw nga gibatì ko sa akong pag-usara didto sa lagyong mga dapít; tungúd sa imong handumanan walâ akó hitakdi nianang kalimot sa daghan tang mga katagilungsod didto sa Uropa, ¡ka- limot nga mopalà sa ilang panumduman sa kalauman ug mga kaguól sa atong Yutang-Natawhan! Gidamgo ko ikaw nga naga- barúg sa lapyahan sa dagat sa Manilà, tinutok sa layô ang imong mga matá ug dinan-agan ka sa mainit-init nga kahayag sa kabun- tagon; nadungóg ko ang usa ka mananoy ug masulub-ong awit nga nakapukaw sa akong mga pagbati ug nakapahinumdom ka- nakò niadtong mga adlaw sa akong pagkabatà, sa atong mga kalipay, mga dulàdulà, sa tanán tang malipayong kaagi nga imong gidasig samtang didto pa ikaw sa San Diego. Gipakaingón ko nga ikaw maó ang larawan sa akong Yutang-Natawhan nga gi- damgo sa atong mga magbabalak, maanyag, mapuanguron, ma- abiabihon, waláy bulíng sa hunàhunà, anák sa Pilipinas, niining yutang matahúm nga natingban sa mga dagkung hiyas sa Inahán nga Espanya ug sa mga maanyag nga hiyas sa usá ka lungsod nga batan-on, ingón nga natingúb kaniya ang tanang mga hiyas nga matahúm ug maanyag nga nanagdayandayan sa durohá ka kaliwat; ug tungúd niini, ang gugma ko kanimo ug sa akong

-54-