Yutang-Natawhan natingúb sa usá lamang ka gugma... ¿Ma-
himo ba nga hikalimtan ko ikaw? Sa makadaghan nabati ko
ang imong tingog nga nahisagol sa tingog sa imong piyano, ug
didto sa Alemanya inigkahapon kon masuroysuroy akó sa ilang
kalasangán nga punô sa mga katingalahan nga gidamgo sa ilang
mga magbabalak, ug didto handumon ko ang imong ngalan, daw
pagahikit-an ko ikaw nga limisan sa mga gabon nga motuybò
gikan sa usa ka walóg; daw pagahidunggan ko ang imong tingog
nga mahisagol sa kasikas sa mga dahon, ug kon ang mga mag-
babaul mamauli na gikan sa ilang buhat ug manag-awit, paka-
ingnon ko nga ang ilang awit mahitukmà sa akong hunàhunà
nga magaawit usáb kanimo, ug sa ingón nianà, ang akong mga
damgo daw mahimong tinuod. Kon usahay mahisalaag akó sa
akong pagsuroysuroy sa ilang kabukiran ug tungúd sa pagpangi-
tà sa dalan hiabután akó sa kagabhion taliwalà sa kakahoyán, daw
pagahikit-an ko ikaw didto nga usahay dan-agan, sa kahayag sa
Bulan nga manuhótsuhót sa kasangahán ug usahay salipdan sa
landong; ug kon sa kapulihay madungóg ko didto ang awit sa
usá ka langgam, hunahunaon ko nga ang langgam nagaawit tu-
ngud kanimo. ¡Oo, wala ko ikaw hikalimti! Tungúd sa kainit
sa akong gugma kanimo, ¡daw buhì ang gabon sa akong pagtan-
aw ug may bulok ang yelo! Ang langit, ang matahúm nga langit
sa Italya, magapahinumdom kanakò sa imong mga matá; ang
iyang masayág-nga kawalogán ug kapatagan magapahinumdom
kanakò sa imong matam-is nga pahiyúm, ingón nga ang kauma-
hán sa Andalusiya, diín nagalupadlupad sa kahanginan ang kahu-
mót sa mga bulak, ¡magahisgot kanakò sa imong gugma! Sa
mga gabiing bulanón, kon magapautaw-utaw akó sa usa ka saka-
yán didto sa subâ sa Rhin, mangutana akó sa akong kaugalingon
kon dilì ba kahâ usá ka lamat lamang sa akong hunahuna kon
makità ko ikaw nga magasuroysuroy sa ilalum sa kakahoyan sa
tampi sa subâ, magatungtong sa pangpang sa Lorelay kun maga-
langoylangoy taliwalà sa mga balúd ug magaawit sa mahilum nga
kagabhion arón pagsadyà sa kamingaw ug kasubô niadtong mga
Castillo ¹ nga nangagubâ na!
-Akó walâ makapanglangyaw sa laing dapít sama kanimo ug mao day hiilhan ko ang imong lungsod, ang Manilà ug ang
____________
(1) — Baláyng daku uyamut binuhat sa mga bató, dunay mga tag-as lan- tawanan sa mga kaaway, liniyungán sa mga mabaga nga paril ug linaw ngá laglum Maóy puluy-anan sa mga prinsipe, duque, marques, ubp, a Uropa kanhi.
