Pasagdan ta nga ang batan-on mopadayon sa iyang panaw nga
maghinuktok kun magadukâ. Walâ siyá magtagád sa katahúm
sa kaumahán; walâ makabihag sa iyang hunàhunà ang Adlaw nga
nagadan-ag sa kakahoyán ug nakahatag kabaskog ug kaabtik sa
mga magbabaul nga manalagan aron paglikáy sa kainit nga mosi-
láb sa ilang mga lapálapá bisan gihanigán sa mga kubal nga
mabagâ; kadtong Adlaw nga nakapilit sa mga babaye sa pagpa-
silong sa ilalum sa usá ka almendro kun sa kawayanán ug naka-
aghat kanila sa pagpalandong sa mga butang wala kaayo nila
matinò ug hisabti.
Mobalik kitá sa Manilà samtang ang salakyanán ni Ibarra na- gakilingkiling sa kagaangan sa dalan sama sa usá ka hubóg, sam- tang ang maóng salakyanán moagi sa usá ka tuláy nga kawayan, motungas sa usá ka bakilíd ug molugsong sa usá ka dulhugón.
