sa iyang mga kaubang parì nga anaa mahamutáng duol sa agianan
nga ginatawag Puerta de Isabel II kun Puerta de Magallanes, su-
malà sa banay nga magaharì sa Madrid.
Si parì Sibyla walâ nganì magtagad sa mahumót nga bahò sa sikwati ni sa hinagtik sa salapî ug kasabà sa mga sudlanán nga nadungóg gikan sa Procuración;¹ lugos lamang mibalus sa mati- nahurong yukbò sa uldog nga procurador;² mipadayugdog ngadto sa unahan ug unyà mituktok sa ganghaán sa usá ka lawák.
—¡Sulod lamang!-nabatì ang usa ka tingog gikan sa sulod sa lawák.
—¡Nga ayohon na untà ni Bathalà ang imong sakít! - maoy unang gipamulong sa batan-ong dominico sa iyang pagdayón, agig panghatag niyag katahuran.
Nagalingkod sa usá ka dakúng siya nakità ang usa ka paring tigulang, maniwang ug lusparón, sama nianang mga larawan nga pinintal ni Rivera. Nanghilawom ang kalimutáw sa iyang mga matá nga nanaglukdo mga malabong kilay, ug tungúd sa pagsa- mot niyag diyong midugang ang kasiga sa iyang tinan-awán.
Si parì Sibyla nga nagakiyugpos sa iyang mga kamót, na- hinuklog nga nagasud-ong niadtong paring tigulang; unyà, mi- dukô siyá nga walay tingog, daw nagahulát.
—¡Ah! -nangagho ang masakitón-, gitambagan akó nga padisdis lamang, Hernando, ¡padisdis karón nga tigulang na akó ug dinhi sa Pilipinas diín makalilisang kaayo ang kainit! ¡Pa- namini akó, Hernando!
Si parì Sibyla miyahat ug mitutok sa masakitón.
—Nan, unsa may hunàhunà mo? nangutana.
—¡Ay!... ¡Magpakamatay! Unsa may lain kong mahimò? Labihán kining akong pag-antus, apán... daghan usáb ang akong gipaantus... ¡nagabayad na akó karón sa akong utang! Ug, komusta ikaw? Unsa may dalá mo?
—Mianhi akó aron paghisgot kanimo sa imong gisugò ka-nakò.
—¡Ah! naunsa na man diáy kadto?
—Psh! -matud sa paring batan-on nga milingkod ug mi- lingíw daw walâ layhi; -gibakakán lamang kitá: si Ibarra ma-
(1) — Buhatán a mamahandi ug tinugyanan pagpalakaw sa katigayonan sa mga dominico. (P. 88 No. 2)—Mamahandi ug administrador.
