oy usá ka batan-on nga mabúot, daw dilì hungóg, apán gituhoan
ko nga maayong tawo.
_Gituhoan mo? -Kagabii nagsugod na ang mga bingkil! -¿Nagsuged na? ¿Naunsa man pagkaagi?
Sa daklit gisaysay ni parì Sibyla ang nahitabô kang pari Dámaso ug kang Crisóstomo Ibarra.
-Labut pa- gipun-an ni parì Sibyla, ang batan-on mangasawa sa anak ni Kapitán Tiyagò, nga didto makatuón sa kolehiyo sa atong mga kaubang babaye; adunahan siyá, ug sa akong hunàhunà dagway dili siyá mahagugmang mangitag ka- away arón dili mausik ang iyang bahandi ug kabulahanan.
Ang tigulang miyangoyango, timaan nga siyá uyon sa gisulti ni parì Sibyla.
-Oo, uyon ako kanimo... Kon siya makapangasawá kang María Clara ug makaugangán kang Kapitán Tiyagò, maatò gayúd ang iyang kalág ug lawas. Ug kon dili man ugaling, ¡maayo hinuon kon siyá magpakità nga kaaway natò!
Si parì Sibyla mitan-aw nga nahibulong sa tigulang. -Arón sa kaayohan sa atong Kapunongan, angay mong sabton, mipadayon ang tigulang nga nagalisúd pagginhawa. palabihón ko ang mga pagdaut kay sa mga binuang pagdalayeg ug mga ulog-ulog sa mga higala... matuod hinoon nga kiní silá gibayran.
¿Naghunahunà ikaw?
Ang tigulang mitan-aw nga masulub-on kang pari Sibyla.
-¡¡Timan-i gayud pag-ayo! -mitubág nga naglisúd pagginhawa. Ang atong gahúm dilì malumpag samtang pagatuhoan gihapon. Kon dauton kitá, ang Kagamhanan moingón: gidaut kanâ silá kay makasantà man sa ilang kagawasan, kinahanglan hawiran ta gayúd kanáng mga tawhana.
-Nan, kon tuhoan ang atong mga kaaway? Usahay ugód ang Kagamhanan...
-¡Dili gayúd silá tagdon! -Bisan pa, kon mahaylo sa tinagingting sa salapi ug angkonon ang atong kinabudlayan... kon adunay maisug ug mapangahason nga... --Kon maó kanâ, ¡alaut siyál
