bâ mangalingaw pagtan-aw sa kaguól sa usá ka babaye nga
molatay sa tulay ug magalukdog tibúd sa tubig, kun sa usá ka
tigulang nga magakuróg ug unyà takulahaw lamang motimpa-
saw sa tubig ang iyang sungkod.
Apán ang makadaní gayúd sa hunàhunà maó ang usá ka kalibonán nga gitaliwalà sa kabaulán. Didto adunay mga ka- hoyng dagkú nga lungagág lindog, mga kahoy nga manga- matay lamang kon maigò ug sunugon sa lintì: ginaingón nga kon kini mahitabo, ang kalayo anhà da gayúd magtuyoktuyok ug mapalong sa dapít nga gitugkan sa kahoy nga maigô. Adu- na didtoy mga dagkung pangpang nga pinutós sa mga bagon ug mga gagmayng tanúm nga manurók didto dinalá sa mga langgam ug nabuhi ug migamút sa mga abúg nga nagaukol sa mga lungág sa bató. Niadtong kalibonán, ang mga tanúm nag- patakà lamag tubò: mga gunahón, mga bagon nga nanagwakat ug nanghumbinay sa kakahoyán, nangumbitay sa mga sangá ug nangumpayot sa mga gamút, ug aduna didtoy mga tanúm nga namilít ug nagkabuhî lamang sa lawas sa isigkakahoy nila; aduna didtoy daghang mga uhong ug mga kuwadkop nga na- nurók sa mga panit sa kahoy nga nadugtà na, ug aduna usáb ing mga manan-aw nga nanghumbinay ug nanghisagol sa mga dahon sa dagkung kahoy.
Kadtong kalibonana gilikayán sa mga tawo kay giingón nga abtanan ug gisugilon nga daghang mga katingalahan ang nanghitabô didto; apán ang sugid nga labing katuhoan busà diriyót day nasayud ug mituo, maó kining mosunód:
Sa diriyót pay mga baláy niadtong lungsora ug sa iyang kadalanan nanurók pa ang mga gunahón, daghan pang lagsaw ug mga baboyng ihalas nga manglugsong kon magabii, niadtong panahona miabút didto ang usa ka Katsilà kansang mga matá nanghilawom ug maarang-arang mosulti sa Tinagalóg. Sa pag- kahumán na niyag libud ug tan-aw sa kayutaan, nangutana kinsay mga tag-iya niadtong kalibonán diín adunay mga tu- bód nga mainit ug tubig. Nangatubang ang pipilá ka tawo nga miingon nga konó silá maóy mga tag-iya, ug ang kalibonán gi- bayran sa Katsilà ug mga sapút, mga alahas ug salapî nga diyutay. Humán niini, ang Katsilà nawalâ lamang. Dihâ nga ang mga tawo nanuo na nga kadtong Katsilà maóy usá ka ingkantohanon,
