Sa ingón nianà, ¿si Bathalà diáy maóy hariharì?
Apán ¡ah! Si Bathalà intawon walâ magatugáw sa kalinaw sa mga hunàhunà ni sa katulog sa mga molupyò niadtong lung- sora, wala nganì silá pakuroga sa kahadlok sa iyang atubangan, ug kon sa kapulihay hisgotan siyá sa wali sa usá ka parì, dag- way ang mamati manghupáw ug moingón: ¡kon usá pa la- mang untáy Bathalà. . . Kang Bathalà diriyót day mahinumdum: ang mga santos ug mga santas sa langit igò na kaayo nga ma- kahasol kaniya. Alang sa mga molupyò sa lungsod sa San Die- go, si Bathalà nahisama nianang mga haring alaut nga maga- tigum sa ilang pinuy-anan niadtong mga babaye ug lalaki nga ilang mga pinalanggà: kiní silá maóy pangamahón sa lungsod.
Ang San Diego maóy usá ka lungsod nga nahisama sa Ro- ma, apán dili ang Roma niadtong panahona nga gilatiran sa usá ka daro ni Rómulo ang mga paríl nga nanagliyóng kaniya, ni ang Roma nga tag-iya ug mihatag ug mga balaod sa kalibu- tan bisan naglumid sa iyang kaugalingong dugo ug sa dugô sa la- ing mga lungsod; ang San Diego nahisama sa Roma karóng pana- hona, maó day nakalain kay, ináy sa mga monumento ug mga coliseo nga binuhat sa marmol, aduna siyáy mga monumento nga amakan ug bulangán nga inaptag nipà. Ang kura maó ang Papa sa Vaticano ug ang alferez¹ sa Guardia Civil maó ang Hari sa Italya nga nagapuyo sa Quirinal; ug sabton lamang nga kadtong tanán nahibagay sa mga monumento nga amakan ug sa bulangán nga inaptag nipà. Ug dinhi, sama usáb sa Roma, kanunay silá nga adunay mga bingkil-bingkil, kay samtang ang alferez nagatuo nga ang kura walay kinahanglan didto sang- lit siyá man maóy bugtong magbubuut sa tanán, ang kura na- gatuo usáb sama sa gituhoan sa alferez. Saysayon ta kiní pag- ayo ug hubiton ta ang mga hiyas sa durohá.
Si parì Bernardo Salví maó kadtong batan-on ug hilu- món nga franciscano nga atong gihisgotan sa unahan. Tungúd sa iyang tarás ug mga lihok, milahî siyá sa iyang mga kaubang parì, labí na gayúd sa iyang gisundan didto, ang mainitog buút nga si parì Dámaso. Niwang siya, masakitón, kanunay lamang nagatungók, hagip-ot nga manuman sa iyang mga katungda-
Alferez — Tenyente sa Kostable karón.
- (P. 101) V. O. T. * - Venerable Orden Tercera. - P. Taghubad.
