nan sa pagkaparì ug mabinantayon sa iyang dungóg. Sa gi-
dangtan na siyá didto ug usa ka bulan, hapit ang tanan nanu-
lod sa pagka hermano sa V. O. T.² sa dakúng kasubô sa iyang
kabatok nga maó ang Cofradía del Santisimo Rosario. Mahinuk-
log sa kalipay ang kalág nga magasud-ong sa upát kun limá ka
karmen nga nangumbitay sa mga dughan ug mga liog ug sa
mga koriya nga daghag mga baliktos nga namilikis sa mga
hawak, ingón man sa mga pasunding sa mga minatáy kun mga
abát nga managsapút ug guingon. Ang sakristán mayor ubáy-
ubáy ug nasapi sa iyang pagpamaligyà kun pagpalimús (kay maó
man kini ang matuod nga ngalan niadtong buhata, matud pa
sa mga pari sa tanáng mga butang kinahanglanon aron pag-
luwás sa kalág ug pag-away sa yawà. Hibaloán nga kaniadto
ang yawà nangahas pagsupak kang Bathalà sa iyang atubangan
ug walâ motuo sa iyang mga pulong, sumalà sa giasoy sa basa-
hón ni Job, kinsa milupád nga nagakugos sa Atong Ginoo, sama
sa iyang gihimo sa mga aswang sa Edad Media ug, matud pa,
gipadayon niya paghimò sa mga aswang sa Pilipinas; ang yawà,
balikon namo pag-ingón, manggiulawon na karón uyamut kay
dili na ngani makasukol pagtan-aw sa usá ka tinabas nga pinin-
talan ug duhá ka bukton ug mahadlok na sa mga baliktos sa
usá ka bakús. Apán kining tanán maóy kamatuoran nga nagaus-
wag usáb kitá dinhing dapita ug ang yawà nagasibúg kun dilì
mahigugmaon sa kauswagan sama sa tanang nga nanagpuyô sa
kangitngitan, kon ugaling dili man kamí tugotan pag-ingón nga
ang yawà karóng panahona manggiulawon na sama sa usá ka
dalaga nga napulog-limá ka tuig pay kagulangón.
Sumalà sa amò nang giingón, si parì Salví matinumanon kaayo sa iyang katungdanan, ingón nga ang alferez matinu- manon usáb sa iya. Samtang magawali siyá (kadtong paria ma- higugma kaayong mowali), panakpan ang mga ganghaán sa sa simbahán, ug niini nahisama siyá kang Nerón nga dilì motu- got nga adunay mogulâ samtang magaawit siyá sa dulaán; apán si parì Salví naninguhà sa kaayohan ug si Nerón sa kadautan sa mga kalág. Ang tanáng sayóp sa iyang mga sakop pabayran niyag salapî, kay talagsa da man kaayo siyang mobunal, ug niini milahî siya kang parì Dámaso nga pulós lamang panum- bag ug pamunal, bisan kining tanán iyang himoon nga mag-
