katawá ug sa maayong kabubut-on. Tungúd niini, si pari Dá-
maso walâ gayúd kasilagi: nagatuo siyá nga ang Indio angayán
gayúd nga utasan lamag bunal, kay maó may giingón sa usá ka
prayle nga maantigong mosulát ug mga basahón ug kadto iyang
gituhoan, kay dili man gayúd siyá molalis sa isulát sa usá ka
basahón: niining iyang pagpaubús daghang tawo ang nakamu-
lò
Si parì Salví talagsa da uyamut nga mobunal. Sumalà sa giingón sa usá ka tigulang makinaadmanon nga nagapuyô sa lungsod, kadtong paria dili masubsob nga mamunal, apán kon mahinayák nganì, ihurót ang tanan niyang kusóg ug tagbawon gayúd ang iyang ginhawa; bisan pa niini dili angayán siya nga kasilagan. Ang mga puasa ug pagpugóng sa pagkaon naka- kuaw sa iyang dugò, nakapadaut sa iyang buót ug, matud pa sa mga tawo, nakapasaka sa hangin ngadto sa iyang ulo. Tun- gúd niini, ang mga bukóbukó sa mga sakristán dili kaayo ma- tinò kon kanus-a magpuasa ang pari ug kanus-a magbusóg pag- ayo.
Ang bugtong kaaway niining gahúm kalagnon ni parì Salví, gahúm nga nagaungáw sa pagkalawasnon, maó ang Alferez, sumalà sa amò nang giingón. Ug giingón name nga bugtong niyang kaaway, kay, matud pa sa mga babaye, ang yawà naga- likáy uyamut kang parì Salví, kay usá ka adlaw nianà nga na- ngahas pagtintal kaniya, gidakóp, gigaid sa tiil sa katre, giligid ug latús sa iyang bakús ug dihâ na buhií sa gidangtan nag siyám ka adlaw.
Sumalà sa sangputan, ang tawo nga humán masayud niining tanán makig-away pa gayúd sa usá ka parì nga sama kang pari Salví, isipon nga labí pang mangil-ad kay sa mga alaut ug dilì mabinantayong mga yawà, ug ang Alferez angayán gayúd nga makaangkon niining palara. Ang iyang asawa, usá ka tigulang Pilipinhon nga kusóg mamintal sa nawóng, gingalan si Donya Consolación, apán laing ngalan ang itawág kaniya sa iyang bana ubán pang mga tawo. Tungúd sa mga kaguól sa, kaminyoon nga iyang giantus, ang Alferez mag-utas lamag huboghubog, pagasakiton ang iyang mga sakop sa pagpasinundaló nga maga- bulád sa init samtang siyá magapasilong sa landong, ug masub- sob mahitabo ng ligiron niya'g bunal ang iyang asawa nga, bisan
