―Oo,―matud sa tigulang ―nahinumdom ako nga adunay bató sa tupád; ang lubnganan dili kaayo taás; hiatolán nga ang maglulubong nagmasakitón ug maóy mikalot sa lungág ang usá ka sinuholan; apán pangutan-on ta kanâ siyá kon hain na karón kadtong krús.
Nanuol silá sa maglulubong nga nagpamináw kanila.
Ang maglulubong mitukás sa iyang takukong.
―Makatug-au ka ba kanamò kon hain kadto dapit ang lub- nganan nga aduna nganì usá ka krús? ―nangutana ang suluguón.
Ang gipangutana mitan-aw sa dapit nga gitudlò ug mihinuk- tok makadiyót.
¿Kadtong may krús nga daků?
―Oo, kadtong may krús nga dakû ― mitangdò nga nalipay ang tigulang ug mitan-aw kang Ibarra nga nalipay usáb.
¿Krús ngani nga kinulitan ug tinakgus sa uwáy? ― mibalik pagpangutana ang maglulubong.
―¡Oo, maó kanâ; ingón nganì nianà! ― ug ang suluguón mibadlis sa yutà usa ka krús.
―Ug sa ibabaw sa lubnganan aduna ngani mga bulak nga gipananúm?
―¡Mga adelpa, sampagita ug ubán pa! ... ¡Oo, maó kanâ! ― mipadayon ang tigulang nga nalipay uyamut ug gidalitan niyag tabakò ang maglulubong.
―Tug-ani kamí kon hain kadto dapít mahamutáng ug hain na usáb ang krús.
Ang maglulubong mikalot sa dalunggan ug mitubág nga nanghuyab:
―Ang krús... ¡akò nang gidaigan!
―¿Gidaigan?... ¿Nganong gidaigan mo man?
―Kay gisugò man akó sa kura nga dakúng buók.
―Kinsa man kanang kura nga dakúng buók? ―nangutana si Ibarra.
¿Kinsa? Ang kusóg mamunal, si Parì Garrote.
Si Ibarra mihikap sa iyang agtang.
―Apán dagway makatug-an ikaw kanamò kon hain dapít kadtong lubnganan; tingali nahinumdom ka gayúd nianà.
Ang maglulubong mipahiyúm.
―¡Ang minatáy walâ na dihâ! ― mitubág.
―¿Unsay gingón mo?
