zidanto di ca korporaciono havis nur un zorgo : celar (kaŝi) maxime posible a sa kolegi la reformi propozita, e mem impedar ili konocar oli ed informesar, quo esis ya lia devo. Ne esas do astonanta, ke la Perua Esperantista Societo adheris a la protesto di Paris-Esperanto. Sed ni savas anke, ke tala protesti, obtenita per ruzo e trompo, havas nula valoro, e ke la sama personi, qui subskribis li, retraktas li, kande li fine saveskas la verajo. Mem li divenas tante plu reformema, quante plu li esis trompata. Co eventos certe So Villareal, e ni expektas paciente e simpatie sa konverto a « plu bona Esperanto ».
Korespondens internasional. —Sub ica titolo So Adam Miller, Esperantisto konvertita ad Idiom Neutral, publikigas monatala jurnaleto autografita de la monato marto 1908, a qua kunlaboras diversa autori en diversa lingui. — 1a no : marto. — Lingu Universal e profesori linguisti, da So Rosenberger. La temo esas la artiklo di nia kolego So Baudouin de Courtenay : « Spesiale di Esperanto il dik, ke it es ankor distant da ideal linguistikal, ma it av preferadi praktikal komparu lingui universal artifisial leplu mult, kausu : 1. it no es tro eksklusive roman; 2. it no es tro artifisial…. Relativu grad admitand de artifisialitet, on potesero sempre diskutar. Ma relativu karakter roman, on potes afirmar ke LU. deb esar plu roman ka Esperanto kausu sekuantkos : LU. deb esar funded su paroli internasional; ma kuasi omni paroli internasional es paroli roman; ekstr it, kelk formi gramatikal internasional es roman; sikause karakter general roman pro LU. es inevitabl… Ma S. Zamenhof, autor genial de Esperanto, introdukav arbitrare elementi german, slav e grek… » Hike So Rosenberger memorigas la argumenti di Dro Molenaar por la homogeneso di la L I. Sed il bone montris la kauzo di la necesa dominaco di la romanal elementi en L I.; e co respondas a malbonvola kritikanti di E S. qui riprochas ad ol sa romana karaktero, ne vidante, ke ja E P. meritas la sama riprocho en la sama grado[1].
Di Idiom Neutral, da J. B. Pinth : l’autoro, ex-Volapükisto, esas Neutralisto, sed reformema : il ne aprobas la nuva ortografio propozita da So Rosenberger, pro ke ol esas tro komplikita : co esis exakte la judiko di nia Komitato. Il publikigas texti komparebla en Neutral ortodoxa ed en sa Neutral reformita. La precipua chanjo esas la vicigo di k per c avan a, o, u.
Penses super l labores de l delegation, da So de Wahl. Ca artiklo kontenas nur malbonvola komenti, suspekti e akuzi sen ula pruvo kontre la membri di nia Komitato. Konforme a nia programo, ni ne diskutos hike tala aserti. Ni rimarkos nur, ke So de Wahl akuzas nia Komitato esar tro esperantista! Co ne esas forsan l’ opiniono di la
- ↑ Ni pruvos ico nerefuteble per statistiko en la proxima numero.
