« vokabular es plu a posteriori e plu internasional ka tel de Esperanto, e multe proksim de tel de I. N. » Ol esperas, ke nia konstanta Komisitaro povos interkonsentar kun « Akademi internasional de Lingu universal », memorante rusa proverbo : « Stupidi ruin e mortifik unotr, ma prudenti am e sukurs unotr ». (Ni dicas : « La stupidi ruinas e mortigas unaltra, sed la prudenti amas ed helpas[1] unaltra »). Tala esas anke nia penso.
La sama numero kontenas la Proyekt de Idiom Neutral reformed (1907), quan So Rosenberger prezentis manuskripte ad nia Komitato. Ni diskutos ol forsan pose, kande ni havos plua loko. Ni mencionas nur, ke ol semblis ad la Komitato tro komplikita precipue en la ortografio, qua, por konservar la aspekto di la vorti internaciona, violacas la principo di uniformeso di sono : « c ante e, i, y s dur... c ante a, o, u, ante konsonanti e in fini de paroli k ». Analoga reguli esas donata por g ed s. Cetere, co esas grava laboro, qua meritas granda atenco e zorga exameno. — So Rosenberger citas extraktaji ek sa korespondo kun So De Wahl, qua duktis il a sa reforma proyekto.
(Anu III, no 13; yanuar 1908). On raportas tre exakte pri la kunveno e decidi di nia Komitato, nur rigretante la sekreti konvencionita (ni anke rigretas li, nam ni esis tre malbone rekompensata pri la extrema komplezo, quan ni montris a kelka Esperantista chefi). On analizas la proyekto di Antido. So Rosenberger expozas « Detalii, in keli mi difer de Wahl ». Il diskutas precipue la questiono di la pronunco di la literi c, k, q, s, ti e z, qua esas « nia Gordiala nodo »; segun il, on ne povas ol solvar, on devas ol tranchar. E fakte, il tranchas ol, quale So de Wahl, per poke diferanta sistemo, adoptante du soni por singla ek la literi c, g, s. Co esas, teorie, violaco di la granda principo di uniformeso, e praktike grava kompliko e konseque malfaciligo di la linguo por omna populi, qui ne kustumas facar tala nelogika distingi en la pronuncado di sua propra lingui. So Rosenberger esas justa, volante exkluzar ek la L I. la sono « ne internaciona » kh (D. ch). Se il studyos la vortaro di Ido, il konfesos, ke ica ne tranchis, sed solvis la Gordiala nodo per la max kontentiganta maniero, respektante la principo di uniformeso.
Universal-Korespondenz di So Molenaar (no 5-8, 1908) « protest » kontre la decido di nia Komitato, e kontre sa kompozo ipsa, tro favoroza, segun il, ad Esperanto (co ne esas l’ opiniono di la konservemi!). Ol publikigas « Inovazioni in Universal », e « Kritik de altr sistemi », nome Idiom Neutral, Novilatin, Nuove-Roman, Latino sine
- ↑ Ni havas anke la verbo sokursar, sed kun altra senco kam helpar.
