migata pri li da la nefortunoza traiti di lia strukturo, qui esas tam evidenta kam la jorno ; or la skopo esas atraktar omni.
O. Mem se la propozita chanji esus plubonigi, esas plu avantajoza havar min bona linguo reale konocata da multi, kam perfekta qua uzesas da nulu. — R. Ico povus havar kelka graveso, se Esp. esus ja ganinta tanta difuzeso, ke ol povus uzesar kun omna stranjeri kun qui on povas relateskar ; ma to esas kompreneble for la fakto.
O. De kande l’Esperantisti cesis parolar pri reformi, lia linguo facis konstanta progreso. — R. Hike on intermixas kauzo e tempo. La progreso esus esinta multe plu granda, se on esus eskartinta de sa voyo la max malbona shoko-stoni.
O. La reformanti povos nultempe konsentar pri to quo esas chanjenda. — R. Kontrale, omna kritiki di Esperanto facita til ica tempo esis direktata kontre la sama punti, e pri la moyeni remediar ta difekti existis anke esencala uneso.
O. Se unfoye on komencas rapecar Esp., ol falos en peci, quale Volapük. — R. Nulo tala povos ultempe eventar, nam multo en sa strukturo esas tante racionala, ke ol suportos la reformo. La tasko esas extensar sistematre la fundamentala principi, qui dominacis generale, ed aplikar oli a ta punti, en qui Zamenhof sequis arbitriala voyo, vice fixa principi.
O. Esas max bona nun, en la propagala periodo, inspirar fido a la publiko per fermeso ed uneso. Kande la temo esos tale atinginta la punto, en qua la guvernantari prenos ol sur su, li povos institucar internaciona komisitaro, por remediar la difekti. — L’uneso, mem nun, esas nur semblo sen realeso. Vi agus multe plu saje, igante la linguo ja nun tam perfekta kam posible ; lor la chanci por olsa adopteso, unesme da la publiko, e pose da la guvernantari, esus multe plu granda, kam se vi laboras por nur un formo di linguo, dum ke existas altra evidente plu bona.
Aktivo, pasivo [DEFIS] D. Aktiva, Passiva ; E. assets, debts (liabilities) ; F. actif, passif ; I. attivi, passivi ; S. activo, pasivo. — Ica du vorti semblas necesa en la komercala senco, nam nek havajo, nek debajo esas justa expresuri. Nule esas timenda, ke on intermixez ta senco kun la gramatikala o kun altra teknikala senco.
Berberis-o, ‑yero (botan.) [DEFIRS] D. Berberitze, Berberi-
