264
amin a babaknang ken adda sursuro na..., ket dalusan ti pagilian!
—No saanak a dimteng daras a nangibalakad iti panaginayad da, —innayon ni Padre Irene, nga inbaga ken Kapitan Tiago, — awan, duadua nga ita, agay-ayos kuman ti dara kadagiti lanlansangan. Dakayo ti innak linaglagip, Kapitan. . . Ti gunglo dagiti napudot ti panagdardarana awan kasano a nagun-udda iti Jeneral, ket napalalo a leddaang da iti kawan ni Simoun. . !A! no di la nagsakit ni Simoun. . .!
Gapo iti pannakabalod ni Basilio ken iti inda panangsukain kadagiti pagpagbasaan ken pappapel na, ni Kapitan Tiago adadda a limmalo. Ita, umay ngad la ni Padre Irene a mangnayon iti kigtot na kadagiti nakabutbuteng a sarsaritana. Immapay iti daydi daksanggasat ti di masao a buteng, a idi damo na, inna pinagpigerger bassit ket iti nabiit, limmalo a limmalo ingga na iti di nakasao. Iniggamanna ti takiag ni Padre Irene, a simumulagat dagiti matmata na, nadigos iti linget ti rnuging na, kinayatna ti bimmangon, ngem dina nabalinan, ket naipaidda a sibabantot iti pungan na, nga immibbet iti dua nga ungor. Ni Kapitan Tiago simumulagat dagiti matmata na ket agkatkatay: natayen gayam. Iti napa lalo a buteng ni Padre Irene, nagtaray, ket gapo ta nagkissiwan daydi bangkay, idi ta nagtaray, naguyudna a naitapuak iti idda na, ket inna binay-an iti tengnga ti siled.
Iti rabii, ti kigtot dimmanon iti kapigsaan na. Addada naar-aramid a namagatap kadagiti managbutbuteng iti kaadda dagiti naibaon a mangaron iti gulo.
Gapo ta adda maysa a buniag, adda nagipuruak iti kuarta kadagiti ububbing, ket kas kadawyan, adda rimsua nga ariwawa iti ruangan ti simbaan. Nairana met ket di, a limmabas sadiay ti maysa a narungsot a soldado, a, gapo ta madandanagan bassit inpagarupna nga aramid dagiti pilibustero daydi, ket inasutna ti sable nan a pinagbatbat kadagiti ubub bing. simbrek iti simbaan, ket no saan a naisabit iti dalingding nga agbibitin iti koro, awan ngata kuma ti tineddana iti uneg ti sinan tattao nga adda ulo na. Ti pannakakita itoy dagiti managbutbuteng ken ti inda panagtaray a nangiwaras a nangrugin ti gulo, apagdarikmat ti inna pannakaaramid. Naripkanda a sipapardas dagiti babassiten a paglaklakuan a silulukat pay laeng, addada in-insik a nakabati iti ruar ka dagiti ninaynayon a luplupot, ket saan a bassit dagiti babbai a nakapukaw kadagiti sinsinelas da idi nagtarayda ka dagiti lanlansangan. Naimbag ket di ta may-maysa laeng ti rimsua a nadanar ken sumagmamano a nadungdunggiaran,
