Se̿ng-géng/Mǎ-tuo̿i Hŭ-éng/10
[ 25 ]
Di̿ 10 Cióng.
- Iǎ-Sú ciū hǎng sí-nī-ciă hă-sáing lâ̤, nà gṳ̌ing-ba̿ng nă gṳ̀ ŏ̤ dāi-tiāu gṳ̌, í hǎu gŏ̤ iōng gâ̤ bāng-kǔ.
- ¶ Sí-nī-ciă sǎ̤-dǔ gâ̤ miâng gi̿ da̿u à-bíng: Tê cì-ciă sī Sái-mô̤ng, ǐ hǎng ca̿ Bǐ-dă̤, iáu gṳ̀ hiáng-dī Úing-dă̤-liĕ; Sái-bǐ-tuo̿i gâ̤ gṳ̌ing Ngǎ-gŏ̤, iáu gṳ̀ gâ̤ hiáng-dī Iŏ̤-hu̿ing;
- Hǐ-lì, Bǎ-dó̤-lô̤-mǎi; Dó̤-mǎ, siú-sṳe̿ gâ̤ Mǎ-tuo̿i; Ngā-là̤-hǐ gâ̤ gṳ̌ing Ngǎ-gŏ̤, iáu Duŏi-tuo̿i.
- Sái-mô̤ng ǐ hǎng ca̿ chiĕ-séng; gu̿ iǔ māi Iǎ-Sú gâ̤ Gá-liŏ̤ nêng, Iǔ-duōi.
- Iǎ-Sú hǎng iŏ̤ng sí-niē nêng ko̤̿, gáu-dō gṳ̀, uā, Biē-gŏ-nêng gâ̤ diō̤ nì ēng niōng giǎng, Să-mǎ-lī-ngā nêng gâ̤ sêng-dǐ iǎ ēng niōng di̿ ko̤̿.
- Ga̿ing niōng ko̤̿ Ì-să̤-liĕ ŭ cì cù mǎu-tiāu gâ̤ iông-di̿ ko̤̿. [ 26 ]
- Ko̤̿ gâ̤ sî-hē, gu̿ niōng gǒ̤ng-dàu, gō̤-uā, Tíng gŏ tǎu da̿u.
- Iǔ bāng gâ̤, ciū ta̿i gṳ̀ í hǎu, iǔ nêng sǐ-tiāu, ciū hiāu gṳ̀ sáng kǐ lâ̤, bāng-tuǒi gâ̤, ciū nà gṳ̀ lōng lâi-lī, iǎ niōng dāi-tiāu gṳ̌, nì bā-bā-di̿ dă̤ lâ̤ gâ̤, iǎ niōng bā-bā-di̿ bṳ́ing nă nêng.
- Nì iáu-duo̿i-di̿ ēng niōng ga̿ géng, ngê̤ng, iáu dǒng cîng.
- Giǎng diō̤ ēng niōng duo̿i iè-sī-dō, ēng niōng duo̿i liòng séng í-ciông, ēng niōng duo̿i ǎi iáu tiōng-ciě: éng-ṳē ca̿-dī nêng dă̤-diō̤ mî-dī iè, sī e̿ng-gái gâ̤.
- Nì mǎu-lō̤ng da̿u nī cì sêng, nī cì hióng, niōng cǎ-mōng ŭ-di̿ sū nêng sī hǎu nêng; ciū hā gṳ̀ gâ̤ chio̤̿-di̿ gṳè-diū cì-dā̤ da̿u ko̤̿ gâ̤ sî-hē.
- Nì nêng gâ̤ chio̤̿, ciū ta̿i gṳ̀ giǔ běng-úing.
- Iŏ̤ng chio̤̿ lâ̤ e̿ng-gái dă̤, ciū nă nì giǔ gâ̤ běng-úing da̿u gṳ̀ ŭ-di̿, lâ̤ ēng e̿ng-gái dă̤, ciū nă nì giǔ gâ̤ běng-úing gṳ́ nì cù-cī.
- Mǎu-lō̤ng sū-mū nêng ēng ciĕ-duòi nì, ēng tia̿ng-nī nì gâ̤ dī, nì chṳ̆ ŭ chio̤̿, iáu ŭ sêng gâ̤ sî-hē, ciū niōng pǐng-tiāu nì káu-di̿ gâ̤ dêng-hó.
- Uòi ì-cài iáu nì uā, Da̿u lò̤ sěng si̿-gáing nêng gâ̤ nì-ciě, Sǔ-dó̤-mǎ, Ngǒ̤-mǒ̤-là siū gâ̤ hěng-huă, piāng ŭ sêng siū gâ̤ hěng-huă gu̿ kiáng.
- ¶ Uòi hǎng nì ko̤̿, su̿-siōng iông iáu cǎi-lǒ̤ng mà bó̤ng: gu̿-chu̿ nì niōng chóng-měng su̿-siōng ṳê, lǎu-sĭ su̿-siōng bà-gŏ̤.
- Lâ̤ niōng bǒ̤ng-bī nêng: éng-ṳē gṳ̀ ŏ̤ nà nì gáu nă góng-hō, da̿u lǐ-ba̿i-dǒ̤ng nà bíng mà nì.
- Éng-ṳē uòi gâ̤ dī, nì gu̿ ŏ̤ nă nêng so̿ng da̿u uǎng-di̿, cǒng-dŭ mīng-chîng, ca̿ gúing-ce̿ng nă gṳ̀ iáu biē-gŏ-nêng dă̤-dí.
- Nêng nà nì gáu ko̤̿ gâ̤ sî-hē, ēng niōng huáng-iě dī niōng gōng-ciōng-iōng uā: da̿u ŭ sî-hē cǒng ŏ̤ nă nì dă̤-dí niōng gōng-ciōng uā. [ 27 ]
- Éng-ṳē ēng sī nì cù-cī uā, sī nì Dá gâ̤ Sěng da̿u nì séng-dǐ uā.
- Da̿u ŭ sî-hē hiáng-dī ŏ̤ nà hiáng-dī, dá ŏ̤ nà gṳ̌ing gáu nă nêng huōi-sǐ; gṳ̌ing iáu dá-nǎi ŏ̤ bi̿ng ca̿ do̿-tê kǐ lâ̤, nà gṳ̀ nă nêng huōi-sǐ.
- Nì éng-ṳē uòi gâ̤ miâng ŏ̤ nă duōi-gá-nêng hāing: cǒng-lâ̤ cì-bĭ-dā̤ da̿u sṳē-mṳě, dú géng-dă̤ mô̤-nāi, iŏ̤ng nêng ciū ŏ̤ dă̤ giù.
- Ní da̿u iŏ̤ng sêng nă nêng bĭ-là̤, ciū cě hā ŭ sêng-di̿ ko̤̿: uòi ì-cài iáu nì uā, Ì-să̤-liĕ gŏ gâ̤ sêng, nì gu̿ ēng-nǎing giǎng-te̿, nêng gâ̤ Gṳ̌ing sáing ŏ̤ da̿u làu.
- ¶ Hă-sáing mài piāng síng-sáing ga̿ing duōi, nû-gě mài piāng cṳ̌-nêng ga̿ing duōi.
- Hă-sáing iáu síng-sáing ĭ-búing, nû-gě iáu cṳ̌-nêng ĭ-búing, ciū kāu-lāu lò̤. Nêng lâ̤ hǎng-gua̿ gá-cṳ̌ ca̿ Piĕ-sái-pŭ, ga̿ing ŏ̤ iŏ̤ng-gă̤-sĭ hǎng gṳ̀ chio̤̿-di̿ gâ̤ nêng.
- Gu̿-chu̿ nì ēng niōng giáng gṳ̀-huo̿i-nêng: éng-ṳē ko̤̿ng-diū gâ̤ dī dú ŏ̤ hīng chṳ̆ lâ̤: mûing-diū gâ̤ dī dú ŏ̤ nă nêng dă̤-dí.
- Uòi càng-càng-di̿ háu nì gâ̤ dī, nì niōng měng-da̿-měng uā chṳ̆ lâ̤: nì nèng-ciě mŏ̤-diū tia̿ng-nī lâ̤ gâ̤ dī, ciū niōng da̿u chio̤̿ ciōng-bíng duōi siáng uā chṳ̆ lâ̤.
- Huōi-sǐ séng-tǐ, mǎu-nǎing-ge̿ huōi-sǐ le̿ng-ô̤ng gâ̤, ēng niōng pa̿ gṳ̀: iǔ-nǎing-ge̿ nà séng-tǐ iáu le̿ng-ô̤ng dú miè-tiāu da̿u dī-ngṳ̀-di̿, ga̿ing niōng pa̿ gṳ̀.
- Liòng-tê mâu ciā-ciě bŭ-gua̿ lâ̤ māi-dă̤ cì huó̤ng ngê̤ng. Lâ̤-ēng-sī nì tíng ciōng gâ̤ Dá gâ̤ séng-i̿, cì-tê iǎ mài dō̤ng hā diá-di̿.
- Ciū-sī nì gâ̤ tê-mâu cì-ǎng, cí-ǎng, iǎ dú su̿-gua̿ làu.
- Gu̿-chu̿ ēng niōng giáng: nì cǒng piāng cèng cāi mâu ciā-ciě ga̿ing dì-cîng dă̤ cāi.
- Mǎu-lō̤ng sū nêng hā nêng mīng-chîng nēng uòi, uòi hā uói tíng ciōng gâ̤ Dá mīng-chîng iǎ ŏ̤ nēng gṳ̀.
- Hā nêng mīng-chîng ēng nēng uòi, uòi hā uòi tíng ciōng gâ̤ Dá mīng-chîng iǎ ēng nēng gṳ̀. [ 28 ]
- Nì ēng niōng siǒng uòi lâ̤, sī lōng si̿-gáing nêng uǎ-mŭ, uòi lâ̤, ēng sī lōng si̿-gáing nêng uǎ-mŭ, sī lōng si̿-gáing nêng dǒ̤ dáu sióng-cáing.
- Éng-ṳē uòi sī lâ̤ lōng gṳ̌ing iáu dá mài hō̤, á-niông-gṳ̌ing iáu nǎi mài hō̤, séng-bṳ̀ iáu mǎ-mǎ mài hō̤.
- Da̿u ŭ sî-hē nêng gâ̤ do̿-tê, ciū-sī cù-cī chio̤̿-di̿ gâ̤ nêng.
- Nêng lâ̤ o̿ dá-nǎi iâng-gua̿ o̿ uòi, mài ca̿-dă̤ uòi gâ̤ hă-sáing: o̿ nâng-nṳ̌-gṳ̌ing iâng-gua̿ o̿ uòi, mài ca̿-dă̤ uòi gâ̤ hă-sáing.
- Ēng guòi-diū sí-cī-ga̿ gáing uòi, iǎ mài ca̿-dă̤ uòi gâ̤ hă-sáing
- Nêng lâ̤ dă̤-diō̤ sáng-miāng cǒng ŏ̤ mǎu-tiāu sáng-miāng; éng-ṳē uòi mǎu-tiāu sáng-miāng cǒng ŏ̤ dă̤-diō̤ sáng-miāng.
- ¶ Ciĕ-duòi nì, ciū-sī ciĕ-duòi uòi, ciĕ-duòi uòi, ciū-sī ciĕ-duòi hǎng uòi lâ̤ gâ̤ Dá.
- Iǔ nêng ciĕ-duòi síng-dí éng-ṳē gṳ̀ sī síng-dí, ciū ŏ̤ iáu síng-dí câi dă̤-diō̤ siǒng gṳ̀ gâ̤ dī; iǔ nêng ciĕ-duòi ngī-nêng éng-ṳē gṳ̀ sī ngī-nêng, ciū ŏ̤ iáu ngī-nêng câi dă̤-diō̤ siǒng gṳ̀ gâ̤ dī.
- Uòi děng siǎu gâ̤ hă-sáing dǐ-bíng, iǔ nêng lâ̤ nà cì é che̿ng sṳ̌ nă cì-ciă iè, éng-ṳē gṳ̀ sī hă-sáing, uòi ì-cài iáu nì uā, iŏ̤ng nêng cǒng ŏ̤ dă̤-diō̤ siǒng gṳ̀ gâ̤ dī.