Ban/Gaguritan Gde Upeksa

Deskripsi

Bahasa Indonesia

Lontar ini berisi tentang kumpulan geguritan seperti Dangdang, pupuh Smarandhana,pupuh Durma,pupuh Pangkur, Sinom dan lain-lain yang mengisahkan cerita hidup I Gde Upeksa, Sang Prabhu Danawa, hingga cerita Sang Pandawa Arjuna, Bhima dan lain-lain serta keturunannya yakni kisah Gatot Kaca

Naskah

[ 1 ][Judul: GAGURITAN GDE UPEKSA.
Pnj.40 cm.Lb.3,5 cm.Jl.87 lb.
Asal: Bugbug, Karangasem.
I/G
PERPUSTAKAAN
KTR. DOKBUD BALI
PROP. BALI
G/VII/5/DOKBUD]
[᭑ 1A]
[G/VII/5
Judul: GAGURITAN GDE UPEKSA.
Pnj.40 cm.Lb.3,5 cm.Jl.87 lb.
Asal: Bugbug, Karangasem.] [ 2 ][᭑ 1B]
᭑
᭚ᬑᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬤᬀ᭚ᬧᬸᬧᬸᬄᬚᬶᬦᬤ᭚ᬲᬓᬶᬂᬳᬶᬲᭂᬂᬫᬦᬄᬢᬶᬢ᭄ᬬᬂ᭞ᬫᬭᬶᬓ᭄ᬲᬢ᭄ᬯᬦᬦᬓ᭄ᬮᬶᬗ᭄ᬲᬶᬃ᭞ᬳᬗ᭄ᬕᬾᬦ᭄ᬗᬮᬷᬮᬬᬂᬫᬦᬳ᭄᭞ᬓᬲᬸᬓᬦᬾᬓ᭄ᬦᬶᬭᬸᬭᬸᬳ᭄᭞ᬦᬾᬫᬤᬲᬃᬤᬰᬾᬦ᭄ᬤ᭄ᬭᬶᬬ᭞
ᬳᬶᬯᬂᬧᬶᬮᬶᬄ᭞ᬓᬤᬾᬦ᭄ᬰ᭄ᬭᬬᬓᬦ᭄ᬢ᭄ᬬᭀᬢ᭄ᬢᬫ᭟ᬦᬗᬃᬤ᭄ᬥᬶᬦᬶᬦ᭄ᬢᬶᬢ᭄ᬬᬂᬲᬤ᭄ᬬ᭞ᬧᬢᬶᬳᬸᬭᬶᬧᬾ᭠ᬳᬶᬃᬓᬶ᭞ᬧᬸᬦᬶᬓᬓ᭄ᬦᬶᬲᬭᬢᬂ᭞ᬳᬗ᭄ᬕᬾᬦ᭄ᬩ᭄ᬭᬬᬢᬺᬱ᭄ᬡᬮᬸᬮᬸᬢ᭄᭞ᬤᬤᭀᬲ᭄ᬦᬸᬗ᭄ᬕᬮᬶᬓ᭄ᬨᬮᬦ᭄ᬜ᭞ᬰ᭠
ᬢ᭄ᬭᬸᬰᬓ᭄ᬢᬶ᭞ᬓ᭄ᬭᬸᬭᬓᬭᬢᬦ᭄ᬧᬲᬫ᭟ᬫᬶᬚᬶᬮ᭄ᬗᭂᬦᬶᬦᬶᬧᬸᬦ᭄ᬗᬩᬭ᭄᭞ᬤᬾᬯᬾᬓ᭄ᬢᬶᬢ᭄ᬬᬗᬾᬓᬪᬰ᭄ᬫᬶ᭞ᬯ᭄ᬢᬸᬓ᭄ᬩᬸᬲ᭄ᬩᬭᬳᬸᬬᬂ᭞ᬧᬸᬮᬂᬧᬮᬶᬂᬫᬗᬮᬶᬫᬸᬄ᭞ᬢᬦ᭄ᬓᭀᬤᬕ᭄ᬢᬶᬢ᭄ᬬᬂᬦᬳᬦᬂ᭞ᬲᬦᬾᬫᬗ᭄ᬓᬶᬦ᭄᭞
ᬢᬦᬸᬭᬸᬂᬫᬗ᭄ᬕᬶᬄᬦᬭᬓ᭟ᬫᬶᬚᬶᬮᬦ᭄ᬤᬸᬲ᭄ᬫᬳᬶᬦ᭄ᬧᬸᬓᬦ᭄᭞ᬇᬋᬗᬶᬗ᭄ᬕᭂᬮ᭄ᬓᬤᬶᬫᬗ᭄ᬲᬶ᭞ᬗᬮᬶ᭠ᬧᬸᬢ᭄ᬭᬕᬰᬭᬀᬭ᭞ᬤᬤᭀᬲ᭄ᬗᬃᬤ᭄ᬥᬶᬧ᭄ᬢᭂᬗᬶᬩᬸᬢ᭄᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭞ᬤᬸᬭᬸᬲ᭄‌ᬗ᭄ᬫᬲᬶᬦ᭄᭞ᬧᬢᬶ
[᭒ 2A]
ᬫᬸᬭᬸᬕ᭄ᬗᬋᬋᬄᬫᬃᬕ᭄ᬕ᭟ᬓᬤᬸᬮᬸᬭᬶᬦ᭄ᬭᬚᬄᬢᬫᬄ᭞ᬫᬍᬓᬢᬶᬧᬸᬦ᭄ᬢᬺᬱ᭄ᬡᬳᬶᬦ᭄᭞ᬯ᭄ᬢᬮᬓ᭄ᬱᬡᬦᬾᬜᬶᬫ᭄ᬧᬂ᭞ᬫᭀᬫᭀᬫᬹᬃᬓ᭄ᬓᬍᬗᬶᬢ᭄ᬢᬫ᭄ᬩᬄ᭞ᬧᬸᬮᬂᬧᬮᬶᬂᬫᬮᬓ᭄ᬱᬡ᭞ᬢᬦ᭄ᬗᬶᬢᬸᬗᬶᬦ᭄᭞ᬧᬶᬢᬸᬢᬸᬃᬜᬫ
ᬦᬾᬢᬺᬱ᭄ᬡ᭞ᬫᬗ᭄ᬓᬶᬦᬶᬧᬸᬦ᭄ᬤᬰᬾᬦ᭄ᬤ᭄ᬭᬶᬬ᭞ᬗᬫᬹᬓ᭄ᬢᬦ᭄ᬓᭂᬦᬶᬳᬮᬗᬶᬦ᭄᭞ᬫᬗᬕᭂᬫ᭄ᬲᬃᬯ᭄ᬯᬲᬜ᭄ᬚᬢ᭞ᬓᬤᬶᬳᬚᬶᬮᬦ᭄ᬥᭂᬧᬶᬧᬸᬦ᭄᭞ᬜᬜᬧ᭄ᬫᬓᬶᬮᬢ᭄ᬤᬸᬫᬶᬮᬄ᭞ᬫᬦᬶᬩᬦᬶᬦ᭄᭞ᬤᬾᬯᬾᬓ᭄ᬢ᭄ᬬᬂᬫᬢᬢᬸᬭᬳᬢ᭄᭟᭠
ᬳᬤᬸᬄᬳᬤᬸᬄᬫᬢᬳᬦᬦ᭄᭞ᬓᬮᬶᬦ᭄ᬢᬂᬫᬦᬦ᭄ᬤᬂᬓᬦᬶᬓ᭄᭞ᬢᬸᬮᬸᬂᬢᬸᬮᬸᬂᬗᬫᬾᬤᬾᬯ᭞ᬢ᭄ᬯᬭᬓᭀᬳᬓ᭄ᬫᬗ᭄ᬭᬸᬗᬸ᭞ᬤᬸᬭᬸᬲ᭄ᬲᬓᬶᬢ᭄ᬧᬤᬶᬤᬶᬬᬦ᭄᭞ᬲᬶᬭᬫᬗ᭄ᬓᬶᬦ᭄᭞ᬲᭂᬮ᭄ᬲᭂᬮ᭄ᬯᬳᬸᬦᬦ᭄ᬤᬂᬮᬭ᭟ᬫᬭᬗ᭄ᬭᬲ᭠
ᬓᬲᬓᬶᬢᬦ᭄᭞ᬗᬾᬩ᭄ᬭᬲᬂᬤᬾᬯᬾᬓ᭄ᬫᬓᬶᬦ᭄ᬓᬶᬦ᭄᭞ᬫᬗᬺᬋᬄᬢᬫ᭄ᬩᬫᬶᬍᬳᬦ᭄᭞ᬲᬓᬶᬢ᭄ᬢᬶᬢ᭄ᬬᬂ᭠ᬦᬦ᭄ᬤᬂᬢᬢᬸ᭞ᬢ᭄ᬯᬭᬯᬾᬦ᭄ᬢᭂᬦᬓ᭄‌ᬳᭀᬮᬲ᭄᭞ᬫᬦᬫ᭄ᬩᬦᬶᬦ᭄᭞ᬢᬸᬮᬸᬲ᭄ᬲᬗ᭄ᬲᬭᬢᬶᬩᬦᬦ᭄᭟ᬓᬸᬤ᭄ᬬᬂᬢᬶ᭠ [ 3 ][᭒ 2B]
᭒
ᬢ᭄ᬬᬂᬜᭂᬮ᭄ᬲᭂᬮᬯᬓ᭄᭞ᬳᬶᬯᬂᬢᬶᬢ᭄ᬬᬗᬾᬫᬫᬶᬮᬶᬄ᭞ᬩ᭄ᬯᬢ᭄ᬗᬺᬋᬄᬲᬦᬾᬲᬤ᭄ᬬ᭞ᬤᬤᭀᬲ᭄ᬦᬭ᭠ᬓᬢ᭄ᬝ᭞ᬩᭀᬬᬲᬓᬶᬗᬦᬓ᭄ᬮ᭄ᬬᬦ᭄᭞ᬦᬾᬗᬃᬤ᭄ᬥᬶᬦᬶᬦ᭄᭞ᬦ᭄ᬫᬸᬳᬸᬭᬶᬧ᭄ᬓᬲᬗ᭄ᬲᬭᬦ᭄᭟ᬢᬦᬸᬭᬸᬗᬦ᭄ᬧ᭠
ᬘᬂᬧ᭄ᬚᬄ᭞ᬲᬚ᭄ᬭᭀᬦᬶᬂᬢᬶᬢ᭄ᬬᬂᬫᬳᬸᬭᬶᬧ᭄᭞ᬓᬸᬤᬸᬚᬓ᭄ᬢᭀᬲᬂᬍᬕᬬᬂ᭞ᬜ᭄ᬚᬦ᭄ᬢᭀᬲ᭄ᬢᬫ᭄ᬩᬲ᭄ᬯᬾᬘ᭄ᬘᬦ᭄ᬲᬸᬳᬸᬂ᭞ᬫᬦᬯᬶᬲᬶᬤ᭄ᬥᬓᬮᬸᬓᬢ᭄᭞ᬲ᭄ᬤᬦᬳᬶᬦ᭄᭞ᬳᬲ᭄ᬢᬶᬢᬶᬫᬫᬹᬚᬲᬂᬳ᭄ᬬᬂ᭟ᬯᬦ᭄ᬢᭂᬦ᭄ᬧᬶᬭᬕ᭄ᬬᬂᬢᬶᬢ᭄ᬬᬂ᭞ᬧ
ᬗᬦ᭄ᬤᬶᬓᬦᬦᬓ᭄ᬮᬶᬗ᭄ᬲᬶᬭ᭄᭞ᬫᬯᭂᬄᬫᬦ᭄ᬤᬺᬱ᭄ᬝᬶᬫᬵᬦᬸᬱ᭞ᬭᬶᬂᬫᬺᬘᬧᬤᬫᬦᬸᬭᬸᬦ᭄᭞ᬤᬳᬢ᭄ᬲ᭄ᬭᬶᬧᬶᬢ᭄ᬫᬤᬸᬃᬕ᭄ᬕᬫ᭞ᬓ᭄ᬭᬩᬧᬮᬶᬂ᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭟ᬕᬕᭀᬤᬦᬾᬩᬲ᭄ᬓᬮᬶᬯᬢ᭄᭞ᬓ᭄ᬦᬶᬲᬗ᭄ᬮᬧ᭄ᬤᬕᬶᬂ
ᬕᬸᬫᬶ᭞ᬲᬦᬾᬩ᭄ᬘᬶᬓ᭄ᬓᬤᬾᬦ᭄ᬓᬯᭀᬦ᭄᭞ᬲᬗ᭄ᬓᬦ᭄ᬧᬮᬶᬂᬢᬶᬢ᭄ᬬᬂᬗ᭄ᬭᬸᬭᬸᬄ᭞ᬓᭀᬘᬧ᭄ᬢᬢᬸᬚᭀᬦ᭄ᬫᬜ᭄ᬚᬦ᭄ᬫ᭞ᬫᬜᬮᬶᬦᬶᬦ᭄᭞ᬮᬓ᭄ᬱᬡᬳᬮᬳᬶᬦᬸᬘᬧ᭄᭟ᬮᬓ᭄ᬱᬡᬥᬃᬫ᭄ᬫᬲᬭᬢᬂ᭞ᬳᬗ᭄ᬕᬾᬦ᭄‌ᬗᬼᬩᬸᬃᬳᬶᬯᬂ᭠
[᭓ 3A]
ᬫᬗ᭄ᬓᬶᬦ᭄᭞ᬲᬧᬸᬦᬶᬓᬓᬩᬯᭀᬲᬂ᭞ᬳᭀᬮᬶᬄᬲᬂᬫᬭᬕᬧᬸᬢᬸᬲ᭄᭞ᬲᬂᬲᬵᬫ᭄ᬧᬸᬦ᭄ᬫᭀᬮᬶᬳᬂᬥᬃᬫ᭄ᬫ᭞ᬢᭂᬢᭂᬲᬸᬦᬶᬂ᭞ᬫᬤ᭄ᬫᬶᬰᬢ᭄ᬭᬸᬭᬶᬂᬭᬕ᭟ᬯᬳᬸᬢᬶᬢ᭄ᬬᬂᬗᬋᬲᭂᬧᬂ᭞ᬯᬥᬦᬦᬶᬤᬲᬂᬥᬃᬫ᭄ᬫᬶ᭞ᬫᬭᬶᬰᬸᬤᬲ
ᬲᭀᬮᬳᬦ᭄᭞ᬮᬓ᭄ᬱᬡᬓᬳᭀᬦ᭄ᬢᬦ᭄ᬧᬢᬹᬢ᭄᭞ᬲᬓᬶᬂᬓ᭄ᬤᭂᬄᬫᬜᬭᬢᬂ᭞ᬫᬗᭂᬦ᭄ᬢᭀᬲᬶᬦ᭄᭞ᬲᬓᬶᬂᬭᬳᬬᬸᬮᬓ᭄ᬱᬡ᭟ᬧᬫᬤᭂᬫᬶᬤᬰᬾᬦ᭄ᬤ᭄ᬭᬶᬬ᭞ᬲᬓᬶᬂᬫᬦᬄᬓᭀᬘᬧ᭄ᬳ᭄ᬭᬸᬢᬶᬦ᭄᭞ᬩᬸᬤ᭄ᬥᬶᬓᬾᬃᬢ᭄ᬢᬶᬦᬾᬮᬶ
ᬫ᭄ᬩᬓᬂ᭞ᬲᬜ᭄ᬚᬢᬫᬗ᭄ᬮᬕᬾᬰᬢ᭄ᬭᬸ᭞ᬦᬾᬯᬾᬦ᭄ᬢᭂᬦ᭄ᬤ᭄ᬭᭀᬦᬶᬂᬰᬭᬷᬭ᭞ᬍᬯᬶᬄᬰᬓ᭄ᬢᬶ᭞ᬤᬰᬇᬦ᭄ᬤ᭄ᬭᬶᬬᬧᬸᬦᬶᬓ᭟ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᭀᬮᬶᬄᬭᬲ᭞ᬫᬲᬮᬶᬬᬄᬕᬮᬂᬳ᭄ᬦᬶᬂ᭞ᬫᬦᬄᬢᬶᬢ᭄ᬬᬂᬓᬤᬶᬩᬸᬮᬦ᭄᭞ᬫᬭ᭠
ᬯᬢ᭄ᬲᬦᬾᬓᬢᬸᬚᬸ᭞ᬳᬗ᭄ᬕᬾᬦ᭄ᬧᬗᬼᬩᬸᬭᬦ᭄ᬫᬮ᭞ᬫᬦ᭄ᬤᬩᬰ᭄ᬫᬶ᭞ᬜᬦ᭄ᬢᭀᬲ᭄ᬲᬫ᭄ᬩᬶᬮ᭄ᬫᬗᬶᬦ᭄ᬓᬶᬦᬂ᭞᭠ᬫᬓᬾᬃᬢ᭄ᬢᬶᬲᬫ᭄ᬩᬶᬮ᭄ᬫᬗ᭄ᬭᬕ᭄ᬕᬕ᭄᭞ᬫᬭᬶᬓᬭᬦ᭄ᬲᬢ᭄ᬯᬫᬗ᭄ᬓᬶᬦ᭄᭞ᬧᬸᬦᬶᬓᬓᬸᬧ᭄ᬢᬸᬧᬂᬢᬶᬢ᭄ᬬᬂ᭞ᬤᬤᭀᬲ᭄ᬲ᭄ᬓᬭᬮᬶᬢ᭄ᬓᬶ [ 4 ][᭓ 3B]
᭓
ᬤᬸᬂ᭞ᬳᬗ᭄ᬕᬾᬦᬸᬗ᭄ᬓᬮᬂᬫ᭄ᬮᬚᬄ᭞ᬲᬢ᭄ᬯᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬫᬜ᭄ᬘᬶᬗᬶᬦ᭄ᬧᬶᬬᬦᬓ᭄᭟ᬩᬭᬾᬦᬶᬦ᭠ᬦ᭄ᬢᬸᬓ᭄ᬓᬶᬤᬸᬗᬦ᭄᭞ᬭᬶᬲᬵᬫ᭄ᬧᬸᬦ᭄ᬢᭂᬍᬩ᭄ᬫᬶᬭᬕᬶ᭞ᬯᬶᬚᬶᬮ᭄ᬤᭂᬫᭂᬦᬶᬧᬸᬦ᭄᭞ᬫ᭄ᬮᬚᬄ᭞ᬲᬲ᭄ᬢ᭄ᬭᬫᬶᬯᬄᬢᬢ᭄ᬯᬢᬸᬢᬸᬭ᭄᭞᭠
ᬧᬶᬦᬓᬓᬳᬗ᭄ᬕᬾᬦᬶᬫ᭄ᬩ᭞ᬫᬦᬸᬦ᭄ᬢᬸᬦᬶᬦ᭄᭞ᬚ᭄ᬭᭀᬦᬶᬂᬫᬳᬸᬭᬶᬧ᭄ᬭᬶᬂᬚᬕᬢ᭄᭟ᬤᬸᬫᬤᬓ᭄ᬢᬶᬢ᭄ᬬᬂᬜᬶᬤᬬᬂ᭞ᬮᬦ᭄ᬢᬸᬃᬫᬸᬧᬸᬢᬂᬫᬗᬯᬶ᭞ᬓᬤᬶᬳᬬᬫᬸᬧᬫᬶᬬᬂ᭞ᬕᬸᬤᬶᬕ᭄ᬮᬕ᭄ᬮᬕ᭄ᬢᬦ᭄ᬧᬩᬸᬮᬸ᭞ᬫᬩᭂᬢ᭄ᬚᬫ᭄ᬧ᭄ᬭᬄᬩᬸ
ᬮᬸᬲᬫᬄ᭞ᬢᬦᬸᬦᬶᬗᬶᬦ᭄᭞ᬤᬾᬯᬾᬓ᭄ᬤᬤᭀᬲ᭄ᬓᬓᭂᬤᬾᬓᬦ᭄᭟ᬤ᭄ᬬᬲ᭄ᬢᬸᬦ᭄ᬲᬧᬸᬦᬶᬓᬓᭀᬘᬧ᭄᭞ᬢᬦ᭄ᬓᬲᬾᬧ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬗᬮᬸᬗ᭄ᬲᬸᬃᬕᭃᬂᬲᬶᬦᬫ᭄ᬧᬸᬭ᭞ᬭᬶᬂᬲᬂᬧ᭄ᬭᬚ᭄ᬜᬦ᭄ᬗᬯᬶᬓᬶᬤᬸᬂ᭞ᬫᬶᬯᬄᬭᬶᬂ᭠
ᬲᬂᬲ᭄ᬦᭂᬂᬫᬘ᭞ᬢᬶᬢ᭄ᬬᬂᬧᬶᬗ᭄ᬕᬶᬂ᭞ᬧᭀᬗᬄᬫᬗᬢᬸᬭᬂᬕᬶᬢ᭟ᬢᬦ᭄ᬫᬦᬹᬢ᭄ᬤᬕᬶᬂᬘᬭᬶᬢ᭞ᬩᬱᬦ᭄ᬜ᭠ᬢᬦ᭄ᬫᬲᭀᬃᬲᬶᬗ᭄ᬕᬶᬄ᭞ᬲᬫᬶᬲᬫᬶᬫᬳᬤᬸᬓᬦ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬦᬹᬢᬸᬦ᭄ᬤᬸᬓ᭄᭞ᬲᬓᬤᬶᬲ᭄ᬮᭀᬓᬦᬶᬧ᭠
[᭔ 4A]
ᬭ᭞ᬬᬦᬸᬧᬫᬶ᭞ᬢᬦ᭄ᬩᬶᬫᬳᬶᬧᬸᬦᬶᬩ᭄ᬦᬂ᭟ᬲᬫ᭄ᬩᭂᬦ᭄ᬩᬸᬳᬸᬢ᭄ᬫᬕ᭄ᬮᬢᬸᬭᬦ᭄᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬗᬧᬶᬓᬶᬦ᭄᭞ᬗ᭄ᬕᬶᬮᬶᬳᬂᬧᬂᬤᬤᬶᬳᬤᬲ᭄᭞ᬧᬸᬧᬸᬢ᭄ᬲᬫ᭄ᬩᭂᬦᬾᬓᬧᬗ᭄ᬕᬸᬄ᭞ᬤᬸᬭᬸᬲ᭄ᬢᬲ᭄ᬢᬲ᭄ᬭᬦ᭄ᬢᬲ᭄ᬩᬸᬦ᭄ᬢᬲ᭄᭞ᬲᬦᬾᬫᬗ᭄ᬓᬶᬦ᭄᭞
ᬫᬓ᭄ᬱᬢᬶᬢ᭄ᬬᬫᬦᬸᬧ᭄ᬢᬸᬧᬂ᭟ᬲᬭᬢ᭄ᬢᬶᬢ᭄ᬬᬂᬫᬜᬫ᭄ᬩᬸᬗᬂ᭞ᬫᬗ᭄ᬤᬤᬤᭀᬲ᭄ᬧᬜ᭄ᬚᬂᬗ᭄ᬭᬭᬶᬲ᭄᭞ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬜᬶᬤ᭄ᬥᬬᬂᬫᬗ᭄ᬮᬦ᭄ᬢᬸᬭ᭄ᬳ᭞ᬮᬶᬳᬢᬮᬶᬢᬾᬫᭂᬮᬚᬄ᭞ᬲᬲ᭄ᬢ᭄ᬭᬫᬶᬯᬄᬓᬓᬶᬤᬸᬗᬦ᭄᭟
᭟᭐᭟ᬧᬸᬧᬸᬄᬤᬂᬤᬂ᭟᭐᭟ᬫᬗ᭄ᬓᬶᬦ᭄ᬘᬭᬶᬢᬬᬂᬢᬶᬢ᭄ᬬᬂᬗᬯᬶᬢ᭄᭞ᬯᬾᬦ᭄ᬢᭂᬦ᭄ᬓᭀᬘᬧ᭄‌ᬯ᭄ᬯᭀᬂᬤᬸᬲᬸᬦ᭄ᬭᬶᬂᬓᬸᬦ᭞ᬧᬕᭂᬄᬮᬗ᭄ᬕᭂᬂᬮᬓ᭄ᬱᬡᬦᬾ᭞ᬜᬸᬫᬸᬗ᭄ᬓᭂᬫᬶᬦᬾᬓᬘᬢᬸᬭ᭄᭞ᬢᬦ᭄ᬮᬾᬦ᭄ᬘᬢᬸᬃᬧᬭᬶᬫᬶᬢᬾᬓᬶ᭞ᬧ᭄ᬭᬚ᭄ᬜ
ᬦ᭄ᬗᬫᭀᬂᬭᬕ᭞ᬲ᭄ᬦᭂᬂᬫᬧᬫᬃᬕ᭄ᬕᬶᬳᬬᬸ᭞ᬜᬫᬩ᭄ᬭᬬᬲᬫᬶᬢᬺᬱ᭄ᬡ᭞ᬫᬲᬤᬦᬗᬮᬧ᭄ᬓᬲᭀᬃᬫᬗᬃᬤ᭄ᬥᬶᬦᬶᬦ᭄᭞ᬓᬭᬳᬬ᭄ᬯᬦᬦᬓ᭄ᬮ᭄ᬬᬦᬦ᭄᭟ᬦ᭄ᬤᬸᬯᬾᬧ᭄ᬬᬦᬓᬶᬧᬸᬦ᭄ᬢ᭄ᬯᬄᬓᬓᬮᬶᬄ᭞ᬲᬂᬫᬯᬲ᭄ᬢᬳᬶᬕ᭄ᬥᬾᬳᬸᬧᬾᬓ᭄ᬱ [ 5 ][᭔ 4B]
᭔
ᬲᬦᬾᬓ᭄ᬮᬶᬳᬦ᭄ᬫ᭄ᬯᬦᬶᬦᬾ᭞ᬫᬦᬹᬢ᭄ᬲᬓᬶᬂᬯᬲ᭄ᬢᬦᬶᬧᬸᬦ᭄᭞ᬳᬶᬫᬥᬾᬫᬸᬤᬶᬢᬳᬶᬗ᭄ᬕᬶᬄ᭞ᬫᬮᬶᬄᬦᬾ᭠ᬳᬮᬶᬢᬦ᭄᭞ᬮᬸᬄᬓᬭᬸᬡᬷᬯᬲ᭄ᬢᬦᬶᬧᬸᬦ᭄᭞ᬲᬫᬶᬢ᭄ᬭᬸᬡᬢ᭄ᬭᬸᬡᬶᬜᬮᬄ᭞ᬳᬤᬸᬂᬧᬶᬲᬦ᭄‌ᬢᬺᬱ᭄ᬡᬫᬜᬫᬲᬶ᭠
ᬓᬮᬶᬄ᭞ᬢᭂᬍᬩ᭄ᬫᬳᬸᬭᬸᬓᬶᬦ᭄ᬲᬲ᭄ᬢ᭄ᬭ᭟ᬕᬸᬭᬸᬦᬶᬧᬸᬦ᭄‌ᬫᬓᬃᬬ᭄ᬬᬭᬶᬂᬘᬭᬶᬓ᭄᭞ᬜᬩ᭄ᬭᬦ᭄ᬤᬶᬳᬶᬫᬥᬾᬫᬸᬤᬶᬢ᭞ᬚ᭄ᬫᭂᬢ᭄ᬦᬸᬮᬸᬗᬶᬦ᭄ᬕᬸᬭᬸᬦᬾ᭞ᬢᬦ᭄ᬧᬶᬯᬮ᭄ᬭᬶᬂᬧᬶᬢᬸᬤᬸᬄ᭞ᬲᬧᬸᬦᬶᬓᬦᬶᬮᬸᬄᬭᬸᬡᬷ᭞ᬚ᭄ᬫᭂᬢ᭄ᬫᬧᬦ᭄ᬫᬦ᭄᭞᭠
ᬤᬓ᭄ᬢᬶᬦᬾᬫᬕᬸᬭᬸ᭞ᬳᬶᬗᭂᬢ᭄ᬢᭂᬓᬾᬦ᭄ᬕᬸᬡᬕᬶᬡᬶ᭞ᬤᬤᬶᬲᬸᬓᬫᬢ᭄ᬫᬸᬲᬮᬶᬂᬍᬕᬦᬶᬦ᭄᭞ᬗᬃᬤ᭄ᬥᬶᬮᬸᬮᬸᬢᬼᬓᭂᬢ᭄ᬢᬺᬱ᭄ᬡ᭟ᬭᬶᬲᬵᬫ᭄ᬧᬸᬦᬾᬭᬯᬸᬄᬲᬓᬶᬂᬘᬭᬶᬢ᭞ᬯᬸᬲ᭄ᬫᬤᬳᬃᬲᬫᬶᬫᬢᭂᬕ᭄ᬢᭂᬕᬦ᭄᭞ᬦᬸᬮᬶᬳᬶᬫᬸᬤᬶᬢ
ᬫᬗ᭄ᬓᬾ᭞ᬫᬳᬢᬸᬃᬭᬶᬂᬕᬸᬭᬸ᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᬗᭂᬢ᭄ᬤᭂᬫᭂᬦ᭄ᬧᬶᬲᬦ᭄᭞ᬫᬶᬭᬕᬶ᭠ᬥᬂᬕᬸᬭᬸ᭞ᬳᬭᬦ᭄ᬲᬢ᭄ᬯᬧᬓᬳᬶᬫ᭄ᬩ᭞ᬲᬸᬮᬸᬄᬭᬕᬲᬦᬾᬧᬢᬹᬢ᭄ᬧᬾᬢ᭄ᬧᬢᬶᬢᬶᬲ᭄᭞ᬲᬦᬾᬓᬳᭀᬦ᭄᭠
[᭕ 5A]
ᬤᭀᬳᬂᬗᬸᬢᬂ᭟ᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬢᬶᬢ᭄ᬬᬗᬾᬢᬦ᭄ᬲᬶᬧᬶ᭞ᬦᬯᬶᬲᬶᬤ᭄ᬥᬳᬦ᭄ᬢᬸᬓ᭄ᬫᬗᬺᬲᭂᬧᬂ᭞ᬳᬶᬫ᭄ᬩᬭᬶᬗᬭᬦ᭄ᬲᬢ᭄ᬯᬦᬾ᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬩ᭄ᬓᭂᬮᬶᬤᬸᬧ᭄᭞ᬧᬶᬦᬓᬢ᭄ᬓᭂᬦ᭄ᬫᬫᬃᬕ᭄ᬕᬶ᭞ᬫᬗ᭄ᬤᬢᬦ᭄ᬓᬩᬜ᭄ᬘᬦ᭞ᬭᬶᬂᬫᬃᬕ᭄ᬕᬶᬓᬢᬜ᭄ᬚᬸᬂ᭞
ᬓ᭄ᬩᬾᬲ᭄ᬩᬸᬗ᭄ᬓᬄᬩᬢᬶᬲ᭄ᬢᬶᬢ᭄ᬬᬂ᭞ᬫᬩ᭄ᬮᭀᬮᬭᬦ᭄᭞ᬜᬭᬾᬢ᭄ᬘᬾᬢ᭄ᬭᬳᬾᬳᬸᬫᬶᬮᬶ᭞ᬤᬲᬃᬳᬫ᭄ᬧᬄᬫ᭠ᬢᬶᬦ᭄ᬤᬓᬦ᭄᭟ᬢᬦ᭄ᬯᬗ᭄ᬤᬾᬬᬦ᭄ᬧᬘᬂᬦᬦ᭄ᬤᬂᬓᬦᬶᬦ᭄᭞ᬩᬗᭂᬢ᭄ᬧᬶᬲᬦ᭄᭞ᬤᬤᭀᬲ᭄ᬩᭂᬭᬸᬂᬩᭀᬗ᭄ᬓᬂ᭞ᬫᬫ᭄ᬩᬗᬗᭂ
ᬲ᭄ᬓᬤᬶᬯᬗ᭄ᬓᬾ᭞ᬲᬶᬭᬓᭀᬤᬕ᭄ᬧᬘᬂᬗᬫ᭄ᬩᬸ᭞ᬜᬫᬩ᭄ᬭᬬᬧᬥᬗ᭄ᬤᭀᬳᬶᬦ᭄᭞ᬦ᭄ᬓᭂᬧ᭄ᬘᬸᬗᬸᬄᬗᭀᬤᬾ᭠ᬲ᭄ᬫᬂ᭞ᬫᬕ᭄ᬤᬶᬫᬫᬶᬲᬸᬄ᭞ᬳᬦ᭄ᬢᬸᬓ᭄ᬤᬸᬍᬕ᭄ᬫᬗᬢᭀᬦᬂ᭞ᬩᭂᬭᬸᬂᬩᬸᬬᬭ᭄‌ᬢ᭄ᬓᬩᬸᬬᬸᬂᬫᬗᬺᬚ᭄ᬜ᭄ᬕᬶᬦ᭄᭞ᬧᬸᬦᬶᬓᬚᭂᬭᬶᬳᬶ
ᬦ᭄ᬢᬶᬢ᭄ᬬᬂ᭟ᬦᬶᬓᬭᬸᬗᬷᬦᬶᬫ᭄ᬩᬮ᭄ᬫᬢᬸᬭᬭᬶᬲ᭄᭞ᬳᬲᭂᬫᬶᬢᬫᬦᬶᬲ᭄ᬩᬦ᭄ᬩᬦᬮᬤ᭄᭞ᬕᬃᬚ᭄ᬚᬶᬢᬭᬲᬦ᭄ᬫᬦᬳᬾ᭞ᬫᬦᬹᬢᬢᬸᬃᬳᬶᬩ᭄ᬮᬶᬯᬳᬸ᭞ᬢᬶᬢ᭄ᬬᬂᬢᬍᬃᬫᬜᬋᬗᬶᬦ᭄᭞ᬗ᭄ᬮᬸᬗ᭄ᬲᬸᬃᬳᬭᬦ᭄ᬲᬢ᭄ᬯ᭞ᬢᬶᬢ᭄ᬬᬂᬤ᭄ᬫᭂᬦ᭄ᬕᬸᬭᬸ᭞ᬫᬶᬭᬕᬶ᭠ [ 6 ][᭕ 5B]
᭕
ᬬᬂᬳᬭᬦ᭄ᬲᬢ᭄ᬯ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬸᬮᬢ᭄ᬧᬤᬾᬯᬾᬓᬦ᭄ᬯ᭄ᬬᬓ᭄ᬢᬶ᭞ᬤᬕᬶᬂᬯᬶᬫ᭄ᬩᬦᬭᬂᬲᬢ᭄ᬯ᭞ᬦᬯᬶ᭠ᬲᬶᬤ᭄ᬥᬭᬳᬬᬸᬦᬾᬧᬗ᭄ᬕᬶᬄ᭞ᬢᬦ᭄ᬲᭂᬗ᭄ᬓᬮᬳᬸᬭᬶᬧᬾᬭᬶᬂᬚᬕᬢ᭄᭞ᬦᬾᬦ᭄ᬢᭂᬦ᭄ᬲᬦ᭄ᬤᬸᬮ᭄ᬮᬓ᭄ᬱᬡᬦᬾ᭞ᬧᬸᬦᬶᬓ
ᬦᬾᬧᬘᬂᬢᬸᬚᬸ᭞ᬦ᭄ᬤᬯᭂᬕ᭄ᬭᬭᬶᬲᬂᬦᬾᬫᬗ᭄ᬓᬶᬦ᭄᭞ᬓᬯᬶᬢᬶᬦ᭄ᬫᬭᬦ᭄ᬲᬢ᭄ᬯ᭞ᬕ᭄ᬥᬾᬳᬸᬧᬾᬓ᭄ᬱᬬᬓ᭄ᬜᬸᬂ᭞ᬕᬶᬭᬂᬦᬫ᭄ᬧᬾᬦᬶᬦ᭄ᬧ᭄ᬬᬦᬓ᭄᭞ᬫᬦᬶᬲ᭄ᬩᬦ᭄ᬩᬦ᭄᭞ᬫᬸᬜᬶᬦᬾᬩᬼᬕᬦᬶᬦᬢᬶ᭞ᬗᬯᬾᬋᬱᭂᬧ᭄ᬲᬂᬫᬶᬋᬗᬂ᭟ᬳᬸᬥᬸᬄᬘ᭄ᬦᬶᬂ
ᬧ᭄ᬬᬦᬓ᭄ᬕᬸᬭᬸᬘ᭄ᬦᬶᬂ᭞ᬍᬮᬧᬶᬲᬦ᭄ᬕᬸᬭᬸᬫᬤᬶᬗᭂᬳᬂ᭞ᬧᬢᬹᬢ᭄ᬲᬦ᭄ᬩᬯᭀᬲ᭄ᬘᭂᬦᬶᬗᬾ᭞ᬘᬶᬳ᭄ᬦᬢᬼᬩ᭄ᬗᬸᬮᬳᬬᬸ᭞ᬚᬦᬶᬕᬸᬭᬸᬮᬓᬃᬗᬯᬶᬢᬶᬦ᭄᭞ᬫᬵᬭᬦ᭄ᬲᬢ᭄ᬯᬓᬸᬤ᭞ᬲᬢ᭄ᬯᬩᬳᬦ᭄ᬫᬸᬦᬸᬄ᭞ᬢᬳᬾᬦ᭄ᬕᬸᬭᬸᬫᬤᬶᬗᭂᬳᬂ᭞ᬳ
ᬭᬦ᭄ᬲᬢ᭄ᬯ᭞ᬳᬶᬓᬓ᭄ᬬᬂᬤᬦᬾᬦᬸᬢᬸᬭᬶᬦ᭄᭞ᬩᭀᬬᬕᬸᬭᬸᬲᬓᬶᬂᬧ᭄ᬭᬚ᭄ᬜᬦ᭄᭟ᬤᬤᬶᬓᬢᬸᬢ᭄ᬲᬢ᭄ᬯᬦᬾᬤᬶᬓᭀᬧᬶᬂ᭞ᬩᬶᬮᬶᬄᬲᬶᬤ᭄ᬥᬬᬦ᭄ᬓᭂᬤ᭄ᬤᬶᬭᬲ᭞ᬳᬶᬗᭂᬢ᭄ᬢᭂᬓᬾᬦ᭄ᬲᬢ᭄ᬯᬦ᭄ᬤᬦᬾ᭞ᬲᬶᬤ᭄ᬥᬧᬘᬂᬗᬮᬦ᭄ᬢᬸᬭ᭄᭞ᬚᬦᬶᬗᬸᬭᬸᬫᬗ
[᭖ 6A]
ᬯᬶᬢᬶᬦ᭄᭞ᬫ᭄ᬮᬳᬂᬫᬤᬶᬗᭂᬳᬂ᭞ᬳᬭᬦ᭄ᬲᬢ᭄ᬯᬳᬶᬮᬸ᭞ᬳᬤᬓᭀᬘᬧ᭄ᬩᬮᬾᬳᬤᬢ᭄᭞ᬘᬭᬶᬢᬬᬂᬳᬶᬢᬫ᭄ᬧᬸᬮ᭄ᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬫᬘᭂᬫ᭄ᬧ᭄ᬮᬾᬂᬘᬗ᭄ᬓᬄ᭟ᬫᬗᭂᬦᭂᬳᬂᬤᬾᬯᬾᬓ᭄ᬗᬕᬸᬗᬶᬦ᭄᭞ᬢᬦ᭄ᬧᬗᬶᬢᬸᬂ᭠
ᬳᬦᬾᬮ᭄ᬬᬦ᭄ᬮ᭄ᬬᬦᬦ᭄᭞ᬳᬦ᭄ᬤᭂᬮ᭄ᬤᭂᬕᬕ᭄ᬫᭂᬲ᭄ᬯᬂᬫᬸᬜᬶᬦᬾ᭞ᬢᬦ᭄ᬧᬰ᭄ᬭᬢᬶᬧᬢᬶᬓᬘᬸᬄ᭞ᬲ᭄ᬓᭂᬦ᭄ᬫᬜᬓᬶᬢᬶᬦ᭄ᬓᭀᬧᬶᬂ᭞ᬗᬃᬤ᭄ᬥᬶᬦᬶᬦ᭄ᬲᬓᬶᬢ᭄ᬫᬦᬄ᭞ᬦᬾᬫᬫᬶᬋᬂᬢᬸᬳᬸ᭞ᬲᬮᬄᬢᬫ᭄ᬧᬶᬫᬤᭂᬕᭂᬧᬦ᭄᭞ᬫᬓ᭄ᬭᬶᬫᬶᬓᬦ᭄᭞ᬬᬦ᭄ᬫᬲ᭠
ᬳᬸᬢ᭄ᬮᬓᬃᬧ᭄ᬮᬶᬄ᭞ᬬᬦ᭄ᬤᬶᬗ᭄ᬳᬂᬢᬸᬲᬶᬂᬓᭀᬤᬕ᭄᭟ᬳᬶᬄᬦᬾᬳᬶᬩᬧ᭄ᬭᬩᭀᬢ᭄ᬩᬮᬾᬚᬦᬶ᭞ᬧᬤᬶᬗᭂᬳᬂᬓᬳᬶᬳᬗ᭄ᬕᭀᬭᬵᬚ᭞ᬲᭂᬫ᭄ᬩᬄᬲᬸᬂᬲᬸᬂᬓᬢ᭄ᬯᬗᬦᬾ᭞ᬢᬸᬭᬸᬢᬶᬦ᭄ᬧᬦᬶᬢᬄᬓᬸ᭞ᬳ᭄ᬤᬳᬶᬩᬩᬦᬶᬫᬗ᭄ᬭᬶᬫᬶᬓ᭄᭞ᬓᬳᬶᬦᬾ
ᬓᬗ᭄ᬕᭀᬳᬂ᭞ᬗᭀᬤᬕᬂᬤᬾᬯᬾᬓ᭄ᬫᬸ᭞ᬢᬸᬲᬶᬂᬤᬤᬶᬧᬘᬂᬧᬶᬯᬮ᭄᭞ᬮᬦ᭄ᬧ᭄ᬭᬲᬗ᭄ᬖ᭞ᬢ᭄ᬓᬾᬦ᭄ᬓᬳᬶᬤ᭠ᬤᬶᬕᬸᬲ᭄ᬰᬶ᭞ᬳᬦᬓᬕᬸᬂᬫᬯᬶᬪᬯ᭟ᬯᬶᬭᬾᬄᬓᬳᬶᬳᬤ᭄ᬕᬦ᭄ᬧᬶᬢᬸᬯᬶ᭞ᬦᬾᬗᬸᬓᬸᬳᬂ᭞ᬳᬶᬩᬵᬚᬓ᭄ᬫᬓ᭄ᬚᬂ᭞ᬗᬤᭂᬕ᭄ᬢᬸ᭠ [ 7 ][᭖ 6B]
᭖
ᬫᭂᬍᬕ᭄ᬤᬾᬯᬾᬓᬾ᭞ᬕ᭄ᬥᬾᬢ᭄ᬕᭂᬄᬓᬮᬗ᭄ᬓᬸᬂ᭞ᬓ᭄ᬭᬡᬫᬦᬹᬢ᭄ᬫᬤᭂᬕᬚᬶ᭞ᬫᬳᬤᬦᬚᬶᬰᬓ᭞ᬩᬾᬢᬾᬮ᭄ᬫᬦᬾᬓ᭄ᬢᬸᬳᬸᬦ᭄᭞ᬢ᭄ᬕᭂᬄᬫᬜᬸᬚᬸᬳᬫ᭄ᬩᬭ᭞ᬫᬾᬄᬫᬾᬄᬲᬶᬤ᭄ᬥᬩᬸᬮᬦᬾᬩᬓᬢ᭄ᬳᬸᬲᬸᬤᬶᬦ᭄᭞ᬳᭂᬜᬾᬦᬤᬤᬶ
ᬗᭂᬳᬶᬗ᭟ᬦᬾᬦᬾᬓᬲᬸᬩ᭄‌ᬲᬶᬂᬮᬾᬦ᭄ᬢ᭄ᬯᬄᬓᬳᬶ᭞ᬫᬜᬶᬤᬬᬂᬗᬸᬲᬸᬤᬶᬦᬶᬩᬸᬮᬦ᭄᭞ᬳᬶᬲᬸᬦ᭄ᬤᬸᬓ᭄ᬫᬲᬳᬸᬢ᭄ᬫᬗ᭄ᬓᬾ᭞ᬫᬶᬯᬳᬶᬳᬜ᭄ᬚᬦ᭄ᬫᬶᬮᬸ᭞ᬲ᭄ᬩᭂᬢ᭄ᬤᬸᬄᬓᬶᬢᬦ᭄ᬤᬶᬗᭂᬳᬶᬦ᭄᭞ᬳᬶᬢᬫ᭄ᬧᬸᬮ᭄ᬬᬲᬶᬕᬸᬕ᭄ᬗᬦ᭄ᬤᬂ᭞ᬫᭂᬲᬸᬫᬜᬶ᭠
ᬜ᭄ᬭᬸᬢᬸ᭞ᬢᬦ᭄ᬧᬓ᭄ᬦᭂᬄᬩᬗ᭄ᬕ᭄ᬭᬲ᭄ᬓ᭄ᬭᬲ᭄᭞ᬢᬸᬲᬶᬂᬩᬶᬦᬓᬤᬶᬳᬚᬶᬦᬸᬲᬸᬓ᭄ᬓᭀᬧᬶᬂ᭞ᬜᬓᬶᬢᬶᬦ᭄ᬓᬮᬶᬯ᭠ᬢ᭄ᬮᬶᬢ᭄᭟ᬤᬤᬶᬩᬾᬢᬾᬢ᭄‌ᬫᬦᬳᭀᬦᬶᬦᬢᬶ᭞ᬯᭀᬂᬕᬶᬕᬶᬲᬦ᭄‌ᬢᬸᬫᬸᬲ᭄ᬤᬕᬶᬗᬸᬭᬢ᭄᭞ᬗ᭄ᬩᬸᬲ᭄ᬩᬭᬩᬭ
ᬦ᭄ᬫᭀᬯᬦᬾ᭞ᬯ᭄ᬢᬸᬫᬸᬜᬶᬦᬾᬲᬳᬸᬤ᭄᭞ᬳᬶᬩᬢᬫ᭄ᬧᬸᬮ᭄ᬩᬗ᭄ᬕᬢᬦ᭄ᬲᬶᬧᬶ᭞ᬫᬸᬂᬢᬳᬸᬢ᭄ᬓᬾᬦᬯᬓ᭄᭞ᬗ᭄ᬭᬯᭀᬲ᭄ᬢᬦ᭄ᬧᬗᬶᬢᬸᬂ᭞ᬳᬦᬓ᭄ᬮᬾᬦᬦᬫᬸᬂᬮᬕᬲ᭄᭞ᬮᬬᬄᬳᬶᬩᬢᬦ᭄ᬧᬳᬱ᭄ᬝᬶ᭞ᬳᬾᬮᬄᬩᬳᬦ᭄ᬫᬗᬶᬮᬸ᭠
[᭗ 7A]
ᬗᬂ᭟ᬤᬤᬶᬚ᭄ᬯᬭᬶᬦᬕᬶᬳᬗ᭄ᬕᭀᬦ᭄ᬕᬸᬲ᭄ᬢᬶ᭞ᬚᬸᬭᬸᬳᬶᬢᬄᬳᬧᬲᬸᬩᬧ᭄ᬭᬚ᭄ᬜᬦ᭄᭞ᬤᬾᬯᬾᬓ᭄ᬢᬫ᭄ᬧᬸᬮ᭄ᬢᬦ᭄ᬧᬗᬺᬲᬾ᭞ᬳᬮᬸᬳᬮᬸᬄᬫᬩᬸᬗᬸᬢ᭄᭞ᬢᬸᬲᬶᬂᬗ᭄ᬭᬲᬤᬾᬯᬾᬓᬾᬗᭂᬫ᭄ᬧᬶ᭞ᬲᬗ᭄ᬓᬦᬶᬩᬜᬶᬤᬬᬂ᭞ᬫᬚᬸᬚᬸᬓ᭄ᬢᬸᬃ
ᬓᬸᬓᬸᬄ᭞ᬚᬸᬫᬼᬕ᭄ᬧᬮᬶᬂᬢᭂᬕᭂᬳ᭞ᬬᬾᬦᬶᬂᬢ᭄ᬯᬭᬓᬳᬶᬜᬸᬮᬸᬳᬶᬩᬚᬦᬶ᭞ᬧᬬᬸᬳ᭄ᬩᬄᬫᬩ᭄ᬭᬭᬓᬦ᭄᭟ᬓ᭄ᬦᬧᬦᬲ᭄‌ᬓ᭄ᬦᬳᬸᬚᬦ᭄ᬲᬶ᭞ᬢ᭄ᬯᬭᬩᬸᬳᬸᬗᬦ᭄‌ᬫᬧᬲᬄᬤᬶᬦᬢᬄ᭞ᬓ᭄ᬩᬲᭂᬦ᭄ᬤᬬᬸᬳᭂᬦ᭄ᬫᬗ᭄ᬓᬾ᭞ᬳ᭄ᬜᬾᬦᬶᬩᬧ
ᬘᬂᬗ᭄ᬭᬸᬗᬸ᭞ᬤᬾᬦᬶᬂᬲᭀᬮᬄᬳᬶᬩᬩᬗ᭄ᬕᬶ᭞ᬧᭀᬗᬄᬦᬕᬶᬄᬳᬗ᭄ᬕᭀᬦ᭄ᬭᬵᬚ᭞ᬗᬤᬾᬦᬯᬦ᭄ᬯᭂᬭᬸᬄ᭞᭠ᬧᬫᬸᬧᬸᬢ᭄ᬩᭂᬕᭀᬮᭀᬕᬦ᭄᭞ᬧ᭄ᬭᬕᬢ᭄ᬗᭂᬦ᭄ᬢᬸᬄᬧᬬᬸᬜᬕᬫᬄᬢᬢᬦᬶ᭞ᬳᭂᬜᬾᬦ᭄ᬧᬘᬂᬗᬯᬶᬭᬗᬂ᭟ᬯᬶᬭᬾᬄ
ᬓᬳᬶᬜᬸᬮᬸᬄᬳᬶᬩᬚᬢᬶ᭞ᬫᬦᭂᬓᭂᬓᬂᬜᬍᬩᬢ᭄ᬫᬫᬜ᭄ᬚᬂ᭞ᬩ᭄ᬢᬾᬦ᭄ᬩᬤᬸᬳᬸᬃᬢᭀᬗᭀᬲᬾ᭞ᬓᬳᬶ᭠ᬧᬢᬹᬢᬗ᭄ᬕᭀᬦᬕᬸᬂ᭞ᬓᬳᬶᬲᬸᬪᬓ᭄ᬢᬶᬦᬶᬦ᭄ᬲᬳᬶ᭞ᬳᬶᬩᬳᬫᬸᬂᬦᬸᬳᬸᬢᬂ᭞ᬲᬧᬶᬢᬸᬤᬸᬳᬓᬸ᭞ᬢᬦ᭄ᬤᬤᬶᬳᬶᬩᬮ [ 8 ][᭗ 7B]
᭗
ᬗ᭄ᬕᬦ᭞ᬫᬫᬋᬓᬦ᭄᭞ᬬᬦ᭄ᬩᬦᬶᬮᬓᬃᬗ᭄ᬫᬲᬶᬦ᭄᭞ᬫᬵᬢᬶᬳᬶᬩᬓᬧᬦᬲᬦ᭄᭟ᬤᬤᬶᬩᬸᬗ᭄ᬓᭂᬫ᭄᭠ᬩᬸᬗᬸᬢᬶᬩᬍᬲᬶᬦ᭄᭞ᬢ᭄ᬯᬭᬲᬶᬤ᭄ᬥᬗᬸᬘᬧ᭄ᬫᬓ᭄ᬭᬶᬫᬶᬓᬦ᭄᭞ᬳᬫᬸᬂᬕ᭄ᬥᬾᬬᬦᬫᬼᬓᬾ᭞ᬧᭀᬮᭀᬦᬾᬳᭂᬫ᭄ᬩᬸᬄᬧᬸ᭠
ᬬᬸᬂ᭞ᬫᬩᭂᬢᬩᭂᬢ᭄ᬫᬓᬸᬭᬶᬭᬶᬄ᭞ᬜᬧᬓᬤᬶᬳᬓᬸᬢᬶᬗ᭄ᬓᬄ᭞ᬩᬶᬓᬲ᭄‌ᬢ᭄ᬯᬭᬫᬦᬹᬢ᭄᭞ᬳ᭄ᬜᬾᬦ᭄ᬲᬶᬳᬦᬓᬾᬳᬸᬮᬧ᭄᭞ᬧᬘᬗᬯ᭄ᬯᬂᬩᬸᬓᬕᭂᬦ᭄ᬥᬗᬾᬕ᭄ᬩᬸᬕᬶᬦ᭄᭞ᬫᬘ᭄ᬤᬸᬕ᭄ᬫᬸᬜᬶᬦᬾᬓᭂᬭᬲ᭄᭟ᬘᬭᬶᬢᬬᬂᬕᬸᬭᬸᬕᬶ
ᬭᬳᬩ᭄ᬣᬦᬶ᭞ᬤᬶᬲᬸᬩᬦᬾᬦᬶᬗᭂᬄᬫᬸᬜᬶᬲᬶᬗ᭄ᬲᬮ᭄᭞ᬫᬋᬩᬸᬢ᭄ᬤᬤᬶᬳᬕᬸᬗᬾ᭞ᬯ᭄ᬢᬸᬳᬶᬭᬶᬫᬦᬳᬶᬧᬸᬦ᭄᭞ᬯᬶᬭᬾᬄᬢᬸᬲᬶᬂᬳᬤᬦᬾᬢᭀᬮᬶᬄ᭞ᬗᬃᬤ᭄ᬥᬶᬓᬤᬬᬸᬳᬦ᭄᭞ᬜ᭄ᬮᬕ᭄ᬫᬫᬸᬜᬶᬗᬲᬸᬄ
᭞ᬫᬫᬢ᭄ᬩᬢ᭄ᬢᬸᬃᬗᬦᬶᬲ᭄ᬢᬬᬂ᭞ᬬᬳᬶᬲᬸᬦ᭄ᬤᬸᬓ᭄᭞ᬫᬶᬯᬄᬳ᭄ᬬᬜ᭄ᬚᬦ᭄ᬢᭀᬩᬸᬯᬶᬦ᭄᭞ᬮᬶᬯᬢ᭄ᬧ᭄ᬤᭂᬲ᭄ᬧᬫᬸᬜᬶᬦ᭄ᬜ᭟ᬳᬶᬩᬳᬜ᭄ᬚᬦ᭄ᬲᬸᬦ᭄ᬤᬸᬓ᭄ᬗᬓᬸᬭᬶᬭᬶᬄ᭞ᬩᬦᬶᬳᬶᬩᬗᬦᬶᬲ᭄ᬢᬬᬂᬢᬶᬫ᭄ᬧᬮ᭄᭞ᬮᬚᬸᬫᭂᬲᬸ
[᭘ 8A]
ᬳᬂᬫᬸᬜᬶᬦᬾ᭞ᬜᬘᬤᬶᬧᬸᬦᬶᬢᬫ᭄ᬧᬸᬮ᭄᭞ᬢ᭄ᬯᬭᬗᬸᬦᬤᬶᬓᬾᬗ᭄ᬳᬢᬶ᭞ᬳᬫ᭄ᬧᬄᬫᬘᭂᬫ᭄ᬧ᭄ᬮᬾᬗᬦ᭄᭞ᬳᬦ᭄ᬤᭂᬮ᭄ᬤᬾᬯᬾᬓ᭄ᬧᬮᬶᬗᬕᬸᬂ᭞ᬮᬦ᭄ᬢᬂᬜᬮ᭄ᬩᬢ᭄ᬗᬸᬓᬸᬳᬂ᭞ᬜᬸᬮᬸᬄᬰᬓᬲᬸᬩᬚ᭄ᬯ᭠
ᬭᬶᬤᬤᬶᬕᬸᬲ᭄ᬢᬶ᭞ᬫᬦᬤ᭄ᬬᬂᬢᬶᬫ᭄ᬧᬮ᭄ᬧᬜ᭄ᬚᬓ᭄᭟ᬢᬸᬲᬶᬂᬧᬶᬲᬦᬶᬩᬗ᭄ᬭᬲᬾᬗ᭄ᬳᬢᬶ᭞ᬦᬾᬦᬾᬲᬚᬫᬤᬬᬸᬳᬶᬦᬶᬩᬢᬾᬦ᭄ᬮᬾᬦ᭄ᬓᬳᬶᬢ᭄ᬯᬳᭀᬮᬲᬾ᭞ᬦ᭄ᬤᬬᬸᬳᬶᬦ᭄ᬢᬦ᭄ᬓᭂᬦᬓ᭄ᬩᬸᬲ᭄᭞ᬲᬗ᭄ᬓᬤᬶ᭠
ᬩᬮᬸᬧᬸᬢᬶᬂᬧᬢᬶ᭞ᬓᬳᬶᬦᬾᬗ᭄ᬭᬡᬬᬂ᭞ᬫᬲᬲᬄᬤᬶᬤᬸᬳᬸᬭ᭄᭞ᬢ᭄ᬯᬭᬗᬶᬢᬸᬂᬓᬧᬦᬲᬦ᭄᭞ᬮᬦᬸᬚᬦᬦ᭄᭞ᬤᬬᬸᬳᭂᬦ᭄ᬫᬲᬶᬳ᭄ᬫᬲᬶᬦ᭄᭞ᬩᬳᬦ᭄ᬢᬶᬦ᭄ᬤᬶᬳᬾᬫᬢᬶᬫ᭄ᬧᬮ᭄᭟ᬩᬸᬓᬚᬦᬶᬳᬶᬩ᭠
ᬮᬦ᭄ᬢᬲ᭄ᬤᭂᬗ᭄ᬕᬶ᭞ᬗᬸᬘᬧ᭄ᬩᬗ᭄ᬕ᭄ᬭᬲ᭄‌ᬦᬕᬶᬄᬳᬗ᭄ᬕᭀᬦ᭄ᬭᬵᬚ᭞ᬕ᭄ᬥᬾᬓᭀᬳᬫ᭄ᬩᭂᬓᬶᬩᬦᬾ᭞ᬳᬦᬹᬢᬂᬢᭀᬗᭀᬲᬶᬧᬸᬦ᭄᭞ᬧᬮᬶᬂᬢ᭄ᬕᭂᬄᬓᬳᬶᬦᭀᬗᭀᬲᬶᬦ᭄᭞ᬧᬢᬹᬢᬶᬩᬫᬜᬸᬫ᭄ᬩᬄ᭞ᬢ᭄ᬓᬾᬦ᭄ᬦᬾᬤᬶᬤᬸᬳᬸᬭ᭄ [ 9 ][᭘ 8B]
᭘
᭞ᬳᬕᬸᬂᬢᭀᬗᭀᬲᬕᬸᬂᬮᬓ᭄ᬱᬡ᭞ᬫᬜᬶᬤᬬᬂᬦ᭄ᬤᬬᬸᬳᬶᬦ᭄ᬫᬓ᭄ᬭᬩᬳ᭄ᬢᬶᬲ᭄᭞ᬧᬶᬢᬸᬤᬸᬄᬓ᭠ᬳᬶᬢᬸᬳᬸᬢᬂ᭟ᬘᬭᬶᬢᬬᬂᬕᬸᬭᬸᬦᬾᬦᬾᬚᬦᬶ᭞ᬬᬳᬶᬢᬮᬶᬯᬶᬭᬂᬫᬤᬶᬗᭂᬳᬂ᭞ᬲᬮᬶᬂᬮᬶᬫ᭄ᬧᬤᬶ
ᬦ᭄ᬫᬸᬜᬶᬦᬾ᭞ᬧᬥᬦᬕᬶᬄᬓᬕᬸᬕᬸ᭞ᬚᬸᬯᬭᬶᬫᭂᬲ᭄ᬯᬂᬫᬸᬜᬶ᭞ᬦᬕᬶᬄᬦᬶᬢᬄᬢᬶᬫ᭄ᬧᬮ᭄᭞ᬦᬾᬦᬾᬳᬚᬓ᭄ᬓᬸᬫ᭄ᬧᬸᬮ᭄᭞ᬲᬳᬶᬩᬋᬂᬚ᭄ᬮᬾᬫ᭄ᬮᬄ᭞ᬤᬤᬶᬢᬦ᭄ᬤ᭄ᬭᬸᬄᬢᬶᬫ᭄ᬧᬮᬾᬩᬓᬢ᭄ᬤᭂᬗ᭄ᬓᬶᬓᬶᬦ᭄᭞
᭞ᬫᭂᬍᬤ᭄ᬤᬤᬶᬦᬵᬣᬭᬵᬚ᭟ᬫᬘᭂᬫ᭄ᬧ᭄ᬮᬾᬗᬦᬶᬢᬮᬶᬫᬫᬸᬜᬶ᭞ᬲᬤᬩᬗ᭄ᬕ᭄ᬭᬲ᭄‌ᬳᬕᬮ᭄ᬓᭂᬜᬢ᭄ᬢᭂᬗᬮ᭄᭞ᬓᬸᬤᬸᬳᬗ᭄ᬓᬩᬂᬤᬾᬯᬾᬓᬾ᭞ᬘ᭄ᬦᬶᬓ᭄ᬢᬶᬧᬶᬲ᭄ᬩᬯᬓᬶᬧᬸᬦ᭄᭞ᬗᬗ᭄ᬲᭂᬳᬦ᭄ᬤᭂᬗ᭄ᬓᬶᬓ᭄ᬫ᭠
ᬫᬸᬜᬶ᭞ᬳᬶᬄᬭᬳᬩ᭄ᬚᬦ᭄ᬧᬗ᭄ᬭᬲ᭞ᬢ᭄ᬯᬄᬲᬚᬤᬶᬤᬸᬳᬸᬭ᭄᭞ᬤᬚᬳᬶᬩᬓᬮᬶᬳᬦ᭄᭞ᬫᬗᬦ᭄ᬤᭂᬮᬂᬤᬾᬯᬾᬓ᭄ᬦᬕᬶᬳᬗ᭄ᬕᭀᬦ᭄ᬕᬸᬲ᭄ᬢᬶ᭞ᬜᬾᬦᬦᬓᬾᬩᬓᬢ᭄ᬢᬶᬢᬄ᭟ᬢᬸᬲᬶᬗᬶᬗᭂᬢᬶᬩᬢ᭄ᬓᬾᬦ᭄ᬓᬳᬶ᭞
[᭙ 9A]
ᬦᬾᬦᬾᬢᬺᬲ᭄ᬡ᭞ᬓᬳᬶᬫᬗᬶᬲᬶᬬᬂ᭞ᬓ᭄ᬭᬡᬲᬶᬤ᭄ᬥᬫᬗ᭄ᬕᭂᬄᬫᬗ᭄ᬓᬾ᭞ᬳᬶᬩᬦᭀᬗᭀᬲ᭄ᬤᬶᬤᬸᬳᬸᬭ᭄᭞ᬫ᭄ᬮᬄᬢᭀᬗᭀᬲᬶᬩᬚᬦᬶ᭞ᬫᬭᬦᭀᬗᭀᬲ᭄ᬤᬸᬳᬸᬭᬦ᭄᭞ᬤ᭄ᬕᬕᬫ᭄ᬩᭂᬓᬦ᭄ᬫᬸ᭞ᬦᬶᬮᬲ᭄ᬢᬶᬫ᭄ᬧᬮ᭄ᬦᬾᬩ᭄ᬢᬾᬦᬦ᭄᭞ᬤᬶ
ᬚᬳᬤᬩ᭄ᬦᭂᬳᬶᬧᬸᬦ᭄ᬩᬸᬓᬚᬦᬶ᭞ᬲᭀᬮᬄᬳᬦ᭄ᬫᬦᬹᬢ᭄ᬓ᭄ᬭᬫ᭟ᬢ᭄ᬯᬄᬓᬾᬲᬚᬓᬳᬶᬘ᭄ᬦᬶᬓ᭄ᬢᬶᬧᬶᬲ᭄᭞᭠ᬢ᭄ᬯᬭᬲᬚᬗᬲᭂᬫ᭄ᬲᭂᬫᬗᬯᬓ᭄᭞ᬫᬮᬶᬫᬕᬾᬩ᭄ᬭᬤᬾᬯᬾᬓᬾ᭞ᬲᭀᬮᬄᬳᬶᬩᬓᬳᬶᬦᬸᬭᬸᬢ᭄᭞ᬲᬗ᭄ᬢ
ᬦ᭄ᬫᬶᬮᬸᬫᭂᬲ᭄ᬯᬂᬫᬸᬜᬶ᭞ᬬᬾᬦᬶᬂᬓᬳᬶᬮᬓᬃᬳ᭄ᬮᬲ᭄᭞ᬗ᭄ᬮᬾᬲᬶᬦ᭄ᬧᬦ᭄ᬕᬸᬮ᭄᭞ᬳᬸᬮᬸᬗᬶᬩᬫᬩ᭄ᬭᬭᬓᬦ᭄᭞ᬦᭂᬧᬾᬦ᭄ᬢᬦᬄᬓᬗ᭄ᬕᭀᬦ᭄ᬧ᭄ᬭᬓ᭄ᬧᬓ᭄ᬓᬳᭂᬜ᭄ᬚᬸᬢᬶᬦ᭄᭞ᬤᬤᬶᬳᬩᬸᬢ᭄ᬫᬳᬦ᭄ᬜ᭟ᬫ᭄ᬮᬄᬓᬳᬶᬳᬗ᭄ᬕᭀᬦᬕᬸᬂ᭠
ᬚᬦᬶ᭞ᬢᬸᬃᬤᬤᬶᬬᬂᬧ᭄ᬭᬓᬗ᭄ᬕᭀᬦᬶᬢᬳᬂ᭞ᬢᬦ᭄ᬤᬤᬶᬩ᭄ᬮᬶᬢ᭄ᬮᬫ᭄ᬧᬄᬬᬵ᭞ᬬᬦ᭄ᬩᭂᬮᬶᬢ᭄ᬤᬦ᭄ᬥᬳᬕᬸᬂ᭞ᬓᬲ᭠ᬓᬶᬢᬶᬦ᭄ᬧᬺᬚᬦᬶ᭞ᬓᬾᬢᭀᬳᬶᬩᬳᬧᬂᬦᬯᬂ᭞ᬓᬳᬶᬭᬢᬸᬳᬕᬸᬂ᭞ᬗᭀᬤᬕᬂᬲᬳᬶᬲᬶᬦ᭄ᬚᬕᬢ᭄᭞ᬢ᭄ᬯᬭᬲᬶ᭠ [ 10 ][᭙ 9B]
᭙
ᬲᬦ᭄‌ᬳᬶᬩᬧᬜ᭄ᬚᬓ᭄ᬤᬤᬶᬓ᭄ᬭᬶᬫᬶᬓ᭄᭞ᬢ᭄ᬓᬾᬦ᭄ᬭᬢᬸᬧᬬᬸᬂᬚᬕᬢ᭄᭟ᬓᬾᬢᭀᬘ᭄ᬦᬶᬂᬫᬸᬜᬶᬦ᭄ᬜᬳᬶᬢᬮᬶ᭞ᬢ᭄ᬯᬭᬗᭂᬢᬸᬂᬯᬲᬦᬦᬶᬗᬸᬚᬭ᭄᭞ᬫᬶᬮᬸᬳᬶᬢᬹᬢᬶᬢᬹᬢᬦᬾ᭞ᬳᬶᬕᬳᬶᬕᬚᬗᭂᬮᬶᬧᬸᬦ᭄᭞ᬩᭂᬮ᭄ᬩᭂ
ᬮᬫ᭄ᬩᭂᬮ᭄ᬢᬦ᭄ᬓᬶᬤᬶᬓ᭄᭞ᬯ᭄ᬢᬸᬓ᭄ᬩᬸᬲ᭄ᬩᬭᬗᬃᬭ᭄᭞ᬧᭂᬲᬸᬫᬸᬜᬶᬗᬘᬸᬄ᭞ᬕ᭄ᬤᭂᬕ᭄ᬩᬲᬗᬶᬧᬸᬦ᭄ᬫᭂᬗ᭄ᬓᬩ᭄᭞ᬫᬢᬲᬸᬗᬼᬂᬘᬸᬗᬸᬄᬳᬶᬧᬸᬦ᭄‌ᬓ᭄ᬩᬶᬂᬓ᭄ᬩᬶᬂ᭞ᬳᬸᬮᬸᬦᬢᬶᬫᬍᬓᭀᬓᬦ᭄᭟ᬳᬶᬩᬢᬗ᭄ᬮᬶᬂᬳᬾᬮᬳᬾᬫᬫᬸ᭠
ᬜᬶ᭞ᬳᬕᬸᬂᬤᭀᬱᬗᬶᬢᬸᬂᬧᬤᬾᬯᬾᬓᬦ᭄᭞ᬦᬶᬲ᭄ᬢᬢᬦᬦᬕᬸᬡᬦᬾ᭞ᬤᬤᬶᬫᬶᬮᬸᬗᬤᬸ᭠ᬓᬤᬸᬓ᭄᭞ᬫᬗᭂᬢᬗᭂᬢ᭄ᬫᬗᬓᬸᬭᬶᬭᬶᬄ᭞ᬤᬾᬯᬾᬓ᭄ᬢᬶᬧᬶᬲ᭄ᬫᬳᬶᬮᬸᬢᬦ᭄᭞ᬚ᭄ᬯᬭᬶᬤᬤᬶᬳᬕᬸᬂ᭞ᬤᬾᬯᬾᬓ᭄ᬢ᭄ᬯ
ᬭᬗ᭄ᬮᬄᬕᬶᬡ᭞ᬲᬓᬶᬗᬵᬫ᭄ᬧᬄ᭞ᬫᬫᬸᬜᬶᬢᬦ᭄ᬗᬗ᭄ᬕᭀᬩᬸᬤ᭄ᬥᬶ᭞ᬗᬃᬤ᭄ᬥᬶᬕᬜ᭄ᬚᬶᬄᬚᬷᬯᬦᬶᬩ᭟᭠ᬳᬶᬩᬗ᭄ᬮᬄᬕᬸᬡᬢ᭄ᬯᬳᬩ᭄ᬲᬶᬓ᭄᭞ᬳᬦ᭄ᬕᬸᬮᬦ᭄‌ᬓᬸᬤ᭄ᬬᬂᬤᬤᬶᬭᬵᬚ᭞ᬦᬕᬶᬄᬦᬶᬢᬄᬲᬚᬕᬢᬾ᭞ᬓ
[᭑᭐ 10A]
ᬤᬾᬦᬮᬸᬄᬤᬤᬶᬳᬕᬸᬂ᭞ᬦᬩ᭄ᬤᬩ᭄ᬚᬕᬢᬧᬂᬢᬺᬧ᭄ᬢᬶ᭞ᬢᬸᬲᬶᬂᬤᬤᬶᬧ᭄ᬭᬕᬢᬂ᭞ᬳᬸᬮᬶᬳᬦ᭄ᬫᬦ᭄ᬕ᭠ᬮ᭄᭞ᬳᬶᬩᬗᬸᬘᬧ᭄ᬢᬦ᭄ᬧᬭᬲ᭞᭄᭞ᬦᬄᬦᬾᬓᬳᬶᬕ᭄ᬮᬸᬢᬶᬩᬲᬳᬶᬲᬳᬶ᭞ᬳᬶᬩᬦᭂᬓᭂᬓᬗᬶᬭᬳᬩ᭄
᭟ᬧᬢᬶᬍᬲᬂᬤᬾᬯᬾᬓᬶᬩᬦᬾᬘ᭄ᬦᬶᬓ᭄᭞ᬫᬳᬶᬮᬸᬢᬦ᭄‌ᬓᬳᬶᬧᬢᬹᬢᬸᬮᬳᬂ᭞ᬩ᭄ᬭᬶᬬᬸᬓᬶᬦᬚᬓ᭄ᬮᬶᬬᬸᬦᬾ᭞ᬓᬳᬶᬳᬤ᭄ᬕᬗᬵᬕᬸᬂ᭞ᬯᬶᬭᬾᬄᬓᬳᬶᬮᬦ᭄ᬢᬂᬢᬦ᭄ᬲᬶᬧᬶ᭞ᬤᬶᬤᬸᬳᬸᬃᬜᬮ᭄ᬩᬢ᭄᭞ᬢᬦ᭄ᬲ᭠
ᬗ᭄ᬰᬬᬮᬫᬸᬦ᭄᭞ᬓᬳᬶᬫᬤᭂᬕ᭄ᬦᬵᬣᬭᬵᬚ᭞ᬲᬶᬦᬳᬶᬩᬧᬕᭂᬄᬗ᭄ᬮᬸᬢ᭄ᬤᬾᬯᬾᬓ᭄ᬓᬳᬶ᭞ᬭᬳ᭠ᬬᬸᬳᬶᬩᬓᬯ᭄ᬓᬲ᭄᭟ᬓᬾᬢᭀᬘ᭄ᬦᬶᬂᬧᬶᬢᬸᬗ᭄ᬓᬲᬾᬧᬮᬶᬂ᭞ᬧ᭄ᬭᬩᭀᬢ᭄ᬩᬮᬾᬫᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬳᬶ
ᬢᬮᬶᬲ᭄ᬤᬶᬄᬫᬦᬳᬾ᭞ᬜᭂᬮ᭄ᬲᭂᬮᬂᬤᬾᬯᬾᬓᬾᬮᬘᬸᬭ᭄᭞ᬗ᭄ᬭᬲᬳᬶᬧᬸᬦ᭄ᬧᬮᬶᬂᬘ᭄ᬦᬶᬓ᭄᭞ᬓᬤᬸᬮᬸᬭᬶᬦ᭄ᬓᬩᬢ᭄ᬩᬢ᭄‌᭞ᬳᬶᬕᬳᬶᬕᬳᬶᬓᬸ᭞ᬫᬫᬸᬜᬶᬢᬦ᭄ᬫᬦᬹᬢ᭄ᬓ᭄ᬭᬫ᭞ᬲᬳᬩᬗ᭄ᬕ᭄ᬭᬲ᭄‌ᬩ᭄ᬕᭂᬢᭂᬓ᭄ᬢᬶ᭠ [ 11 ][᭑᭐ 10B]
᭑᭐
ᬫᬦᬢᭀᬦᬶᬦ᭄᭞ᬫᭂᬲᬸᬕ᭄ᬢᬶᬳᬾᬓᬫᬢ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟ᬳᬶᬢᬮᬶᬬᬮᬯᬸᬢ᭄ᬲᭂᬤᬶᬄ᭞ᬜᭂᬲᭂᬮ᭄ᬤᬾᬯᬾᬓ᭄ᬢᬦᬶᬩᬕ᭄ᬬ᭞ᬩᬲ᭄ᬲᬗᭂᬢ᭄ᬮᬗ᭄ᬲᭀᬢ᭄ᬫᬸᬜᬶᬦᬾ᭞ᬢ᭄ᬯᬭᬗᬶᬢᬸᬂᬤᬾᬯᬾᬓ᭄ᬦᬶᬲ᭄ᬢ
᭞ᬚᬦᬶᬫᬭᬳᬶᬧᬸᬦ᭄ᬗ᭄ᬭᬲ᭞ᬢ᭄ᬓᬾᬦ᭄ᬤᬾᬯᬾᬓ᭄ᬲᬮᬳᬸᬦ᭄ᬤᬸᬓ᭄᭞ᬳᬸᬮᬶᬳᬧᬸᬲ᭄ᬫᬧ᭄ᬮᬯᬦᬦ᭄᭟᭠ᬳᬶᬩᬳᬶᬕᬳᬶᬕᬚᬢᬶ᭞ᬜᬫ᭄ᬩᬢ᭄ᬲᬭᬓᬳᬶᬫᬭ᭞ᬲᬚᬓᬳᬶᬫᬵᬯᬓ᭄ᬦᬶᬲ᭄ᬢ᭞ᬢᬶᬧᬶᬲ᭄ᬩᬯᬓ᭄ᬫᬳᬶᬮᬸ
ᬢᬦ᭄᭞ᬢ᭄ᬯᬭᬧᬶᬲᬦ᭄ᬗᭂᬮᬄᬕᬶᬦ᭞ᬕᬶᬡᬦ᭄ᬓᬳᬶᬩᬦ᭄ᬢᬲ᭄ᬦᭂᬕᬸᬮ᭄᭞ᬳᬶᬩᬫᬲᬶᬢᬦ᭄ᬧᬗ᭄ᬭᬲ᭟ᬲᭀᬢᬦᬶᬗᬶᬤᬸᬧ᭄ᬤᬶᬕᬸᬫᬶ᭞ᬮ᭄ᬬᬸᬩᬜ᭄ᬘᬦᬦᬾᬳᬤ᭞ᬤᬗᬦ᭄ᬤᭂᬮᬂᬤᬾᬯᬾᬓ᭄ᬓᭀᬓᭀᬂ᭞ᬮᬦ᭄ᬢᬂᬤᬶ᭠
ᬤᬸᬳᬸᬃᬜᬮ᭄ᬩᬢ᭄᭞ᬤᬶᬲᬸᬩᬓᬢ᭄ᬓᬦ᭄ᬪᬬ᭞ᬓᬵᬮᬫᬺᬢ᭄ᬬᬸᬦᬦᬄᬮᬯᬸᬢ᭄᭞ᬢ᭄ᬓᬩᬸᬩᬸᬓ᭄ᬫᬕ᭄ᬭᬬᬧ᭄᭟ᬳᭂᬦ᭄ᬢᭀᬳᬦᬾᬤᬤᬶᬕᭂᬭᬶᬂ᭞ᬗᬫᬳᬶᬩᬜᬩ᭄ᬭᬦ᭄ᬤᬶᬦ᭞ᬗ᭄ᬮᬶᬤᬶᬦ᭄ᬢᬸᬲᬶᬂᬜᬶᬤᬬᬂ᭞ᬭᬾᬳᬶᬩᬲᬸ
[᭑᭑ 11A]
ᬩᬫᬩ᭄ᬮᬕ᭄ᬩᬕ᭄᭞ᬓᬳᬶᬦ᭄ᬕᬸᬮ᭄ᬚᬓ᭄ᬮ᭄ᬬᬸᬧᬶᬲᬦ᭄᭞ᬢ᭄ᬓᭂᬓ᭄ᬫᭂᬦᬾᬓ᭄ᬢᭂᬓᭂᬓ᭄ᬢᬸᬳᬸᬦ᭄᭞ᬓᬸᬤ᭄ᬬᬂᬧᬘᬂᬫ᭠ᬓᬺᬲ᭄ᬓᬦ᭄᭟ᬧ᭄ᬭᬕᬢ᭄ᬫᬜᭂᬭᬳᬗᬸᬭᬶᬧ᭄᭞ᬲᬗ᭄ᬓᬦ᭄ᬚᬦᬶᬤᬲᬗ᭄ᬢᬂ᭞ᬗᬦ᭄ᬤᭂᬮᬂᬓᬸᬓᬸᬄᬤᬾᬯᬾᬓᬾ᭞ᬬᬦ᭄ᬧᭂ
ᬮᬶᬄᬩᬦ᭄ᬫᬮᬓ᭄ᬱᬡ᭞ᬰᬢ᭄ᬭᬸᬢ᭄ᬓᬫᬕ᭄ᬭᬬᬧᬦ᭄᭞ᬜᭂᬗ᭄ᬓᬮᬾᬦ᭄ᬤᬾᬯᬾᬓᬾᬮᬯᬸᬢ᭄᭞ᬧ᭠ᬬᬸᬫᬗ᭄ᬫᬲᬶᬦ᭄ᬧ᭄ᬚᬄ᭟ᬢ᭄ᬯᬭᬳᬤᬩ᭄ᬭᬬᬲ᭄ᬤᬶᬄ᭞ᬫᬗᭂᬦᬗᬶᬩᬫᬵᬢᬶᬗ᭄ᬕᬮ᭄᭞ᬳᬸᬮᬶᬤᬶᬕᬸᬫᬶᬦᬾᬤᬶᬦᬾ᭞᭠
ᬫᬮᬄᬮ᭄ᬬᬸᬦᬫᬤᬓᬂ᭞ᬫᬵᬢᬶᬓᬼᬫ᭄ᬤᬶᬓᬯᬄ᭞ᬲᬗ᭄ᬲᬭᬳᬶᬦ᭄ᬤᬶᬓᬾᬮᬫ᭄ᬧᬸᬲ᭄᭞ᬢ᭄ᬯᬭᬲᬶᬤ᭄ᬥᬫᬭᬶᬲᬸᬤ᭄ᬥ᭟ᬚᬦᬶᬘᬭᬶᬢᬬᬂᬩᬸᬯᬶᬦ᭄᭞ᬳᬶᬲᭂᬦ᭄ᬤᬶᬓ᭄ᬤᬾᬓ᭄ᬦᬶᬗᭂᬳᬂ᭞ᬧᬶᬢᬸᬗ᭄ᬓᬲ᭄ᬜᬫᬩ᭄ᬭᬬᬦ᭄ᬜ᭞ᬧᬥᬫᬳ᭠
ᬕᬸᬗᬕᬸᬗᬦ᭄᭞ᬲᬮᬶᬂᬦᬕᬶᬄᬓᬗ᭄ᬕᭀᬯᬂ᭞ᬧᭂᬲᬸᬫᬸᬜᬶᬦᬶᬧᬸᬦᬮᬸᬲ᭄᭞ᬩᬦ᭄ᬩᬦ᭄ᬓᭂᬜᬶᬂᬫᬓᬭᬸᬡ᭟ᬦᬾᬢᬾᬳᬶᬩᬜᬫᬦ᭄ᬓᬳᬶ᭞ᬢᭀᬮᬶᬄᬓᬳᬶᬳᬶᬲᬗ᭄ᬲᬭ᭞ᬫᬤᬾᬯᬾᬓ᭄ᬩᭀᬗ᭄ᬓᭀᬤᬶᬩ᭄ᬢᬾᬦ᭄᭞ᬫᬶ᭠ [ 12 ][᭑᭑ 11B]
᭑᭑
ᬯᬄᬓᬳᬶᬧᬮᬶᬂᬩᬳᬢ᭄᭞ᬜᬸᬳᬸᬦᬶᬩᬧ᭄ᬢᭂᬂᬮ᭄ᬫᬄ᭞ᬳᬧᬗᬶᬩᬦ᭄ᬫᬸᬳᬬᬸ᭞ᬓᭂᬓᭂᬄᬫᬚᬸᬚᬸᬓ᭄ᬫᬓ᭄ᬚᬂ᭟ᬧᬗ᭄ᬤᬓᬢ᭄ᬓᬦ᭄ᬧᬜᬓᬶᬢ᭄᭞ᬕ᭄ᬭᬶᬗᬦᬾᬫᬫᬜ᭄ᬘᬦ᭞ᬢᬦ᭄ᬮᬾᬦᬶᬢᬢᬦᬶᬋᬓᭀ᭞ᬦᬾᬗ᭄ᬭᬸᬲᬓᬂᬤᬾᬯᬾ᭠
ᬓᬶᬩ᭞ᬫᬯᬦᬦ᭄ᬓᬳᬶᬫᬚᬕ᭄ᬭ᭞ᬦᭀᬗᭀᬲ᭄ᬩᭂᬢᬾᬦ᭄ᬓᬦ᭄ᬢᬶᬩᬸᬗ᭄ᬓᬸᬢ᭄᭞ᬜᬕᬳᬶᬦ᭄ᬢᬢᬦᬶᬘᭀ᭠ᬭᬄ᭟ᬓᬾᬢᭀᬲᬹᬓ᭄ᬱ᭄ᬫᬦ᭄ᬜᬦᬾᬚᬢᬶ᭞ᬧ᭄ᬮᬶᬳᬶᬩᬬᬦ᭄ᬫᬢᬸᬗ᭄ᬓᬲ᭄᭞ᬲᬶᬦᬄᬳᬸᬯᬸᬕ᭄ᬩᬸᬬᬃᬭᬾᬕᬾᬲ᭄᭞ᬤᬶᬲᬸ
ᬩᬳᬶᬩᬫᬩ᭄ᬮᬲᬦ᭄᭞ᬳᬾᬮᬄᬩᬜ᭄ᬘᬦᬦᬾᬢ᭄ᬓ᭞ᬲᬗ᭄ᬓᬦ᭄ᬓᬳᬶᬗᬶᬤᬶᬄᬢᬸᬮᬸᬂ᭞ᬳᬶᬗᭂᬢᬂᬤᬾ᭠ᬯᬾᬓᬾᬲᭀᬯᬂ᭟ᬢᬫ᭄ᬧᬸᬮ᭄ᬧᬢᬹᬢ᭄ᬫᬗᬤ᭄ᬕᬶᬦ᭄᭞ᬲᬸᬦ᭄ᬤᬸᬓᬜ᭄ᬚᬦ᭄ᬫᬦᭂᬢ᭄ᬕᬂ᭞ᬳᬶᬭᬳᬩ᭄ᬦᬬᬸᬳᬶᬦ᭄ᬋᬓᭀ᭞ᬕᬶ᭠
ᬢᬮᬶᬦ᭄ᬕᬸᬮ᭄ᬦᬓᭂᬓᬂ᭞ᬳᬶᬕᬳᬶᬕᬦᬾᬗᬸᬓᬸᬳᬂ᭞ᬳᬾᬮᬄᬳᬶᬢᬮᬶᬫᬗ᭄ᬕᭂᬮᬸᬢ᭄᭞ᬓᬾᬢᭀᬳᬶᬩᬚᬓ᭄ᬫᬓ᭄ᬚᬂ᭟ᬚᬦᬶᬓᬯᬶᬢᬶᬦ᭄ᬦᬩ᭄ᬤᬩᬶᬦ᭄᭞ᬫᬢᬸᬳᬂᬤᬾᬯᬾᬓ᭄ᬫᬜᬫ᭞ᬧᬥᬗᬦᬹᬢᬂᬥᬃᬫ᭄ᬫᬦᬾ᭞ᬫᬕᬳᬾᬳᬚ
[᭑᭒ 12A]
ᬓ᭄ᬫᬓ᭄ᬚᬂ᭞ᬫᬦᬹᬢ᭄ᬓᬤᬶᬲ᭄ᬮᭀᬓᬦ᭄ᬚᬕᬢ᭄᭞ᬲᬮᬶᬗᬲᬄᬲᬮᬶᬗᬲᬸᬄ᭞ᬢᬺᬱ᭄ᬡᬮᬸᬮᬸᬢ᭄ᬢᭂᬓᬾᬦ᭄ᬜᬫ᭟ᬢᭀᬗᭀᬲᬶᬦ᭄ᬢᭀᬗᭀᬲᬾᬚᬦᬶ᭞ᬲᭀᬯᬂᬲᭀᬯᬂᬫᬗᬶᬗ᭄ᬢᬂ᭞ᬫᬕᬳᬾᬳᬚᬓ᭄ᬫᬓ᭄ᬚᬂ᭞ᬲᬮᬸᬗ᭄ᬮᬸᬂᬲᬩ᭠
ᬬᬦ᭄ᬢᬓ᭞ᬬᬦ᭄ᬲᬸᬩᬧᬕᭂᬄᬩᬳᬦ᭄᭞ᬲᬶᬦᬄᬭᬕᬬᬸᬓᬢ᭄ᬫᬸ᭞ᬳᬤᬸᬗᬾᬓᬳᬸᬢ᭄ᬢᬫᬬᬂ᭟ᬳᭀᬮᬶᬳᬦᬓᬾᬤᬶᬕᬸᬫᬶ᭞ᬳᬶᬭᬕᬓᬵᬗ᭄ᬕᭀᬦ᭄ᬲᬬᬸᬩᬦ᭄᭞ᬫᬶᬯᬄᬢᭀᬗᭀᬲ᭄ᬫᬓᬾᬃᬢ᭄ᬢᬶᬦᬾ᭞ᬗᬃᬤ᭄ᬥᬶᬲᭂᬦ᭄ᬢ
ᬦᬳᬸᬢ᭄ᬢᬫ᭞ᬓᬮᬶᬄᬢᭀᬗᭀᬲ᭄ᬫᬬᬚ᭄ᬜ᭞ᬮ᭄ᬬᬸᬕᬸᬡᬦᬾᬓᬢ᭄ᬧᬸᬓ᭄᭞ᬲᬗ᭄ᬓᬦ᭄ᬚᬦᬶᬮᬦ᭄ᬲᬭ᭠ᬢᬂ᭟ᬧᬢᬸᬳᬂᬤᬾᬯᬾᬓᬾᬚᬦᬶ᭞ᬲᬸᬳᬸᬤ᭄ᬫᬳᬚᬸᬫᬚᬸᬫᬦ᭄᭞ᬫᬢᬸᬗ᭄ᬓᬲ᭄ᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬘ᭄ᬦᬶᬂᬓᬾᬢᭀ
ᬧᬫᬸᬧᬸᬢ᭄ᬜ᭞ᬳᬶᬲᭂᬦ᭄ᬤᬶᬲᬓᬶᬂᬧ᭄ᬭᬚ᭄ᬜᬦ᭄᭞ᬦᭂᬧᬲᬶᬓᬶᬢᬸᬗ᭄ᬓᬲᬶᬧᬸᬦ᭄᭞ᬤᬤᬶᬧᬢᬸᬢᬩ᭄ᬭᬶᬬᬸᬓᬦ᭄᭟᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬳᬓᬾᬢᭀᬲᬸᬩᬧ᭄ᬭᬕᬢ᭄᭞ᬲᬢ᭄ᬯᬦ᭄ᬕᬸᬭᬸᬢ᭄ᬓᬾᬦ᭄ᬘᭂᬦᬶᬂ᭞ᬍᬕᬕᬸᬭᬸᬫᬗ [ 13 ][᭑᭒ 12B]
᭑᭒
ᬢᭀᬦᬂ᭞ᬫᬶᬦᬩ᭄ᬋᬲᭂᬧ᭄ᬘᭂᬦᬶᬂᬦᬫ᭄ᬧᬶ᭞ᬫᬲᬳᬸᬃᬧ᭄ᬬᬓ᭄ᬜᬫᬗ᭄ᬓᬶᬦ᭄᭞ᬳᬮᭀᬦ᭄ᬩᬦ᭄ᬩᬦ᭄ᬲᬤᬓ᭄ᬜᬸᬂ᭞ᬧᬸᬦᬶᬓᬫᬥᬾᬫᬸᬤᬶᬢ᭞ᬲᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤ᭄ᬫᭂᬦ᭄ᬗ᭄ᬭᬸᬗᬸ᭞ᬢᬦ᭄ᬲᬢ᭄ᬯᬦᬾᬧᬸᬦᬶᬓ᭟ᬓᬶᬭᬂᬢᬶ
ᬢ᭄ᬬᬂᬫᬶᬭᬕᬶᬬᬂ᭞ᬲᬢ᭄ᬯᬦᬶᬩᬮᬾᬦᬾᬩ᭄ᬘᬶᬓ᭄᭞ᬯᬦ᭄ᬢᬄᬫᬭᬹᬧᬳᬤ᭄ᬕᬦ᭄᭞ᬫᬶᬯᬄᬲᬸᬦ᭄ᬤᬸᬓᬜ᭄ᬚᬦ᭄ᬫᬮᬶᬄ᭞ᬤᬸᬤᬸᬭᬶᬦᬶᬧᬸᬦᬶᬳᬮᬶ᭞ᬫᬓᬫᬶᬯᬄᬭᬳᬩᬶᬧᬸᬦ᭄᭞ᬳᬶᬕᬳᬶᬕᬫᬮᬶᬄᬓᭀᬘᬧ᭄᭞ᬧᬗᬸᬲᬦᬶ
ᬧᬸᬦᬶᬲᭂᬦ᭄ᬤᬶ᭞ᬯᬦ᭄ᬢᬳᬶᬧᬸᬦ᭄᭞ᬦᭂᬧᬲᬶᬦ᭄ᬫᬯᬶᬦᬦ᭄ᬧᬸᬦᬄ᭟ᬳᬶᬧᬸᬦ᭄ᬫᬕ᭄ᬦᬄᬭᬶᬂᬢ᭄ᬗᬄ᭞ᬧ᭄ᬭᬚ᭄ᬜᬦᬶᬧᬸᬦ᭄ᬫ᭠ᬦᬸᬢᬸᬭᬶᬦ᭄᭞ᬩᬗᭂᬢ᭄ᬢᬫ᭄ᬧᬮ᭄ᬜᬲᬶᬢᬸᬗ᭄ᬓᬲ᭄᭞ᬲᬫᬶᬬᬲᬮᬶᬂᬮᬶᬫ᭄ᬧᬤᬶᬦ᭄᭞ᬯᬯᬸᬳᬶᬧᬸᬦ᭄ᬓᬢᬸᬢᬸᬭᬶᬦ᭄
᭞ᬲᬫᬶᬫᬩ᭄ᬭᬶᬬᬸᬓ᭄ᬫᬓᬢᬹᬢ᭄᭞ᬳᬤᬸᬂᬗᬶᬗ᭄ᬢᬶᬦ᭄ᬕᭂᬦᬄ᭞ᬗᬸᬓᬸᬳᬶᬦ᭄ᬥᬃᬫ᭄ᬫᬦ᭄ᬜᬯᬶᬚᬶ᭞ᬫᬮᬶᬢᬶᬧᬸᬦ᭄᭞ᬮᬸᬄᬓᬭᬸᬡᬷᬫᬢᬸᬃᬦᬶᬫ᭄ᬩᬮ᭄᭟ᬤ᭄ᬫᭂᬦ᭄ᬲᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬲᬢ᭄ᬯᬦᬶᬩᬮᬾᬦᬾᬩ᭄ᬘᬶᬓ᭄᭞ᬭᬲᬓ᭄ᬢᬸᬲ᭄ᬫ
[᭑᭓ 13A]
ᬦᬄᬢᬶᬢ᭄ᬬᬂ᭞ᬳᬶᬩᬮᬾᬲᬮᬶᬂᬮᬶᬫ᭄ᬧᬤᬶᬦ᭄᭞ᬲᬹᬓ᭄ᬱ᭄ᬫᬦᬶᬧᬸᬦ᭄ᬧᬸᬦᬧᬶ᭞ᬫᬗ᭄ᬤᬳᬸᬦᬶᬂᬢᬶᬢ᭄ᬬᬂᬕᬸᬭᬸ᭞ᬦᬯᬶᬜᬶᬤᬬᬂᬗᬺᬲᭂᬧᬂ᭞ᬳᬶᬫ᭄ᬩᬮᬓ᭄ᬱᬡᬦᬾᬩ᭄ᬘᬶᬓ᭄᭞ᬲᬦᬾᬧᬢᬹᬢ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬢᬸᬮᬤᬦ᭄᭟ᬳᬦ᭄ᬢᬸᬓ᭄ᬢ
ᬫ᭄ᬩᬢ᭄ᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬦᬯᬶᬢᬶᬢ᭄ᬬᬂᬫᬳᭀᬮᬶᬄ᭞ᬫᬳᬸᬦᬸᬄᬭᬶᬂᬤᬕᬶᬂᬲᬢ᭄ᬯ᭞ᬦᬸᬤᬸᬓ᭄ᬲᬦᬾᬩ᭄ᬘᬶᬓ᭄ᬩᭂᬘᬶᬓ᭄᭞ᬲᬦᬾᬓᬳᭀᬦ᭄ᬓᭂᬮᬶᬤᬶᬦ᭄᭞ᬲᬧᬸᬦᬶᬓᬢᬶᬢ᭄ᬬᬂᬕᬸᬭᬸ᭞ᬤᬲᬭᬶᬦ᭄ᬚᭂᬫᭂᬢ᭄ᬫᬮᬚᬄ᭞ᬓᬤᬶᬧᬸᬦ᭄ᬢᬸᬮᬦ᭄ᬩᭂᬲᬶ᭞
ᬲᭂᬭᬶᬗᬲᬸᬄ᭞ᬓᬲᬸᬯᬾᬬᬦ᭄ᬤᬤᭀᬲ᭄ᬫᬗᬦ᭄᭟ᬕᬸᬭᬸᬦ᭄ᬜᬫᬲᬳᬸᬃᬦᬶᬫ᭄ᬩᬮ᭄᭞ᬢᬸᬳᬸᬲᬓᬓᬾᬢᭀᬘ᭄ᬦᬶᬂ᭞ᬚᬦᬶᬕᬸᬭᬸᬫᬜᬶᬤᬳᬂ᭞ᬳᬶᬫ᭄ᬩᬦ᭄ᬲᬢ᭄ᬯᬦᬾᬳᬶᬢᬸᬦᬶ᭞ᬘ᭄ᬦᬶᬂᬫᬸᬤᬶᬢᬫᬸᬯᬦᬶ᭞ᬮᬸᬄᬓᬭᬸᬡᬷᬫᬯᬓ᭄ᬳᭂᬮᬸᬄ
᭞ᬘ᭄ᬦᬶᬂᬫᬜᬫᬵᬚᬓ᭄ᬤᬤ᭄ᬯ᭞ᬤᬧᬢᬶᬲᬮᬶᬂᬮᬶᬫ᭄ᬧᬤᬶᬦ᭄᭞ᬓᬦ᭄ᬢᬶᬳᬸᬬᬸᬢ᭄᭞ᬧᬥᬫᬦᬕᬶᬄᬓᬗ᭄ᬕᭀᬯᬂ᭟ᬤᬶᬲᬸᬩᬦᬾᬘ᭄ᬦᬶᬂᬢᬸᬗ᭄ᬓᬲ᭄᭞ᬳᬚᬓ᭄ᬜᬫᬲᬮᬶᬂᬤᬮᬶᬄ᭞ᬳᬾᬮᬳᬦᬓᬾᬗᬤᬸᬓᬂ᭞ᬗᬃᬤ᭄ᬥᬶᬳᬧᬂᬧᬸᬮᬂᬧ [ 14 ][᭑᭓ 13B]
᭑᭓
ᬮᬶᬂ᭞ᬫᬬᭂᬕᬦ᭄ᬲᬳᬶᬲᬳᬶ᭞ᬲᬮᬶᬂᬩᬢ᭄ᬩᬢ᭄ᬲᬮᬶᬂᬧᬶᬲᬸᬄ᭞ᬓ᭄ᬤᬾᬓᬦᬓᬾᬗᬢᭀᬦᬂ᭞ᬘᬶᬳ᭄ᬦᬩ᭄ᬮᭀᬕᬾᬢᬦ᭄ᬲᬶᬧᬶ᭞ᬬᬾᬦ᭄ᬢ᭄ᬯᬄᬧᬢᬹᬢ᭄᭞ᬢᬸᬢᬸᬭᬶᬲᭂᬦ᭄ᬤᬶᬦᬾᬢᬸᬮᬤ᭄᭟ᬳᬦᬹᬢᬶᬦ᭄ᬥᬃᬫ᭄ᬫᬦᬾᬲᭀᬯᬂ᭞ᬦᬾᬦᬾᬫ᭄ᬯᬦᬶᬢᬸ
ᬲᬶᬂᬤᬤᬶ᭞ᬗᭀᬤᬕᬂᬥᬃᬫ᭄ᬫᬦᬓ᭄ᬮ᭄ᬬᬦ᭄᭞ᬦᬾᬫᬤᬾᬯᬾᬓᬦᬓᬶᬲ᭄ᬢ᭄ᬭᬷ᭞ᬬᬦ᭄ᬲᬸᬩᬲᬮᬶᬗᬓᬸᬳᬶᬦ᭄᭞ᬲᬶᬦᬳᭂᬦ᭄ᬢᭀᬗᬃᬤ᭄ᬥᬶᬮᬸᬮᬸᬢ᭄᭞ᬢᬺᬱ᭄ᬡᬦ᭄ᬘᭂᬗᬾᬫᬜᬫ᭞ᬤᬤᬶᬓ᭄ᬜᬕᬸᬮᬸᬓ᭄ᬲᬕᬶᬮᬶᬓ᭄᭞ᬫᬓᬮᬦ᭄ᬢᬸᬭ᭄᭞ᬲ
ᬮᬸᬫ᭄ᬩᬂᬲᬩᬬᬦ᭄ᬢᬓ᭟ᬬᬾᬦ᭄ᬳᬶᬦᬦ᭄ᬲᬂᬤᬤᬶᬩᬮ᭄ᬬᬦ᭄᭞ᬢᬦ᭄ᬮᬾᬦ᭄ᬫᬗᬸᬩᬤᬶᬦ᭄ᬲᬓᬶᬢ᭄᭞ᬬᬾᬦᬶᬂᬤᬤᬶᬓᬸᬲᬶᬃᬤᭀᬓᬭ᭄᭞ᬤᭀᬓᬭᬾᬳᬫᭀᬗᬧᬶᬓᬶᬦ᭄᭞ᬬᬾᬦ᭄ᬤᬤᬶᬕᬸᬭᬸᬦ᭄ᬫᬸᬭᬶᬤ᭄᭞ᬫᬸᬭᬶᬤᬾᬳᬚᬕᬶᬦ᭄ᬫ᭠
ᬮᬸ᭞ᬬᬾᬦᬶᬂᬓᬾᬢᭀᬲᬸᬩᬲᬶᬦᬄ᭞ᬚᬕᬢᬾᬤᬤᬶᬦ᭄ᬬᬢᬺᬧ᭄ᬢᬶ᭞ᬬᬾᬦᬶᬗᬶᬧᬸᬦ᭄᭞ᬓᬸᬲᬶᬃᬤᭀᬓᬃ᭠ᬫᬳᬸᬩᬤᬦ᭄᭟ᬳᭂᬦ᭄ᬢᭀᬳᬦᬾᬫᬗ᭄ᬭᬡᬬᬂ᭞ᬚᬕᬢ᭄ᬩᬳᬸᬃᬢᬸᬗ᭄ᬓᬲ᭄ᬲᬳᬶ᭞ᬩᬶᬦᬥᬃᬫ᭄ᬫᬩᬶᬦᬲᭀᬮᬄ᭞
[᭑᭔ 14A]
ᬧᬥᬬᬲᬮᬶᬂᬮᬗ᭄ᬓᬸᬗᬶᬦ᭄᭞ᬥᬃᬫ᭄ᬫᬦᬦᬓᬾᬮᬗ᭄ᬓᬸᬗᬶᬦ᭄᭞ᬧᬧ᭄ᬭᬶᬄᬬᬳᬧᬂᬓᬕᬸᬕᬸ᭞ᬳᬓᬾᬢᭀᬘ᭄ᬦᬶᬂᬋᬲᭂᬧᬂ᭞ᬧᬗ᭄ᬤᬧ᭄ᬮᬶᬄᬩᬦ᭄‌ᬗ᭄ᬮᬓᭀᬦᬶᬦ᭄᭞ᬳᬧᬂᬧᬸᬕᬸᬄ᭞ᬘ᭄ᬦᬶᬂᬗᬫᭀᬂᬓᬧᬢᬹᬢᬦ᭄᭟ᬳ᭄ᬤᬳᭀᬩᬄᬗ
ᬫᭀᬂᬭᬕ᭞ᬕᬶᬫᬸᬤᬶᬢᬫᬳᬸᬃᬫᬮᬶᬄ᭞ᬕᬸᬭᬸᬢᬶᬢ᭄ᬬᬂᬫᬗᬶᬭᬶᬗᬂ᭞ᬧᭂᬢ᭄ᬓᭂᬢ᭄ᬕᬸᬭᬸᬦᬾᬲᬶᬗ᭄ᬕᬶᬄ᭞ᬓᬤᬶᬲ᭠ᬢ᭄ᬯᬦ᭄ᬕᬸᬭ᭄ᬯᬶᬸᬦᬸᬤᬶ᭞ᬢᬶᬗ᭄ᬓᬄᬧ᭄ᬭᬩᭀᬢ᭄ᬩᬮᬾᬩ᭄ᬕᬸᬕ᭄᭞ᬧᬢᬹᬢ᭄ᬦᬾᬦ᭄ᬢᭂᬦ᭄ᬜᬦ᭄ᬤᬂᬢᬸᬮᬤ᭄᭞ᬧᬶᬢᭂᬓᭂᬳᬶᬧᬸᬦᬶᬲᭂᬦ᭄ᬤᬶ᭞ᬤᬳ᭠
ᬢᬵᬫ᭄ᬧᬸᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬳᬸᬮᬤᬦ᭄᭟ᬮᬸᬄᬓᬭᬸᬡᬷᬫᬮᬶᬄᬦᬶᬫ᭄ᬩᬮ᭄᭞ᬤ᭄ᬫᭂᬦ᭄ᬓᭀᬢᬶᬢ᭄ᬬᬂᬫᬶᬭ᭠ᬕᬶ᭞ᬲᬢ᭄ᬯᬦ᭄ᬩᬮᬾᬦᬾᬧᬸᬦᬶᬓ᭞ᬳᬶᬫ᭄ᬩᬦᬶᬧᬸᬦ᭄ᬩᬗᭂᬢ᭄ᬩᭂᬘᬶᬓ᭄᭞ᬫᬦᬹᬢ᭄ᬭᬶᬂᬕᬶᬦᬲᬯᬶᬚᬶ᭞ᬳᬶᬢᬫ᭄ᬧᬸᬮ᭄ᬧᬢᬹᬢ᭄ᬫᬚᬸᬚᬸ
ᬓ᭄᭞ᬫᬶᬯᬄᬲᬦᬾᬮ᭄ᬬᬦ᭄ᬮ᭄ᬬᬦᬦ᭄᭞ᬫᬦᬹᬢ᭄ᬕᭂᬦᬄᬲᬶᬓᬶᬲᬶᬓᬶ᭞ᬲᬶᬤ᭄ᬥᬓᬸᬓᬸᬳ᭄᭞ᬳ᭄ᬢᬶᬲ᭄ᬤᬤᭀᬲ᭄ᬧᬲᬬᬸ᭠ᬩᬦ᭄᭟ᬤᬤᭀᬲ᭄ᬕᭂᬦᬄᬫᬗᬾᬃᬣᬶᬬᬂ᭞ᬲᬦ᭄ᬢᬦᬦᬾᬫᬳᬸᬢ᭄ᬢᬫᬶ᭞ᬳᬶᬫ᭄ᬩᬬᬂᬢᬶᬢ᭄ᬬᬂᬭᬶᬂᬚᬕᬢ᭄᭞ᬲᬂᬤᬤᭀᬲ᭄ᬜᭂᬦᭂᬂ [ 15 ][᭑᭔ 14B]
᭑᭔
ᬪᬹᬧᬢᬶ᭞ᬬᬦ᭄ᬲᬵᬫ᭄ᬧᬸᬦ᭄ᬫᬗᬦᬹᬢᬶᬦ᭄᭞ᬥᬃᬫ᭄ᬫᬦ᭄ᬪᬹᬧᬢᬶᬧᬸᬦᬶᬓᬸ᭞ᬲᬶᬦᬄᬚᬕᬢᬾᬓᬢᬶᬲᬦ᭄᭞ᬯᬗᬸᬦᬦ᭄ᬗᬮᬦ᭄ᬢᬸᬃᬩ᭄ᬘᬶᬓ᭄᭞ᬲᬫᬶᬧᬸᬧᬸᬢ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲᬦᬾᬦᬸᬗ᭄ᬓᬓ᭄᭟ᬧᬍᬫᬳᬦ᭄ᬮᬦ᭄ᬓᬳ᭄ᬬᬗᬦ᭄᭞᭠
ᬧᬯᭀᬗᬦ᭄ᬧᬸᬦᬶᬓᬫᬮᬶᬄ᭞ᬲᬫᬶᬲᬵᬫ᭄ᬧᬸᬦ᭄ᬓᬩᬕᬶᬬᬂ᭞ᬤᬦᬦᬾᬓᬩᬕᬶᬢ᭄ᬭᬶ᭞ᬲᬫᬶᬲᬫᬶᬫᬫᬃᬕ᭄ᬕᬶ᭞ᬤᬤᭀᬲ᭄ᬚᬕᬢᬾᬭᬳᬬᬸ᭞ᬯᬶᬭᬾᬄᬲᬂᬪᬹᬧᬢᬶᬧ᭄ᬭᬚ᭄ᬜᬦ᭄᭞ᬗᬦᬹᬢᬶᬦ᭄ᬥᬃᬫ᭄ᬫᬪᬹᬧᬢᬶ᭞ᬕ᭄ᬫᬸᬄᬮᬦ᭄ᬤᬸᬄ᭞ᬚᬕ
ᬢᬾᬲᬬᬦ᭄ᬗᬚᬸᬫᬂ᭟ᬲᬧᬸᬦᬶᬓᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦᬫ᭄ᬧᬾᬦᬶᬲᬢ᭄ᬯᬦᬾᬦᬸᬦᬶ᭞ᬕᬃᬚ᭄ᬚᬶᬢᬕᬸᬭᬸᬦ᭄ᬜᬦᬶᬫ᭄ᬮᬮ᭄᭞ᬧᬢᬹᬢ᭄ᬩᬦ᭄ᬘᭂᬦᬶᬂᬦᬫ᭄ᬧᬾᬦᬶᬦ᭄᭞ᬦᬄᬦᬾᬚᬦᬶᬳᬤᬩ᭄ᬯᬶᬦ᭄᭞ᬯᬸᬯᬸᬢᬦ᭄ᬧᬶᬬ᭄ᬓᭂᬢ᭄ᬭᬸ᭞ᬩᬶᬩᬶᬄᬲᬶᬤ᭄ᬥᬓ
ᬲ᭄ᬯᬾᬘ᭄ᬙᬦᬦ᭄᭞ᬕᬸᬭᬸᬫᬧᬶᬬᬦᬓ᭄ᬘᭂᬦᬶᬂ᭟ᬳᬧᬂᬦᬸᬮᬸᬲ᭄᭞ᬘ᭄ᬦᬶᬂᬫᬗ᭄ᬕᬸᬄᬓᬭᬳᬬ᭄ᬯᬦ᭄᭟ᬬᬢ᭄ᬦᬬᬂᬘ᭄ᬦᬶᬂᬓᬶᬦ᭄ᬓᬶᬦᬂ᭞ᬫᬸᬂᬧᬸᬂᬭᬕᬦᬾᬦᬸᬘ᭄ᬦᬶᬓ᭄᭞ᬦᬸᬫᬳᬯᬓ᭄ᬩ᭄ᬭᬵᬳ᭄ᬫᬘᬃᬬ᭄ᬬ᭞ᬕᬮᬄᬘ᭄ᬦᬶᬂᬫᬢᬸᬭᬸᬓᬶᬦ᭄᭞ᬥᬃᬫ᭄ᬫᬧᬢᬹᬢ᭄ᬲᬢ᭄ᬬᬩᬸ
[᭑᭕ 15A]
ᬤ᭄ᬥᬶ᭞ᬳᭂᬦ᭄ᬢᭀᬧᬶᬦᬓᬧᬶᬓᬸᬓᬸᬄ᭞ᬢᬶᬗ᭄ᬓᬳᬾᬫᬗ᭄ᬤᬤᬶᬚᬦ᭄ᬫ᭞ᬳᬸᬢ᭄ᬲᬳᬵᬗ᭄ᬕᭀᬦ᭄ᬗᬧᬸᬯᬸᬳᬶᬦ᭄᭞ᬓᬾ᭠ᬢᭀᬧᬢᬹᬢ᭄᭞ᬢᭂᬍᬩ᭄ᬫᬳᬸᬭᬸᬓᬶᬦ᭄ᬲᬲ᭄ᬢ᭄ᬭ᭟ᬳᬶᬤᬤᬦᬾᬲᬗ᭄ᬓᬦ᭄ᬧ᭄ᬭᬚ᭄ᬜᬦ᭞ᬲᬂᬳ᭄ᬬᬂᬲᬲ᭄ᬢ᭄ᬭᬓᬲᬸᬗ᭄ᬓᭂᬫᬶᬦ᭄᭞
ᬤᬶᬢᬸᬲᬸᬩᬓᬳᬸᬗ᭄ᬕᬸᬳᬂ᭞ᬢᬢ᭄ᬯᬵᬳᬕᬫᬦᬾᬰᬸᬘᬶ᭞ᬬᬦ᭄ᬮᬗ᭄ᬕᭂᬂᬮᬦ᭄ᬢᬲ᭄ᬘᭂᬦᬶᬂ᭞ᬫᬧᬶᬳᭀᬮᬶᬄᬘ᭄ᬦᬶᬂᬫᬸᬭᬸᬓ᭄᭞ᬩ᭄ᬭᬡᬬᬂᬧ᭄ᬭᬚ᭄ᬜᬾᬂᬫᬬ᭞ᬫᬶᬯᬄᬲᬸᬰᬷᬮᬧ᭄ᬭᬓᬺᬢ᭄ᬢᬶ᭞ᬧᬥᬦᬸᬗ᭄ᬓᬸᬮ᭄᭞ᬰᬢ᭄ᬭᬸᬲᬚ᭄ᬭᭀ
ᬦᬶᬂᬰᬭᬷᬭ᭟ᬫ᭄ᬯᬄᬘᬢᬸᬃᬩ᭄ᬭᬵᬳ᭄ᬫᬯᬶᬳᬭ᭞ᬳᭂᬦ᭄ᬢᭀᬢᬼᬩᬂᬫᬸᬭᬸᬓᬶᬦ᭄᭞ᬫᬶᬯᬄᬤᬰᬰᬷᬮᬩ᭄ᬯᬢᬂ᭞ᬫᬶᬢᭂᬢᬶᬦ᭄ᬓᭂᬦᭂᬳᬾᬧᬮᬶᬂ᭞ᬧᬫᬸᬦᬳᬶᬂᬳᬶᬭᬶᬳᬢᬶ᭞ᬮᬦ᭄ᬫᭀᬫᭀᬳᬗ᭄ᬓᬭᬩ᭄ᬕᬸᬕ᭄᭞ᬯ᭄ᬢᬸᬳᬶᬗᭂ
ᬢ᭄ᬢᭂᬓᬾᬦᬯᬓ᭄᭞ᬫ᭄ᬯᬄᬜᬫᬲᬮ᭄ᬯᬶᬃᬫᬳᬸᬭᬶᬧ᭄᭞ᬳᬦᬾᬢᬸᬫ᭄ᬩᬸᬄ᭞ᬤᬶᬦᬶᬤᬶᬫᬺᬘᬧᬤ᭟ᬲᬶᬤ᭄ᬥᬜᬶᬓᬸᬢᬂᬤᬶᬳᬯᬓ᭄᭞ᬓᬾᬦ᭄ᬓᬾᬦ᭄ᬭᬲᬦᬾᬦᬾᬍᬯᬶᬄ᭞ᬳᭂᬦ᭄ᬢᭀᬢᬶᬯᬓᬂᬢ᭄ᬓᬾᬦ᭄ᬦᬾᬮ᭄ᬬᬦ᭄᭞ᬗᬃᬤ᭄ᬥᬶ [ 16 ][᭑᭕ 15B]
᭑᭕
ᬢᬺᬱ᭄ᬡᬮᬸᬮᬸᬢᬲᬶᬄ᭞ᬮᬦ᭄ᬢᬲᭂᬦ᭄ᬢᭀᬭᬸᬦ᭄ᬢᬸᬢᬶᬦ᭄᭞ᬢᬧᬫᬃᬕ᭄ᬕᬧᬢᬹᬢᭂᬫ᭄ᬧᬸ᭞ᬯᬺᬤ᭄ᬬᬂᬢᬸᬃᬬᬮᬶᬫ᭄ᬩᬓᬂ᭞ᬓᬃᬤ᭄ᬥᬶᬦᬶᬦᬬᬸᬦᬶᬂᬪᬸᬫᬶ᭞ᬳᬧᬂᬓᬸᬓᬸᬄ᭞ᬘ᭄ᬦᬶᬂᬢᬼᬩᬂᬫ᭄ᬮᬚᬄ᭟ᬬᬾᬦ᭄ᬚᬕᬢ᭄ᬲᬸᬩᬭᬳᬵᬃᬚ᭄ᬚ᭞ᬲ
ᬮ᭄ᬯᬶᬭᬶᬗᬤᬤᬶᬕᬸᬫᬶ᭞ᬧᬥᬓ᭄ᬦᬓᬭᬳᬬ᭄ᬯᬦ᭄᭞ᬲᬃᬯ᭄ᬯᬲᬢ᭄ᬯᬫᬶᬯᬄᬧᬓ᭄ᬱᬶ᭞ᬢᬦ᭄ᬮᬾᬫ᭄ᬧᬲ᭄ᬲᬃᬯ᭄ᬯᬯᬼᬢᬶᬓ᭄᭞ᬳᬸᬫᬗ᭄ᬕᭂᬄᬍᬲ᭄ᬢᬭᬶᬦᬶᬧᬸᬦ᭄᭞ᬧᬥᬤ᭄ᬫᭂᬦ᭄ᬗᬃᬤ᭄ᬥᬶᬬᬂ᭞ᬚᬕᬢ᭄ᬕᭂᬫᬸᬄᬮᬦ᭄ᬤᬸᬄᬲᬳᬶ᭞ᬦᬸ
ᬗ᭄ᬕᬮ᭄ᬧᬢᬸᬄ᭞ᬩ᭄ᬭᬬᬓ᭄ᬩ᭄ᬭᬶᬬᬸᬓ᭄ᬗᬃᬤ᭄ᬥᬶᬲᬸᬓ᭟ᬗᬦᬹᬢᬶᬦ᭄ᬥᬃᬫ᭄ᬫᬦ᭄ᬜᬲᭀᬯᬂ᭞ᬫᬦᬹᬢ᭄ᬲᬢ᭄ᬯᬦᬾ᭠ᬳᬶᬢᬸᬦᬶ᭞ᬳᭂᬦ᭄ᬢᭀᬫᬤᬦᬶᬫ᭄ᬩᬦ᭄ᬚᬕᬢ᭄᭞ᬧᬢᬹᬢ᭄ᬲᬸᬗ᭄ᬓᭂᬫᬶᬦ᭄ᬧᬢᬶᬢᬶᬲ᭄᭞ᬳᬗ᭄ᬕᭀᬦ᭄ᬲᬤᬦᬤᬶ᭠
ᬕᬸᬫᬶ᭞ᬗᬃᬤ᭄ᬥᬶᬢᬺᬧ᭄ᬢᬶᬮᬸᬦᬂᬮᬦᬸᬲ᭄᭞ᬢᬸᬲᬶᬗᬤᬦᬾᬫᬢᬸᬗ᭄ᬓᬲ᭄᭞ᬧᬥᬬᬳᬲᬶᬄᬓᬸᬫᬲᬶᬄ᭞ᬲᬮᬶᬂᬢᬸᬮᬸᬂ᭞ᬦᬸᬮᬸᬗᬶᬦ᭄ᬦᬾᬫᬯᬓ᭄ᬢᬦ᭟ᬫᬤᬾᬫᬸᬤᬶᬢᬫᬜ᭄ᬮᬕ᭄᭞ᬍᬕᬫᬦᬄᬳᬶᬧᬸᬦ᭄ᬦᬫ᭄ᬧᬶ᭞᭠
[᭑᭖ 16A]
ᬧᬶᬢᬸᬢᬸᬃᬕᬸᬭᬸᬭᬸᬧᬓ᭞ᬓᬾᬥᭂᬧ᭄ᬢᬶᬃᬣᬲᬜ᭄ᬚᬶᬯᬦᬶ᭞ᬰᬸᬘᬶᬳ᭄ᬦᬶᬂᬢᬦ᭄ᬧᬲᬶᬂᬲᬶᬂ᭞ᬧᬗ᭄ᬮᬸᬩᬸᬭᬦ᭄ᬲᬃᬯ᭄ᬯᬍᬢᬸᬄ᭞ᬮᬯᬸᬢ᭄ᬫᬢᬸᬃᬲᬤᬩᬦ᭄ᬩᬦ᭄᭞ᬕᬸᬭᬸᬢᬶᬢ᭄ᬬᬂᬫᬜ᭄ᬮᬕᬶᬦ᭄᭞ᬮᬶᬦ᭄ᬢᬂᬫᬦᬹᬢ᭄᭞ᬧᬶᬢᬸᬢᬸᬃᬭᬶᬂᬢᬶᬢ᭄ᬬᬂ᭟
ᬧᬸᬦᬶᬓᬤᬸᬭᬸᬂᬓᬫᬦᬄ᭞ᬲᬦᬾᬦ᭄ᬤᬶᬓᬬᬂᬳᬶᬦᬸᬦᬶ᭞ᬩ᭄ᬭᬵᬳ᭄ᬫᬓᬘᬢᬸᬃᬯᬶᬳᬭ᭞ᬦᬧᬶᬢ᭄ᬕᭂᬲᬶᬧᬸᬦ᭄ᬚᬢᬶ᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬢᭂᬢᭂᬲ᭄ᬯᭂᬭᬸᬄ᭞ᬦᬾᬫᬯᬲ᭄ᬢᬲᬧᬸᬦᬶᬓ᭞ᬯᬶᬭᬾᬄᬢᬶᬢ᭄ᬬᬂᬤᬸ
ᬭᬸᬂᬳᬸᬦᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬳᬸᬦᬶᬂᬢᬶᬢ᭄ᬬᬂᬫᬫᬯᭀᬱᬂ᭟ᬢᬦᬸᬦᬶᬂᬭᬶᬂᬧᬶᬢᭂᬕᭂᬲ᭄ᬜ᭞ᬧᬸᬦᬶᬓᬗᬯᬦᬂᬚᭂᬭᬶᬄ᭞ᬫᬧᬶᬫᬧᬶᬢᬶᬢ᭄ᬬᬂᬧ᭄ᬭᬚ᭄ᬜᬦ᭄᭞ᬫᬦᬹᬢ᭄ᬲᭂᬮᭀᬓᬦᬶᬂᬩᬸᬫᬶ᭞ᬚᬢᬶᬢᬦᬸᬦᬶᬂᬧᬸᬦᬧᬶ᭞ᬦ᭄ᬤᬗᬄ᭠
ᬦ᭄ᬮᬾᬗᬾᬓ᭄ᬓᬤᬶᬧᬦ᭄ᬢᬸᬦ᭄᭞ᬫᬶᬦᬩ᭄ᬫᬜᬸᬚᬸᬳᬫ᭄ᬩᬭ᭞ᬗᬸᬮᬢᬶᬰᬹᬦ᭄ᬬᬢᬰᬸᬘᬶ᭞ᬚᬢᬶᬦᬶᬧᬸᬦ᭄᭞ᬩ᭄ᬮᭀᬕ᭄ᬲᬶᬕᬸᬕ᭄ᬧᭀᬦ᭄ᬤᭀᬂᬢᬶᬢ᭄ᬬᬂ᭟ᬮᬸᬄᬓᬭᬸᬡᬷᬋᬲᭂᬦᬶᬹᬧ᭄ᬦᬶᬗᭂᬳᬂ᭞ᬲᬸᬫᬸᬲᬸᬧ᭄ᬲᬚ᭄ᬭᭀᬦᬶᬗ᭄ᬳᬢᬶ᭞ᬓᬤᬶᬯᬋᬕ᭄ᬢ᭠ [ 17 ][᭑᭖ 16B]
᭑᭖
ᬦ᭄ᬧᬦᭂᬥ᭞ᬭᬭᬶᬲ᭄ᬫᬢᬸᬃᬲᬤᬓ᭄ᬜᬶᬂ᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶᬦ᭄᭞ᬓᬲᬶᬦᬳᬦ᭄ᬭᬶᬂᬳᬶᬕᬸᬭᬸ᭞ᬲᬦᬾᬫ᭄ᬯᬲ᭄ᬢᬤᬰᬰᬷᬮ᭞ᬤᬸᬭᬸᬂᬓᬫᬦᬄᬯᬶᬬᬓ᭄ᬢᬶ᭞ᬢᭂᬲᬶᬧᬸᬦ᭄᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭟ᬓᬤᬶᬰ᭄ᬮᭀᬓᬦᬶᬂ᭠
ᬚᬕᬢ᭄᭞ᬩᬗᭂᬢ᭄ᬩᭂᬤᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬭᬲᬢᬸᬄᬓᭀᬮᭀᬗᬦ᭄ᬢᬶᬢ᭄ᬬᬂ᭞ᬓᬦ᭄ᬢᭀᬲ᭄ᬢᬦ᭄ᬤᬤᭀᬲ᭄ᬫᬫᬸᬜᬶ᭞ᬧᭀᬮᬶᬄᬢᭀᬬᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬗ᭄ᬮᬸᬗ᭄ᬲᬸᬭ᭄᭞ᬫᬧᬶᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬩᭂᬥ᭠
ᬓ᭄᭞ᬚ᭄ᬭᬶᬄᬓᬳᬸᬘᬧ᭄ᬢᬫ᭄ᬩᭂᬢ᭄ᬯ᭄ᬬᬓ᭄ᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬲᬧᬸᬦᬶᬓᬤᬾᬯᬾᬓ᭄ᬢᬶᬢ᭄ᬬᬂ᭟ᬯ᭄ᬬᬓ᭄ᬢᬶᬦ᭄ᬜ᭠ᬤᬸᬭᬸᬂᬓᬫᬦᬄ᭞ᬳᬯᬦᬦ᭄ᬕᬸᬭᬸᬦᬾᬫᬗ᭄ᬓᬶᬦ᭄᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬧᬸᬦᬶᬓ᭞ᬦᬧᬶᬢ᭄ᬕᭂᬲᬶᬧᬸᬦ᭄ᬚᬢᬶ᭞ᬕ᭄ᬥᬾᬉ
ᬧᬾᬓ᭄ᬱᬜᬳᬸᬭᬶᬦ᭄᭞ᬧᬢᬓᭀᬦ᭄ᬧ᭄ᬬᬦᬓᬾᬧᬢᬹᬢ᭄᭞ᬭᬭᬶᬲ᭄ᬤᬦᬾᬫᬶᬤᬃᬣᬬᬂ᭞ᬥᬹᬄᬫᬤᬾᬫᬸᬤᬶᬢᬘ᭄ᬦᬶᬂ᭞ᬮᬶᬦ᭄ᬢᬂᬧᬢᬹᬢ᭄᭞ᬧᬢᬓᭀᬦ᭄ᬘᭂᬦᬶᬂᬳᬸᬢ᭄ᬢᬫ᭟ᬧ᭄ᬭᬚ᭄ᬜᬦ᭄ᬘᭂᬦᬶᬂᬗᬤᬹᬢ᭄‌ᬰ᭄ᬮᭀᬓ᭞ᬤᬍᬫ᭄ᬮᬶᬗ᭄ᬕᬄ
[᭑᭗ 17A]
ᬓᬤᬶᬧᬲᬶᬄ᭞ᬦᬾᬳᬗ᭄ᬕᭀᬦ᭄ᬤᬲᬃᬳᬸᬧᬫ᭞ᬲᬶᬂᬚᬮᬾᬦ᭄ᬩᬸᬓᬳᬶᬧᬤᬶ᭞ᬬᬦ᭄ᬕᬸᬭᬸᬫᬦᬫ᭄ᬧᬾᬦᬶᬦ᭄᭞ᬰ᭄ᬮᭀᬓᬦ᭄ᬘᭂᬦᬶᬂᬯᬬᬄᬢᬸᬳᬸ᭞ᬦᬾᬦᬾᬧᬸᬬᬸᬂᬫᬦ᭄ᬤᬗᬄ᭞ᬦᬾᬦᬾᬗᬸᬦ᭄ᬢᬸᬮᬶᬧᬸᬦ᭄ᬚᭂᬮᬶᬄ᭞ᬓᬾᬢᭀᬢᬸᬳᬸ᭞
ᬚᬢᬶᬳᬶᬲᬶᬦᬶᬂᬰᭂᬮᭀᬓ᭟ᬦ᭄ᬢᭀᬫᬤᬦ᭄ᬲᬢ᭄ᬬᬳᬸᬢ᭄ᬢᬫ᭞ᬚᬢᬶᬰᬭᬷᬭᬓᬤᬦᬶᬦ᭄᭞ᬬᬦ᭄ᬚᬢᬶ᭠ᬢᭀᬦ᭄ᬤᬾᬦ᭄ᬫᬦᬯᬂ᭞ᬳᬸᬢ᭄ᬲᬳᬬᬂᬧᬗ᭄ᬤᬧ᭄ᬮᬶᬄ᭞ᬧᬢᬓᭀᬦᬂᬧ᭄ᬭᬚᬦᬶ᭞ᬳᬧᬂᬲ᭄ᬓᭂᬦ᭄ᬢᭂᬕᭂᬲᬶᬧᬸᬦ᭄᭞ᬧᬗ᭄ᬤᬫᬧᬶᬫ᭠
ᬧᬶᬧ᭄ᬭᬚ᭄ᬜᬦ᭄᭞ᬚᬢᬶᬢ᭄ᬯᬭᬦᬯᬗᬶᬦ᭄ᬤᬶᬓ᭄᭞ᬫᬯᬓ᭄ᬚᬸᬫ᭄ᬩᬸᬄ᭞ᬚᬦᬶᬕᬸᬭᬸᬧᬦᭂᬭᬗᬂ᭟ᬘᬢᬸᬩ᭄ᬭᬵᬳ᭄ᬫᬯᬶᬳᬭ᭞ᬧᬧᬢ᭄ᬩᬘᬓᬦ᭄ᬜᬘ᭄ᬦᬶᬂ᭞ᬦᬾᬢᬸᬲᬶᬂᬤᬤᬶᬩᭂᬮᬲᬂ᭞ᬫᬾᬢ᭄ᬭᬶᬬᬳᬢᬮᬸᬗᬸᬭᬶᬧ᭄᭞ᬓᬭᬸᬡᬯ᭄ᬮᬲᬲᬶᬄ᭞ᬫᬸᬤᬶ᭠
ᬢᬦᬾᬓᬧᬶᬂᬢ᭄ᬮᬸ᭞ᬫᬕᬯᬾᬲᬸᬓᬯ᭄ᬯᭀᬂᬮᬶᬬᬦ᭄᭞ᬓᬧᬶᬂᬧᬢᬸᬧᬾᬓ᭄ᬱᬫᬮᬶᬄ᭞ᬤᬳᬢ᭄ᬘᬸᬘᬸᬤ᭄᭞ᬫ᭠ᬓᬵᬃᬬ᭄ᬬᬢᬦ᭄ᬧᬫ᭄ᬭᬶᬄᬨᬮ᭟ᬫ᭄ᬯᬄᬦᬾᬫᬤᬦ᭄ᬤᬰᬰᬶᬮ᭞ᬳᬤᬰᬩᬘᬓᬦᬾᬓᬶ᭞ᬫᬲᬸᬓ᭄ᬲᬚ᭄ᬭᭀᬦᬶᬂᬩ᭄ᬭᬢ᭞ [ 18 ][᭑᭗ 17B]
᭑᭗
ᬢᬦ᭄ᬤᬤᬶᬧᬘᬂᬮᬓᭀᬦᬶᬦ᭄᭞ᬳᬧᬦ᭄ᬮᬭᬗᬦ᭄ᬲᬚᬢᬶ᭞ᬤᬰᬾᬦ᭄ᬤ᭄ᬭᬶᬬᬰᬢ᭄ᬭᬸᬦᬶᬧᬸᬦ᭄᭞ᬧᬶᬢ᭄ᬕᭂᬲᬾᬤᬰᬰᬶᬮ᭞ᬧᬗ᭄ᬳᬺᬢᬦ᭄ᬤᬰᬾᬦ᭄ᬤ᭄ᬭᬶᬬᬾᬓᬶ᭞ᬰᬓ᭄ᬢᬶᬳᬕᬸᬂ᭞ᬗᬃᬤ᭄ᬥᬶᬘ᭄ᬦᬶᬂᬓᬦᬭᬓᬦ᭄᭟ᬰᬢ᭄ᬭᬸᬰᬓ᭄ᬢᬶᬚ᭄ᬭᭀᬦᬶᬂᬳ᭠
ᬯᬓ᭄᭞ᬳᭂᬦ᭄ᬢᭀᬦᬾᬧᬢᬹᬢ᭄ᬲᬶᬬᬢᬶᬦ᭄᭞ᬧᬗ᭄ᬤᬗᬮᬳᬂᬰᬭᬷᬭ᭞ᬳᬫᬵᬢᬶᬲᬚ᭄ᬭᭀᬦᬶᬗᬸᬭᬶᬧ᭄᭞᭠ᬩᬸᬤ᭄ᬥᬶᬳᬸᬍᬗᬂᬬᬢ᭄ᬦᬳᬶᬦ᭄᭞ᬢᬦ᭄ᬤᬶᬗᬶᬦᬶᬧᬸᬦᬶᬰᬢ᭄ᬭᬸ᭞ᬲᬜ᭄ᬚᬢᬳᬫ᭄ᬧᬸᬄᬲᬬᬗᬂ᭞ᬤᬰᬰᬷᬮᬓ᭄ᬭᬶᬲᬸᬢ᭄ᬢᬫᬶ᭞
ᬤᬾᬦᬶᬗᬫ᭄ᬧᬸᬄ᭞ᬳᬫᬵᬢᬶᬰᬢ᭄ᬭᬸᬭᬶᬂᬭᬕ᭟ᬦᬾᬦᬾᬫᬤᬦ᭄ᬤᬰᬰᬶᬮ᭞ᬳᬤᬰᬧᬢᬹᬢ᭄ᬧᬶᬢᭂᬢᬶᬦ᭄᭞ᬦᬾᬧᬗᬯᬶᬢ᭄ᬫᬦᬄᬓ᭄ᬭᭀᬥ᭞ᬫᭀᬫᭀᬳᬗ᭄ᬓᬸᬳᬶᬭᬶᬳᬢᬶ᭞ᬩᬵᬧᬓᬤᬶᬳᬓᬸᬫᬮᬶᬄ᭞ᬫᬸᬯᬄᬲ᭠
ᬭᬸᬦ᭄ᬢᬸᬢᬦᬶᬧᬸᬦ᭄᭞ᬦᬾᬦᬾᬫᬤᬦ᭄ᬤᬰᬾᬦ᭄ᬤ᭄ᬭᬶᬬ᭞ᬱᬤ᭄ᬭᬶᬧᬸᬫ᭄ᬯᬄᬱᬤ᭄ᬢᬢᬬᬶ᭞ᬲᬸᬩᬓᬸᬫ᭄ᬧᬸᬮ᭄᭞ᬦᬸᬗ᭄ᬕᬮ᭄ᬤᬤᬶᬤᬰᬾᬦ᭄ᬤ᭄ᬭᬶᬬ᭟ᬤᬰᬰᬷᬮᬦᬾᬧᬕᭂᬳᬂ᭞ᬧᬗ᭄ᬳᬺᬢᬦ᭄ᬰᬢ᭄ᬭᬸᬦᬾᬰᬓ᭄ᬢᬶ᭞ᬜᬩ᭄ᬭᬦ᭄ᬤᬶᬦᬳᬸᬢ᭄ᬲᬳᬬᬂ᭞
[᭑᭘ 18A]
ᬓᭂᬦ᭄ᬢᬰᬢ᭄ᬭᬸᬦᬾᬧᬂᬫᬵᬢᬶ᭞ᬬᬦ᭄ᬲᬸᬩᬓᭂᬦ᭄ᬢᬘ᭄ᬦᬶᬂ᭞ᬲᬶᬦᬄᬩ᭄ᬭᬕ᭄ᬧᬢᬶᬳᬸᬬᬸᬤ᭄᭞ᬓᬾᬢᭀᬘ᭄ᬦᬶᬂᬧᬶᬢ᭄ᬕᭂᬲ᭄ᬜ᭞ᬤᬩ᭄ᬤᬩᬂᬤᬾᬯᬾᬓᬾᬚᬦᬶ᭞ᬚᭂᬫᭂᬢ᭄ᬫᬸᬭᬸᬓ᭄᭞ᬫᬸᬭᬸᬓᬶᬦ᭄ᬢᬢ᭄ᬯᬳᬕᬫ᭟ᬮᬶᬬᬸᬧᬮᬶᬳᬦᬕᬕᬶᬹᬫ᭞᭠
ᬦᬾᬤᬗ᭄ᬳᬂᬕᬸᬭᬸᬭᬶᬳᬶᬦ᭄᭞ᬕᬸᬭᬸᬤ᭄ᬫᭂᬦ᭄ᬫᬤᬶᬗᭂᬳᬂ᭞ᬩᬶᬲᬦᬾᬩᬦ᭄ᬢᬲ᭄ᬤᬶᬩᬶᬩᬶᬄ᭞ᬢ᭄ᬯᬭᬬᬓᬢ᭄ᬓᬾᬗ᭄ᬳᬢᬶ᭞ᬩ᭄ᬮᭀᬕ᭄ᬕᬸᬭᬸᬦᬾᬓᬮᬗ᭄ᬓᬸᬂ᭞ᬤᬸᬓ᭄ᬕᬸᬭᬸᬦᬾᬳ᭄ᬦᬸᬩᬚᬂ᭞ᬩᬬᬸᬕ᭄ᬥᬾᬢᬦ᭄ᬧᬳᬶᬦ᭄ᬤᬶᬓ᭄᭞ᬢ᭄ᬯᬭᬓᬶᬫᬸᬤ᭄᭞ᬩᭂ
ᬢᭂᬓ᭄ᬩᬲᬗᬾᬳᬸᬮᬳᬂ᭟ᬫᬜᬸᬚᬸᬄᬲᬸᬓᬲᬓᬮ᭞ᬤᬰᬾᬦ᭄ᬤ᭄ᬭᬶᬬᬦᬾᬫᭀᬗ᭄ᬓᭀᬮᬶᬦ᭄᭞ᬳᭂ᭠ᬦ᭄ᬢᭀᬳᬍᬫ᭄ᬕᬸᬭᬸᬜᬩ᭄ᬭᬦ᭄᭞ᬳᬗ᭄ᬕᭀᬦ᭄ᬓᬤᬂᬢᬺᬱ᭄ᬡᬳᬲᬶᬄ᭞ᬩᬳᬂᬗᬫᬄᬲᬳᬶᬲᬳᬶ᭞ᬤᬤᬶᬳᬶᬧᬸᬦ᭄ᬫᭀᬓᭀᬄ
ᬮᬸᬲᬸᬄ᭞ᬫᬫᬜ᭄ᬘᬦᬢᭀᬂᬕᬶᬕᬶᬲᬦ᭄᭞ᬓᬦ᭄ᬢᬶᬕᬸᬭᬸᬧᬸᬮᬂᬧᬮᬶᬂ᭞ᬧ᭄ᬢᭂᬗᬶᬩᬸᬢ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟ᬤᬶᬲᬸᬩᬦᬾᬕᬸᬭᬸᬢ᭄ᬯ᭞ᬫᬭᬕᬸᬭᬸᬫᬗ᭄ᬭᬲᬦᬶᬦ᭄᭞ᬰᬢ᭄ᬭᬸᬦᬾᬩᬓᬢᬗ᭄ᬦᬫᬂ᭞ᬢᬺᬱ᭄ᬡᬳᬶᬦ᭠ [ 19 ][᭑᭘ 18B]
᭑᭘
ᬲᬶᬳᬶᬦ᭄ᬲᬳᬶ᭞ᬫᬭᬕᬸᬭᬸᬫᭂᬭᬶᬄ᭞ᬓᬤᬶᬰ᭄ᬮᭀᬓᬦᬾᬓᬯᬸᬯᬸᬲ᭄᭞ᬫᬭᬓ᭄ᬮᬸᬄᬩ᭄ᬮᭀᬮᬭᬦ᭄᭞ᬫᬕᬾᬩ᭄ᬭᬲ᭄ᬫᬦ᭄ᬫᬓ᭄ᬲᭂᬧᬶᬢ᭄᭞ᬲᬗ᭄ᬓᬦ᭄ᬕᬸᬭᬸ᭞ᬩᬶᬲᬦᬸᬢᬸᬭᬶᬦ᭄ᬧᬶᬬᬦᬓ᭄᭟ᬬᬦ᭄ᬢ᭄ᬯᬄᬲᬶᬤ᭄ᬥᬳᬲ᭄ᬢᬶ
ᬢᬶᬬᬂ᭞ᬳᬧᬂᬲᭂᬦ᭄ᬢᬦᬦᬾᬍᬯᬶᬄ᭞ᬢ᭄ᬯᬭᬘ᭄ᬦᬶᬂᬓᬩᬜ᭄ᬘᬦ᭞ᬓᬤᬶᬕᬸᬭᬸᬳᬦᬾᬭᬶᬳᬶᬦ᭄᭞ᬬᬤ᭄ᬬᬧᬶᬦ᭄ᬕᬸᬭᬸᬲᬶᬹᬮᬶᬗ᭄ᬲᬶᬃ᭞ᬢ᭄ᬯᬭᬓᭀᬧᬸᬗ᭄ᬕᭂᬮᬶᬂᬓᬬᬸᬦ᭄᭞ᬗ᭄ᬢᬸᬢ᭄ᬫᬸᬭᬸᬓᬶᬦᬵᬕᬫ᭞ᬫᬦᬯᬶᬲᬶᬤ᭄ᬥ
ᬓᬧᬗ᭄ᬕᬶᬄ᭞ᬦᬾᬦᬾᬧᬢᬹᬢ᭄᭞ᬓᬵᬮᬢᬸᬫ᭄ᬩᬸᬄᬩ᭄ᬯᬶᬦᬯ᭄ᬓᬲ᭄᭟ᬓᬃᬫ᭄ᬫᬨᬮᬢᬦᬧᬲᬄ᭞ᬦᬸᬢᬸᬕ᭄ᬩᬋᬂᬧᬢᬶᬳᬸᬭᬶᬧ᭄᭞ᬳᬯᬦᬘ᭄ᬦᬶᬂᬧᬕᭂᬳᬂ᭞ᬗ᭄ᬢᬸᬢ᭄ᬓᬃᬫ᭄ᬫᬳᬦᬾᬍᬯᬶᬄ᭞ᬧᬗ᭄ᬤᬓᬩᬜ᭄ᬘᬦᬘ᭄ᬦᬶᬂ᭞
ᬤᬶᬚᬕᬢᬾᬘ᭄ᬦᬶᬂᬢᬸᬫ᭄ᬩᬸᬄ᭞ᬫ᭄ᬮᬳᬂᬘ᭄ᬦᬶᬂᬗᬺᬱᭂᬧᬂ᭞ᬧᬗ᭄ᬤᬲᬮᬄᬩᬳᬦ᭄ᬫᬶᬮᬶᬄ᭞ᬲᬶᬤ᭄ᬥᬮᬦᬸᬲ᭄᭞ᬮᬓ᭄ᬱᬡᬦᬾᬤᬶᬲ᭄ᬓᬮ᭟ᬳᬶᬫᬸᬤᬶᬢᬫᬢᬸᬃᬦᬶᬫ᭄ᬩᬮ᭄᭞ᬕᬸᬭᬸᬳᬫ᭄ᬧᬸᬭᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬓᬶᬭᬂᬫᬶ᭠
[᭑᭙ 19A]
ᬭᬕᬶᬬᬂ᭞ᬳᬯᬦᬦ᭄ᬢᬶᬢ᭄ᬬᬗᬶᬯᬸᬳᬶᬦ᭄᭞ᬫᬦᬹᬢ᭄‌ᬰ᭄ᬮᭀᬓᬦᬾᬭᬶᬂᬪᬸᬫᬸ᭞ᬓᬤᬶᬲᬵᬕᬭ᭠ᬦᬾᬢᬸᬳᬸ᭞ᬫᬓᬸᬤᬂᬢᭀᬬ᭞ᬗ᭄ᬭᬜ᭄ᬚᬶᬂᬭᬶᬂᬢ᭄ᬗᬄᬧᬲᬶᬄ᭞ᬦᬾᬦ᭄ᬢᭂᬦᬶᬧᬸᬦ᭄᭞ᬦᬳᭂᬦ᭄ᬓᬳᭂᬩ᭄ᬓᬦ᭄ᬢᭀᬬ᭟
ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬢᬦ᭄ᬦᬳᭂᬦ᭄ᬯᬋᬕ᭄ᬫᬶᬭᬕᬶ᭞ᬧᬶᬢᬸᬢᬸᬃᬕᬸᬭᬸᬳᬸᬢ᭄ᬢᬫ᭞ᬯᬾᬦ᭄ᬢᭂᬦᬶᬫ᭄ᬩᬲᬦᬾᬧᬗ᭄ᬕᬶᬄ᭞ᬳᬦᬓ᭄ᬩᬸᬭᬕᬤᬲᬳᬶ᭞ᬫᬮᬶᬳᬶᬧᬸᬦ᭄ᬢᬦ᭄ᬧᬲ᭄ᬫᬸ᭞ᬤᬤᭀᬲ᭄ᬫᬗ᭄ᬕᬶᬄᬓᬭᬳᬬ᭄ᬯᬦ᭄᭞᭠
ᬢᬦ᭄ᬓᬶᬭᬂᬳᬃᬣᬪᬭᬡᬶ᭞ᬗᬸᬤ᭄ᬬᬗᬶᬧᬸᬦ᭄᭞ᬮᬾᬫ᭄ᬧᬲ᭄ᬭᬶᬂᬳᬶᬓᬃᬫ᭄ᬫᬨᬮ᭟ᬓᭀᬘᬧ᭄ᬓᬃᬫ᭄ᬫᬦᬾᬦ᭄ᬢᭂᬦ᭄ᬩᭂᬮᬲ᭄᭞ᬲᬋᬂᬦᬸᬢᬸᬕ᭄ᬧᬢᬶᬳᬸᬭᬶᬧ᭄᭞ᬧᬸᬦᬶᬓᬫᬦᬳᬶᬦ᭄ᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬫᬓᬪᬹᬓ᭄ᬢᬶ᭞ᬳᬶ᭠
ᬗ᭄ᬕᬶᬄᬕᬸᬭᬸᬲᬦᬾᬫᬗ᭄ᬓᬶᬦ᭄᭞ᬦ᭄ᬤᬶᬓᬳᬶᬩᬗᭂᬢᬂᬕᬸᬭᬸ᭞ᬫᬮᬶᬄᬦᬶᬓᬭᬸᬩᬷᬦᬶᬫ᭄ᬩᬮ᭄᭞ᬯ᭄ᬬᬓ᭄ᬢᬶ᭠ᬓᬾᬫᭂᬂᬢ᭄ᬬᬂᬫᬶᬭᬕᬶ᭞ᬗ᭄ᬭᬭᬶᬲ᭄ᬕᬸᬭᬸ᭞ᬇᬘ᭄ᬙᬾᬦ᭄ᬢᬶᬢ᭄ᬬᬂᬓᬢᭂᬭᬗᬦ᭄᭟ᬓᬤᬶᬳᬢᬸᬃᬩ᭄ᬮᬶᬫᬸᬤᬶᬢ᭞ᬗᬢᬸᬭᬂᬲ [ 20 ][᭑᭙ 19B]
᭑᭙
ᬦᬾᬫᬪᬹᬓ᭄ᬢᬶ᭞ᬗᬸᬤ᭄ᬬᬂᬢᬦ᭄ᬫᬦᬹᬢᭀᬮᬶᬄᬜ᭞ᬓᬃᬫ᭄ᬫᬓᬳᭀᬦ᭄ᬦᭂᬫᬸᬩ᭄ᬘᬶᬓ᭄᭞ᬳᬶᬕ᭄ᬥᬾᬉᬧᬾᬓ᭄ᬱᬭᬭᬶᬲ᭄᭞ᬦᭂᬭᬗᬂᬧᬶᬢ᭄ᬕᭂᬲᬶᬧᬸᬦ᭄᭞ᬦᬾᬫᬯᬲ᭄ᬢᬓᬃᬫ᭄ᬫᬨᬮ᭞ᬭᬭᬶᬲ᭄ᬓᭂᬤᬾᬓ᭄ᬦᭂᬓᭂᬧ᭄ᬩᬶᬩᬶᬄ᭞ᬳᬶᬳᬶᬳᬸ᭠
ᬳᬸᬳᬸᬄ᭞ᬓᬲ᭄ᬮᬶᬗ᭄ᬲᬸᬢ᭄ᬘᭂᬦᬶᬂᬗᬺᬱᬲᭂᬧᬂ᭟ᬧᬦᬶᬩᬦᬶᬓᬃᬫ᭄ᬫᬨᬮ᭞ᬢᬸᬲᬶᬂᬮᬓ᭄ᬱᬦᬦᬾᬚᬦᬶ᭞ᬤ᭄ᬬᬦ᭄ᬢᬸᬜ᭄ᬚᭂᬮᬾᬤ᭄ᬬᬲ᭄ᬢᬸᬦ᭄ᬫᭂᬮᬄ᭞ᬦ᭄ᬫᬸᬳᭀᬮᬶᬄᬦᬾᬦᬾᬚᬦᬶ᭞ᬓᬤᬶᬦᬾᬭᬯᭀᬲᬂᬘ᭄ᬦᬶᬂ᭞ᬲᬗ᭄ᬓᬦ᭄ᬬᬦ᭄ᬫᬸᬭ
ᬳᬬᬸ᭞ᬳᭂᬦ᭄ᬢᭀᬓᬃᬫ᭄ᬫᬦᬾᬳᬶᬧᬶᬤᬦ᭄᭞ᬢ᭄ᬫᬦᬶᬧᬸᬦ᭄ᬮᬦ᭄ᬢᬲ᭄ᬚᬦᬶ᭞ᬳᬧᬦᬶᬧᬸᬦ᭄᭞ᬦᬸᬫᬤᬶᬤᬸᬓᬾᬭᬶᬯ᭄ᬓᬲ᭄᭟ᬲᭀᬮᬳᬾᬫᬦᬸᬢᬵᬕᬫ᭞ᬤ᭄ᬫᭂᬦᬶᬧᬸᬦ᭄ᬗᬃᬤ᭄ᬥᬶᬩ᭄ᬘᬶᬓ᭄᭞ᬫᬧᬹᬚᬫᬤᬳᬦᬧᬹᬡ᭄ᬬ᭞ᬓ᭄ᬭᬡ
ᬳᬶᬧᬸᬦ᭄ᬤᬤᬶᬲᬸᬕᬶᬄ᭞ᬬᬦ᭄ᬩ᭄ᬯᬶᬦᬯ᭄ᬓᬲ᭄ᬢᬶᬢᬶᬲ᭄᭞ᬲᬶᬦᬄᬦᬭᬓᬓᬢ᭄ᬧᬸᬓ᭄᭞ᬓᬢᬸᬢᬸᬕ᭄ᬭᬶᬂᬓᬃᬫ᭄ᬫ᭠ᬨᬮ᭞ᬓᬾᬢᭀᬧᬶᬢ᭄ᬕᭂᬲ᭄ᬜᬘ᭄ᬦᬶᬂ᭞ᬧᬢᬹᬢᬶᬧᬸᬦ᭄᭞ᬚᬦᬶᬲ᭄ᬯᬓᬾᬃᬢ᭄ᬢᬶᬮᬶᬫ᭄ᬩᬓᬂ᭟ᬓᬵᬮᬦᬶᬢᬶᬲ᭄ᬩ᭄ᬯᬶᬦᬯ᭄ᬓᬲ᭄᭞
[᭒᭐ 20A]
ᬳᬧᬂᬤᬤᬶᬳᬦᬓᬼᬯᬶᬄ᭞ᬳᬶᬫᬸᬤᬶᬢᬮ᭄ᬕᬧᬶᬲᬦ᭄᭞ᬯᬯᬸᬫᬗᬺᬱᭂᬧᬶᬗ᭄ᬳᬢᬶ᭞ᬫᬮᬶᬳᬶᬧᬸᬦ᭄ᬫᬯᬮᬶ᭞ᬦᬓᭀᬦᬂᬢ᭄ᬓᬾᬦᬶᬕᬸᬭᬸ᭞ᬯᬯᬸᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬫᬵᬦᬸᬱᬦᬾᬫᬮᬶᬄᬦᬶᬳᬶᬲ᭄᭞ᬲ᭄ᬓᭂᬦᬶᬧᬸᬦ᭄᭞ᬓᬵ
ᬮᬧᬥᭂᬫ᭄ᬤᬤᭀᬲ᭄ᬢᬦᬄ᭞ᬲ᭄ᬓᬤᬶᬳᭂᬦ᭄ᬢᬶᬓ᭄ᬳᭂᬦ᭄ᬢᬶᬓᬦ᭄᭞ᬯᭀᬳᬶᬧᬸᬦᬾᬲᬦᬾᬫᭂᬦ᭄ᬢᬶᬓ᭄᭞ᬧᬸ᭠ᬦᬶᬓᬗᬯᬶᬦᬂᬓᬢᬄ᭞ᬭᬶᬓᬭᬶᬓᬶᬳᬶᬧᬸᬦ᭄ᬫᭂᬦ᭄ᬢᬶᬓ᭄᭞ᬲᬾᬯᭀᬲ᭄ᬓᬤ᭄ᬓᬸᬂᬫᬮᬶᬄ᭞ᬤᬤᭀᬲ᭄ᬮᬶᬫ᭄ᬩᬓᬂᬯᬶᬢᬶ᭠
ᬧᬸᬦ᭄᭞ᬓᬤᬶᬫᬗ᭄ᬓᬶᬦᬶᬫᬵᬦᬸᬱ᭞ᬢᬦ᭄ᬧᬯᭀᬄᬢᬦ᭄ᬧᬳ᭄ᬯᬶᬢ᭄᭞ᬓᬸᬤ᭄ᬬᬗᬶᬧᬸᬦ᭄᭞ᬧᬘᬂᬦᬶ᭠ᬢᬶᬲ᭄ᬫᬲᭂᬳ᭄ᬦᬦ᭄᭟ᬯᬦ᭄ᬢᬳᬶᬧᬸᬦ᭄ᬫᬲᭂᬦ᭄ᬢᬦ᭞ᬢᬸᬭᬸᬦ᭄ᬢᬸᬫᬸᬭᬸᬦ᭄ᬮᬸᬄᬫ᭄ᬯᬦᬶ᭞ᬮᬸᬄᬓᬭᬸᬩᬷᬩᬮᬶᬄᬦᬶᬫ᭄ᬩᬮ᭄᭞
ᬭᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬶᬭᬕᬶ᭞ᬢᬢᬸᬭᬶᬧᬸᬦᬾᬕᬩ᭄ᬮᬶ᭞ᬲᬧᬸᬦᬧᬶᬦᬶᬦ᭄ᬤᬶᬓᬶᬧᬸᬦ᭄᭞ᬤᬦᬾᬲᬂ᭠ᬤᬤᭀᬲ᭄ᬫᬵᬦᬸᬱ᭞ᬳᬶᬦᬸᬘᬧ᭄ᬫᬮᬶᬄᬫᬦ᭄ᬤᬺᬱ᭄ᬝᬶ᭞ᬚᬢᬶᬦᬶᬧᬸᬦ᭄᭞ᬧᬸᬦᬶᬓᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭟ᬩᬯᭀᬲ᭄ᬕᬸ᭠ [ 21 ][᭒᭐ 20B]
ᬭᬸᬢᬦ᭄ᬧᬜ᭄ᬚᬂ᭞ᬦᬾᬦᬾᬳᭂᬦ᭄ᬢᭀᬚᬢᬶᬘ᭄ᬦᬶᬂ᭞ᬧᬯᬭᬄᬲᬂᬳ᭄ᬬᬂᬳᬕᬫ᭞ᬳᬶᬤᬲᬂᬳ᭄ᬬᬂᬯᬶᬥᬷᬳᬲᬶᬄ᭞ᬦᬶᬢᬄᬲᬳᬶᬲᬶᬦᬶᬂᬪᬹᬫᬶ᭞ᬤᬶᬢᬸᬳᬶᬤᬫ᭄ᬭᬕᬢᭂᬮᬸ᭞ᬲᬳ᭄ᬬᬂᬢ᭄ᬭᬶᬰᬓ᭄ᬢᬶᬓᬳᬸᬘᬧ᭄᭞ᬦᬸᬗ᭄ᬕᬮ᭄ᬳ᭄ᬬᬂᬕᬸᬭᬸ
ᬓᬤᬦᬶᬦ᭄᭞ᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬲᬂᬳ᭄ᬬᬂᬇᬰ᭄ᬯᬭᬧᬗᬸᬦ᭄ᬢᬢ᭄᭟ᬲᬂᬳ᭄ᬬᬂᬩ᭄ᬭᬵᬳ᭄ᬫᬫᬗᬤᬓᬂ᭞ᬲ᭠ᬮ᭄ᬯᬶᬭᬶᬗᬤᬤᬶᬕᬸᬫᬶ᭞ᬳᬶᬤᬲᬂᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬳᬸᬭᬶᬧ᭄ᬲᬳᬦᬦᬶᬗ᭄ᬤᬤᬶ᭞ᬲᬂᬳ᭄ᬬᬂᬇᬰ᭄ᬯᬭᬰᬓ᭄ᬢᬶ
᭞ᬥᬃᬫ᭄ᬫᬦᬶᬤᬦᬾᬫᬗᬼᬩᬸᬭ᭄᭞ᬚᬦᬶᬳᬢᭂᬧᬂᬜᬢ᭄ᬯᬬᬂ᭞ᬳᬶᬤᬲᬂᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬫᬜᬯᬶᬪᬸᬄ᭞ᬳᬶᬤᬗᬯᬰᬤᬶᬚᬕᬢ᭄᭟ᬳᬶᬤᬳᬦᬾᬫ᭄ᬭᬕᬢᬶᬢᬄ᭞ᬲᬗ᭄ᬓᬦ᭄ᬚᬦᬶᬩᬸᬓᬘ᭄ᬦᬶᬂ᭞ᬗᬤ᭄ᬕᬂᬳᬶᬤ
ᬤᬶᬫ᭄ᬭᬚᬦ᭄᭞ᬳᬶᬤᬲᬸᬂᬲᬸᬂᬲᬳᬶᬲᬳᬶ᭞ᬢᬸᬲᬶᬂᬤᬤᬶᬮᬾᬫ᭄ᬧᬲᬶᬦ᭄᭞ᬭᬾᬳᬶᬤᬫᬭᬕᬕᬸᬭᬸ᭞ᬳᬶᬤᬕᬸᬭᬸᬦᬶᬂᬯᬶᬰᬾᬱ᭞ᬳᬶᬤᬕᬸᬭᬸᬤᬕᬶᬂᬕᬸᬫᬶ᭞ᬫ᭄ᬭᬕᬳᬶᬬᬸᬦ᭄᭞ᬧᬦᭂᬫ᭄ᬩᬳᬦ᭄ᬲᬪᬸᬯᬦ᭟ᬳᬶᬦ᭄ᬤᬶ
[᭒᭑ 21A]
ᬓ᭄ᬫᬵᬢᬶᬦᬾᬳᬸᬘᬧᬂ᭞ᬭᬕᬲ᭄ᬢᬸᬮᬳᬦᬾᬫᬵᬢᬶ᭟ᬓᬢᬶᬗ᭄ᬕᬮᬶᬦ᭄ᬲᬂᬳ᭄ᬬᬂᬳᬢ᭄ᬫ᭞ᬦᬾᬢᬦ᭄ᬓᭂᬦᬢᬸᬯᬧᬢᬶ᭞ᬚᬭᬫ᭄ᬭᬡᬓᬳᬤᬦᬶᬦ᭄᭞ᬳᬶᬤᬦᬾᬫᬭᬕᬯᬶᬪᬹᬄ᭞ᬰᬸᬘᬶᬢᬦ᭄ᬓᬳᬦᬦ᭄ᬫᬮ᭞ᬤᬶᬢᬸᬳᬶᬤ᭠
ᬩ᭄ᬯᬶᬦ᭄ᬫᬢᬶᬢᬶᬲ᭄᭞ᬫᬜᬮᬸᬧ᭄ᬲᬸᬧ᭄᭞ᬫᬭᬕᬦᬶᬦ᭄ᬭᬭᬾᬳᬜᬭ᭄᭟ᬤᬤᬶᬗᬯᬶᬢ᭄ᬩ᭄ᬯᬶᬦᬼᬓᬤ᭄᭞᭠ᬓᬾᬢᭀᬧᬳᬶᬍᬄᬜᬘ᭄ᬦᬶᬂ᭞ᬦᬗ᭄ᬳᬶᬂᬢ᭄ᬯᬭᬓᬳᬶᬗ᭄ᬢᬦ᭄᭞ᬳᬢ᭄ᬫᬦ᭄ᬜᬦᬾᬲᬸᬩᬦᬶᬢᬶᬲ᭄᭞ᬓ᭄ᬭᬡᬫᬯᬮᬶᬘ᭄ᬦᬶᬓ᭄᭞
ᬗᬩᬩ᭄ᬓᭂᬮᬼᬓᬤᬶᬧᬸᬦ᭄᭞ᬦᬾᬫᬳᬤᬦ᭄ᬓᬃᬫ᭄ᬫᬨᬮ᭞ᬫ᭄ᬮᬄᬚ᭄ᬮᬾᬧᬢᬹᬢ᭄ᬢᬫ᭄ᬧᬶ᭞ᬲᬸᬩᬫᬸᬗ᭄ᬕᬸᬄ᭞᭠ᬢᬶᬗ᭄ᬓᬳᬾᬦᬶᬢᬶᬲᬶᬧᬶᬤᬦ᭄᭟ᬳᬓᬾᬦᬾᬫᬮᬸᬓᬗ᭄ᬕᭀᬳᬂ᭞ᬩ᭄ᬓᭂᬮ᭄ᬘᭂᬦᬶᬗᬾᬦᬸᬫᬤᬶ᭞ᬓ᭄ᬭᬡᬘ᭄ᬦᬶᬂᬩ᭄ᬭᬵᬳ᭄ᬫ
ᬘᬃᬬ᭄ᬬ᭞ᬳᬸᬦ᭄ᬤᬕᬦ᭄ᬘᭂᬗᬾᬚᬦᬶ᭞ᬬᬦ᭄ᬲᬶᬤ᭄ᬥᬩᬳᬦ᭄ᬘᭂᬦᬶᬂ᭞ᬳᬸᬦ᭄ᬤᬕᬂᬲᬗ᭄ᬓᭂᬤᬦᬶᬧᬸᬦ᭄᭞ᬦᬾᬦᬾᬳᬶᬦᬸᬘᬧ᭄ᬕ᭄ᬭᬳᬱ᭄ᬝ᭞ᬓᬧᬶᬂᬢ᭄ᬮᬸᬦ᭄ᬜᬦᬾᬫᬮᬶᬄ᭞ᬳᬸᬦ᭄ᬤᬕᬶᬧᬸᬦ᭄᭞ᬦᬾᬦᬾᬳᬶᬦᬸᬘᬧ᭄ᬪᬶᬓ᭄ᬱᬸᬓ᭟ᬤᬸᬭᬶᬬᬦ᭄ᬳᭂ [ 22 ][᭒᭑ 21B]
᭒᭑
ᬦ᭄ᬢᭀᬢᬓᭀᬦᬂ᭞ᬤᬶᬢᬸᬢᬸᬃᬢᬢ᭄ᬯᬳᬮᬶᬳᬶᬦ᭄᭞ᬓᬾᬦ᭄ᬓᬾᬦ᭄ᬧᬢᬹᬢ᭄ᬲᬂᬕ᭄ᬭᬳᬱ᭄ᬝ᭞ᬫᬶᬯᬄᬪᬶᬓ᭄ᬱᬸ᭠ᬓᬦᬾᬩ᭄ᬯᬦ᭄᭞ᬭᬾᬄᬢᬦ᭄ᬤᬾᬦ᭄ᬩᬦ᭄ᬤᬂᬮᬓᭀᬦᬶᬦ᭄᭞ᬦᭂᬍᬩᬂᬧᬘᬂᬫᬳᬸᬭᬸᬓ᭄᭞ᬳᬓᬾᬢᭀᬘ᭄ᬦᬶᬂᬋ
ᬲᭂᬧᬂ᭞ᬚᬮᬦ᭄ᬫᬢᭂᬕ᭄ᬢᭂᬕᬦ᭄ᬚᬦᬶ᭞ᬧᬗ᭄ᬤᬩᬶᬗᬸᬂ᭞ᬦᬫ᭄ᬧᬶᬧᬶᬢᬸᬢᬸᬭᬫᬢ᭄ᬭ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬳᬸᬲᬦ᭄ᬦᬸᬢᬸᬃᬳᬶᬕ᭄ᬥᬾᬉᬧᬾᬓ᭄ᬱᬩᬸᬤᬮ᭄᭞ᬗᭀᬚᭀᬕ᭄ᬧᬲᬭᬾᬬᬦ᭄ᬗᭂᬢᬶᬲ᭄᭞ᬗᬮᬳᬸᬢ᭄ᬫᬗᬦᬸ
ᬲ᭄᭞ᬫᬭᬧᬸᬍᬲᬚᬺᬧ᭄ᬚᭂᬧᬦ᭄᭞ᬢᬸᬫᬸᬮᬶᬩᬗᬸᬦ᭄ᬫᬗ᭄ᬭᬭᬶᬲ᭄᭞ᬮᬸᬄᬓᬭᬸᬡᬷᬢ᭄ᬭᬕ᭄ᬬ᭞ᬜᬯᬶ᭠ᬲᬂᬕᬸᬭᬸᬦᬾᬓᭀᬧᬶ᭟ᬭᬶᬲᬵᬫ᭄ᬧᬸᬦᬾᬯᬸᬲᬦ᭄ᬗᭀᬧᬶᬲᬫᬶᬕᬶᬭᬂ᭞ᬳᬶᬫᬸᬤᬶᬢᬗᬯᬯᬦᬶᬦ᭄᭞ᬦᬸᬦ᭠
ᬲᬭᬦ᭄ᬲᬢ᭄ᬯ᭞ᬳᬗ᭄ᬕᬾᬦ᭄ᬧᬗ᭄ᬮᬶᬮᬘᬶᬢ᭄ᬢ᭞ᬕᬸᬭᬸᬗᬶᬭᬶᬂᬓᬾᬓᬯᬶᬢᬶᬦ᭄᭞ᬫᬳᬭᬦ᭄ᬲᬢ᭄ᬯ᭞ᬢᬶᬢ᭄ᬬᬂᬤ᭄ᬫᭂᬦ᭄ᬫᬶᬭᬕᬶ᭟ᬲᬢ᭄ᬯᬓᬸᬦᬲᬦᬾᬫᬤᬕᬶᬂᬳᬸᬫᬶᬫ᭄ᬩ᭞ᬫᬮᬶᬄᬢᬶᬢ᭄ᬬᬂᬫᬶᬭᬕᬶ᭞ᬓᭀᬘᬲᬦᬓ᭄ᬮᬯ᭠
[᭒᭒ 22A]
ᬲ᭄᭞ᬓᬮᬶᬦ᭄ᬢᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬫᬓᬪᬹᬓ᭄ᬢᬶᬓᬤᬶᬫᬗ᭄ᬓᬶᬦ᭄᭞ᬧ᭄ᬭᬚ᭄ᬜᬗᬃᬤ᭄ᬥᬶᬲᬢ᭄ᬯ᭞ᬤᬕᬶᬂᬜᬳᬸᬢ᭄ᬢᬫᬯ᭄ᬬᬓ᭄ᬢᬶ᭟ᬫᬮᬶᬄᬦᬶᬫ᭄ᬩᬮ᭄᭞ᬦᬶᬮᬸᬄᬓᬭᬸᬡᬷᬧ᭄ᬭᬡᬫ᭄ᬬ᭞ᬗᬶᬭᬶᬂᬕᬸᬭᬸᬓᬯᬶᬢᬶᬦ᭄᭞ᬫᬸᬧᬸᬂᬯᬾᬦ᭄ᬢᭂ
ᬦ᭄ᬕᬮᬄ᭞ᬩ᭄ᬘᬶᬓ᭄ᬫᬗ᭄ᬓᬶᬦ᭄ᬮᬦ᭄ᬢᬸᬭᬂ᭞ᬳᬸᬲᬦ᭄ᬫᬭᬦ᭄ᬲᬢ᭄ᬯᬫᬮᬶᬄ᭞ᬓᬵᬃᬬ᭄ᬬᬧᬸᬧᬸᬢᬂ᭞ᬫᬗ᭄ᬤᬲᬫᬶᬫᬧᬶᬳᭀᬮᬶᬄ᭟ᬳᬶᬕ᭄ᬥᬾᬉᬧᬾᬓ᭄ᬱᬫᬮᬶᬹᬗ᭄ᬮᬢᬸᬭᬂᬲᬢ᭄ᬯ᭞ᬫᬥᬾᬫᬸᬤᬶᬢᬘ᭄ᬦᬶᬂ᭞ᬮᬸᬄᬓᬭᬸᬡᬶᬫᬸᬯᬄ᭞
ᬕᬸᬭᬸᬚᬦᬶᬜᬢ᭄ᬯᬬᬂ᭞ᬫᬭᬹᬧᬲᬢ᭄ᬯᬦ᭄ᬦᬓ᭄ᬘᭂᬦᬶᬓ᭄᭞ᬳᬦᬢᬓᭀᬘᬧ᭄᭞ᬯ᭄ᬯᭀᬂᬤᬸᬲᬸᬦ᭄ᬤ᭠ᬳᬢ᭄ᬲᬸᬕᬶᬄ᭟ᬢᬸᬃᬫᬳᬤᬦ᭄‌ᬳᬶᬕ᭄ᬥᬾᬫᬹᬃᬓᬓᭀᬘᬧ᭄᭞ᬤ᭄ᬫᬶᬢᬾᬢᬦ᭄ᬲᬶᬦᬶᬧᬶ᭞ᬤ᭄ᬫᭂᬦ᭄ᬫᬜᬾᬯᬓ᭞᭠
ᬢ᭄ᬯᬭᬩᬦᬶᬦᬳᬃᬕ᭄ᬮᬄ᭞ᬫᬧᬗᬗ᭄ᬕᭀᬤᬓᬶᬘᬸᬯᬶᬮ᭄᭞ᬦᬸᬦᬳᬶᬦᬯᬓ᭄᭞ᬕ᭄ᬮᬄᬧᬶᬲᬕᬦᬾᬳᬶᬤᬶᬄ᭟ᬓᬧᬾᬂᬩ᭄ᬭᭀᬗᭀᬲ᭄‌ᬫᬩᭀᬗᬲ᭄ᬫᬳᬶᬫ᭄ᬧᬸᬕᬦ᭄᭞ᬯᬮᬸᬬᬫᬭᬹᬧᬕ᭄ᬭᬶᬂ᭞ᬫᭀᬳᬦᬾᬫ᭄ᬭᬾ [ 23 ][᭒᭒ 22B]
᭒᭒
ᬗᬾᬲᬦ᭄᭞ᬲᬶᬂᬢᬳᬾᬦ᭄ᬫᬦ᭄ᬤᬸᬲ᭄ᬜᬩ᭄ᬭᬦ᭄᭞ᬮᬸᬤᬶᬦ᭄ᬩᭂᬮᭀᬕᭀᬮᭀᬕ᭄ᬧ᭄ᬮᬶᬢ᭄ᬧᬶᬢ᭄᭞ᬩᬸᬢᬅᬓ᭄ᬱᬭ᭞ᬫᬸᬜᬶᬩᬗ᭄ᬕ᭄ᬭᬲ᭄ᬢᬦ᭄ᬧᬰ᭄ᬭᬸᬣᬶ᭞ᬗ᭄ᬮᬄᬧ᭄ᬬᬦᬓ᭄ᬫᬭᬧᭂᬂᬲᬦ᭄ᬩᬚᬂᬜᬮᬄ᭞ᬳᬶᬫᬬᬸᬲ᭄ᬓᬳᬤᬦᬶᬦ᭄᭞᭠
ᬲᬬᬗᬾᬓᬮᬶᬯᬢ᭄᭞ᬢᬦ᭄ᬢᬳᬾᬦ᭄ᬢᬧᬓ᭄ᬢᬦᬄ᭞ᬫᬲᬶᬗ᭄ᬳᬮ᭄ᬫᬕᬦ᭄ᬤᭀᬂᬲᬳᬶ᭞ᬓᬵᬮᬦᬶᬂᬤᬶ᭠ᬦ᭞ᬓᬧᬶᬲᬕᬬᬫᬮᬮᬶ᭟ᬗᬦ᭄ᬤᭀᬂᬧ᭄ᬬᬦᬓ᭄‌ᬗᬮᬶᬄᬕᬮᬄᬓᬧᬶᬲᬕ᭞ᬫᬲᬦᬦᬓ᭄ᬗᭂᬦᭂᬫᬶᬦ᭄᭞ᬧ᭄ᬧ
ᬦᬓ᭄ᬜᬫᬤᬳᬭ᭄᭞ᬮᬦ᭄ᬢᬲ᭄ᬢᭂᬓᬫᬕᬾᬩ᭄ᬭᬲ᭄᭞ᬜᭀᬚᭀᬃᬫᬦ᭄ᬕᬓ᭄ᬤᬶᬲᬫ᭄ᬧᬶᬂ᭞ᬲᬂᬗ᭄ᬮᬄᬳᬸ᭠ᬫᬄ᭞ᬦᬸᬮᬶᬳᬶᬧᬸᬦ᭄ᬦᬜ᭄ᬚᬾᬦᬶᬦ᭄᭟ᬩ᭄ᬮᬶᬕ᭄ᬥᬾᬚᬮᬦ᭄ᬓᬾᬤᬶᬦᬶᬫᬤᬳᬃ᭞ᬩᬋᬂᬩᬋᬗᬦ᭄ᬚᬦᬶ᭞ᬳᬚᬓ᭄ᬧ᭄ᬬ᭠
ᬦᬓᬶᬘᬂ᭞ᬳ᭄ᬦᬾᬫᬲᬶᬦᬾᬤᬳᬭ᭄᭞ᬳᬶᬤ᭄ᬥᬾᬫᬸᬃᬓ᭄ᬓᬜᬯᬸᬢᬶᬦ᭄᭞ᬮᬯᬸᬢᬂᬫᬤᬳᬭ᭄᭞ᬩ᭄ᬮᬶᬲᬸᬩᬚᬸᬫᬄᬢᬸᬦᬶ᭟ᬫᬭᬓᬾᬢᭀᬳᬶᬫᬬᬸᬲ᭄ᬗᭂᬮᬶᬂᬫᬗᬭᬩ᭄᭞ᬩᬧᬢ᭄ᬬᬂᬜᬓ᭄ᬗᬶᬤᬶᬄᬦᬲᬶ᭞ᬩᬲᬂᬲ᭄ᬤᬸᬓ᭄ᬧᭂᬲ
[᭒᭓ 23A]
ᬦ᭄᭞ᬩᬧᬢ᭄ᬯᬭᬚᬜᬓᬦ᭄᭞ᬢ᭄ᬬᬂᬤᬶᬦᬶᬗᬶᬤᬶᬄᬦᬲᬶ᭞ᬩᬧᬦ᭄ᬜᬗᬸᬘᬧ᭄᭞ᬘᬳᬶᬲᬗᭂᬢ᭄ᬫᬚ᭄ᬗᬳᬶᬦ᭄᭟ᬓᬤᬸᬂᬢᬸᬫᬦ᭄ᬘᬳᬶᬮᬾᬤᬧ᭄ᬤᬶᬧᬶᬲᬕ᭞ᬕ᭄ᬮᬄᬳᬦᬓ᭄ᬫᭂᬮ᭄ᬤᬂᬘᬳᬶ᭞ᬫᬶᬭᬶᬩ᭄ᬩᬧᬢᬶᬯᬲ᭄᭞ᬫᬦᬶᬩ᭄ᬯᬶ
ᬦ᭄ᬓᬧᬶᬲᬕ᭞ᬭᬳᭀᬲᬾᬫᬓᬶᬲᬶᬓᬶᬲᬶ᭞ᬩᬸᬯᬶᬦ᭄ᬜᬗ᭄ᬢᬂ᭞ᬳᬶᬫᬬᬸᬲ᭄ᬗᭂᬮᬶᬂᬫᬜ᭄ᬚ᭄ᬭᬶᬢ᭄᭟ᬤᬶ᭠ᬢᬸᬢᬸᬮᬯᬸᬢ᭄᭞ᬲᬂᬢᬶᬦ᭄ᬓᬦ᭄ᬫᬗᬾᬩ᭄ᬭᬲᬂ᭞ᬦ᭄ᬫᬓᬂᬳᬶᬫᬬᬸᬲ᭄ᬦᬲᬶ᭞ᬢ᭄ᬮᬄᬲᬲᭀᬓ᭄ᬱᭀᬓᬦ᭄᭞ᬲᬯᬸᬤ᭄ᬫ
ᬤᬳᬃᬩᬸᬤᬮ᭄᭞ᬢᬦ᭄ᬧᬲᬤᭀᬓ᭄ᬫᭂᬲᬸᬭᬭᬶᬲ᭄᭞ᬤᬾᬦᬶᬂᬓᬲᬶᬤ᭄ᬥᬦ᭄᭞ᬧ᭄ᬬᬦᬓ᭄ᬯᬋᬕ᭄ᬦᬳᬃᬦᬲᬶ᭟ᬭᬭᬶᬲ᭄ᬜᭂᬮᬕ᭄‌ᬳᬶᬫᬸᬤᬶᬢᬫᬓᭀᬦᬂ᭞ᬳᬶᬗ᭄ᬕᬶᬄᬕᬸᬭᬸᬦᬾᬫᬗ᭄ᬓᬶᬦ᭄᭞ᬤᬸᬍᬕ᭄ᬫᬦᬄᬢᬶᬢ᭄ᬬᬂ᭞ᬯ
ᬦ᭄ᬢᬄᬫᬭᬹᬧᬲᬢ᭄ᬯ᭞ᬳᬦᬓ᭄ᬲᬸᬕᬶᬄᬤ᭄ᬫᭂᬫᭂᬦ᭄ᬗᬶᬤᬶᬄ᭞ᬫᬶᬢᭂᬢᬶᬦᬯᬓ᭄᭞ᬢᬦ᭄ᬧᬢᬹᬢ᭄ᬢᬶᬭᬸᬯ᭄ᬬᬓ᭄ᬢᬶ᭟ᬳᬶᬗ᭄ᬕᬶᬄᬕᬸᬭᬸᬮᬦ᭄ᬢᬸᬭᬂᬫᬗ᭄ᬓᬶᬦ᭄ᬜᬢ᭄ᬯᬬᬂ᭞ᬫᬗ᭄ᬤᬾᬓᬾᬢᬶᬢ᭄ᬬᬗᬸᬦᬶᬂ᭞ᬲᬢ᭄ᬯᬦ᭄ᬕᭂᬥᬾᬫᬹᬃᬓ᭄ᬓ᭞ᬫᬶ᭠ [ 24 ][᭒᭓ 23B]
᭒᭓
ᬯᬄᬳᬶᬫᬬᬸᬲ᭄ᬧ᭄ᬬᬦᬦ᭄ᬜ᭞ᬦᬄᬕᬸᬭᬸᬗ᭄ᬮᬦ᭄ᬢᬸᬭᬂᬚᬦᬶ᭞ᬳᬶᬕ᭄ᬥᬾᬫᬹᬃᬓ᭄ᬓ᭞ᬧ᭄ᬬᬦᬓᬾᬮᬯᬸᬢ᭄ᬢᬸᬢᬸᬭᬶᬦ᭄᭟ᬘ᭄ᬦᬶᬂᬫᬬᬸᬲ᭄᭞ᬳ᭄ᬤᬧᭂᬲᬦ᭄ᬫᬳᬗ᭄ᬕᬸᬭᬦ᭄᭞ᬯᬶᬭᬾᬄᬧ᭄ᬬᬦᬓᬦᬓ᭄ᬲᬸᬕᬶᬄ᭞ᬬᬦ᭄ᬘᭂᬦᬶᬂᬫᬗ᭄ᬕᬸᬭᬦ᭄
᭞ᬲᬶᬦᬄᬮ᭄ᬬᬸᬗ᭄ᬮᬄᬢᬶᬫ᭄ᬧᬮ᭄᭞ᬫᬓ᭄ᬚᬂᬬᬦᬕᬶᬄᬗᬶᬤᬶᬄ᭞ᬳᭂᬦ᭄ᬢᭀᬓ᭄ᬭᬡᬦ᭄ᬜ᭞ᬚᬸᬫᬄᬩ᭄ᬭᬡᬦᬾᬢᭀᬗᭀᬲᬶᬦ᭄᭟ᬢᬦ᭄ᬘᬭᬶᬢᬫᬵᬢᬶᬳᬶᬧᬸᬦ᭄ᬕᭂᬥᬾᬫᬹᬃᬓ᭄ᬓ᭞ᬳᬶᬫᬬᬸᬲ᭄ᬧᬸᬮᬂᬧᬮᬶᬂ᭞ᬢ᭄ᬯᬭᬦᬯᬗᬧ᭞᭠
ᬩ᭄ᬮᭀᬕᭀᬮᭀᬕᭀᬮᭀᬕᬦ᭄᭞ᬢ᭄ᬯᬭᬦᬯᬂᬩ᭄ᬭᬡᬧᬶᬧᬶᬲ᭄᭞ᬫᬶᬯᬄᬦᬾᬮ᭄ᬬᬦᬦ᭄᭞ᬳᬸᬫ᭠ᬳᬾᬮᬯᬸᬢ᭄ᬧ᭄ᬮᬳᬶᬩᬶᬦ᭄᭟ᬩᬸᬢᬢᬸᬮᬶᬮᬯᬸᬢ᭄ᬫᬚᬮᬦ᭄ᬫᭂᬲᬸᬯᬂ᭞ᬢᬶᬦ᭄ᬤᬓᬦᬾᬲᬤᬕᬢᬶ᭞ᬢ᭄ᬧᬸᬓ᭄ᬦᬓ᭄ᬫᬗ᭄ᬕᬸ
ᬭᬦ᭄᭞ᬓᬸᬫ᭄ᬧᬸᬮ᭄ᬤᬶᬩᬮᬾᬩᬜ᭄ᬚᬭ᭄᭞ᬋᬗᬲᬶᬧᬸᬦ᭄ᬫᬦᬶᬗ᭄ᬳᬮᬶᬦ᭄᭞ᬦᬸᬮᬶᬜᬗᬶᬤᬂ᭞ᬤᬾᬯᬾᬓᬶᬧᬸᬦ᭄ᬫᭂᬮᬳᬶᬩ᭄᭟ᬧᬢᬶᬧᬸᬭᬸᬕ᭄‌ᬧᬮᬳᬶᬩᬾᬲᬶᬂᬭᬾᬭᬾᬦᬦ᭄᭞ᬦᭂᬧᬸᬓᬶᬦ᭄ᬧᬗᬗᭀᬦ᭄ᬲᬫ᭄ᬧᬶ᭞ᬗᬾ
[᭒᭔ 24A]
ᬗ᭄ᬕᬮᬶᬫᬚᬮᬦ᭄᭞ᬋᬗᬲ᭄ᬲᬫ᭄ᬧᬶᬦᬾᬓᭀᬘᬧ᭄᭞ᬫᬦ᭄ᬤᭀᬗᬲᬫ᭄ᬩᬶᬮ᭄ᬗᬶᬧᭂᬓᬶᬦ᭄᭞ᬳᬶᬫᬬᬸᬲ᭄ᬭᬸᬦ᭄ᬢᬕ᭄᭞ᬗ᭄ᬢᭀᬃᬗ᭄ᬚᭂᬃᬫᬗᬶᬚᬶᬓ᭄᭟ᬢᬸᬃᬫᬕᬾᬩ᭄ᬭᬲ᭄‌ᬳᬶᬫᬬᬸᬲ᭄ᬫᬮᬳᬶᬩ᭄ᬕᭂᬲᬭ᭄᭞ᬲᬫ᭄ᬧᬶᬦᬾᬫ᭄ᬕᬢ᭄ᬫ᭠
ᬮᬳᬶᬩ᭄᭞ᬤᬸᬭᬶᬦ᭄ᬜᬦᬾᬓᭀᬘᬧ᭄᭞ᬤᬤᬶᬲᬮᬄᬓᬤᬾᬦᬦ᭄᭞ᬲᬫ᭄ᬧᬶᬦᬾᬕᬮᬓ᭄ᬗᭂᬧᬸᬗᬶᬦ᭄᭞ᬩᬸᬯᬶᬦ᭄ᬗᬗ᭄ᬲᭃᬳᬂ᭞ᬫᬮᬳᬶᬩ᭄ᬧᬢᬶᬓ᭄ᬮᬶᬤ᭄᭟ᬍᬍᬄᬗᬗ᭄ᬲᬸᬃᬩᬄᬩᬗᬸᬦ᭄ᬧᬮᬳᬶᬩ᭄ᬜ᭞ᬢ᭄ᬓᭂ᭠
ᬤ᭄ᬤᬶᬲᬫ᭄ᬧᬶᬂᬘᬭᬶᬓ᭄᭞ᬳᬤᬳᬸᬫᬄᬢᬸᬗ᭄ᬕᬮ᭄᭞ᬳᬸᬫᬄᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬗ᭄ᬮᬄᬧ᭄ᬬᬦᬓ᭄ᬮᬸᬳᬤᬶᬭᬶ᭞ᬫᬤᬦ᭄ᬮᬸᬄᬲ᭄ᬓᬭ᭄᭞ᬦᬗ᭄ᬳᬶᬂᬗ᭄ᬮᬄᬧᬜᬓᬶᬢ᭄᭟ᬲᬓᬶᬢᬶᬧᬸᬦ᭄‌ᬳᬬᬶᬹᬳᬶᬬᬦ᭄ᬧᭂᬧᭂᬲᭂᬩᬄ᭞ᬗ
ᬲᬾᬓ᭄ᬱᬾᬓ᭄ᬚᬸᬗ᭄ᬓᭂᬮᬂᬚᬸᬂᬓ᭄ᬮᬶᬂ᭞ᬳᬶᬫᬬᬸᬲᬸᬘᬧᬂ᭞ᬫᬭᬾᬭᬾᬦ᭄ᬫᬳᬂᬲ᭄ᬕᬦ᭄᭞ᬤᬶᬲᬫ᭄ᬧᬶᬂᬢᬾᬫ᭄ᬩᭀᬓᬾᬗ᭄ᬧᬶᬮ᭄᭞ᬦ᭄ᬤᭀᬳᬾᬲ᭄ᬫᬗ᭄ᬓᬶᬳᬦ᭄᭞ᬦ᭄ᬕᬄᬗᭀᬗ᭄ᬓᭀᬂᬓᬸᬮᬸᬓᬾᬲ᭄ᬭᬶᬂ᭟ᬤᬤᬶᬕ᭄ᬮᬸᬮᬸᬄᬓᬦ᭄ᬯ᭄ᬭᬸᬗᬦ᭄ᬫ᭠ [ 25 ][᭒᭔ 24b]
᭒᭔
ᬗᬯᬲᬂ᭞ᬓᬸᬮᬸᬓ᭄ᬗᭀᬗ᭄ᬓᭀᬂᬢᬸᬫ᭄ᬩᬾᬦ᭄ᬚᬦᬶ᭞ᬲᬳᬦ᭄ᬕᬄᬦ᭄ᬕᬄ᭞ᬗᬮᬯᬸᬢ᭄ᬫᬲᭂᬳ᭄ᬩᬦ᭄᭞ᬢ᭄ᬧᬸᬓᬶᬫᬬᬸᬲ᭄ᬫᬗ᭄ᬧᬶᬮ᭄᭞ᬤᬶᬲᬫ᭄ᬧᬶᬗᬸᬫᬄ᭞ᬮᬦ᭄ᬢᬲᬶᬧᬸᬦ᭄ᬫᬜᬕ᭄ᬚᬕᬶᬦ᭄᭟ᬦᬾᬢᬾᬘᬳᬶᬲᬗ᭄ᬓᬦ᭄ᬤᬶᬦᬶᬫᬢᬗ᭄ᬲᭂᬕ᭠
ᬦ᭄᭞ᬭᬹᬧᬦ᭄ᬘᬳᬶᬲ᭄ᬫᬶᬂᬮ᭄ᬧᬶᬲ᭄᭞ᬘᬭᬓᬢᬸᬢᬦ᭄᭞ᬧᬸᬮᬂᬧᬮᬶᬂᬗᬮᬶᬄᬫᬃᬕ᭄ᬕ᭞ᬓᭂᬧᬸᬂᬰᬢ᭄ᬭᬸᬫ᭄ᬮᬳᬶᬩᬶᬦ᭄᭞ᬧᬂᬲᬶᬤ᭄ᬥᬯᬭᬲ᭄᭞ᬳ᭄ᬦᬸᬳᬸᬭᬶᬧ᭄ᬩᬸᬓᬚᬦᬶ᭟ᬳ᭄ᬜᬾᬦᬤᬦ᭄ᬘᬳᬶᬦᬾᬚᬦᬶᬳᭀᬭᬳᬂ᭞ᬳᬸᬮᬶᬤᬶᬚ
ᬚᬢᬶᬘᬳᬶ᭞ᬳᬶᬫᬬᬸᬲ᭄ᬫᬗ᭄ᬕᬸᬢᬦ᭄᭞ᬫᬲᬳᬸᬢ᭄ᬢᬸᬲᬶᬂᬩᬶᬲ᭞ᬓ᭄ᬭᬡᬩ᭄ᬮᭀᬕᬾᬢᬦ᭄ᬲᬶᬧᬶ᭞ᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬧᭂᬧᭂᬲ᭄ᬲᬸᬩᬫᬦᬓᭀᬦᬶᬦ᭄᭟ᬫᬗ᭄ᬕᬶᬄᬢᭂᬢᭂᬧᬶᬫᬬᬸᬲᬫᬸᬂᬫᬗ᭄ᬕᬸᬢᬦ᭄᭞ᬓᬤᬤᬦ᭄ᬫᬸ᭠
ᬮᬶᬳᬦ᭄ᬚᬦᬶ᭞ᬓᬩᬳᬂᬫᬤᬳᬭ᭄᭞ᬦ᭄ᬕᬓ᭄ᬤᬶᬳᬫ᭄ᬩᬾᬦᬸᬫᬄ᭞ᬧᬭᬸᬲᬶᬧᬸᬦ᭄ᬗᭂᬲᭀᬧ᭄ᬦᬲᬶ᭞ᬲᬸᬳᬸᬤ᭄ᬫᬤᬳᬭ᭄᭞ᬩᬸᬳᬶᬦ᭄ᬮᬦ᭄ᬢᬲ᭄ᬓᬢᬓᭀᬦᬶᬦ᭄᭟ᬳᬫᬸᬗᬶᬧᬸᬦ᭄‌ᬩᬶᬲᬦᬾᬩᬦ᭄ᬢᬲ᭄ᬫᬗ᭄ᬕᬸᬢᬦ᭄᭞ᬓᬲᬸᬯᬾᬦ᭄ᬘ
[᭒᭕ 25A]
ᬭᬶᬢᬘ᭄ᬦᬶᬂ᭞ᬫᬭᬫᬜᬶᬤᬬᬂ᭞ᬧ᭄ᬲᬸᬫᬸᬜᬶᬓᬧᬄᬓᬧᬄ᭞ᬮᬸᬄᬓᬦ᭄ᬢ᭄ᬭᬸᬗᬦ᭄ᬕᬃᬚ᭄ᬚᬶᬢᬾᬗ᭄ᬳᬢᬶ᭞ᬭᬄᬢᬸᬲᬶᬂᬗ᭄ᬮᬄ᭞ᬧ᭄ᬬᬦᬓᬦᬾᬫ᭄ᬯᬦᬶ᭟ᬩ᭄ᬯᬶᬦ᭄ᬫᬢᬓᭀᬦ᭄‌ᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬦᭂᬢᭂᬲᬂ᭞ᬳᬤᬦᬶᬧᬸᬦ᭄ᬲ
ᬚᬢᬶ᭞ᬳᬶᬫᬬᬸᬲ᭄ᬫᬗ᭄ᬕᬸᬢᬦ᭄᭞ᬩ᭄ᬮᭀᬕ᭄ᬓᬾᬘᬳᬶᬢᬾᬦᬾᬦᬦ᭄᭞ᬳᬶᬩ᭄ᬮᭀᬕ᭄ᬘᬳᬶᬓ᭠ᬤᬦᬶᬦ᭄᭞ᬳ᭄ᬤᬓᬶᬚᬓᬶᬚ᭞ᬫ᭄ᬮᬄᬘᬳᬶᬦᭀᬗᭀᬲ᭄ᬤᬶᬦᬶ᭟ᬕ᭄ᬮᬶᬲᬶᬂᬲᬢ᭄ᬯ᭞ᬲᬸᬩᬬᬢᬾᬢᬾᬄᬫᬓ᭄ᬭᬸ
ᬡ᭞ᬮᬸᬄᬓᬦ᭄ᬢ᭄ᬭᬸᬂᬍᬕᬕᬢᬶ᭞ᬓᬸᬭᬸᬓᬂᬫᬓᬵᬃᬬ᭄ᬬ᭞ᬢᬸᬦ᭄ᬤᬾᬦᬶᬧᬸᬦ᭄ᬗᬗᭀᬦᬂ᭞ᬩᬾᬩᬾᬓ᭄ᬓ᭠ᬧᬢ᭄ᬲᬲᬸᬃᬩ᭄ᬲᬶᬓ᭄᭞ᬳᬶᬩ᭄ᬮᭀᬕᬾᬕᬭ᭄᭞ᬫᬢᬓᬾᬦ᭄ᬦᬾᬦᬾᬚᬦᬶ᭟ᬫ᭄ᬓᭂᬮ᭄ᬤᬶᬚᬢᭀᬗᭀᬲ᭄ᬢ᭄ᬬ
ᬗᬾᬗᬗᭀᬦᬂ᭞ᬳᭀᬭᬳᬶᬫ᭄ᬢ᭄ᬬᬂᬚᬦᬶ᭞ᬮᬦ᭄ᬢᬲ᭄ᬓᬢᬸᬦ᭄ᬤᬾᬦᬂ᭞ᬤᬶᬘᬭᬶᬓᬾᬳᬗᭀᬦᬂ᭞ᬫᬶᬯᬄᬤᬶᬢ᭄ᬮᬩᬳᬾᬤᬤᬶ᭞ᬮᬯᬸᬢ᭄ᬫᬚᬮᬦ᭄᭞ᬳᬶᬩ᭄ᬮᭀᬕ᭄ᬗᬗᭀᬦ᭄ᬓᬘᬭᬶᬓ᭄᭟ᬲᬸᬩᬢ᭄ᬓᭂᬤ᭄‌ᬳᬶ [ 26 ][᭒᭕ 25B]
᭒᭕
ᬩ᭄ᬮᭀᬕ᭄ᬤᬶᬧᬳᬗᭀᬦᬦ᭄᭞ᬘᬭᬶᬢᬬᬂᬕᬸᬭᬸᬚᬦᬶ᭞ᬜᬸᬳᬜᬸᬤ᭄ᬤᬶᬢ᭄ᬮᬩᬄ᭞ᬓᬫ᭄ᬩᬂᬓᬸᬫ᭄ᬩᬂᬫᬓᬫ᭄ᬩᬗᬦ᭄᭞ᬳᬶᬩ᭄ᬮᭀᬕ᭄ᬓᭂᬦ᭄ᬤᭂᬮ᭄ᬜᬕ᭄ᬚᬕᬶᬦ᭄᭞ᬗᬸᬮᬳᬂᬦ᭄ᬫᬓ᭄᭞ᬮᬯᬸᬢ᭄ᬫᭂᬮᬳᬶᬩ᭄ᬫᬸᬮᬶᬄ᭟ᬢ᭄ᬓᭂᬤ᭄ᬚᬸᬫᬄ
ᬮᬯᬸᬢ᭄ᬓᬜ᭄ᬚᬸᬳᬂᬢ᭄ᬓᬾᬦ᭄ᬫᭂᬓᭂᬮ᭄ᬜ᭞ᬢ᭄ᬬᬂᬦᬸᬤᬸᬓ᭄ᬜᬸᬄᬳᬩ᭄ᬲᬶᬓ᭄᭞ᬤᬶᬢ᭄ᬮᬩᬳᬾᬓᬫ᭄ᬩᬂ᭞ᬚᬦᬶᬳᬤᭂᬧᬂᬢ᭄ᬬᬂ᭞ᬮᬶᬄᬓᬦ᭄ᬢ᭄ᬭᬸᬂᬳᭂᬗ᭄ᬲᭂᬓ᭄ᬤᬶᬳᬢᬶ᭞ᬮᬯᬸᬢ᭄ᬫᬗᬸᬘᬧ᭄᭞ᬲᬚᬘᬳᬶᬩ᭄ᬮᭀᬕ᭄ᬕᬢᬶ᭟ᬫᬭ᭠
ᬓᬫ᭄ᬩᬂᬳᭂᬜᬸᬧᬸᬬᬸᬂᬦ᭄ᬢᭀᬳᬤᬦ᭄ᬜ᭞ᬚᬦᬶᬳᬸᬮᬳᬂᬜᬕ᭄ᬚᬕᬶᬦ᭄᭞ᬩᬾᬩᬾᬓ᭄ᬧᬗ᭄ᬤᬳᬶᬮᬂ᭞ᬳᬶᬩ᭄ᬮᭀᬕ᭄ᬮᬯᬸᬢ᭄ᬗᭀᬤᬾᬩ᭄ᬭᬲ᭄᭞ᬜᬕ᭄ᬚᬕᬶᬦ᭄‌ᬩᬾᬩᬾᬓ᭄ᬫᬯᬮᬶ᭞ᬢ᭄ᬓᭂᬤ᭄ᬤᬶᬧᬗᭀᬦᬦ᭄᭞ᬩᬾ
ᬩᬾᬓ᭄ᬤᬶᬢ᭄ᬮᬩᬳᬾᬲᬫᬶ᭟ᬓᬫ᭄ᬩᬂᬓᬸᬫ᭄ᬩᬂᬩᬾᬩᬾᬓᭂᬗ᭄ᬮᬗᬶᬤᬶᬢᭀᬬ᭞ᬓ᭄ᬦᭂᬄᬓ᭄ᬦᭂᬄᬳᬶᬩ᭄ᬮᭀᬕ᭄ᬚᬦᬶ᭞ᬳᭂᬜᬸᬄᬧᬸᬬᬸᬂᬓᬫ᭄ᬩᬂ᭞ᬩᬾᬩᬾᬓᬾᬓᬫ᭄ᬩᬂᬫᬓ᭄ᬚᬂ᭞ᬩᬾᬩᬾᬓ᭄ᬧᬸᬬᬸᬂᬦᬾᬳᬶᬗᭀᬦᬶᬦ᭄᭞᭠
[᭒᭖ 26A]
ᬲᬓᬶᬂᬩᬚᬶᬕᬃ᭞ᬫ᭄ᬓᭂᬮ᭄ᬧᬦ᭄ᬧᬓ᭄ᬦᭂᬄᬢᬸᬯᬶ᭟ᬗᬸᬤ᭄ᬬᬂᬩᬾᬩᬾᬓ᭄‌ᬧᬸᬬᬸᬂᬢᬸᬦ᭄ᬤᬾᬦᬗᬗᭀᬦᬂ᭞ᬧᬮᬶᬂᬫ᭄ᬮᬄᬦᬾᬦᬾᬚᬦᬶ᭞ᬮᬦ᭄ᬢᬶᬕ᭄ᬬᬫᬓ᭄ᬚᬂ᭞ᬫᬵᬢᬶᬬᬂᬮᬯᬸᬢ᭄ᬓᬸᬢᬂ᭞ᬲᬸᬩᬮᬦ᭄ᬢᬲ᭄ᬓᬮᬦ᭄ᬢᬶᬕᬶ᭠
ᬦ᭄᭞ᬫᬵᬢᬶᬫᬓ᭄ᬚᬂ᭞ᬳᬜᬸᬤ᭄ᬗᬢ᭄ᬩᬾᬦᬂᬲᬫᬶ᭟ᬲᬸᬩᬲᭀᬭᬾᬳᬶᬩ᭄ᬮᭀᬕ᭄ᬫᬸᬮᬶᬄᬗᬾᬗ᭄ᬕ᭠ᬮᬂ᭞ᬢ᭄ᬓᬤ᭄ᬚᬸᬫᬄᬲ᭄ᬩᭂᬂᬚ᭄ᬜᬶᬲ᭄᭞ᬫᬸᬘᬧ᭄ᬫᬢᬸᬗ᭄ᬓᬤ᭄ᬩᬗ᭄ᬓ᭄ᬬᬂ᭞ᬳᬶᬄᬫ᭄ᬓᭂᬮ᭄ᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬢᬦ᭄ᬧᬲ᭄ᬫᬸᬳᬶᬭᬶ
ᬳᬢᬶ᭞ᬗᬸᬤᬶᬬᬂᬯᬕ᭄᭞ᬩᬾᬩᬾᬓ᭄ᬧᬸᬬᬸᬂᬧᬗᭀᬦᬶᬦ᭄᭟ᬫᬭᬢᬸᬳᬸᬦ᭄‌ᬤᬶᬢ᭄ᬮᬩᬳᬾᬓᬫ᭄ᬩᬂᬓᬸᬫ᭄ᬩᬂ᭞ᬓᬮᬦ᭄ᬢᬶᬕ᭄ᬫᬵᬢᬶᬬᬂᬲᬫᬶ᭞ᬳᭂᬗ᭄ᬲᭂᬓ᭄ᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬫᬗ᭄ᬭᬲᬢ᭄ᬓᬾᬦ
ᬯᬓ᭄᭞ᬚᬦᬶᬲᬢᬹᬢ᭄ᬧ᭄ᬮᬚᬳᬶᬦ᭄᭞ᬳ᭄ᬤᬧᬸᬗ᭄ᬕᭂᬮ᭄ᬫᬦᬄ᭞ᬩᬵᬦ᭄ᬤᭀᬢ᭄ᬢᭂᬓᬾᬦ᭄ᬧᬦᬓ᭄ᬫ᭄ᬯᬦᬶ᭟ᬚᬦᬶᬩ᭄ᬮᭀᬕ᭄ᬲᬫ᭄ᬧᬶᬦᬾᬘᬳᬶᬗᬗᭀᬦᬂ᭞ᬢ᭄ᬓᭂᬓᬂᬢᬮᬶᬦ᭄ᬦᬾᬗᬶᬲᬶ᭞ᬳ᭄ᬤᬧᭂᬲᬦ᭄ᬮᬾᬩᬂ᭞ᬳᬧᬂᬳ᭄ᬤᬬ [ 27 ][᭒᭖ 26B]
᭒᭖
ᬓᬢᬩᬦ᭄᭞ᬓ᭄ᬫᬢᬾᬳᬗᭀᬦᬂᬚᬦᬶ᭞ᬳᬶᬩ᭄ᬮᭀᬕ᭄ᬫᬚᬮᬦ᭄᭞ᬓᬘᬭᬶᬓ᭄ᬗᬗᭀᬦ᭄ᬲ᭠ᬫ᭄ᬧᬶ᭟ᬓᬦ᭄ᬢᬶᬧ᭄ᬢᭂᬂᬢᬮᬶᬦ᭄ᬲᬫ᭄ᬧᬶᬦᬾᬕᬶᬲᬶᬬᬂ᭞ᬢ᭄ᬓᭂᬓ᭄ᬩᬳᬦᬗᬶᬲᬶ᭞ᬢᬸᬲᬶᬂᬓᬮᬾᬩ᭄ᬮᬾᬩᬂ᭞ᬳᬶᬗᭂ᭠
ᬢ᭄ᬢᭂᬦᬶᬂᬧᬯᬭᬄ᭞ᬩᬳᬦ᭄ᬢᬓᬸᬢ᭄ᬦᭂᬫᬸᬧ᭄ᬮᬶᬄ᭞ᬧᬗ᭄ᬤᬓᬧᬶᬦ᭄ᬤᭀᬯᬦ᭄᭞ᬧ᭄ᬮᬶᬳᬾᬩᬓᬢ᭄ᬢᭂᬧᬸᬓᬶᬦ᭄᭟ᬘᬭᬶᬢᬬᬂᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬫᬓᭂᬲ᭄ᬬᬩ᭄᭞ᬲᬸᬩᬢ᭄ᬗᬄᬮ᭄ᬫᭂᬂᬲ᭄ᬧᬶ᭞ᬳᬶᬩ᭄ᬮᭀᬕ᭄ᬢᬦ᭄ᬢᭂᬓ᭞ᬮᬯᬸᬢ᭄ᬫᭂ
ᬲᬸᬗᬾᬗ᭄ᬕᬮᬂ᭞ᬫᬚᬮᬦ᭄ᬢ᭄ᬭᬸᬲ᭄ᬓᬘᬭᬶᬓ᭄᭞ᬮᬯᬸᬢ᭄ᬤᬧ᭄ᬢᬂ᭞ᬳᬶᬩ᭄ᬮᭀᬕ᭄ᬤᬶᬗᬶᬦ᭄ᬫᬗᬶᬮ᭄ᬕᬶᬮ᭄᭟ᬲᬫ᭄ᬧᬶᬫ᭄ᬤᭂᬫ᭄‌ᬢᬮᬶᬦᬾᬢ᭄ᬓᭂᬓ᭄ᬕᬶᬲᬶᬬᬂ᭞ᬮᬸᬄᬓᬦ᭄ᬢ᭄ᬭᬸᬗᬦ᭄ᬫᬫᬸᬜᬶ᭞ᬘᬳᬶᬩ᭄ᬮᭀᬕ᭄ᬧᭂᬲᬦ᭄᭞ᬢᬦ᭄ᬧᬓ᭄ᬦᭂᬄᬜ
ᬚᬬᬂ᭞ᬫᬓᬧ᭄ᬢᭂᬂᬦᬸᬫᬗᬶᬲᬶ᭞ᬦ᭄ᬢᭂᬓᬂᬧᭂᬓᬂ᭞ᬢᬮᬶᬦ᭄ᬲᬫ᭄ᬧᬶᬢᬸᬲᬶᬂᬮᬾᬩᬶᬦ᭄᭟ᬚᬦᬶᬚᬮᬦ᭄ᬫᬸᬮᬶᬄᬯᬶᬭᬾᬄᬲᬸᬩᬧ᭄ᬢᭂᬂ᭞ᬲᬥᬗᭀᬚᭀᬕ᭄ᬧᬲᬭᬾ
[᭒᭗ 27A]
ᬬᬦ᭄᭞ᬫᬦᬶᬲ᭄ᬫᭂᬗᬦ᭄ᬫᬓᬶᬦ᭄ᬓᬶᬦ᭄᭞ᬳᬶᬩ᭄ᬮᭀᬕ᭄ᬓᬗᭀᬦᬂ᭞ᬲᬫ᭄ᬧᬶᬩ᭄ᬯᬶᬦ᭄ᬤᬶᬘᬭᬶᬓ᭄᭟ᬲᬸᬩᬫᬓ᭄ᬮᭀᬳᬶᬩ᭄ᬮᭀᬕ᭄ᬫᬧᬗᭀᬦᬦ᭄᭞ᬗ᭄ᬮᬄᬢᬶᬫ᭄ᬧᬮ᭄ᬦᬾᬢᬺᬱ᭄ᬡᬳᬶᬦ᭄᭞ᬫᬤᬦ᭄ᬯᬬᬦ᭄ᬕᬭ᭞ᬤᬸᬯᭂᬕ᭄ᬫ᭠
ᬲᬲᭀᬮᬶᬗᬦ᭄᭞ᬦᬩᬸᬄᬮᬮᬫ᭄ᬩᬢᬦ᭄ᬭᬶᬭᬶᬄ᭞ᬳᬶᬩ᭄ᬮᭀᬕ᭄ᬓᬸᬭᬸᬓᬂ᭞ᬗᭂᬦ᭄ᬤᬶᬗᬶᬦ᭄ᬤᬸᬯᭂᬕ᭄ᬕ᭠ᬢᬶ᭟ᬓᬲᬸᬯᬾᬬᬦ᭄‌ᬳᬶᬩ᭄ᬮᭀᬕᬶᬧᬸᬦ᭄ᬫᭂᬮᬚᬄ᭞ᬫᬲᭀᬮᬶᬫᬘᬾᬂᬘᬾᬂᬭᬶᬭᬶᬄ᭞ᬭᬾᬬᭀᬂᬢᬸᬲᬶᬂᬓ᭄ᬚᬕ᭄᭞
ᬧᭂᬧᭂᬓ᭄ᬱᬕᭂᬕᬫ᭄ᬮᬦ᭄᭞ᬦᬗ᭄ᬳᬶᬂᬫᬕᭂᬦ᭄ᬤᬶᬂᬩᬦ᭄ᬩᬶᬩᬶᬄ᭞ᬚᬦᬶᬲᬢ᭄ᬯᬬᬂ᭞ᬳᬶᬩ᭄ᬮᭀᬕ᭄ᬗᬶᬤᬶᬄᬲᭀᬮᬶᬂ᭟ᬯᬬᬦ᭄ᬕᬭᬢᬸᬮᬸᬲᬂᬳᭀᬮᬲᬾᬯᬬᬦ᭄᭞ᬩᬳᬂᬢ᭄ᬬᬂᬗᬶᬤᬶᬄᬲᭀᬮᬶᬂ᭞ᬦᬾᬲᬫ᭄ᬧᬶᬦᬾ᭠
ᬚ᭄ᬯᬂ᭞ᬧᬶᬦᬓᬢ᭄ᬬᬗᬸᬭᬸᬧᬂ᭞ᬲᬫ᭄ᬧᬶᬢ᭄ᬬᬗᬾᬳᬸᬮᬶᬲᭀᬮᬶᬂ᭞ᬲᬸᬩᬧᬥᬦ᭄ᬭᬶᬫ᭞ᬚᬦᬶᬧ᭄ᬭᬕᬢᬂ᭞ᬳᬶᬕᬭᬕᬶᬭᬂᬜᬯᬸᬢᬶᬦ᭄᭟ᬦᬄᬦᬾᬜ᭄ᬮᬾᬕ᭄‌ᬲᭀᬮᬶᬗᬾᬮᬯᬸᬢᬂᬚ᭄ᬯᬂ᭞ᬢ᭄ᬬᬂᬫᬜ᭄ᬚᬸᬯᬂᬲ᭠ [ 28 ][᭒᭗ 27B]
᭒᭗
ᬫ᭄ᬧᬶ᭞ᬲᬸᬩᬧᬥᬦ᭄ᬭᬶᬫ᭞ᬳᬶᬩ᭄ᬮᭀᬕ᭄ᬕᬾᬕᬃᬗᬫᬸᬮ᭄ᬬᬂ᭞ᬗᬩᬲᭀᬮᬶᬂᬢᬸᬃᬫᬕᭂᬦ᭄ᬥᬶᬂ᭞ᬫᬓ᭠ᬩ᭄ᬬᬭᬦ᭄᭞ᬢ᭄ᬓᭂᬤ᭄ᬚᬸᬫᬳᬶᬧᬸᬦ᭄ᬕᭂᬮᬶᬲ᭄᭟ᬮᬯᬸᬢ᭄ᬦᭂᬕᬓ᭄‌ᬫᬰᬶᬮᬤᬶᬳᬫ᭄ᬩᬾᬦᬸᬫᬄ᭞ᬲᭀ᭞ᬜᭀᬮᬶᬂ᭠
ᬲᬫ᭄ᬩᬶᬮ᭄ᬕᬸᬧ᭄ᬓᬶᬦ᭄᭞ᬗ᭄ᬕᭀᬂᬫᬚᭂᬕᬶᬭᬦ᭄᭞ᬩ᭄ᬗᭀᬂᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬮᬯᬸᬢ᭄ᬫᬦᬓᭀᬦᬂᬲᬫ᭄ᬧᬶ᭞ᬳᬶᬩ᭄ᬮᭀᬕ᭄ᬦᬸᬢᬸᬕᬂ᭞ᬗᭂᬩ᭄ᬬᬃᬫᬓᭂᬡ᭄ᬥᬂᬗ᭄ᬕᭀᬗᬶᬦ᭄᭟ᬲᬸᬳᬸᬤ᭄ᬓᬾᬢᭀᬳᬶᬩ᭄ᬮᭀᬕ᭄ᬓᭂᬤᬾᬓ᭄ᬫ
ᬗᬓᬓ᭄᭞ᬳᬳᬳᬳᬳᬶᬳᬶᬳᬶᬳᬶᬄ᭞ᬫ᭄ᬓᭂᬮ᭄ᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬕᬦ᭄ᬢᬶᬦ᭄ᬫᭂᬓᭂᬮ᭄ᬦᭂᬫᬸᬲᬤ᭄ᬬ᭞ᬲᬫ᭄ᬧᬶᬦᬾᬲᬸᬩᬓᬸᬭᬸᬧᬶᬦ᭄᭞ᬳᬸᬮᬶᬕᭀᬂᬲᭀᬮᬶᬗᬦ᭄᭞ᬚᬦᬶᬕᬦ᭄ᬢᬶᬦ᭄ᬫᭂᬓᭂᬮ᭄ᬲᬸᬕᬶᬄ᭟ᬲ
ᬳᬸᬃᬩᬗ᭄ᬭᬲ᭄‌ᬦᬶᬮᬸᬄᬓᬦ᭄ᬢ᭄ᬭᬸᬂᬫᬚᭂᬗ᭄ᬓᬶᬗᬦ᭄᭞ᬓ᭄ᬭᬹᬭᬕ᭄ᬤᭂᬕᬾᬫᬗᬧᬶ᭞ᬫᬦᬸᬤᬶᬂᬫᬫᬢ᭄ᬩᬢ᭄᭞ᬳᬶᬳᬶᬩᬜ᭄ᬮᬾᬕ᭄ᬢᬦ᭄ᬧ᭄ᬕᬢ᭄᭞ᬗ᭄ᬕᬯᬾᬦᬂᬧᬜᬓᬶᬢᬢᬶ᭞ᬚᬦᬶᬢᬳᬦᬂ᭞ᬧᭀᬗᭀᬭᬦ᭄ᬓᬳᬶᬢᬦ᭄ᬤᬗᬶᬦ᭄᭟
[᭒᭘ 28A]
ᬚᬦᬶᬳᬶᬩᬩᬸᬯᬳᬶᬫᬫᬮᬶᬂᬲ᭄ᬬᬧ᭄᭞ᬲᬩᬶᬮᬗᬸᬫᬳᬶᬦ᭄ᬢᬶᬧ᭄᭞ᬫ᭄ᬮᬳᬂᬫᬶᬯᬲᬦ᭄᭞ᬬᬦ᭄ᬲᬸᬩᬲᬸᬳᬸᬂᬗᭂᬦᬄ᭞ᬮᬦ᭄ᬢᬲᬶᬩᬧᬦᭂᬧᬸᬓᬶᬦ᭄᭞ᬲ᭄ᬬᬧ᭄ᬫᬕᬸᬗᬦ᭄᭞ᬘᬼᬧᬶᬦ᭄ᬢᭂᬓᬂᬗᬶᬲᬶ᭟ᬚᬦᬶᬳᬸᬕᬶᬳᬶ᭠
ᬩᬧᬢᬹᬢ᭄ᬫᬚᬮᬦ᭄ᬮ᭄ᬯᬲ᭄᭞ᬢᬸᬲᬶᬂᬤ᭄ᬤᬳᬶᬫᬘᬓ᭄ᬮᬶ᭞ᬳᬶᬩ᭄ᬮᭀᬕ᭄ᬫᬚᬮᬦ᭄᭞ᬲᬸᬩᬦ᭄ᬓᭂᬤ᭄ᬤᬶᬤᬾᬰ᭞ᬜᬭᬢᬂᬳᬶᬩ᭄ᬮᭀᬕ᭄ᬗᬶᬦ᭄ᬢᬶᬧ᭄᭞ᬦᬾᬂᬓᬼᬧ᭄ᬫᬳᬮᬶᬗᬦ᭄᭞ᬧᬸᬜᬦ᭄ᬓᬬᬸᬤᬶᬲᬫ᭄ᬧᬶᬂ᭟ᬲᬸᬩᬧᭂᬲᬸᬳᬦ
ᬓᬾᬦᬾᬗ᭄ᬮᬳᬸᬫᬄ᭞ᬦᬸᬚᬸᬓᬧ᭄ᬓᭂᬦ᭄ᬚᬦᬶ᭞ᬳᬶᬩ᭄ᬮᭀᬕ᭄ᬗᬾᬗ᭄ᬕᬮᬂ᭞ᬫᬲᭂᬳ᭄ᬩᬦ᭄ᬤᬶᬦᬢᬄ᭞ᬓᬮᬶᬳᬶᬧᬸᬦ᭄ᬲᬸᬩᬫ᭄ᬧᬶ᭞ᬳᬤᬗᭂᬦᬄᬲ᭄ᬬᬧ᭄᭞ᬫᬕᬸᬗᬦ᭄ᬫᬩᬸᬮᬸᬧᬸᬢᬶᬄ᭟ᬫᬗᬾᬗ᭄ᬕᬮᬂᬳᬶᬩ᭄ᬮᭀᬕ᭄ᬗᬸ᭠
ᬗ᭄ᬓᬩᬂᬕᬸᬗᬦ᭄᭞ᬮᬦ᭄ᬢᬲ᭄ᬕᬸᬗᬦᬾᬓᬘᬼᬧᬶᬦ᭄᭞ᬢᬹᬃᬢ᭄ᬓᭂᬓ᭄ᬓᬕᬶᬲᬶᬬᬂ᭞ᬲ᭄ᬬᬧᬾᬤᬶᬗᬶᬹᬢ᭄ᬗᬦ᭄ᬕᬸᬗᬦ᭄᭞ᬜᭀᬗ᭄ᬓᭀᬓ᭄ᬤᬶᬢ᭄ᬗᬄᬫᬗᭂᬧᬶᬮ᭄᭞ᬲ᭄ᬥᭂᬂᬮᬸᬳᬸᬂᬧᬶᬲᬦ᭄᭞ᬢ᭄ᬓᬮᬯᬸᬢ᭄ᬦᬾᬦᬾᬫ᭄ᬯᬦᬶ᭟ᬳᬸᬮᬶᬘᬭᬶ [ 29 ][᭒᭘ 28B]
᭒᭘
ᬓ᭄‌ᬲᬳᬳᬶᬧᬸᬦ᭄ᬦᬶᬓᬸᬮ᭄ᬢᬫ᭄ᬩᬄ᭞ᬤᬧ᭄ᬢᬂᬚᬸᬫᬄᬲ᭄ᬧᬶ᭞ᬦ᭄ᬫᬓ᭄ᬚᬕᬸᬗᬾᬗ᭄ᬕᬮ᭄᭞ᬮᬓᬃᬫᬗᬫᬄᬲ᭄ᬬᬧ᭄᭞ᬤᬤᬶᬢᬗ᭄ᬓᭂᬚᬸᬢ᭄ᬦᬶᬗ᭄ᬳᬮᬶᬦ᭄᭞ᬳᬤᬫᬵᬦᬸᬱ᭞ᬤᬶᬢ᭄ᬗᬄᬕᬸᬗᬦᬾᬗ᭄ᬧᬶᬮ᭄᭟ᬓᬮᬶᬳᬶᬧᬸᬦ᭄‌ᬦ᭄ᬓᭂᬓᬂ
ᬗᬶᬲᬶᬬᬂᬲ᭄ᬬᬧ᭄᭞ᬕᬸᬗᬦᬾᬓᬢᬜ᭄ᬚᬸᬗᬶᬦ᭄᭞ᬮᬯᬸᬢ᭄ᬓᬕ᭄ᬮᬶᬮᬶᬗᬂ᭞ᬳᬶᬩ᭄ᬮᭀᬕᬼᬗᭂᬄᬫᬗᬸᬢᬄ᭞ᬕ᭄ᬮᬸᬃᬕ᭄ᬮᬸᬃᬦᬸᬦᬲᬸᬭᬶᬧ᭄᭞ᬢᬸᬃᬫ᭄ᬮᬳᬶᬩ᭄ᬩᬸᬤᬮ᭄᭞ᬢ᭄ᬓᬤ᭄ᬚᬸᬫᬳᬶᬧᬸᬦ᭄ᬲ᭄ᬤᬶᬄ᭟ᬓᬢᬸᬢᬸᬭᬂᬳᬶᬦ᭄ᬤᬶᬓᬶᬧᬸᬦ᭄ᬫᬮᬶᬂ
ᬲ᭄ᬬᬧ᭄᭞ᬮᬸᬄᬓᬦ᭄ᬢ᭄ᬭᬸᬂᬓ᭄ᬤᬾᬓ᭄ᬫᬗᬶᬓᬶᬓ᭄᭞ᬮᬦ᭄ᬢᬲ᭄ᬓᬢᬸᬦ᭄ᬤᬾᬦᬂ᭞ᬩ᭄ᬯᬶᬦ᭄ᬫᬫᬮᬶᬂᬦᬾᬩᬳᬢ᭄᭞ᬬᬾᬦᬶᬂᬲᬸᬩᬫᬧᬶᬓᭀᬮᬶᬄ᭞ᬮᬓᬃᬗᬦ᭄ᬢᬾᬦᬂ᭞ᬤᬶᬦᬦᬾᬦᬾᬩ᭄ᬯᬶᬦ᭄ᬫᬦᬶ᭟ᬳᬚᬓ᭄ᬦᬶᬮᬸᬄᬲ᭄ᬓᬃᬢᬸᬃᬓ᭠
ᬤᬸᬤᬸᬓ᭄ᬫᬦ᭄ᬢ᭄ᬯ᭞ᬕᬃᬚ᭄ᬚᬶᬳᬶᬩ᭄ᬮᭀᬕ᭄ᬚᬦᬶ᭞ᬫᬫᬮᬶᬂᬜᬭᬢᬂ᭞ᬘᬕᭂᬃᬮᬓᬃᬓᬵᬦ᭄ᬢᬾᬦᬂ᭞ᬢᬦ᭄ᬧᬗᬶᬢᬸᬂᬧᬢᬶᬳᬸᬭᬶᬧ᭄᭞ᬮᬳᬸᬢ᭄ᬫᬚᬮᬦ᭄᭞ᬢᬦ᭄ᬘᬶᬦᬭᬶᬢᬭᬶᬂᬫᬃᬕ᭄ᬕᬶ᭟ᬲᬸᬩᬧ᭄ᬢᭂᬂᬮᬯᬸᬢ᭄ᬫᬗᬲᬸᬓᬶᬦᬸ
[᭒᭙ 29A]
ᬫᬄ᭞ᬓᬤᬲ᭄ᬢᬦ᭄ᬲᬸᬳᬸᬂᬲ᭄ᬧᬶ᭞ᬓᬤ᭄ᬫᬓ᭄ᬘᬭᬢᬦ᭄᭞ᬫᬭᬢᬶᬦ᭄ᬢᬶᬂᬳᬶᬳᬶᬂᬧᭂᬲᬦ᭄᭞ᬩ᭄ᬯᬶᬦᬶᬧᬸᬦ᭄ᬫᬗᬯᬶᬢᬶᬦ᭄᭞ᬩᭀᬤᬕᬾᬤ᭄ᬫᬓ᭄᭞ᬦᬾᬦᬾᬕ᭄ᬥᬾᬢᬶᬦ᭄ᬢᬶᬂᬳᬶᬳᬶᬂ᭟ᬩ᭄ᬯᬶᬦ᭄ᬜᬭᬢᬂᬦ᭄ᬫᬓ᭄ᬕᬶᬦ᭄ᬢᭀᬂᬕ᭄ᬥᬾᬧᭂᬲᬦ᭄᭞᭠
ᬫᬲᬶᬓᬢᬶᬦ᭄ᬢᬶᬂᬳᬶᬳᬶᬂ᭞ᬤ᭄ᬫᬓᬼᬲᬸᬂᬩᬳᬢ᭄᭞ᬲᬶᬂᬤᬤᬶᬜᬦ᭄ᬜᬦᬶᬦ᭄ᬢᬶᬗᬂ᭞ᬓᭂᬦ᭄ᬤᭂᬮ᭄ᬩᬬᬸᬦᬾᬢᬦ᭄ᬲᬶᬧᬶ᭞ᬲᬸᬩᬜᬶᬤᬬᬂ᭞ᬦᬾᬦᬾᬩᬳᬢ᭄ᬢᭂᬧᬸᬓᬶᬦ᭄᭟ᬫᬗᬗ᭄ᬲᭂᬳᬂᬳᬶᬩ᭄ᬮᭀᬕ᭄ᬚᬦᬶᬦᬶᬦ᭄ᬢᬶᬗᬂ᭞ᬢ᭠
ᬦ᭄ᬫᬓᬶᬲᭂᬮᬩ᭄ᬤᬶᬓ᭄᭞ᬮᬯᬸᬢ᭄ᬬᬫᬕᬾᬩ᭄ᬭᬲ᭄᭞ᬦᬸᬦ᭄ᬤᬸᬦ᭄ᬦᬾᬗ᭄ᬮᬳᬸᬫᬄ᭞ᬗᬶᬤᬶᬳᭀᬮᬲ᭄ᬦᬕᬶᬳᭀᬢᬶᬦ᭄᭞ᬳᬶᬧᬸᬦ᭄ᬫᭀᬭᬳᬦ᭄᭞ᬦᬾᬦᬾᬩᬳᬢ᭄ᬮᬓᬃᬧᬮᬶᬂ᭟ᬕ᭄ᬮᬸᬫᭂᬓᭂᬲ᭄ᬬᬩ᭄‌ᬦᬾᬗ᭄ᬮᬳᬸᬫᬄ
ᬫᬚ᭄ᬭᬶᬢᬦ᭄᭞ᬜ᭄ᬚ᭄ᬭᬶᬳᬂᬳᬤᬫᬮᬶᬂ᭞ᬳᬶᬩ᭄ᬮᭀᬕ᭄ᬗᬾᬗ᭄ᬕᬮᬂ᭞ᬧᭂᬲᬸᬫᬮᬳᬶᬩ᭄ᬕᬜ᭄ᬚᬂ᭞ᬩᬄᬩᬗᬸᬦᬶᬧᬸᬦ᭄ᬫᬮᬳᬶᬩ᭄᭞ᬢ᭄ᬓᭂᬤ᭄ᬤᬶᬚᬸᬫᬄ᭞ᬲᬸᬩᬓᬢᬸᬢᬸᬭᬂᬲᬫᬶ᭟ᬦᬶᬮᬸᬄᬓᬦ᭄ᬢ᭄ᬭᬸᬂᬓ᭄ᬤᬾᬓ᭄ᬗᭂᬮ᭄ᬓᭂᬮ᭄ᬫᬤᬶ᭠ [ 30 ][᭒᭙ 29B]
᭒᭙
ᬗᭂᬳᬂ᭞ᬳᬶᬩ᭄ᬮᭀᬕ᭄ᬫᬲᬤᬸᬲ᭄ᬤᬶᬄ᭞ᬦᬸᬮᬶᬗ᭄ᬭᬯᭀᬲ᭄ᬩᬦ᭄ᬩᬦ᭄᭞ᬩ᭄ᬮᭀᬕ᭄ᬚᬦᬶᬧᬤᬶᬗᭂᬳᬂ᭞ᬲᭀ᭠ᬮᬄᬳᬶᬩᬳᬧᬂᬩ᭄ᬘᬶᬓ᭄᭞ᬳᬯᬓᬾᬧ᭄ᬮᬚᬳᬂ᭞ᬫᬕᬳᬾᬳᬦ᭄ᬚᭂᬗᬦ᭄ᬢᭂᬗᬶᬦ᭄᭟ᬚᬦᬶᬘᬳᬶᬗᬦ᭄ᬢᬾᬦ᭠
ᬚᬓ᭄ᬦᬶᬮᬸᬄᬲ᭄ᬓᬭ᭄᭞ᬓᬾᬯᬮᬧ᭄ᬮᬧᬦᬶᬦ᭄᭞ᬬᬲᬓᬶᬦᬶᬹᬢᬳᬶᬬᬦ᭄᭞ᬳ᭄ᬤᬧᬢᬶᬯᬶᬭᭀᬱ᭞ᬢᬸᬲᬶᬂ᭠ᬤᬤᬶᬬᬕᭂᬫᭂᬲᬶᬦ᭄᭞ᬚᬦᬶᬮᬯᬸᬢᬂ᭞ᬗᬦ᭄ᬢᬾᬦ᭄ᬤᬶᬩᬮᬾᬤᬗᬶᬦ᭄᭟ᬫᬓᭂᬫ᭄ᬩᬭᬦ᭄‌ᬫᬤᬦ᭄ᬤᬦ᭄ᬮᬶᬫᬫᬚ᭠
ᬮᬦ᭄᭞ᬫᬦᬸᬚᬸᬫᬩ᭄ᬮᬾᬤᬗᬶᬦ᭄᭞ᬫᬗᬾᬜᭀᬭᬾᬜᭀᬭᬦ᭄᭞ᬮ᭄ᬕᬦᬫ᭄ᬢᬫᬶᬦ᭄ᬓᬲᬸᬓᬦ᭄᭞ᬮᬫᬶᬲᬸᬩᬬᬦᬫ᭄ᬢᬫᬶᬦ᭄᭞ᬲᬸᬓᬲᬂᬕᬫ᭞ᬳᬶᬩ᭄ᬮᭀᬕ᭄ᬫᬧᬶᬦᭂᬄᬚᬦᬶ᭟ᬦᬶᬮᬸᬄᬲ᭄ᬓᬃᬚᬦᬶᬮᬓᬃᬓ
ᬲᬬᬗᬂ᭞ᬤᬶᬚᬶᬦᭂᬂᬧᬸᬍᬲᬂᬩ᭄ᬘᬶᬓ᭄᭞ᬫᬗ᭄ᬤᬳᬦᬓ᭄ᬦᬯᬂ᭞ᬲᬶᬦᬄᬮᬓᬃᬧᬤᬶᬓ᭞ᬬᬦ᭄ᬦᬶᬲ᭄ᬓᬃᬓᬳᬸᬦᬶᬗᬶᬦ᭄᭞ᬚ᭄ᬕᬾᬕ᭄ᬫᬗᬬᬂ᭞ᬜᬦ᭄ᬤᬂᬧᬶᬦᬓᬭᬩᬶ᭟ᬧᬫ᭄ᬭᬕᬢ᭄ᬜᬦᬶᬮᬸᬄᬲ᭄ᬓᬃᬓᬲᬬᬗᬂ᭞ᬢᬸᬲᬶᬂᬩᬗᬓ᭄ᬫᬫ᭠
[᭓᭐ 30A]
ᬳᬶ᭞ᬤᬶᬚᬶᬦᭂᬂᬲᭂᬧ᭄ᬮᬂ᭞ᬕ᭄ᬮᬶᬲᬶᬂᬲᬢ᭄ᬯᬘᬭᬶᬢ᭞ᬗᭂᬦ᭄ᬢᬳᬳᬶᬬᬦᬾᬚᬦᬶ᭞ᬳ᭄ᬩᬄᬗᬺᬫ᭄ᬧᬬᬓ᭄᭞ᬫᬦ᭄ᬢᭂᬧᬦ᭄ᬧᭂᬲᬸᬕ᭄ᬢᬶᬄ᭟ᬚ᭄ᬭᭀᬦᬶᬂᬫᬵᬢᬶᬳᬶᬧᬸᬦ᭄ᬦᬶᬮᬸᬄᬲ᭄ᬓᬭ᭄᭞ᬳᬶᬩ᭄ᬮᭀᬕᬼᬕᬫᬓ᭄ᬫᬶᬢ᭄᭞ᬢᬸᬲᬶᬂᬳ᭄ᬬ
ᬧᬸᬍᬲᬦ᭄᭞ᬚᬩᬦ᭄ᬚᬶᬦᭂᬂᬫᬚᬕ᭄ᬭ᭞ᬢᬓᬸᬢ᭄ᬢᬯᬗᬦᬓ᭄ᬯ᭄ᬬᬓ᭄ᬢᬶ᭞ᬓᬲ᭄ᬯᬾᬦᬶᬂᬤᬶᬦ᭞ᬩᬗᭂᬲ᭄ᬩᬗ᭄ᬓᬾᬦᬾᬧ᭄ᬗᬶᬢ᭄᭟ᬤᬤᬶᬕ᭄ᬮᬸᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬫᬓᭂᬲ᭄ᬬᬩ᭄᭞ᬯᬶᬭᬾᬄᬫᬳᬫ᭄ᬩᬸᬧ᭄ᬗᬶᬢ᭄᭞ᬩᬗᭂᬲ᭄ᬗᭂᬩᭂᬓᬶᬦ᭄ᬓᬭᬂ᭞
ᬮᬯᬸᬢ᭄ᬬᬦᬫᬓᭀᬦᬂ᭞ᬩ᭄ᬮᭀᬕ᭄ᬤᬶᬚᬦᬶᬮᬸᬄᬚᬦᬶ᭞ᬲᬶᬂᬢᬳᬾᬦ᭄ᬗᭂᬦᬄ᭞ᬳᬸᬮᬶᬫᬓ᭄ᬮᭀᬕᬢᬶ᭟ᬫ᭄ᬓᭂᬦ᭄ᬦᬶᬮᬸᬄᬲ᭄ᬓᬃᬓᬲᬬᬗᬂᬢ᭄ᬬᬂ᭞ᬤᬶᬚᬶᬦᭂᬂᬲᭂᬧ᭄ᬮᬂᬳᬶᬮᬶᬤ᭄᭞ᬢ᭄ᬬᬂᬗ᭄ᬩᬓ᭄ᬤᬶᬚᬩᬬᬦ᭄᭞ᬧ᭄ᬢᭂᬂᬮ᭄ᬫᬄᬲᬶᬂᬧᬸ
ᬍᬲᬦ᭄᭞ᬳᬧᬗ᭄ᬤᬚ᭄ᬯᬂᬫᬮᬶᬂ᭞ᬲᬗ᭄ᬓᬦ᭄ᬓᬶᬮᬶᬤᬂ᭞ᬳᬧᬂᬢᬸᬲᬶᬗᬦᬓ᭄ᬫᬤᬶᬓ᭄᭟ᬲᬬᬦ᭄ᬲᬬ᭠ᬦ᭄ᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬲᬗ᭄ᬰᬬ᭞ᬕᬕᬾᬲᭀᬦ᭄ᬫᬦ᭄ᬮᭀᬓᬶᬦ᭄᭞ᬚᬶᬦᭂᬗᬾᬕᬕᬳᬂ᭞ᬢ᭄ᬧᬸᬓ᭄ᬩᬗ᭄ᬓᬾᬦᬾᬜᭂᬫ᭄ᬧᬂ᭞ [ 31 ][᭓᭐ 30B]
᭓᭐
ᬜᬾᬦ᭄ᬜᬦᬾᬩᬗᭂᬲ᭄ᬢᬸᬃᬧ᭄ᬗᬶᬢ᭄᭞᭄᭞ᬤᬤᬶᬳᬗᬸᬘᬧ᭄᭞ᬩ᭄ᬮᭀᬕ᭄ᬓᬸᬋᬡᬦᬾᬫᬵᬢᬶ᭟ᬲᬚ᭠ᬘᬳᬶᬩ᭄ᬮᭀᬕ᭄ᬲᬶᬕᬸᬕ᭄ᬩᬸᬢᬫᬦᬄ᭞ᬫᬭᬩᭂᬗᭂᬲ᭄ᬬᬫᬵᬢᬶ᭞ᬦᬄᬚᬦᬶᬮᬯᬸᬢᬂ᭞ᬕᭀᬲᭀᬂᬕᬩᬓᬲ᭄ᬫ᭞
ᬳᬶᬩ᭄ᬮᭀᬕ᭄ᬬᬲ᭄ᬤᬶᬄᬓᬶᬂᬓᬶᬂ᭞ᬫᬦ᭄ᬫᬓ᭄ᬢᬫ᭄ᬩᬄ᭞ᬗᬯᬾᬩᬂᬩᬂᬲᬫ᭄ᬩᬶᬮ᭄ᬲ᭄ᬤᬶᬄ᭟ᬲᬸᬩᬧᬕᬢ᭄‌ᬳᬶᬧᬸᬦ᭄ᬫᬸᬮᬶᬄᬫᬮᬶᬧ᭄ᬢᬦ᭄᭞ᬩᬗ᭄ᬓᬾᬦᬾᬕᭀᬲᭀᬂᬚᬦᬶ᭞ᬢᬸᬭᬩᬓᬲ᭄ᬫ᭞ᬓᬢᬦᭂᬫ᭄ᬲᬧ᭄ᬭᬕᬢ᭄ᬜ᭞ᬤᬾᬯᬾ
ᬓ᭄ᬦᬾᬩᬗᭂᬲ᭄ᬢᬸᬃᬧ᭄ᬗᬶᬢ᭄᭞ᬚᬗᭂᬮ᭄ᬫᬗ᭄ᬲᭂᬕᬦ᭄᭞ᬩ᭄ᬗᭀᬂᬩ᭄ᬗᭀᬂᬫᬗᬸᬭᬶᬫᬶᬓ᭄᭟ᬲᭀᬫᬄᬩᬗᭂ᭠ᬲ᭄‌ᬳᬧᬸᬦ᭄ᬫᬵᬢᬶᬬᬓᬳᬸᬘᬧ᭄᭞ᬚᬦᬶᬤᬾᬯᬾᬓᬾᬧ᭄ᬗᬶᬢ᭄᭞ᬲ᭄ᬩᬲᬶᬦᬄᬧ᭄ᬭᬕᬢ᭄᭞ᬫᬵᬳᬶᬚᬳᬶᬩ᭠
ᬋᬗᬦ᭄᭞ᬫ᭄ᬮᬄᬩᬂᬩᬂᬗᬂᬦᬾᬚᬦᬶ᭞ᬧ᭄ᬭᬕᬢ᭄ᬫᬫᬫ᭄ᬩᬂ᭞ᬫ᭄ᬤᭂᬫ᭄ᬤᬶᬩᬂᬩᬗᬾᬲ᭄ᬤᬶᬄ᭟ ᬲ᭄ᬫᬋ ᬫ᭄ᬩᬸᬦ᭄‌ᬯᭀᬯᭀᬳᬦ᭄ᬧᬥᬫᬩ᭄ᬯᬄ᭞ᬩᬸᬓᬳᬸᬚᬦ᭄ᬗᬭᬶᬩᬶᬲ᭄᭞ᬳᬸᬮᬸᬗᬦ᭄ᬩᬸᬯᬄᬜ᭞ᬢᬦ᭄ᬧᬲ᭄ᬕᬢᬦᬳᬲ᭄᭞
[᭓᭑ 31A]
ᬧᬥᬫᬗ᭄ᬤᭀᬳᬂᬳᬢᬶ᭞ᬳᬶᬩ᭄ᬮᭀᬕᬗᬸᬘᬧ᭄᭞ᬲᬲᬫ᭄ᬩᬢᬾᬫ᭄ᬮᬤᬲᬶᬄ᭟᭐᭟ᬧᬸᬧᬸᬄ᭠ᬲ᭄ᬫᬭᬦ᭄ᬤᬦ᭟᭐᭟ᬳᬸᬥᬹᬳᭂᬯᭀᬄᬤᬸᬭᬾᬦ᭄ᬫᬗ᭄ᬕᬶᬲ᭄᭞ᬯᬦᬶᬧᬓᬾᬮ᭄ᬫ᭄ᬯᬂᬩᬸᬮᬸᬯᬦ᭄᭞ᬳᬶᬩᬲᬸᬩᬧᬳᭀ
ᬮᬲᬾ᭞ᬢ᭄ᬓᬾᬦ᭄ᬓᬳᬶᬳᬶᬲᬗ᭄ᬕᬭ᭞ᬜᬫ᭄ᬧᬂᬤᬶᬩᬂᬩᬂᬗᬺᬫ᭄ᬧᬬᬓ᭄᭞ᬢᬦ᭄ᬢᭂᬮᬕ᭄ᬫᬦᬦ᭄ᬤᬗᬶᬩᬸᬓ᭄᭞ᬢᬸᬃᬫᬧᬲᬄᬧ᭄ᬢᭂᬂᬮ᭄ᬫᬄ᭟ᬢᬺᬱ᭄ᬡᬦᬶᬩᬦᬾᬢᬦ᭄ᬲᬶᬧᬶ᭞ᬓᬳᬶᬤᬳᬢ᭄ᬜᬸᬓ᭄ᬱ᭄ᬫᬬᬂ᭞ᬤᬾᬦᬶᬂᬓᬳᬶᬲᬸᬩᬩ
ᬗ᭄ᬓᬾ᭞ᬯᭀᬂᬲᬶᬤ᭄ᬥᬫᬗᬫᬳᬶᬩ᭞ᬓᬳᬶᬳᬦᬾᬦᬶᬮᬲ᭄ᬢᬺᬱ᭄ᬡ᭞ᬫᬯᬸᬯᬸᬄᬤᭀᬱᬦᬾᬢᬸᬫ᭄ᬩᬸᬄ᭞ᬤ᭞ᬢ᭄ᬯᬭᬳᬤᬲ᭄ᬯᬾᬘ᭄ᬙᬦ᭄ᬤᬾᬯ᭟ᬥᬹᬄᬤᬾᬯᬪᬝᬭᬲᬫᬶ᭞ᬗ᭞ᬘᬶᬗᬓᬶᬩ᭄ᬮᭀᬕ᭄ᬫᬢᬶᬦ᭄ᬜ᭞ᬓ᭄ᬦ᭠
ᬩᬗᭂᬲ᭄ᬧ᭄ᬗᬶᬢ᭄ᬩᭀᬦ᭄ᬦᬾ᭞ᬢ᭄ᬯᬭᬓᭀᬤᬕᬤᭂᬓᬦᬦ᭄᭞ᬧᬥᬳᬾᬮᬶᬓ᭄ᬜᬫᬩ᭄ᬭᬬ᭞ᬗ᭄ᬚᭀᬄᬧᬥᬦ᭄ᬓᭂᬧ᭄ᬘᬸᬗᬸᬄ᭞ᬩ᭄ᬮᭀᬕ᭄ᬢᬶᬢ᭄ᬬᬗᬾᬗᬯᬦᬂ᭟ᬩ᭄ᬯᬶᬦᬯ᭄ᬓᬲ᭄ᬢᬶᬢ᭄ᬬᬂᬳᬶᬦᬶᬲ᭄᭞ᬫᬗ᭄ᬤᬲᬵᬫ᭄ᬧᬸᬦ᭄‌ᬩ᭄ᬮᭀᬕᭀ [ 32 ][᭓᭑ 31B]
᭓᭑
ᬮᭀᬕᬦ᭄᭟ᬲᬗ᭄ᬕᬸᬧ᭄ᬫᭂᬮᬚᬳᬂᬳᬯᬓ᭄᭞ᬫᬗ᭄ᬤᬫᬕᬸᬡᬭᬶᬂᬚᬕᬢ᭄᭞ᬢᬦ᭄ᬫᬫᬗ᭄ᬕᬸᬄᬓᬦ᭠ᬭᬓᬦ᭄᭞ᬨᬮᬦ᭄ᬩᭂᬮᭀᬕᬾᬓᬧᬗ᭄ᬕᬸᬄ᭞ᬢᬶᬢ᭄ᬬᬂᬧᬤᭂᬫ᭄ᬤᬤᭀᬲ᭄ᬗᬸᬘᬧ᭄᭟ᬤᬤᭀᬲ᭄ᬲᬲᭀᬗ᭄ᬕᬦ᭄ᬭᬶᬂ
ᬕᬸᬫᬶ᭞ᬳᬶᬦᬸᬘᬧ᭄ᬦᬭᬓᬘ᭄ᬯᬸᬢ᭞ᬢᬦ᭄ᬲᬶᬤ᭄ᬥᬗ᭄ᬮᬩᬸᬮᬓ᭄ᬱᬡ᭞ᬲᬓᬶᬂᬫᬲᬤᬦᬥᬃᬫ᭄ᬫ᭞ᬦᬾᬳᬶᬦᬸᬘᬧᬗ᭄ᬮᬸᬓᬢᬦ᭄᭞ᬲᬮ᭄ᬯᬶᬃᬮᬓ᭄ᬱᬡᬍᬢᬸᬄ᭞ᬫᬶᬯᬄᬩ᭄ᬮᭀᬕ᭄ᬓᬤᬶᬢ᭄ᬬᬂ᭟ᬫᬸᬤᬶᬢᬮᬦ᭄ᬮᬸᬄᬓᬭᬸ᭠
ᬡᬷ᭞ᬲᬢ᭄ᬯᬦ᭄ᬕᬸᬭᬸᬲᬸᬩᬧ᭄ᬭᬕᬢ᭄᭞ᬕ᭄ᬥᬾᬫᬸᬤ᭞ᬫᬤᬾᬫᬸᬤᬶᬢᬳᬢᬸᬭᬾ᭞ᬢᬸᬫᬸᬮᬶᬭᬭᬶᬲ᭄ᬦᬓᬾᬦᬂ᭞ᬲᬹᬓ᭄ᬱ᭄ᬫᬦᬭᬦ᭄ᬲᬢ᭄ᬯ᭞ᬳᬶᬫ᭄ᬩᬦᬧᬶᬓ᭄ᬦᭀᬳᬶᬧᬸᬦ᭄᭞ᬲᬢ᭄ᬯᬩ᭄ᬮᭀᬕ᭄ᬧᬸᬦᬶᬓ᭟ᬮᬸᬄ᭠
ᬓᬭᬸᬡᬷᬲᬗ᭄ᬯᬍᬤᬶᬦ᭄᭞ᬦᬓᬾᬦᬂᬲᬹᬓ᭄ᬱ᭄ᬫᬳᬶᬫ᭄ᬩ᭞ᬲᬢ᭄ᬯᬦᬾᬲᬗᭂᬢ᭄ᬮᬸᬘᬸᬦᬾ᭞ᬳᬶᬩ᭄ᬮᭀᬕ᭄ᬩᭂᬮᭀᬕᭀᬮᭀᬕᬦ᭄᭞ᬗᬶᬥᭂᬧ᭄ᬫᬸᬜᬶᬢᬦ᭄ᬯ᭄ᬭᬶᬂᬭᬲ᭞ᬮᬓ᭄ᬱᬡᬦᬾᬲᬮᬳᬸᬦ᭄ᬤᬸᬓ᭄᭞ᬧ᭄ᬭᬕ
[᭓᭒ 32A]
ᬢ᭄ᬤᬶᬩᬂᬩᬂᬫᬧᬲᬄ᭟ᬚᬸᬭᬸᬦᬾᬦᭂᬭᬗᬂᬚᬦᬶ᭞ᬘ᭄ᬦᬶᬂᬫ᭄ᬮᬳᬂᬦᬶᬗᭂᬳᬂ᭞ᬩ᭄ᬮᭀᬕ᭄ᬕᬸᬭᬸᬦᬾᬓᬮᬶᬯᬢ᭄᭞ᬧᬗ᭄ᬓᬄᬦ᭄ᬩᬕᬭᬦ᭄ᬲᬢ᭄ᬯ᭞ᬦᬗ᭄ᬳᬶᬂᬤᬲᬗᭂᬢ᭄ᬓᭂᬦ᭄ᬤᭂᬮᬂ᭞ᬤᬕᬶᬂᬓ᭄ᬦᭀᬳᬶᬫ᭄ᬩᬦᬶᬧᬸᬦ᭄᭞ᬦᬾᬗᬯᬶᬢ᭄ᬳᬶ
ᬕ᭄ᬥᬾᬫᬹᬃᬓ᭄ᬓ᭟ᬲᬗᭂᬢ᭄ᬲᬸᬕᬶᬳᬶᬧᬸᬦ᭄ᬤᭂᬫᬶᬢ᭄᭞ᬤ᭄ᬫᭂᬦ᭄ᬢᭂᬦ᭄ᬕᭂᬓᬾᬦ᭄ᬕᭂᬮᬳᬦᬓ᭄᭞ᬲᬗᭂᬢ᭄ᬫᬶᬢᭂᬢᬶᬦ᭄ᬤᬾᬯᬾᬓᬾ᭞ᬢᬦ᭄ᬧᬲ᭄ᬫᬸᬩᬸᬢᬳᬓ᭄ᬱᬭ᭞ᬢ᭄ᬯᬭᬗᬶᬢᬸᬗᬶᬹᬗᬶᬦ᭄ᬫᬬᬚ᭄ᬜ᭞ᬫᬶᬯᬄᬫᬤᬦᬧᬸᬡ᭄ᬬᬾᬓᬸ᭞
ᬢᬶᬯᬲ᭄ᬓᭀᬘᬧᬶᬗ᭄ᬳᬕᬫ᭟ᬜᬓᬶᬢᬶᬦ᭄ᬤᬾᬯᬾᬓ᭄ᬧᬤᬤᬶ᭞ᬲᬸᬕᬶᬄᬢ᭄ᬯᬭᬩᬦᬶᬗᬫᬄ᭞ᬧᬢᬹᬢᬶᬭᬵᬚᬩ᭄ᬭᬡᬦᬾ᭞ᬳᬗ᭄ᬕᭀᬦ᭄ᬫᬤᬦᬫᬧᬹᬡ᭄ᬬ᭞ᬫᬶᬯᬳᬗ᭄ᬕᭀᬫᬬᬚ᭄ᬜ᭞ᬧᬶᬦᬓᬧᬕᭂᬭᬦᬶᬧᬸᬦ᭄᭞᭠
ᬗᬃᬤ᭄ᬥᬶᬓᬸᬓᬸᬄᬲᬮᬫᬶᬦ᭄ᬜ᭟ᬩ᭄ᬯᬶᬦᬯ᭄ᬓᬲ᭄ᬬᬬ᭄ᬦᬸᬫᬤᬶ᭞ᬲᬶᬦᬳᬶᬧᬸᬦ᭄ᬦᭂᬫᬸᬦ᭄ᬭᬓ᭞ᬤᬤᬶᬮᬮᬢᭂᬓ᭄ᬚᬕᬢᬾ᭞ᬓᬾᬢᭀᬘ᭄ᬦᬶᬂᬢ᭄ᬯᬄᬨᬮᬦ᭄ᬜ᭞ᬢᬸᬲᬶᬂᬤᬤᬶᬮᬾᬫ᭄ᬧᬲᬂ᭞ᬓᬃᬫ᭄ᬫᬨᬮᬦᬶᬧᬸᬦ᭄ᬦᬸᬢᬸᬢ᭄᭞ᬫ [ 33 ][᭓᭒ 32B]
᭓᭒
ᬦᬹᬢ᭄ᬢᭂᬓᬾᬦᬶᬂᬮᬓ᭄ᬱᬡ᭟ᬧᬶᬤᬩ᭄ᬤᬩ᭄ᬤᬩᬶᬫᬹᬃᬓᬩ᭄ᬯᬶᬦ᭄᭞ᬧ᭄ᬮᬶᬄᬜᬬᬗᬂᬧ᭄ᬬᬦᬓ᭄᭞ᬓᬬᬂᬓ᭄ᬮᬶᬄᬫᬕᬦ᭄ᬤᭀᬗᬾᬫᬾᬲᬶᬗ᭄ᬳᬮ᭄ᬢᬦ᭄ᬦᬧᬓ᭄ᬢᬦᬄ᭞ᬢ᭄ᬯᬭᬩᬳᬂᬫᬳᬗ᭄ᬕᬸᬭᬦ᭄᭞ᬫᬶᬯᬄᬫᬧᬳᬸᬭᬸᬓ᭄᭞
ᬧ᭄ᬭᬕᬢ᭄ᬩᭂᬮᭀᬕᬾᬓᬢᭂᬧᬸᬓ᭄᭞ᬧᬬᬸᬲᬗ᭄ᬲᬭᬢᬶᬩᬦᬦ᭄᭟ᬧᬢᬹᬢ᭄ᬧ᭄ᬬᬦᬓᬾᬘ᭄ᬦᬶᬂ᭞ᬤᬶᬳ᭄ᬦᬸᬘ᭄ᬦᬶᬓᬶᬧ᭄ᬬᬦᬓ᭄᭞ᬫᬭᬩᬶᬲᬫᬢᬶᬦ᭄ᬤᬓᬦ᭄᭞ᬳᭂᬫ᭄ᬧᬸᬘᬭᬭᬵᬚᬧᬸᬢ᭄ᬭ᭞ᬦᬾᬜᬶᬹᬗᭂᬫ᭄ᬧᬸᬘᬭᬓ
ᬯᬸᬮ᭞ᬢᬸᬳᬸᬢᬂᬲᬓ᭄ᬦᭂᬳᬶᬧᬸᬦ᭄᭞ᬧᬗ᭄ᬤᬫᬘᬭᬫᬗᭀᬤ᭟ᬬᬦ᭄ᬲᬸᬩᬫᬓ᭄ᬢᬸᬲ᭄ᬕᬶᬕᬶ᭞ᬳᬸᬭᬸᬓᬂᬫ᭄ᬮᬚᬄᬲᬲ᭄ᬢ᭄ᬭ᭞ᬓᬮᬶᬄᬲᬸᬰᬶᬮᬵᬕᬫᬦᬾ᭞ᬉᬢ᭄ᬲᬳᬬᬂᬤᬮᬾᬗᬬᬂ᭞ᬬᬦ᭄ᬲᬸᬩᬓᬾᬢᭀ
ᬩᬳᬦ᭄᭞ᬧ᭄ᬬᬦᬓᬾᬚ᭄ᬫᭂᬢ᭄ᬫᬗᭂᬢᬹᬢ᭄᭞ᬦᬾᬫᬤᬦ᭄ᬥᬃᬫ᭄ᬫᬲᬸᬰᬷᬮ᭟ᬩᬓ᭄ᬢᬶᬢ᭄ᬓᬾᬦ᭄ᬕᬸᬭᬸᬩᬶᬩᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬓᬫᬵᬦᬸᬱᬦ᭄᭞ᬓ᭄ᬭᬗ᭄ᬲᬸᬓᬦ᭄ᬩᬸᬤ᭄ᬥᬶᬲᬢ᭄ᬯᬫᬾ᭞ᬤ᭄ᬫᭂᬦ᭄ᬗᬃᬤ᭄ᬥᬶᬓᬭᬳᬬ᭄ᬯᬦ᭄᭞ᬭᬭᬫᬓ᭄ᬦᬓ᭄ᬭᬶ᭠
[᭓᭓ 33A]
ᬢᬶᬲᬦ᭄᭞ᬯᬶᬪᬯᬦᬾᬤᬤᬶᬢᬸᬫ᭄ᬩᬸᬄ᭟ᬮᬭᬧᬦᬶᬧᬸᬦᬶᬧ᭄ᬬᬦᬓ᭄᭟ᬫᬤᬾᬫᬸᬤᬶᬢᬜᬳᬸᬭᬶᬦ᭄᭞ᬤ᭄ᬫᭂᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬧᬶᬓ᭄ᬦᭀᬄᬤᬕᬶᬗᬶᬫ᭄ᬩᬦᬾ᭞ᬬᬦ᭄ᬓᬫᬦᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬗ᭄ᬤᬲᬫ᭄ᬧᬸᬦᬂᬦᬸᬮᬤ᭄᭞
ᬲᬸᬕᬶᬄᬤ᭄ᬫᬶᬢ᭄ᬢᬦ᭄ᬧᬲ᭄ᬫᬸ᭞ᬩᬜ᭄ᬘᬦᬦᬾᬫᬓ᭄ᬯᬾᬄᬧ᭄ᬭᬧ᭄ᬢ᭟ᬧᬸᬦᬧᬶᬕᬸᬡᬦᬾᬲᬸᬕᬶᬄ᭞ᬚ᭄ᬭᬶᬦᬸᬮᬸᬗᬶᬦᬦᬓ᭄ᬢᬶᬯᬲ᭄᭞ᬢᬦ᭄ᬧᬸᬭᬸᬦᬶᬧᬸᬦ᭄ᬫᬬᬚ᭄ᬜ᭞ᬫᬶᬯᬄᬫᬤᬦᬫᬧᬸᬡ᭄ᬬ᭞ᬳᬗ᭄ᬕᬾᬦ᭄ᬗᬭᬳᬬ᭄ᬯᬂᬚᬕᬢ᭄᭞ᬧᬸᬧᬸ᭠
ᬢ᭄ᬩᬜ᭄ᬘᬦᬦᬾᬭᬯᬸᬄ᭞ᬜᬫᬩ᭄ᬭᬬᬗᬦᬶᬱ᭄ᬝᬬᬂ᭟ᬦᬧᬶᬕᬸᬡᬦᬾᬦᬳᬸᬭᬶᬧ᭄᭞ᬳᬸᬭᬶᬧᬾᬦ᭄ᬫᬸᬲᬗ᭄ᬲᬭ᭞ᬲᬗ᭄ᬲᬭᬧᬓᬃᬤ᭄ᬥᬶᬦ᭄ᬤᬾᬯᬾᬓ᭄᭞ᬤᬾᬯᬾᬓ᭄ᬢ᭄ᬯᬭᬫᬲᬤᬦ᭞ᬫᬲᬤᬦᬥᬃᬫ᭄ᬫᬲᬢ᭄ᬬ᭞ᬥᬃᬫ᭄ᬫᬲ
ᬢ᭄ᬬᬓᬸᬢᬂᬮᬯᬸᬢ᭄᭞ᬗ᭄ᬮᬯᬸᬢ᭄ᬫᬗ᭄ᬕᬶᬳᬂᬤᭀᬱ᭟ᬦᬶᬓᬭᬸᬡᬷᬦᬶᬫ᭄ᬩᬮ᭄ᬫᬮᬶᬄ᭞ᬲᬶᬗ᭄ᬕᬶᬄᬕᬸᬭᬸᬫᬳᬸᬢ᭄ᬢ᭠ᬫ᭞ᬲᬶᬧ᭄ᬢᬦᬶᬧᬸᬦᬶᬩ᭄ᬮᭀᬕᬾ᭞ᬢᬦ᭄ᬢᬸᬦᬸᬭᬶᬧ᭄ᬫ᭄ᬭᬲᬧ᭄ᬚᬄ᭞ᬦ᭄ᬤᬸᬦᬂᬤᬾᬯᬾᬓ᭄ᬭᬶᬂᬩᬂᬩᬂ᭞ᬫᬦᬹᬢ᭄ᬫᬦᬄᬢᬶᬢ᭄ᬬᬂᬕᬸᬭᬸ [ 34 ][᭓᭓ 33B]
᭓᭓
᭞ᬩ᭄ᬮᭀᬕᬾᬰᬢ᭄ᬭᬸᬳᬸᬢ᭄ᬢᬫ᭟ᬲᬵᬫ᭄ᬧᬥᭂᬫ᭄ᬚ᭄ᬭᭀᬦᬶᬂᬫᬳᬸᬭᬶᬧ᭄᭞ᬚᬮᬭᬦ᭄ᬩᬗᭂᬲ᭄ᬤᬾᬯᬾᬓᬾ᭞ᬦ᭄ᬢᭂᬦ᭄ᬲᬸᬭᬸᬤ᭄ᬩᭂᬭᬬᬦᬾ᭞ᬲᬦᬾᬲᬥᬸᬫᬗ᭄ᬤᭀᬳᬂ᭞ᬳᬦ᭄ᬤᬾᬬᬂᬓᬤᬶᬧᬧᬶᬓᬢ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬗᬢᭂ
ᬗ᭄ᬓᬸᬂ᭞ᬳᬗ᭄ᬕᭀᬦ᭄ᬩᬦ᭄ᬤᭂᬮ᭄ᬜᬩ᭄ᬭᬦ᭄ᬤᬶᬦ᭟ᬗᬸᬮᬗᬸᬦᬶᬦ᭄ᬲᬂᬫᬗᬓ᭄ᬱᬶ᭞ᬚ᭄ᬜᭂᬂᬩᬕᬸᬲ᭄ᬩᬸᬮᬸᬗ᭄ᬭᬜᬩ᭄᭞ᬯᬳᬸᬗᬢᭂᬗ᭄ᬓᬸᬂᬩᬦ᭄ᬤᭂᬮᬾ᭞ᬭᬯᬸᬄᬢᬶᬢᬶᬭᬦᬾᬜᬕ᭄ᬚᬕ᭄᭞ᬲᬓᬶᬂᬓᬤᭀᬳᬦ᭄ᬕᭂᬦᬄ᭞ᬤᬾᬦᬶᬂᬫᬼᬤᬶᬧᬸᬦ᭄ᬧᬗ᭄ᬕᬸᬄ
᭞ᬧᬗ᭄ᬕᬶᬄᬭᬶᬂᬢᬶᬫ᭄ᬧᬮᬸᬢ᭄ᬢᬫ᭟ᬧ᭄ᬭᬤᬾᬧᬓ᭄ᬱᬶᬕᭀᬯᬓ᭄ᬫᬗ᭄ᬓᬶᬦ᭄᭞ᬳᬗ᭄ᬕᭀᬦ᭄ᬗᬦ᭄ᬤᭂᬮᬶᬂᬧᬧᬶᬓᬢ᭄᭞ᬲ᭄ᬯᬭᬦᬾᬕᬳᬓ᭄ᬗᭂᬕᬮᭀ᭞ᬋᬲ᭄ᬋᬲ᭄ᬚᬕᬢᬾᬫᬶᬭᬕ᭄ᬬᬂ᭞ᬫᬶᬦᬩ᭄ᬫᬗᬲᬄᬩᬗ᭄ᬓᬳᬦ᭄᭞ᬲᬶᬦᬄᬕᭀᬯ
ᬓ᭄ᬧᬘᬂᬭᬳᬸᬄ᭞ᬳᬯᭀᬃᬮᬸᬮᬸᬢ᭄ᬲᬫᬶᬕᭀᬯᬓ᭄᭟ᬲᬧᬸᬦᬶᬓᬢ᭄ᬬᬂᬦᬫ᭄ᬧᬾᬦᬶᬦ᭄᭞ᬤᬕᬶᬂᬳᬶᬧᬸᬦᬭᬦ᭄ᬲᬢ᭄ᬯ᭞ᬦᬗ᭄ᬳᬶᬂᬳᬫ᭄ᬧᬸᬭᬬᬂᬫᬗ᭄ᬓᭀ᭞ᬦᬯᬶᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬉᬧᬓ᭄ᬱᬭᬭᬶᬲ᭄ᬗᬸᬲ᭠
[᭓᭔ 34A]
ᬧ᭄᭞ᬮᬸᬄᬓᬭᬸᬡᬷᬤᬳᬢ᭄ᬧᬢᬹᬢ᭄᭞ᬳᭀᬮᬶᬄᬘ᭄ᬦᬶᬂᬦᬫ᭄ᬧᬶᬲᬶᬧ᭄ᬢ᭟ᬬᬦ᭄ᬲᬸᬩᬓᬭᬲᬘ᭄ᬦᬶᬂ᭞ᬢᬗᬭᬶᬦ᭄ᬗᬮᬶᬄᬲᬤᬦ᭞ᬧᬗ᭄ᬤᬲᬮᬄᬧᬶᬮᬶᬄᬫᬗᭀᬳᬗ᭄ᬕᭀᬦ᭄ᬧᬧᬶᬓᬢ᭄ᬤᬶᬭᬕ᭞ᬥᬃᬫ᭄ᬫᬲᬥᬸᬳᬗ᭄ᬕᭀᬦ᭄ᬩ
ᬦ᭄ᬤᭂᬮ᭄᭞ᬲᬶᬦᬄᬳᭂᬦ᭄ᬢᭀᬳᬦᬾᬭᬯᬸᬄ᭞ᬢᬸᬲᬶᬂᬗ᭄ᬮᬾᬫ᭄ᬧᬲᬶᬦ᭄ᬲᬤᬦ᭟ᬬᬦ᭄ᬘᭀᬭᬄᬮᬓ᭄ᬱᬦᬦ᭄ᬘᭂᬦᬶᬂ᭞ᬲᬶᬦᬄᬦᬾᬦᬾᬘᭀᬭᬄᬢᬺᬱ᭄ᬡ᭞ᬤᬾᬦᬶᬂᬫᬦᬹᬢ᭄ᬧᭀᬮᬄᬫᬗ᭄ᬓᭀ᭞ᬲᬮᬸᬗ᭄ᬮᬸᬂᬲᬪᬬᬦ᭄ᬢᬓ᭞᭠
ᬓ᭄ᬫᬳᬶᬹᬫᬳᬶᬫᬩᬋᬗᬦ᭄᭞ᬤᬾᬦᬶᬂᬮᬓ᭄ᬱᬡᬦᬾᬳᬤᬸᬂ᭞ᬗᬃᬤ᭄ᬥᬶᬦᬶᬦ᭄ᬚᬕᬢᬾᬭᬸᬲᬓ᭄᭟ᬘ᭄ᬦᬶᬂᬲ᭄ᬥᭂᬂᬮᬸᬳᬸᬗᬕᬢᬶ᭞ᬧ᭄ᬓᬓ᭄ᬤᬮᬂᬲᬕᬾᬢ᭄ᬧ᭄ᬭᬧ᭄ᬢ᭞ᬭᬯᬸᬄᬤᬦᬾᬫᬕᬕᬾᬲᭀᬦ᭄᭞ᬳᬶᬕ᭄ᬥᬾᬉᬧᬾ᭠
ᬓ᭄ᬱᬜᬧ᭞ᬧ᭄ᬓᬓ᭄ᬤᬮᬂᬦᬄᬮᬯᬸᬢᬂ᭞ᬦ᭄ᬕᬓ᭄ᬤᬶᬦᬶᬧ᭄ᬓᬓ᭄ᬫᬮᬸ᭞ᬫᬶᬦᬩᬤᬓᬳᬶᬤᬶᬳᬂ᭟ᬢ᭄ᬓᬾᬦ᭄ᬧ᭄ᬬᬓᬾᬓᬓᬮᬶᬄ᭞ᬳᬶᬫᬥᬾᬫᬸᬤᬶᬢᬫᬸᬯᬄ᭞ᬦᬶᬮᬸᬄᬓᬭᬸᬡᬷᬳᬤᬶᬦᬾ᭞ᬮᬯᬸᬢ᭄ᬦᭂᬕᬓ᭄ᬧ᭄ᬓᬓ᭄ᬤᬮᬂ᭞ᬭᬭᬶ᭠ [ 35 ][᭓᭔ 34B]
᭓᭔
ᬲᬶᬫᬥᬾᬫᬸᬤᬶᬢ᭞ᬫᬢᬸᬃᬢ᭄ᬓᬾᬦ᭄ᬧ᭄ᬓᬓ᭄ᬲᬵᬫ᭄ᬧᬸᬦ᭄᭞ᬧ᭄ᬓᬓ᭄ᬢᬶᬢ᭄ᬬᬂᬫᬦᬸᬦᬲᬂ᭟ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᬭᬦ᭄ᬲᬢ᭄ᬯᬯᬯᬬᬗᬦ᭄᭞ᬘᬭᬶᬢᬦ᭄ᬯᬬᬗᬾᬋᬓᬾ᭞ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶᬗ᭞ᬳᬦ᭄ᬢᬸᬓ᭄ᬫᭂ᭠
ᬍᬤ᭄ᬫᬶᬭᬕ᭄ᬬᬂ᭞ᬧᬶᬦᬓᬓᬳᬗ᭄ᬕᬾᬦ᭄ᬲᬸᬮᬸᬄ᭞ᬜᬸᬮᬸᬳᬶᬦ᭄ᬭᬕᬰᬭᬷᬭ᭟ᬳᬦ᭄ᬢᬸᬓ᭄ᬧ᭄ᬢᭂᬂᬤᭂᬤᭂᬢ᭄ᬲᬫᬶ᭞ᬯᬸᬢᬫᬦᬄᬫ᭄ᬯᬂᬮᬓ᭄ᬱᬡ᭞ᬦᬯᬶᬋᬲᭂᬧ᭄ᬢᬶᬢ᭄ᬬᬂᬋᬓᭀ᭞ᬲ᭄ᬯᬾᬘ᭄ᬙᬧ᭄ᬓᬓ᭄ᬗᬶᬘᬾᬦ᭄ᬲᬸᬯᬭ᭄᭞ᬧ᭄ᬢᭂᬂᬫᬦᬄ
ᬤᬤᭀᬲ᭄ᬕᬮᬂ᭞ᬫᬃᬕᬶᬳᬦ᭄ᬢᬃᬧᬘᬂᬧᬗ᭄ᬕᬸᬄ᭞ᬢᬦ᭄ᬓᬢᬜ᭄ᬚᬸᬂᬫᬭᬶᬂᬫᬃᬕ᭄ᬕ᭟ᬦᬶᬓᬭᬸᬡᬷᬜᬫ᭄ᬩᬸ᭠ᬗᬭᬶᬲ᭄᭞ᬧᬢᬹᬢᬢᬸᬃᬩ᭄ᬮᬶᬦ᭄ᬢᬶᬢ᭄ᬬᬂ᭞ᬫᬸᬂᬧᬸᬂᬢᬶᬢ᭄ᬬᬂᬩ᭄ᬤᬓ᭄ᬫᬗ᭄ᬓᬾ᭞ᬳᬶᬘᬾᬦ᭄ᬢᭀᬬᬳᬓ᭄ᬢᬾᬮᬦ᭄᭞ᬫᬦᬯᬶᬲᬶ
ᬤ᭄ᬥᬳᬶᬘᬮ᭄᭞ᬓᬲᬢᬦᬾᬲᬓᬶᬂᬤᬸᬫᬸᬦ᭄᭞ᬗᬫᬾᬳᬫᬾᬓ᭄ᬢᬾᬮᬦ᭄ᬢᭀᬬ᭟ᬢᭀᬬᬦᬾᬫᬗᬃᬤ᭄ᬥᬶᬳ᭄ᬢᬶᬲ᭄᭞ᬳ᭄ᬢᬶᬲᬾᬭᬶᬂᬫᬺᬘᬧᬤ᭞ᬭᬶᬂᬫᬺᬘᬧᬤᬫᬦᭀᬗᭀᬲ᭄᭞ᬢᭀᬗᭀᬲ᭄ᬓᭀᬘᬧ᭄ᬚᭂᬮᬾᬫ᭄ᬮᬄ
[᭓᭕ 35A]
᭞ᬫ᭄ᬮᬳᬾᬜᬦ᭄ᬤᬂᬲᬭᬢᬂ᭞ᬲᬭᬢ᭄ᬫᬲᬤᬦᬢᬸᬢᬸᬭ᭄᭞ᬢᬸᬢᬸᬭᬾᬲᬦᬾᬳᬸᬢ᭄ᬢᬫ᭟ᬳᬸᬢ᭄ᬢᬫᬦ᭄ᬢᬶᬗ᭄ᬓᬳᬾᬫᬗ᭄ᬓᬶᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬢ᭄ᬲᬳᬬᬂ᭞ᬳᬸᬢ᭄ᬲᬳᬗᬮᬶᬄᬭᬳᬬᭀᬦ᭄᭞ᬭᬳᬬᬸᬦᬾᬗᬃᬤ᭄ᬥᬶ
᭞ᬧᬜ᭄ᬚᬂ᭞ᬧᬜ᭄ᬚᬂᬬᬸᬱᬓᬧᬗ᭄ᬕᬶᬳᬂ᭞ᬧᬗ᭄ᬕᬶᬄᬲᬦᬾᬧᬘᬂᬭᬸᬭᬸᬄ᭞ᬗ᭄ᬭᬸᬭᬸᬄᬲᬸᬓᬢᬦ᭄ᬧᬤᬸᬄ᭠ᬓ᭟ᬤᬸᬄᬓᬦᬾᬧᬶᬦᬓᬕ᭄ᬭᬶᬂ᭞ᬗ᭄ᬕᭂᬭᬶᬗᬶᬦ᭄ᬭᬕᬰᬭᬶᬭ᭞ᬰᬭᬷᬭᬦᬾᬲᬓᬶᬢ᭄ᬫᬗ᭄ᬓᭀ᭞ᬲᬓᬶᬢᬾᬋᬋᬳᬂ᭠
ᬢᬫ᭄ᬩ᭞ᬢᬫ᭄ᬩᬧᬶᬦᬓᬧᬫᬸᬦᬄ᭞ᬫᬸᬦᬳᬂᬫᭀᬫᭀᬮᬦ᭄ᬩᭂᬕᬸᬕ᭄᭞ᬩ᭄ᬕᬸᬕᬾᬲᬵᬫ᭄ᬧᬸᬦ᭄ᬫᬢᬶ᭠ᬗ᭄ᬕᬮ᭄᭟ᬧ᭄ᬓᬓ᭄ᬤᬮᬂᬗᬦ᭄ᬤᬶᬓᬵᬭᬶᬲ᭄᭞ᬢᬸᬥᬸᬄᬘ᭄ᬦᬶᬂᬘᬸᬘᬸᬦ᭄ᬧ᭄ᬓᬓ᭄᭞ᬗ᭄ᬢᬸᬲᬢᬶᬩᬯᭀᬲ᭄ᬘᭂᬦᬶᬗᬾ᭞ᬳ᭄ᬦᬸᬘ᭄ᬦᬶᬓ᭄ᬲᬸ᭠
ᬩᬤᬩ᭄ᬤᬩ᭄᭞ᬫᬶᬦᬩ᭄ᬧᬸᬢ᭄ᬭᬦ᭄ᬲᬂᬧᬵᬡ᭄ᬥᬶᬢ᭞ᬲᬳᬶᬫᬳᬸᬭᬸᬓᬶᬦ᭄ᬢᬸᬢᬸᬭ᭄᭞ᬲᬭᬢ᭄ᬫᭂᬮᬚᬳᬂᬳ᭠ᬯᬓ᭄᭟ᬧᬗᬶᬤᬶᬄᬘ᭄ᬦᬶᬗᬾᬫᬶᬲᬶ᭞ᬚᬦᬶᬧ᭄ᬓᬓ᭄ᬫᬭᬦ᭄ᬲᬢ᭄ᬯ᭞ᬲᬢ᭄ᬯᬧᬯᬬᬗᬦ᭄ᬋᬓᭀ᭞ᬦᬗ᭄ᬳᬶᬂᬓᬾᬳᬗ᭄ᬕᬶᬢ [ 36 ][᭓᭕ 35B]
᭓᭕
ᬗ᭄ᬕᬶᬢᬦ᭄᭞ᬚᭀᬄᬧᬭᬧᬘᬂᬫ᭄ᬮᬄ᭞ᬲᬶᬤ᭄ᬥᬗᬍᬕᬦᬶᬓᬬᬸᬦ᭄᭞ᬳᬶᬤᬤᬦᬾᬦᬶᬭᬕᬶᬬᬂ᭟ᬤ᭄ᬬᬲ᭄ᬢᬸᬦ᭄ᬓᬾᬢᭀᬓᭀᬦᬾᬤᬤᬶ᭞ᬧᬗ᭄ᬓᬄᬓᬓ᭄ᬬᬂᬫᬜᬢ᭄ᬯᬬᬂ᭞ᬤᬾᬦᬶᬂᬧᬶᬲᭂᬋᬘ᭄ᬦᬶᬗᬾ᭞ᬗᬶᬤᬶᬳ᭠
ᬭᬦ᭄ᬲᬢ᭄ᬯᬯᬬᬂ᭞ᬲᬵᬢ᭄ᬲᬵᬢᬗ᭄ᬕᭀᬦ᭄ᬧᬦᬸᬗ᭄ᬓᬸᬮᬦ᭄᭞ᬦᬸᬗ᭄ᬓᬸᬮᬂᬤᬾᬯᬾᬓᬾᬳᬶᬩᬸᬓ᭄᭞ᬗᬶ᭠ᬩᬸᬓᬂᬦᬾᬢ᭄ᬯᬭᬳᬤ᭟ᬚᬦᬶᬧ᭄ᬓᬓ᭄ᬫᬗᬯᬶᬢᬶᬦ᭄᭞ᬫ᭄ᬮᬳᬂᬘ᭄ᬦᬶᬂᬦᬶᬗᭂᬳᬂ᭞ᬲᬓᬶᬂᬦᬸᬧ᭄ᬢᬸᬧ᭄ᬲᬢ᭄ᬯᬋᬓᭀ᭞ᬲ᭠
ᬢ᭄ᬯᬦᬾᬲᬢ᭄ᬯᬢ᭄ᬯᬭ᭞ᬘᬭᬕ᭄ᬥᬳᬾᬧᬦ᭄ᬢᬶᬕᬂ᭞ᬳ᭄ᬜᬕ᭄ᬢᭀᬂᬜᬶᬤᬬᬂᬦᬸᬧ᭄ᬢᬸᬧ᭄᭞ᬢᭂᬫ᭄ᬩᬂᬧᬗ᭄ᬓᬸᬃᬫᬗ᭄ᬮᬦ᭄ᬢᬸᬭᬂ᭟᭐᭟ᬧᬸᬧᬸᬄᬧᬗ᭄ᬓᬸᬭ᭄᭟᭐᭟ᬓᬯᬶᬢ᭄ᬚᬦᬶᬘᬭᬶᬢᬬᬂ᭞ᬲᬂᬧ᭄ᬭᬪᬸᬤᬦᬯᬧᬢᬶᬰᬓ᭄ᬢᬶ᭞᭠
ᬓᬪᬶᬦᬯᬳᬜᬓ᭄ᬭᬾᬂᬪᬹᬄ᭞ᬗᬭᬦ᭄ᬚᬕᬢ᭄ᬩᬭᬢ᭄ᬫᬤ᭄ᬬ᭞ᬢᬦ᭄ᬥᬫᬦ᭄ᬢ᭄ᬭᬶᬦᬶᬤᬦᬾᬲᬸᬫᬸᬬᬸᬩ᭄᭞ᬢ᭠ᬦ᭄ᬮᬗ᭄ᬕᬦᬭᬶᬂᬲᬂᬦᬵᬣ᭞ᬪᬓ᭄ᬢᬶᬫᬩᬾᬮᬧᬢᬶ᭟ᬗᬭᬦ᭄ᬲᬂᬧ᭄ᬭᬪᬸᬤᬦᬯ᭞ᬰ᭄ᬭᬷᬩᬚᬩᬚ᭄ᬭᬧᬢᬶ᭞ᬧᬸᬢᬸᬲᬶᬂ
[᭓᭖ 36A]
ᬢᬧᬲᬵᬫ᭄ᬧᬸᬦ᭄᭞ᬫᭀᬮᬶᬄᬯᬭᬦᬸᬕ᭄ᬭᭀᬢ᭄ᬢᬫ᭞ᬲᬶᬤ᭄ᬥᬗᬮᬳᬓᭂᬦ᭄ᬰᬢ᭄ᬭᬸᬭᬶᬂᬚᬕᬢ᭄ᬭᬫ᭄ᬧᬸᬂ᭞᭠ᬢᬦ᭄ᬢᭂᬓᬭᬶᬂᬓᬤᬾᬯᬢᬦ᭄᭞ᬲᬗ᭄ᬓᬦᬵᬦᬸᬕ᭄ᬭᬳᬲᬶᬤ᭄ᬥᬶ᭟ᬳ᭄ᬬᬂᬭᬸᬤ᭄ᬭᬱ᭄ᬝᬶᬗᬶᬘ᭄ᬙᬾᬦ᭄ᬯᬯᬄ᭞ᬓ᭄ᬭᬡᬰᬓ᭄ᬢᬶᬢᬦ᭄ᬧ
ᬧᬤᬾᬂᬪᬹᬫᬶ᭞ᬋᬲ᭄ᬋᬱᬚ᭄ᬭᬶᬄᬧᬭᬭᬢᬸ᭞ᬲᬳᬦᬳᬦᬾᬂᬚᬕᬢ᭄᭞ᬫᬗ᭄ᬓᬾᬲᬶᬭᬯᬸᬲ᭄ᬗᬮᬳᬓᭂᬦ᭄ᬧᬭᬭᬢᬸ᭞ᬤᬰᬦᬕᬭᬳᬶᬦᬸᬘᬧ᭄᭞ᬲᬵᬫ᭄ᬧᬸᬦ᭄ᬗᬢᬸᬭᬓᭂᬦ᭄ᬤᬶᬭᬶ᭟ᬧᬸᬢ᭄ᬭᬷᬦᬾᬤᬤᬶᬚᬭᬳᬦ᭄᭞
ᬲᭀᬯᬂᬯᬶᬚᬶᬳᬤᬰᬫ᭄ᬭᬫᬾᬰ᭄ᬯᬭᬷ᭞ᬢᬦ᭄ᬧᬧᬸᬢ᭄ᬭᬢᬲᬂᬧ᭄ᬭᬪᬸ᭞ᬲᬮᬫᬶᬦᬾᬫᬭᬩ᭄ᬬᬦ᭄᭞ᬤᬤᬶᬰᭀᬓᬢᬶᬦᬗ᭄ᬓᬶᬮᬶᬤᬲᬂᬧ᭄ᬭᬪᬸ᭞ᬳᭀᬮᬶᬄᬧᬭᬧ᭄ᬭᬤᬶᬧᬢ᭄ᬬ᭞ᬢᬦ᭄ᬤᬫᬦ᭄ᬢ᭄ᬭᬶᬢᬦ᭄ᬲᬄᬗᬶᬭᬶᬂ᭟ᬫᬯᬭᬄ
ᬲᬂᬰ᭄ᬭᬷᬤᬦᬯ᭞ᬩᬚᬩᬚ᭄ᬭᬲᬓ᭄ᬯᬾᬄᬫᬸᬧᬢᬶᬄᬫᬦ᭄ᬢ᭄ᬭᬶ᭞ᬲᬸᬗ᭄ᬲᬸᬢ᭄ᬫᬦᬶᬭᬓᬮᬗ᭄ᬓᬸᬂ᭞ᬳᬤᬰ᭠ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬲᬶᬚᬶᬦ᭄ᬤᬢᬦᬦᬵᬤ᭄ᬭᬩᬾᬧᬸᬢ᭄ᬭᬳᬶᬓᬸ᭞ᬫᬗ᭄ᬓᬾᬦ᭄ᬤᬶᬳᬦᬦᬬ᭞ᬲᬶᬤ᭄ᬥᬦᬶᬂᬫᬧᬸᬢ᭄ᬭᬫ᭠ [ 37 ][᭓᭖ 36B]
᭓᭖
ᬫᬶ᭟ᬫᬢᬸᬃᬧᬢᬶᬄᬓᬵᬮᬚᬬ᭞ᬲᬶᬗ᭄ᬕᬶᬄᬲᬚ᭄ᬜᬰ᭄ᬭᬷᬤᬦᬯᬧᬢᬶ᭞ᬢᬦᬦᬮᬾᬦᬧᬸᬤᬶᬓᬸ᭞ᬲᬓᬾᬂᬦᬗᬸᬦ᭄ᬩ᭄ᬭᬢ᭞ᬢᬧᬬᭀᬕᬲᬫᬵᬥᬶᬤᬸᬮᬸᬭᬦᬶᬧᬸᬦ᭄᭞ᬫᬫᬹᬚᬳ᭄ᬬᬯᬶᬰᬾᬱ᭞ᬫᬗ᭄ᬓᬦᬬᬧᬫᬶᬓ
ᬚᬶ᭟ᬕᬃᬚ᭄ᬚᬶᬢᬧ᭄ᬭᬪᬸᬤᬦᬯ᭞ᬥ᭄ᬗᭃᬃᬳᬢᬸᬃᬧᬢᬶᬄᬓᬵᬮᬚᬬᬾᬓᬶ᭞ᬫᬯᬭᬄᬲᬶᬭᬲᬂᬧ᭄ᬭᬪᬸ᭞ᬭᬶᬲᬶᬭᬲᬂᬓᬵᬮᬚᬬ᭞ᬩ᭄ᬦᭂᬃᬧᬢᬶᬄᬯᬶᬦᬬᬦ᭄ᬫᬸᬍᬯᬶᬳᬬᬸ᭞ᬢᬸᬗ᭄ᬕᬸᬦᭂᬦᬬᬸᬦᬶᬂᬤᬶᬦ᭞ᬳᬓᬸᬬᬢ᭄ᬦᬫᬗ᭄ᬮ
ᬓᭀᬦᬶ᭟ᬫᬭᬓᬾᬢᭀᬮᬦ᭄ᬢᬲᬶᬤ᭞ᬘ᭄ᬦᬶᬂᬘᬸᬘᬸᬮᬯᬲᬶᬤᬫᬗᬦ᭄ᬢᬶ᭞ᬤᬶᬢᬸᬤᬶᬧᬸᬭᬷᬳᬕᬸᬂ᭞ᬲᬫ᭄ᬩᬶᬮ᭄ᬫᬧᬾᬲ᭄ᬢᬧᬾᬲ᭄ᬢ᭞ᬫᬦᬸᬳᬸᬢᬶᬦ᭄ᬧᬜ᭄ᬚᬓ᭄ᬭᬵᬓ᭄ᬱᬲᬦᬾᬮᬯᬸᬢ᭄᭞ᬧᬥᬫᬳᬾᬕᬭᬾᬕᬭᬦ᭄
᭞ᬫᬳᬸᬢ᭄ᬲᬯᬧ᭄ᬭᬚᬦᬶ᭟ᬧ᭄ᬭᬕᬢ᭄ᬧᬶᬲᬸᬕᬸᬳᬾᬓᭀᬘᬧ᭄᭞ᬫᬕᭂᬦᭂᬧᬦ᭄‌ᬩᬾᬦᬶᬧᬸᬦ᭄ᬘᬸᬫᬯᬶᬲ᭄᭞ᬭᬬᬸᬦᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬸᬩᬧᬥᬓᬳᬢᬸᬭᬂ᭞ᬢᬦ᭄ᬮᬾᬦ᭄ᬯᬭᬓ᭄‌ᬭᬬᬸᬦᬦᬶᬤᬲᬂᬧ᭄ᬭᬪᬸ᭞ᬓ᭄ᬩᭀᬘᬾ
[᭓᭗ 37A]
ᬮᬾᬂᬍᬫ᭄ᬩᬸᬫᬘᬦ᭄᭞ᬲᬸᬕᬸᬳᬦ᭄ᬧᬭᬵᬥᬶᬧᬢᬶ᭟ᬫᬸᬯᬄᬧᬜ᭄ᬚᬓᬾᬫᬓ᭄ᬚᬂ᭞ᬓᬳᬸᬮᬸᬭᬦ᭄‌ᬳᬶᬦᬸᬫᬶᬦᬸᬫᬦᬼᬯᬶᬄ᭞ᬩ᭄ᬭᬦ᭄ᬥᬶᬳᬭᬓ᭄ᬘᬶᬦᬳᬮᬸᬲ᭄᭞ᬫᬶᬯᬳᬶᬦᬸᬫᬦ᭄ᬮᬾᬦᬦ᭄᭞ᬧᬥᬧᬸᬜᬄᬭᬵᬓ᭄ᬱᬲᬦᬾ᭠
ᬕ᭄ᬮᬸᬃᬕ᭄ᬮᬸᬭ᭄᭞ᬲᬸᬩᬧ᭄ᬭᬕᬢ᭄ᬫᬳᬸᬢ᭄ᬲᬘ᭞ᬲᬂᬧ᭄ᬭᬪᬸᬫᬧᬶᬦᭂᬄᬚᬦᬶ᭟ᬢᭂᬍᬩ᭄ᬢᭂᬓᬾᬦ᭄ᬲᬲᭀᬮ᭠ᬳᬦ᭄᭞ᬧᬭᬭᬢᬸᬭᬶᬂᬇᬦ᭄ᬤ᭄ᬭᬧ᭄ᬭᬱ᭄ᬝᬦᬵᬕᬭᬷ᭞ᬯ᭄ᬢᬸᬲᬢ᭄ᬯᬫᬾᬢᬸᬫᬸᬯᬄ᭞ᬫᬘᬭᬂᬢᬸᬃᬫᬲᭂᬳᭂᬦᬦ᭄᭞ᬳᬰ᭄ᬭᬸ᭠
ᬳᬶᬤᬗᬦ᭄ᬤᬶᬓᬲᬤᬳᬭᬹᬫ᭄᭞ᬧᬢᬶᬄᬓᬵᬮᬚᬬᬲᬶᬭ᭞ᬫᬦᬶᬭᬗᬸᬢᬸᬲ᭄ᬦᬾᬚᬦᬶ᭟ᬭᬩᬶᬦ᭄ᬕᭂᬮᬳᬾᬯᬮᬶᬬᬂ᭞ᬓᬦᬵᬕᬭᬦᬶᬤᬲᭀᬯᬂᬲᬶᬚᬶ᭞ᬫᬶᬯᬄᬢᬦ᭄ᬤᬫᬦ᭄ᬢ᭄ᬭᬶᬳᬶᬓᬸ᭞ᬳ᭄ᬤᬩᬗᬤᬸᬄᬓᬾᬃᬫᬦᬄ᭞ᬧ
ᬫᬦᬸᬕᬶᬲ᭄ᬭᬳᬶᬦ᭄ᬕᭂᬮᬄᬫᬗᭂᬫ᭄ᬧᬸ᭞ᬧᬜ᭄ᬚᬓ᭄ᬧᬜ᭄ᬚᬓᬾᬫᬓ᭄ᬚᬂ᭞ᬕ᭄ᬮᬄᬮᬸᬯᬲ᭄ᬫᬓᬾᬃᬢ᭄ᬢᬶ᭟ᬗ᭄ᬯᬦᬯᬰᬢᬸᬃᬫ᭄ᬪᬕᬯᬵᬦ᭄᭞ᬫᬜᬸᬘ᭄ᬬᬂᬮᬓ᭄ᬱᬡᬫᬶᬯᬄᬩᬸᬤ᭄ᬥᬶ᭞ᬫᬦᬸᬚᬸᬕᬸᬦᬸᬗᬾᬳᬕᬸᬂ᭞ᬕᬸᬦᬸᬂᬫᬡᬶᬓᬵᬃᬘ᭄ᬙᬰᬸ [ 38 ][᭓᭗ 37B]
᭓᭗
ᬤ᭄ᬥ᭞ᬕ᭄ᬮᬄᬫᬤᬦ᭄‌ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢ᭄ᬬᬓᬸ᭞ᬯᬶᬭᬾᬄᬧᬘᬂᬗ᭄ᬯᬦᬯᬰ᭞ᬢᬸᬲᬶᬂᬤᬤᬶᬕ᭄ᬮᬄᬩᬋᬗᬶᬦ᭄᭟ᬫᬢᬸᬃᬧᬢᬶᬄᬓᬵᬮᬚᬬ᭞ᬲᬚ᭄ᬜᬧ᭄ᬭᬪᬸᬲᬲᬸᬳᬸᬦᬦ᭄ᬓᬶᬦᬪᬓ᭄ᬢᬶ᭞ᬢᬦ᭄ᬲᬓᬶᬂᬧ᭄ᬭᬲᬗ᭄ᬕᬗ᭄ᬳᬸᬮᬸᬦ᭄
ᬗᬤ᭄ᬧᬤᬭᬶᬚᭂᬂᬦᬵᬣ᭞ᬬᬦ᭄ᬫᬗ᭄ᬓᬦᬦᬧᬶᬫᬗ᭄ᬓᬶᬦᬢᬸᬃᬗ᭄ᬳᬸᬮᬸᬦ᭄᭞ᬢᬦ᭄ᬲᬶᬤ᭄ᬥᬫᬢᬸᬃᬧᬜ᭄ᬚᬂ᭞ᬲᬚᬩᬫᬳᬢᬸᬃᬳᬶᬗ᭄ᬕᬶᬄ᭟ᬫᬗ᭄ᬓᬾᬧᬸᬓᬸᬮᬸᬦ᭄ᬫᬫᬃᬕ᭄ᬕ᭞ᬫᭀᬖᬫᭀᬖᬧᬤᬸᬓᬫᭀᬮᬶᬄᬓᬧ᭄ᬢᬶ᭞ᬤᬶᬃᬖᬳᬬᬸ
ᬰ᭄ᬭᬷᬧᬸᬓᬸᬮᬸᬦ᭄᭞ᬦᬶᬫ᭄ᬩᬮ᭄ᬗᬦ᭄ᬤᬶᬓᬲᬂᬦᬵᬣ᭞ᬓᬵᬮᬚᬬᬓᬶᬢᬫᬜ᭄ᬮᬶᬤᬶᬳᬶᬳᬓᬸ᭞ᬫᬳᬬᬸ᭠ᬳᬶᬓᬂᬦᬵᬕᬭ᭞ᬩᬭᬢ᭄ᬫᬤ᭄ᬬᬧ᭄ᬭᬲᬲ᭄ᬢᬾᬓᬶ᭟ᬫᬗ᭄ᬓᬾᬳᬓᬸᬢᬮᬸᬫᬫ᭄ᬧᬄ᭞ᬳᬬ᭄ᬯᬓᬶᬢᬲᬦ᭄ᬤᬾᬳᬗ᭄ᬳᬢᬶ᭠
ᬲᬦ᭄ᬢᬶ᭞ᬮᬓ᭄ᬯᬵᬓᭂᬦ᭄ᬧᬶᬢᬸᬤᬸᬳᬶᬗ᭄ᬲᬸᬦ᭄᭞ᬘᬸᬘᬸᬓᬾᬢᭀᬲᬢ᭄ᬯᬬᬂᬧ᭄ᬓᬓ᭄᭞ᬢ᭄ᬭᬸᬲ᭄ᬫᬫᬃᬕ᭄ᬕ᭞ᬲᬂᬧ᭄ᬭᬪᬸᬤᬦᬯᬳᬕᬸᬂ᭞ᬜᬸᬲᬸᬧ᭄ᬤᬶᬢ᭄ᬗᬳᬶᬗᬮᬲ᭄᭞ᬫᬫᬃᬕ᭄ᬕᬶᬭᬳᬶᬦᬯ᭄ᬗᬶ᭟ᬜ᭄ᬮᬕ᭄ᬳᬶᬫᬤᬾᬫᬸᬤᬶᬢ᭞ᬳᬶᬗ᭄ᬕᬶᬄ᭠
[᭓᭘ 38A]
ᬧ᭄ᬓᬓ᭄‌ᬤᬦᬯᬭᬵᬓ᭄ᬱᬲᬲᬫᬶ᭞ᬧᬶᬭᬕ᭄ᬬᬂᬢᬶᬢ᭄ᬬᬤᬸᬫᬸᬦ᭄᭞ᬫᭀᬫᭀᬳᬗ᭄ᬓᬭᬘᭀᬭᬄ᭞ᬗᬤᬸᬕᬤᬸᬕ᭄᭞ᬫᬶᬖ᭄ᬦᬩ᭄ᬭᬢᬦ᭄ᬲᬂᬯᬶᬓᬸ᭞ᬦᬾᬫᬗ᭄ᬓᬶᬦ᭄ᬧ᭄ᬭᬪᬸᬤᬦᬯ᭞ᬫᬯᬮᬶᬲᬢ᭄ᬬᬲᬸᬥᬃᬫ᭄ᬫᬶ᭟ᬦᬧᬶᬧᬸᬦᬶᬓᬗ
ᬯᬦᬂ᭞ᬫᬮᬶᬳᬶᬤᬗ᭄ᬢᬸᬢ᭄ᬯᬦᬯᬚᬵᬥᬶ᭞ᬗᬦᬹᬢᬶᬦ᭄ᬫᬵᬦᬸᬱᬧᬸᬢᬸᬲ᭄᭞ᬫᬗᬸᬦ᭄ᬢᬧᬫᬭᬶᬂᬕᬸᬦᬸᬂ᭞ᬅᬃᬘ᭄ᬘᬫᬡᬶᬓᬶᬦᬸᬘᬧ᭄᭞ᬫᬕᭂᬦ᭄ᬢᭀᬲ᭄ᬧᬭᬩ᭄᭞ᬗᬦᬹᬢᬶᬦ᭄ᬧᬡ᭄ᬥᬶᬢᬧᬸᬢᬸᬲ᭄᭞ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞᭠
ᬫᬮᬶᬄᬦᬶᬫ᭄ᬩᬮ᭄ᬮᬸᬄᬓᬭᬸᬡᬷ᭟ᬧ᭄ᬓᬓ᭄ᬢᬶᬢ᭄ᬬᬂᬫᬜᬸᬚᬸᬢᬂ᭞ᬓᭀᬘᬧᬶᬤᬲᬂᬤᬦᬯᬧᬢᬶ᭞ᬤᬰᬦᬵᬕᬭᬓᬲᭀᬃᬲᬵᬫ᭄ᬧᬸᬦ᭄᭞ᬧᭀᬮᬶᬄᬧᬸᬢ᭄ᬭᬶᬚᬭᬳᬦ᭄᭞ᬤᬰᬲᬶᬚᬶᬲᭀᬯᬂᬲᭀᬯᬂᬧᬸᬢ᭄ᬭᬶᬳᬬᬸ᭞ᬲᬫᬶ᭠
ᬲᬵᬫ᭄ᬧᬸᬦ᭄ᬓᬭᬩ᭄ᬬᬂ᭞ᬫᬗ᭄ᬓᬶᬦ᭄ᬓᬯᬮᬶᬬᬂᬲᬫᬶ᭟ᬦᬵᬕᬭᬦᬾᬓᬲᭂᬭᬳᬂ᭞ᬓᬓᬯᭀᬦᬶᬦ᭄‌ᬫ᭠ᬜᬸᬲᬸᬧ᭄ᬭᬶᬗᬮᬲᬰ᭄ᬭᬶ᭞ᬦᬧᬶᬓᬲᬭᬂᬗ᭄ᬭᬸᬭᬸᬄ᭞ᬳᬶᬤᬦᬶᬗ᭄ᬕᬮᬶᬦ᭄ᬓᬯᬷᬃᬬ᭄ᬬᬦ᭄᭞ᬫᬗᬸᬮᬢᬶᬲᬗ᭄ᬲᬭᬭᬶᬂᬯ [ 39 ][᭓᭘ 38B]
᭓᭘
ᬦᬳᬕᬸᬂ᭞ᬲᬶᬦᬄᬧᬘᬂᬢ᭄ᬤᬦ᭄ᬩᬸᬭ᭄ᬯᬦ᭄᭞ᬫᬗ᭄ᬓᬶᬦ᭄ᬭᬭᬶᬲᬂᬦ᭄ᬤᬶᬓᬳᬶᬦ᭄᭟ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶᬗ᭞ᬧ᭄ᬓᬢ᭄ᬤᬮᬂᬕ᭄ᬮᬶᬲ᭄ᬫᬜᬳᬸᬭᬶᬦ᭄᭞ᬲᬚᬤᬦᬯᬫ᭄ᬯᬂᬤ᭄ᬬᬸ᭞ᬫᭀᬫᭀᬳᬗ᭄ᬓᬭᬓᬮᭀᬩᬦ᭄᭞ᬦᬾᬗᬯᬦᬂᬲᬂᬤ
ᬦᬯᬧᬢᬶᬲᬥᬸ᭞ᬯ᭄ᬢᬸᬦᬶᬂᬩᬸᬤ᭄ᬥᬶᬗᬯᬦᬂ᭞ᬫᬲᬤᬦᬬᬰᬓᬾᬃᬢ᭄ᬢᬶ᭟ᬧ᭄ᬭᬪᬸᬩᬚᬩᬚ᭄ᬭᬳᬶᬤ᭞᭠ᬤᬶᬲᬸᬩᬦᬾᬚᬬᬵᬤᬰᬾᬂᬪᬹᬫᬶ᭞ᬫᬶᬯᬄᬓᬰᬓ᭄ᬢ᭄ᬬᬦ᭄ᬓᬲᬸᬩ᭄᭞ᬮᬦ᭄ᬢᬲᬶᬤᬓᬭᬂᬲᬸᬓᬦ᭄᭞ᬓᬫᬵᬦᬸᬱ᭠
ᬦ᭄‌ᬳᭂᬦ᭄ᬤᬸᬄᬭᬚᬄᬢᬫᬄᬳᬶᬓᬸ᭞ᬤᬤᬶᬦᬶᬗ᭄ᬕᬮᬂᬓᬯᬶᬃᬬ᭄ᬬᬦ᭄᭞ᬩ᭄ᬯᬦᬯᬰᬫ᭄ᬭᬕᬰᬸᬘᬶ᭟ᬲ᭄ᬥᭂᬗᬶ᭠ᬤᬫ᭄ᬭᬕᬤᬦᬯ᭞ᬢᬼᬩ᭄ᬦᬸᬚᬸᬥᬃᬫ᭄ᬫᬲᬥᬸᬰᬓ᭄ᬢᬶ᭞ᬕᬼᬗᬶᬤᬚ᭄ᬭᭀᬓᬶᬂᬓᬬᬸᬦ᭄᭞ᬜᬶᬤᬬᬂᬫᬫᬸᬢᬸᬲᬂ᭞
ᬳᬩ᭄ᬯᬶᬦ᭄ᬫᬵᬦᬸᬱᬳᬶᬘ᭄ᬦᬶᬂᬘᬸᬘᬸ᭞ᬤᬲᬃᬲᬸᬪᬵᬲᬸᬪᬓᬃᬫ᭄ᬫ᭞ᬗᭂᬦ᭄ᬢᬲ᭄ᬓᬃᬫ᭄ᬫᬳᬦᬾᬧ᭄ᬮᬶᬄ᭟ᬓᬃᬫ᭄ᬫᬧ᭠ᬢᬹᬧ᭄ᬫᬭᬶᬓᬸᬤ᭄ᬥ᭞ᬲᬗ᭄ᬓᬦ᭄ᬚᬦᬶᬢᬢᬲᬂᬳᬶᬫ᭄ᬩᬦᬾᬧᬲ᭄ᬢᬶ᭞ᬮ᭄ᬬᬸᬢᭀᬗᭀᬲᬾᬫᬳᬸᬭᬸᬓ᭄᭞ᬦᬶᬗ᭄ᬕᬮᬂᬓᬃ᭠
[᭓᭙ 39A]
ᬫ᭄ᬫᬨᬧ᭞ᬬᬤᬶᬦᬭᬦ᭄ᬲᬢ᭄ᬯᬳᬤᬓ᭄ᬦᭀᬳᬶᬧᬸᬦ᭄᭞ᬓᬸᬤᬸᬧᭂᬧᭂᬲᬶᬦ᭄ᬦᬓᭀᬦᬂ᭞ᬦᬲ᭄ᬥᭂᬂᬢᬶᬭᬸᬤᬶᬕᬸᬫᬶ᭟ᬚᬦᬶᬧ᭄ᬓᬦ᭄ᬗᬮᬦ᭄ᬢᬸᬭᬂ᭞ᬧᬫᬃᬕ᭄ᬕᬶᬦᬾᬲᬂᬤᬦᬯᬧᬢᬶ᭞ᬫᬯᬾᬰᬪᬕᬯᬵᬦ᭄ᬧᬸᬢᬸᬲ᭄᭞ᬜᬸᬲᬸᬧ᭄ᬢᭂᬗ᭠
ᬳᬶᬗᬮᬲ᭄᭞ᬓᬬᬸᬓᬬᬸᬫᬲᬭᬾᬬᭀᬓ᭄ᬫᬩᬃᬬᬓ᭄᭞ᬓᬢᭂᬫ᭄ᬧᬸᬳᬶᬳᬗᬶᬦ᭄ᬩᬦ᭄ᬩᬦ᭄᭞ᬤᬸ᭠ᬮᬸᬭᬶᬦᬸᬚᬦ᭄ᬗᬭᬶᬧᬶᬲ᭄᭟ᬳᬶᬓᬬᬸᬫᬶᬦᬩ᭄ᬫᬫᭂᬦ᭄ᬤᬓ᭄᭞ᬭᬯᬸᬳᬶᬤᬪᬕᬯᬵᬦ᭄ᬲᬓ᭄ᬢᬦᬸᬫᬹᬃᬢ᭄ᬢᬶ᭞ᬗᬢᬸᬭᬂᬢᬶᬃ᭠
ᬣᬧᬯᬲᬸᬄ᭞ᬗ᭄ᬮᬦ᭄ᬢᬸᬭᬶᬤᬫᬫᬃᬕ᭄ᬕ᭞ᬧᬓ᭄ᬱᬶᬧᬓ᭄ᬱᬶᬕᬶᬭᬂᬫᬲ᭄ᬯᬭᬤᬶᬓᬬᬸ᭞ᬫᬶᬦᬩ᭄ᬫᬳᬢᬸᬃᬫᬜᬧ᭞ᬲᬳᬫᬗᬢᬸᬭᬂᬪᬓ᭄ᬢᬶ᭟ᬲᬸᬩᬚᭀᬄᬧᬫᬃᬕ᭄ᬕᬶᬦᬶᬤ᭞ᬳᬤᬧᬗ᭄ᬕᬶᬄᬯᬢᬸᬢᬧᬓ᭄ᬫᬲᬦ᭄ᬤᬶᬂ᭞ᬯᬶᬢ᭄ᬓᭂᬫ᭄ᬩᬂᬓᬸ
ᬦᬶᬂᬤᬶᬢᬸ᭞ᬗᬸᬗ᭄ᬓᬸᬮ᭄ᬤᬶᬩᬢᬸᬢᬧᬓ᭄᭞ᬩᬸᬗᬦᬶᬧᬸᬦ᭄ᬦᭂᬤᭂᬂᬓᭂᬫ᭄ᬩᬂᬫᬗᬋ ᬫ᭄ᬩᬸᬦ᭄᭞ᬢᬸᬃᬲᬭᬶᬦᬶᬧᬸᬦᬶ᭠ᬩᬸᬗ᭞ᬢᬫ᭄ᬩᬸᬮᬶᬮᬶᬗᬦ᭄ᬦᭂᬓᬳᬶᬦ᭄᭟ᬲᬮᬶᬂᬲᬦ᭄ᬤᭂᬃᬫᬳᬶᬮ᭄ᬤᬦ᭄᭞ᬧᬥᬕᬶᬭᬂᬗᬶᬯᬲᬶᬦᬶᬓᭂᬫ᭄ᬩᬂᬲᬭᬶ᭞ᬲ᭄ᬯᬗᬶ [ 40 ][᭓᭙ 39B]
᭓᭙
ᬧᬸᬦ᭄ᬫᬢᬶᬗ᭄ᬕᬄᬤᬶᬢᬸ᭞ᬫᬗᬶᬲᭂᬧ᭄ᬲᬭᬶᬦ᭄ᬩᬸᬗ᭞ᬫᬕ᭄ᬭᬶᬬᬸᬗᬦ᭄‌ᬢ᭄ᬯᬭᬦᬾᬂᬗ᭄ᬕᭂᬋᬂᬫᬕ᭄ᬭᬶᬬᬸᬂ᭞ᬫᬳᬶᬦᬩ᭄ᬲ᭄ᬯᬭᬦᬶᬂᬕᭂᬦ᭄ᬢ᭞ᬓᬵᬮᬫᬹᬚᬲᬂᬋᬱᬶ᭟ᬤᬶᬲᬫ᭄ᬧᬶᬂᬩᬳᬸᬦᬾᬓᭀᬘᬧ᭄᭞ᬬᬳᬶᬤᬳᬸᬦ᭄‌ᬢᬫ᭄ᬧᬓ᭄ᬩᬾᬮ᭠
ᬫᬓ᭄ᬩᬶᬢ᭄᭞ᬫᬶᬦᬩ᭄ᬗᬢᬸᬭᬶᬦ᭄ᬲᬂᬭᬯᬸᬄ᭞ᬫᬭᬵᬃᬬ᭄ᬬᬦ᭄ᬫᬲᬦ᭄ᬤᭂᬓᬦ᭄᭞ᬢᬸᬃᬫᬮᬶᬗ᭄ᬕᬶᬄᬤᬶᬤᬸᬳᬸᬃᬩᬢᬸᬦᬾᬦᬸᬗ᭄ᬕᬸ᭞ᬯᬶᬭᬾᬄᬳᬤᬫᬘᬦ᭄‌ᬗ᭄ᬮᬶᬯᬢ᭄᭞ᬕᬮᬓᬾᬢᬦ᭄ᬲᬶᬧᬶᬲᬶᬧᬶ᭟ᬫᬭᬵᬃᬬ᭄ᬬᬦᬶᬤᬪᬕᬯᬵᬦ᭄᭞ᬫᬢᬶᬢᬶ᭠
ᬓᬲ᭄‌ᬗ᭄ᬕᭂᬮᬭᬂᬬᭀᬕᬰᬹᬘᬶ᭞ᬩᭀᬚᭀᬕ᭄ᬧᬾᬢᬸᬢ᭄ᬓᬗ᭄ᬭᬸᬜᬸᬂ᭞ᬳᬤᬫᬜᬶᬗᬮ᭄ᬧ᭄ᬬᬦᬓ᭄᭞ᬧᬥᬲᭂᬧᬶᬤᬶᬩ᭄ᬢᬾᬦ᭄ᬗᬶᬍᬳᬶᬦ᭄ᬩᬢᬸ᭞ᬳᬶᬦᬩ᭄ᬜᬓ᭄ᬱᬶᬬᬂᬬᬚ᭄ᬜ᭞ᬓᬵᬮᬲᬂᬋᬱᬶᬗᬚᭂᬗᬶᬦ᭄᭟ᬧ᭄ᬭᬕᬢ᭄ᬪᬕᬯᬵᬦ᭄ᬫᬬᭀᬕ᭞
ᬰ᭄ᬭᬸᬫᬫᬃᬕ᭄ᬕ᭞ᬧᬗ᭄ᬕᬸᬄᬢᬢᬫᬦᬦᬰ᭄ᬭᬶ᭞ᬢ᭄ᬮᬕᬩᬸᬗᬄᬫᬶᬲᬶᬢᬸᬜ᭄ᬚᬸᬗ᭄᭞ᬲᬦ᭄ᬢᬦ᭄᭞ᬳᬦᬾᬓᬯᬃᬡ᭄ᬦᬭᬹᬧ᭞ᬢ᭄ᬗᬳᬶᬧᬸᬦ᭄‌ᬢᬸᬜ᭄ᬚᬸᬂᬧᬸᬢᬶᬄᬢᬸᬜ᭄ᬚᬸᬂᬩᬶᬭᬸ᭞ᬳᬤᬫᬲᬶᬢᬸᬜ᭄ᬚᬸᬂᬳ᭄ᬩᬂ᭞ᬢᬸᬜ᭄ᬚᬸᬂᬤᬤᬸᬦᬾᬤᬶᬲᬶᬲᬶ᭟ᬧᬧᬬᭀᬦᬶᬧᬸᬦᬶᬢ᭄ᬮᬕ᭞
[᭔᭐ 40A]
ᬓᬬᬸᬯᬸᬗᬸᬮᬯᬦ᭄ᬫ᭄ᬭᬓ᭄ᬓᬸᬦᬶᬂ᭞ᬘᬦᬶᬕᬭᬢ᭄ᬕᭂᬄᬗᬸᬗ᭄ᬕᬸᬮ᭄᭞ᬳᬗ᭄ᬰᭀᬓᬫ᭄ᬯᬗᬲᬦ᭞ᬓᬮᬶᬮᬶᬢᬶᬦ᭄‌ᬕᬥᬸᬂᬫᬸᬭᬾᬫᬗᬋᬫ᭄ᬩᬸᬦ᭄᭞ᬢᭀᬬᬦᬶᬧᬸᬦᬶᬢᬮᬕ᭞ᬗ᭄ᬢᭀᬃᬳᬸᬮᬶᬩ᭄ᬮᬳᬦ᭄ᬢᭂᬫ᭄ᬩᬶᬂ᭟ᬤᬶᬲᬫ᭄ᬧᬶᬂᬢᭂᬫ᭄ᬩᬶᬂᬓᬬᬸ
ᬫᬵᬲ᭄᭞ᬧᬓᬭᬜᬄᬗᬭᬾᬤ᭄ᬧᬾᬥᬕᬥᬶᬂ᭞ᬢᭀᬬᬓᬤᬶᬲ᭄ᬮᬓᬲ᭄ᬧᬸᬄ᭞ᬫᬦᬶᬹᬲᬦ᭄ᬤᬶᬂᬫᬵᬲᬸᬢ᭄ᬢᬫ᭞ᬤᬤᬶᬫᬦᬄᬲᬂᬜᬗᬳᬶᬦᬸᬮᬗᬸᬦ᭄᭞ᬗᬃᬤ᭄ᬥᬶᬚ᭄ᬦᭂᬓ᭄ᬫᬲᬦ᭄ᬤᭂᬓᬦ᭄᭞ᬢ᭄ᬮᬕᬦᬾᬗᬗᭀᬩᬶᬦᬢᬶ᭟ᬳᬧᬓ᭄ᬱᬶᬫ
ᬦᬸᬢ᭄ᬤᬾᬯᬢ᭞ᬕᬶᬭᬗᬶᬧᬸᬦ᭄‌ᬫᬗ᭄ᬮᬶᬮᬾᬂᬢᬫᬦ᭄ᬲᬭᬶ᭞ᬓᬸᬦ᭄ᬢᬸᬮᬶᬧᬸᬦ᭄ᬧ᭄ᬢᬓ᭄ᬦᬸᬮᬸᬲ᭄᭞ᬕᬶᬭᬂᬫᬥᬫᬲᬶᬮ᭄ᬫᬦ᭄᭞ᬬᬤᬶᬦᬩᬂᬳᬶᬤᬲᬂᬫᬭᬕᬧᬸᬢᬸᬲ᭄᭞ᬫᬰᬸᬘᬶᬜᬸᬘᬶᬬᬂᬭᬕ᭞ᬗᬲ᭄ᬢᬶᬢᬶᬳᬶᬤᬳ᭄ᬬᬂᬯᬶᬥᬷ᭟
ᬢᬫᬦᬾᬓᬳᬸᬘᬧ᭄ᬫᬵᬤᬦ᭄᭞ᬢᬫᬦ᭄ᬦᬷᬮᬫᬬᬍᬯᬶᬄᬰᬸᬘᬶ᭞ᬢ᭄ᬗᭂᬢᬾᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬩ᭄ᬯᬬᬧᬸᬢᬶᬄᬤᬶᬢ᭄ᬗᬄᬜ᭞ᬦᬾᬫᬦᬸᬗ᭄ᬕᬸᬕᬮᬓ᭄ᬜᬭᬧ᭄ᬲᬶᬂᬓᬢ᭄ᬫᬸ᭞ᬦᬾᬩᬦᬶᬢᬸᬳᬸᬦ᭄ᬤᬶᬢ᭄ᬮᬕ᭞ᬓᬾᬢᭀᬲᬸᬲᬸᬳᬧᬂᬳᬸᬦᬶᬂ᭟ [ 41 ][᭔᭐ 40B]
᭔᭐
᭟ᬧᬲᬶᬭᬫᬦ᭄ᬯᬶᬤ᭄ᬬᬤᬭ᭞ᬫᬓᬫᬶᬯᬄᬯᬶᬤ᭄ᬬᬤᬭᬷᬤᬾᬯᬢᬷ᭞ᬤᬶᬢ᭄ᬗᬦᬮᬲᬾᬲᬸᬳᬸᬂ᭞ᬤᬶᬢᬸᬳᬶᬤᬪᬕᬯᬵᬦ᭄᭞ᬗ᭄ᬮᬓ᭄ᬱᬡᬬᬂᬲᬹᬃᬬ᭄ᬬᬰᬾᬯᬡᬮᬳᬸᬢ᭄᭞ᬲᬸᬩᬧ᭄ᬭᬕᬢ᭄ᬫᬢᬶᬃᬢ᭄ᬢᬬᬢ᭄ᬭ᭞ᬳᬸᬘᬧᬂᬧ᭄ᬓᬓ᭄ᬦᬾᬚᬦᬶ᭟᭠
ᬮᬶᬗ᭄ᬲᬶᬃᬲᬸᬩᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬫ᭄ᬩᬸᬩᬸᬦᬾᬢᬸᬳᬸᬳᬭᬗᬦᬶᬧᬶᬲ᭄᭞ᬫᬶᬦᬩ᭄ᬯᬲ᭄ᬢ᭄ᬭᬦᬾᬲᬂᬧᬸᬢᬸᬲ᭄᭞ᬓᬮᬶᬄᬮᬫᬤᬶᬗᬫ᭄ᬮᬭ᭞ᬫᬶᬦᬩᬶᬧᬸᬦ᭄‌ᬲᬯᬶᬢ᭄ᬮᬦ᭄ᬕᬶᬦᬶᬢ᭄ᬭᬶᬳᬮᬸᬲ᭄᭞ᬮᬦ᭄ᬢᬸᬭᬂᬧ᭄ᬓᬓ᭄ᬜᬢ᭄ᬯᬬᬂ᭞ᬧᬫᬃᬕ᭄ᬕᬶᬦ᭄ᬪᬕᬯᬵ
ᬦ᭄ᬚᬦᬶ᭟ᬜᬸᬲᬸᬧ᭄ᬤᬶᬳᬮᬲᬾᬯᬥᬄ᭞ᬲᬸᬩᬚᬦᬶᬲᬸᬭᬸᬧ᭄ᬳ᭄ᬬᬧ᭄ᬭᬥᬶᬧᬢᬶ᭞ᬢ᭄ᬓᬧ᭄ᬢᭂᬗᬾᬫᬗ᭄ᬮᬶᬧᬸᬢ᭄᭞ᬤᭂᬤᭂᬢ᭄ᬢᬸᬃᬫᬮᬶᬫᬸᬦᬦ᭄᭞ᬳᬗᬶᬦ᭄ᬢᬭᬶᬓ᭄‌ᬗᬮᬶᬮᬸᬲ᭄ᬫᬗᬮᬶᬫ᭄ᬧᬸᬦ᭄᭞ᬫᬶᬦᬩ᭄ᬗᬢᬸᬭᬶᬦ᭄ᬪᬕᬯᬵᬦ᭄᭞ᬗᬋ
ᬋᬧ᭄ᬢᭂᬗᬄᬯᬦᬵᬤ᭄ᬭᬶ᭟ᬗᬋᬋᬧᬶᬤᬪᬕᬯᬵᬦ᭄᭞ᬫᬲᬤᬾᬤᬾᬕ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬢ᭠ᬗᬶ᭞ᬢ᭄ᬓᬩᬸᬄᬭᬵᬦ᭄ᬧᬥᬓᬸᬫ᭄ᬧᬸᬮ᭄᭞ᬫᬗᬶᬢᭂᬭᬶᬦ᭄ᬪᬕᬯᬵᬦ᭄᭞ᬫᬶᬦᬩᬶᬧᬸᬦ᭄‌ᬫᬚᬕ᭄ᬭᬗ᭄ᬫᬶᬢ᭄ᬲᬂᬯᬶᬓᬸ᭞ᬳ
[᭔᭑ 41A]
ᬧᬂᬢᬸᬲᬶᬂᬓᬩᬜ᭄ᬘᬦ᭞ᬳᬶᬤᬲᬶᬋᬧ᭄ᬭᬶᬂᬯᬦᬵᬤ᭄ᬭᬶ᭟ᬤᬶᬲᬸᬩᬦᬾᬳ᭄ᬤᬲᬼᬫᬄ᭞ᬭᬫᬾᬓ᭄ᬤᬶᬲᬾᬧᬥᬫ᭠ᬫᬸᬜᬶ᭞ᬤᬶᬘᬭᬂᬓᬬᬸᬦᬾᬗᬸᬗ᭄ᬕᬸᬮ᭄᭞ᬧᬥᬫᬕᬶᬭᬂᬕᬶᬭᬗᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬳᭂᬦ᭄ᬤᬕ᭄ᬫᬲ᭄ᬯᬪᬯᬫᬸᬭᬸᬩ᭄᭞
ᬩᬸᬦ᭄ᬢᭂᬃᬩᬭᬓ᭄ᬓᬤᬶᬧᬤ᭄ᬫ᭞ᬤᬸᬮᬸᬭᬶᬦᬸᬚᬦ᭄ᬗᬭᬶᬧᬶᬲ᭄᭟ᬯ᭄ᬢᬸᬢᬾᬚᬗᬤᭂᬕ᭄ᬕᬮᬂ᭞ᬗᬮᬶᬯᬯᬃᬤᬸᬫᬶ᭠ᬮᬄᬗ᭄ᬭᭀᬜᬾᬄᬤᬶᬮᬗᬶᬢ᭄᭞ᬫᬶᬦᬩ᭄ᬦᬾᬚᬦᬶᬦ᭄ᬲᬂᬯᬶᬓᬸ᭞ᬧᬕᭂᬄᬗ᭄ᬢᬢ᭄ᬓᬥᬃᬫ᭄ᬫᬦ᭄᭞ᬫᬦᬚᬸᬯᬂᬫᬢᬧᬳᬶ
ᬤᬤᬶᬕᬸᬦᬸᬂ᭞ᬅᬃᬘ᭄ᬘᬫᬡᬶᬓᬾᬳᬶᬦᬸᬘᬧ᭄᭞ᬫᬫᬹᬚᬳ᭄ᬬᬂᬫ᭄ᬭᬕᬰᬸᬘᬶ᭟ᬳᬶᬮᬂᬢᬾᬚᬢᬦ᭄ᬧ᭠ᬲᬗ᭄ᬓᬦ᭄᭞ᬫᬶᬦᬩ᭄ᬫᬗᬢᬸᬭᬶᬦ᭄ᬪᬕᬯᬵᬦ᭄ᬫᬫᬃᬕ᭄ᬕᬶ᭞ᬪᬕᬯᬵᬦ᭄ᬫᬫᬃᬕ᭄ᬕᬶᬲᬵᬫ᭄ᬧᬸᬦ᭄᭞ᬜᬸᬚᬸᬃᬗᬚᬓᬧᬸᬳᬂ᭞
ᬲᬸᬩᬢ᭄ᬓᭂᬤ᭄‌ᬤᬶᬜᬾᬗ᭄ᬓᭀᬮ᭄ᬕᬸᬦᬸᬗᬾᬮᬯᬸᬢ᭄᭞ᬳᬶᬤᬗᬃᬤ᭄ᬥᬶᬦᬶᬦ᭄ᬧᬰ᭄ᬭᬫᬦ᭄᭞ᬢᬦᬲ᭄ᬯᬾᬧ᭄ᬭᬕᬢᬵᬰ᭄ᬭᬶ᭟ᬤᬤᬶᬮᬶᬫ᭄ᬩᬓᬶᬓᬂᬯᭀᬃᬣ᭞ᬲᬚ᭄ᬮᬕᬶᬂᬤᬸᬲᬸᬦᬵᬃᬘ᭄ᬘᬫᬡᬶᬓ᭄᭞ᬯ᭄ᬯᭀᬂᬤᬸᬲᬸᬦᬾᬕᬶᬭᬗᬶᬧᬸᬦ᭄᭞᭠ [ 42 ][᭔᭑ 41B]
᭔᭑
ᬓᬭᬯᬸᬳᬦ᭄ᬲᬂᬥᬃᬫ᭄ᬫ᭞ᬤᬤᬶᬳᬶᬧᬸᬦ᭄‌ᬓᬶᬧᬸᬢᬸᬢ᭄ᬰᬸᬦ᭄ᬥᬬᬮᬯᬸᬢ᭄᭞ᬫᬗ᭄ᬓᬶᬮ᭄ᬫᬭᬶᬂᬧᬓ᭄ᬭᬫᬦ᭄᭞ᬲᬤ᭄ᬬᬫᬫᬓᬦ᭄ᬪᬓ᭄ᬢᬶ᭟ᬲᬸᬩᬢ᭄ᬓᭂᬤ᭄ᬤᬶᬧᬰ᭄ᬭᬫᬦ᭄᭞ᬧᬸᬢᬸᬢ᭄ᬰᬸᬤ᭄ᬥᬦᬸᬦᬲ᭄ᬮᬸᬕ᭄ᬭᬫᬦᬗ᭄ᬓᬶᬮ᭄᭞ᬲᬳᬫᬳᬸᬭ᭠
ᬢ᭄ᬯᬂᬦᬸᬗ᭄ᬓᬸᬮ᭄᭞ᬲᬶᬗ᭄ᬕᬶᬄᬭᬢᬸᬪᬕᬯᬵᬦ᭄᭞ᬫᬗ᭄ᬤᬲ᭄ᬯᬾᬘᬗᬗ᭄ᬕᬾᬦ᭄ᬧᬋᬓᬦ᭄ᬓᬶᬧᬸᬢᬸᬢ᭄᭞ᬪ᭠ᬕᬯᬵᬦ᭄ᬮᬾᬤᬂᬦᬭᬶᬫ᭞ᬓᬶᬧᬸᬢᬸᬢ᭄ᬘᬸᬘᬸᬦ᭄ᬫᬗᬶᬭᬶᬂ᭟ᬓᬾᬢᭀᬘᬭᬶᬢᬬᬂᬧ᭄ᬓᬓ᭄᭞ᬳᬭᬦ᭄ᬲᬢ᭄ᬯᬦ᭄ᬧ᭄ᬭᬪᬸ᭠
ᬤᬦᬯᬧᬢᬶ᭞ᬤᬶᬲᬸᬩᬦᬶᬤᬦᬾᬭᬯᬸᬄ᭞ᬤᬶᬢᬸᬤᬶᬤᬸᬦ᭄ᬤᬾᬰ᭞ᬳᬃᬘ᭄ᬘᬫᬡᬶᬓ᭄‌ᬧᬫᬃᬕ᭄ᬕᬓᬶᬤᬦᬾᬳᬬᬸ᭞ᬚᬦᬶᬧ᭄ᬓᬓ᭄ᬫᬳᬗ᭄ᬲᭂᬕᬦ᭄᭞ᬗᭂᬤᭂᬳᬶᬦ᭄ᬧᬘᬂᬫᬗᬗ᭄ᬕᬶᬢ᭄᭟ᬘᬭᬶᬢᬦᬾᬯᬯᬬ᭠
ᬗᬦ᭄᭞ᬢᬦ᭄ᬧᬩᭀᬗ᭄ᬓᭀᬮ᭄‌ᬢᬦ᭄ᬧᬫᬸᬜ᭄ᬘᬸᬓ᭄ᬚᬢᬶ᭞ᬳᬧᬂᬲᬶᬤ᭄ᬥᬧ᭄ᬓᬓ᭄‌ᬗ᭄ᬮᬦ᭄ᬢᬸᬭ᭄᭞ᬦᬸᬢᬸᬭᬂᬳᬭᬦ᭄ᬲᬢ᭄ᬯ᭞ᬦᬄᬦᬾᬚᬦᬶᬮᬦ᭄ᬢᬸᬭᬂᬧ᭄ᬓᬓ᭄ᬫᬦᬸᬢᬸᬭ᭄᭞ᬦᬸᬜᬢ᭄ᬯᬬᬂᬧᬳᬸᬦ᭄ᬤᬸᬓᬦ᭄᭞ᬪᬕᬯᬵᬦ᭄ᬲᬦ᭄ᬢ
[᭔᭒ 42A]
ᬦᬸᬫᬹᬃᬢ᭄ᬢᬶ᭟ᬓᬶᬧᬸᬢᬸᬢ᭄ᬦᬸᬗ᭄ᬕᬸᬧᬰ᭄ᬭᬫᬦ᭄᭞ᬫᬸᬗ᭄ᬕ᭄ᬯᬶᬂᬳᬶᬤᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬫᬸᬗ᭄ᬕᬄᬤᬶᬧᬸᬘᬓᬶᬂᬕᬸᬦᬸᬂ᭞ᬲᬸᬩᬦᭂᬫ᭄ᬯᬂᬕ᭄ᬦᬄ᭞ᬦᬾᬦᬾᬰᬸᬘᬶᬢᬦ᭄ᬓᬳᬮᬗᬦᬦ᭄ᬢᬸᬓ᭄᭞ᬩᬸᬭᭀᬦᬮᬲ᭄ᬕᬮᬓ᭄ᬕᬮᬓ᭄
᭞ᬲᬸᬩᬫᬮᬓ᭄ᬱᬡᬚᬦᬶ᭟ᬫᬯᬮ᭄ᬓᬮᬢᬸᬃᬫᬚᬢ᭞ᬓᬸᬮᬶᬢ᭄ᬓᬬᬸᬧᬗᬗ᭄ᬕᬾᬦᬶᬤᬦᬾᬰᬸᬘᬶ᭞ᬗ᭄ᬕᭂᬮᬭᬂᬲᬲᬚᬾᬦ᭄ᬧᬸᬧᬸᬢ᭄᭞ᬗᬕᭂᬫᬫᬦ᭄ᬢ᭄ᬭᬧᬹᬚ᭞ᬬᭀᬕᬲᬫᬵᬥᬶ᭞ᬢᬸᬗ᭄ᬕᬸᬮ᭄ᬧᬸᬮᬸᬂᬦᬾᬢ᭠
ᬢ᭄ᬮᬸ᭞᭞ᬩᬬᬸᬰᬩ᭄ᬤᬳᬶᬥᭂᬧ᭄ᬢᬸᬗ᭄ᬕᬮ᭄᭞ᬫᬬᭀᬕᬫᬹᬚᬫᬫᬸᬱ᭄ᬝᬶ᭟ᬗᬭᬤᬦᬳ᭄ᬬᬂᬳᬘᬶᬦ᭄ᬢ᭄ᬬ᭞ᬧ᭠ᬕᭂᬮᬗ᭄ᬕᭂᬂᬩᬚᭂᬕ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬳᬸᬧᬘᬭᬲᬸᬩᬢᬸᬢᬸᬕ᭄᭞ᬮᬫᬶᬯᬸᬲ᭄ᬦᬗᬸᬦ᭄ᬢᬧ᭞ᬦᬾᬓᬢᬸᬦᬲ᭄
ᬧᬸᬢ᭄ᬭᬳᬶᬲ᭄ᬢ᭄ᬭᬷᬍᬯᬶᬳᬬᬸ᭞ᬲᬶᬤ᭄ᬥᬫᬧᬸᬢ᭄ᬭᬮᬦᬂ᭞ᬲᬢ᭄ᬭᬶᬬᭀᬢ᭄ᬢᬫᬗᬭᬩᬶᬦᬶᬦ᭄᭟ᬧᬶᬦᬓᬤᬤᬶᬲᬤᬦ᭞ᬧᬘᬂᬫᬦ᭄ᬢᬸᬓ᭄‌ᬭᬶᬗᬘᬶᬦ᭄ᬢ᭄ᬬᬰᬸᬘᬶ᭞ᬕᭂᬍᬂᬧᬶᬦᬸᬦᬲᬾᬲᬵᬫ᭄ᬧᬸᬦ᭄᭞ᬢ᭄ᬤᬸᬦ᭄ᬲᬂᬳ᭄ᬬᬗᬘᬶ [ 43 ][᭔᭒ 42B]
᭔᭒
ᬦ᭄ᬢ᭄ᬬ᭞ᬗᬯᬭᬳᬶᬦ᭄‌ᬲᬂᬫᬢᬧᬧᬕᭂᬄᬧᬸᬕᬸᬄ᭞ᬧᬶᬦᬸᬦᬲᬾᬳᬶᬦᬸᬕ᭄ᬭᬳᬦ᭄᭞ᬧᬸᬢ᭄ᬭᬶᬳᬬᬸᬓᬤ᭄ᬬᬵᬧ᭄ᬱᬭᬷ᭟ᬮᬯᬸᬢᬶᬤᬲᬂᬳ᭄ᬬᬂᬯ᭄ᬦᬂ᭞ᬗᬦ᭄ᬤᬶᬓᬳᬶᬦ᭄‌ᬉᬦ᭄ᬤᬕᬶᬦ᭄ᬲ᭄ᬯᬃᬕ᭄ᬕᬦᬾᬚᬦᬶ᭞ᬗᬃᬤ᭄ᬥᬶᬅᬃᬘ᭄ᬘᬫᬡᬶ
ᬓ᭄ᬫᬸᬭᬸᬩ᭄᭞ᬧᬸᬢ᭄ᬭᬶᬳᬬᬸᬫᬭᬹᬧ᭞ᬓᬮᬶᬳᬶᬤᬳ᭄ᬬᬂᬯᬶᬱ᭄ᬡᬸᬜ᭄ᬚᬷᬯᬳᬶᬦᬶᬓᬸ᭞ᬤᬾᬯᬶᬭᬢᬶᬄᬗᬭᬾᬓᬭᬾᬓ᭞ᬗᬦᬹᬢᬗᬵᬬᬸᬦᬶᬂᬯᬃᬡ᭄ᬦ᭟ᬳᬶᬤᬗᬃᬤ᭄ᬥᬶᬦᬶᬦ᭄ᬤᬶᬲ᭄ᬯᬃᬕ᭄ᬕᬦ᭄᭞ᬲᬸᬩᬧ᭄ᬭᬕᬢ᭄‌ᬳᬬᬸᬦᬾᬗᭂᬜᬸᬤ
ᬗ᭄ᬳᬢᬶ᭞ᬧᬭᬤᬾᬯᬕᬦ᭄ᬤᬃᬯ᭄ᬯᬾᬓᬸ᭞ᬍᬂᬍᬂᬩᬸᬗᭂᬂᬓᬲ᭄ᬫᬭᬦ᭄᭞ᬩᬸᬤᬸᬄᬧᬮᬶᬂᬜᬶᬗᬓᬶᬦ᭄ᬧᬸᬢ᭄ᬭᬶᬦᬾᬳᬬᬸ᭞ᬢᬦ᭄ᬧᬢᬦ᭄ᬤᬶᬗᬦ᭄ᬲᬲ᭄ᬯᬕ᭄ᬕ᭞ᬧᬭᬩ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭟ᬲᬸᬩᬮᬦ᭄ᬢᬲ᭄ᬓᬧᬳᬶᬘ᭞ᬦᬸᬮᬶᬳᬶᬤᬪ
ᬕᬯᬵᬦ᭄ᬦᬸᬦᬲ᭄ᬧᬫᬶᬢ᭄᭞ᬦᭂᬤᬸᬦᬂᬳᬶᬤᬮᬸᬫᬓᬸ᭞ᬧᬸᬢ᭄ᬭᬶᬳᬬᬸᬗᬶᬭᬶᬗᬂ᭞ᬕ᭄ᬮᬶᬲᬶᬂᬲᬢ᭄ᬯᬭᬯᬸᬄᬭᬶᬂᬧᬓ᭄ᬭᬫᬦ᭄ᬲᬵᬫ᭄ᬧᬸᬦ᭄᭞ᬓᬶᬧᬸᬢᬸᬢ᭄ᬕᬃᬚ᭄ᬚᬶᬢᬾᬂᬫᬦᬄ᭞ᬫᬫᭂᬦ᭄ᬤᬓ᭄ᬗᬢᬸᬭᬂᬪᬓ᭄ᬢᬶ᭟ᬮᬫᬶᬳᬶᬤᬤᬶᬧᬰ᭄ᬭᬫᬦ᭄
[᭔᭓ 43A]
᭞ᬤᬳᬢ᭄ᬮᬾᬤᬂᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬓᬶᬘᬾᬦ᭄ᬧᬸᬢ᭄ᬭᬶᬍᬯᬶᬳᬬᬸ᭞ᬧᬥᬳᬲᬶᬄᬓᬶᬦᬲᬶᬳᬤ᭄᭞ᬘᬭᬶᬢᬬᬂᬓ᭄ᬮᬶᬬᬦ᭄ᬤᬾᬰᬦᬾᬭᬯᬸᬄ᭞ᬫᬶᬯᬄᬧᬭᬚᬸᬭᬸᬲᬫ᭄ᬬᬦ᭄᭞ᬦᬸᬦᬲ᭄‌ᬦ᭄ᬤᬶᬓᬳᬶᬦ᭄ᬦᬾᬫᬗ᭄ᬓᬶᬦ᭄
᭟ᬲᬶᬗ᭄ᬕᬶᬄᬪᬕᬯᬵᬦ᭄ᬢᬸᬮᬸᬲᬂ᭞ᬲ᭄ᬯᬘ᭄ᬘᬦᬶᬤᬗᬯᬭᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬧᬸᬦᬧᬶᬲᬦᬾ᭠ᬧᬢᬹᬢ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬩ᭄ᬤᬩᬂ᭞ᬦᬾᬭᬶᬂᬤᬾᬰᬫᬗ᭄ᬤᬲᬶᬢᬺᬧ᭄ᬢᬶᬮᬦᬸᬲ᭄᭞ᬓᬮᬶᬂᬳᬶᬧᬸᬦ᭄ᬓ᭄ᬭᬫᬤᬾᬰ
᭞ᬕᬸᬮᬸᬓ᭄ᬫᬦ᭄ᬤᬤᭀᬲᬲᬶᬓᬶ᭟ᬦᬄᬦᬾᬘᬳᬶᬓ᭄ᬮᬶᬬᬦ᭄ᬤᬾᬰ᭞ᬦᬾᬦᬾᬗᬯᬶᬢ᭄‌ᬧᬜ᭄ᬘᬬᬚ᭄ᬜ᭠ᬳᬶᬢᬸᬗᬶᬦ᭄᭞ᬦ᭄ᬢᭀᬢᭂᬢᭂᬧᬂᬧᬮᬶᬂᬫᬮᬸ᭞ᬚᬮᬦᬂᬫᬦᬹᬢ᭄ᬬᭀᬕ᭄ᬬ᭞ᬓᬧᬶᬂᬓᬮᬶᬄᬳᬯᬶᬕᬯᬶᬕᬾᬢᬦ᭄ᬮᬸ
ᬧᬸᬢ᭄᭞ᬓᬃᬤ᭄ᬥᬶᬦᬶᬦ᭄ᬢᬸᬃᬳᬦᬹᬢᬂ᭞ᬢ᭄ᬓᬾᬦᬤᬢᬦᬾᬭᬶᬳᬶᬦ᭄᭟ᬲᭂᬲᭂᬧᬸᬄᬤᬾᬰᬦᬾᬳᬸᬦ᭄ᬤᬂ᭞ᬳᭂᬦ᭄ᬢᭀᬳᬚᬓ᭄ᬦᬶᬫ᭄ᬩᬗᬶᬦ᭄ᬩᭂᬦᭂᬄᬧ᭄ᬮᬶᬄ᭞ᬦᬾᬦᬾᬩ᭄ᬦᭂᬳᬗ᭄ᬕᭀᬢᬸᬗ᭄ᬕᬮ᭄᭞ᬤᬶᬲᬸᬩᬦᬾᬮᬦ᭄ᬢᬲ᭄ᬧ᭄ᬭᬕᬢ᭄᭞ᬩᬸ [ 44 ][᭔᭓ 43B]
᭔᭓
ᬯᬶᬦ᭄ᬤᬶᬢᬸᬕᬮᬶᬳᬶᬦ᭄ᬳᬧᬓᬾᬧᬢᬹᬢ᭄᭞ᬬᬤᬤᬧ᭄ᬮᬶᬄᬍᬳᬂ᭞ᬬᬦ᭄ᬲᬸᬩᬫᬦᬹᬢ᭄ᬲᬫᬶ᭟ᬢ᭄ᬤᬸᬦᬂᬳᬶᬓ᭄ᬭᬫᬤᬾᬰ᭞ᬲᬮ᭄ᬯᬶᬭᬶᬂᬦᬾᬫᬸᬗ᭄ᬕᬸᬄᬤᬶᬳᬯᬶᬕᬯᬶᬕ᭄᭞ᬧᬘᬳᬶᬦ᭄ᬫᬓ᭄ᬚᬂᬮᬯᬸᬢ᭄᭞ᬬᬦ᭄ᬲᬸᬩᬓᬩ᭄ᬦᭂᬳᬂ᭞ᬤᬶ᭠
ᬢᬸᬫᬭᬓᬳᭂᬲᬳᬂᬓᬾᬦ᭄ᬚ᭄ᬭᭀᬫᬗ᭄ᬓᬸ᭞ᬚ᭄ᬭᭀᬫᬗ᭄ᬓᬸᬤᬾᬰᬳᬶᬦᬸᬘᬧ᭄᭞ᬧᬶᬦᬡ᭄ᬥᬶᬢᬧᬮᬶᬂᬮᬶᬗ᭄ᬲᬶᬃ᭟ᬓᬾᬢᭀᬘ᭄ᬦᬶᬂᬲᬢ᭄ᬯᬬᬂᬧ᭄ᬓᬓ᭄᭞ᬢᬸᬃᬓ᭄ᬮᬦ᭄ᬢᬸᬭᬂᬫᬭᬦ᭄ᬲᬢ᭄ᬯᬢ᭄ᬓᬾᬦ᭄ᬘᭂᬦᬶᬂ᭞ᬧ᭄ᬭᬕᬢ᭄ᬯᬘᬦᬦ᭄‌ᬕᬶᬹᬯᬶᬹᬦᬶᬹ᭄‌ᬲᬂᬲᬥᬸ
᭞ᬩᬸᬤᬮ᭄ᬤᬦᬾᬓ᭄ᬮᬶᬬᬦ᭄ᬤᬾᬰ᭞ᬤᬶᬢᬸᬮᬯᬸᬢ᭄‌ᬪᬕᬯᬵᬦ᭄ᬗᬦ᭄ᬤᬶᬓᬵᬳᬭᬹᬫ᭄᭞ᬳᬸᬥᬸᬄᬤᬾᬯ᭠ᬫᬵᬲ᭄ᬚ᭄ᬯᬶᬢ᭞ᬳᬬᬸᬦᬾᬦ᭄ᬤᬢᬦ᭄ᬧᬲᬶᬭᬶᬂ᭟ᬳᬶᬤᬾᬯᬫᬵᬲ᭄ᬚᬷᬯᬦ᭄ᬩᬧ᭞ᬳᭀᬮᬶᬄᬩᬧᬫᬢᬧᬲᬹᬚᬲᬫᬵ
ᬥᬶ᭞ᬳᬦᬹᬢᬂᬭᬕᬦᬾᬳᬬᬸ᭞ᬫᬲᭀᬮᬳᬧᬂᬧ᭄ᬮᬧᬦ᭄᭞ᬩᬸᬤ᭄ᬥᬶᬳᬶᬥᭂᬧ᭄‌ᬤᬤ᭄ᬬᬢᬯᬵ᭠ᬓᬪᬹᬫ᭄᭟ᬫ᭄ᬯᬂᬓᬬᬲᬸᬮᬓ᭄ᬱᬡ᭞ᬧᬢᬶᬩ᭄ᬭᬢᬥᬃᬫ᭄ᬫᬾᬂᬲ᭄ᬢ᭄ᬭᬷ᭟ᬓᬶᬢᬤᬤᬶᬲ᭄ᬓᬃᬦᬢᬄ᭞ᬳᬫ᭄ᬩᬸᬳᬭᬹᬫ᭄‌ᬫᬺ᭠
[᭔᭔ 44A]
ᬫ᭄ᬧᬸᬓᭂᬫ᭄ᬧᬸᬓᬶᬓᬂᬲᬭᬶ᭞ᬦ᭄ᬬᬢᬳᬶᬱᬤ᭄ᬧᬤᬭᬯᬸᬄ᭞ᬗᬫᬾᬢ᭄ᬲᬭᬶᬦᬶᬂᬲ᭄ᬓᬭ᭄᭞ᬬᬢ᭄ᬦᬬᬢ᭄ᬦᬳᬶᬤᬾᬯᬳᬫᬯᬵᬭᬹᬫ᭄᭞ᬧᬶᬗᬶᬢᬂᬲ᭄ᬓᬭᬾᬤᬾᬯ᭞ᬧᬗ᭄ᬤᬤᬤᬶᬩᬸᬗᬦᭂᬚᬶᬢ᭄᭟ᬬᬦᬸᬯᬸᬲ᭄ᬫᬦᬹᬢ᭄ᬕᭂᬦᬄ᭠
ᬜ᭞ᬓᬲ᭄ᬢᬭᬂᬤᬾᬦᬶᬂᬲᬂᬲᬯ᭄ᬭᬶᬬᬍᬯᬶᬄ᭞ᬓᬮᭀᬓᬓᬯᬷᬃᬬ᭄ᬬᬦ᭄ᬯᬶᬪᬹᬄ᭞ᬲᬸᬩᬫᬦᬹᬢ᭄ᬭᬶᬂᬕ᭄ᬦᬄ᭞ᬓᬾᬢᭀᬳᬬᬸᬧᬡ᭄ᬥᬫ᭄ᬲᬭᬷᬧᬸᬢ᭄ᬭᬶᬦᬶᬗ᭄ᬲᬸᬦ᭄᭞ᬳᬬ᭄ᬯᬲ᭄ᬭᬫᬤᬭᬶᬗᬸᬮᬄ᭞ᬫᬕᭂᬳᬂᬥᬃᬫ᭄ᬫᬧᬤᬾᬲ᭄ᬢ᭄ᬭᬷ᭟
ᬧᬡ᭄ᬥᬫ᭄ᬲᬭᬷᬫᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬭᬵᬫ᭄ᬧᬸᬮᬶᬯᬲᬹᬓ᭄ᬱ᭄ᬫᬧᬯᬶᬬᬸᬓ᭄ᬢᬶ᭞ᬢᬦ᭄ᬓᭂᬦᬲᬧᬳᬶᬗ᭄ᬳᬸ᭠ᬮᬸᬦ᭄᭞ᬫᭀᬖᬬᬦ᭄ᬓᬲᬶᬤ᭄ᬥ᭞ᬮᬸᬫᬓ᭄ᬯᬦᬥᬃᬫ᭄ᬫᬦᬶᬂᬧᬯᬾᬲ᭄ᬢ᭄ᬭᬷᬲᬥᬸ᭞ᬢᬦ᭄ᬮᬾᬦ᭄ᬲᬓᬶᬂᬓᬵᬚ᭄ᬜᬦᬦ᭄᭞ᬭᬵ
ᬫ᭄ᬧᬸᬲᬶᬤ᭄ᬥᬦᬶᬂᬓᬱ᭄ᬢᬶ᭟ᬚᬦᬶᬮᬾᬦ᭄ᬩ᭄ᬯᬶᬦ᭄ᬘᬭᬶᬢᬬᬂ᭞ᬧᬭᬭᬢᬸᬯᬶᬪᬸᬄᬲᬓᬶᬂᬤᬸᬭᬦᬵᬕᬭᬭᬷ᭞ᬳᬃᬣᬫᬫᬤᬶᬓ᭄ᬤ᭄ᬬᬳᬬᬸ᭞ᬕ᭄ᬮᬶᬲᬶᬂᬲᬢ᭄ᬯᬘᬭᬶᬢ᭞ᬲᬸᬩᬭᬯᬸᬄᬤᬶᬧᬲ᭄ᬭᬫᬦ᭄ᬚᬸᬫ᭄ᬭᬸᬚᬸᬕ᭄᭞ᬮᬕᬲ᭄ᬢᬦ᭄ᬗᬗ᭄ᬕᭀᬯ᭄ᬓ [ 45 ][᭔᭔ 44B]
᭔᭔
ᬲᬦ᭄᭞ᬳᬦ᭄ᬤᭂᬮ᭄ᬢᭂᬓᬾᬦ᭄ᬭᬕᬰᬓ᭄ᬢᬶ᭟ᬓ᭄ᬭᬡᬳᬫ᭄ᬧᬄᬗᬫᭀᬂᬭᬕ᭞ᬓᬧᬶᬳᬃᬱᬤᬾᬯᬷᬧᬡ᭄ᬥᬫ᭄ᬲᬭᬷ᭞ᬓᬤ᭄ᬬᬲᬂᬳ᭄ᬬᬂᬭᬣᬶᬄᬳᬬᬸ᭞ᬳᬶᬤᬍᬂᬍᬂᬓᬲ᭄ᬫᬭᬦ᭄᭞ᬦᬸᬮᬶᬭᬯᬸᬄᬪᬕᬯᬵᬦ᭄ᬲᬶᬭᬳᬦ᭄ᬤᬸᬮᬸ᭞
ᬲᬧ᭄ᬭᬪᬸᬳᬶᬤᬧ᭄ᬭᬧ᭄ᬢ᭞ᬤᬶᬩᬮᬾᬘ᭄ᬦᬶᬓ᭄ᬫᬮᬶᬗ᭄ᬕᬶᬄ᭟ᬲᬶᬭᬵᬫ᭄ᬧᬸᬯ᭄ᬭᬸᬳᬶᬗᬸᬦᬤᬶᬓ᭞ᬭᬭᬶᬲᬶᬤᬗᬦ᭄ᬤᬶᬓᬜᬸᬜᬸᬃᬫᬦᬶᬲ᭄᭞ᬲᬚ᭄ᬜᬲᬂᬫᬳᬵᬧ᭄ᬭᬪᬹ᭞ᬲᬓᬶᬗᭂᬦ᭄ᬤᬶᬓᬶᬢᬦᬵᬣ᭞ᬮᬯᬦ᭄ᬧ᭄ᬬᬧᬦᬵᬫᬦ᭄ᬢᬲᬂᬫ᭠
ᬳᬧ᭄ᬭᬪᬸ᭞ᬳᬧᬤᭀᬦ᭄ᬢᬧᬭᬭᬶᬗ᭄ᬯᬂ᭞ᬮᬄᬯᬭᬳᭂᬦ᭄ᬦᬭᬧᬢᬶ᭟ᬲᬸᬫᬳᬸᬃᬲᬶᬭᬲᬂᬦᬵᬣ᭞ᬗ᭄ᬮᬸᬮᬸᬦᬶᬓᬶᬧ᭄ᬭᬪᬸᬭᬶᬂᬚᬕᬢ᭄ᬓᬲᬶ᭞ᬰᬓ᭄ᬢᬶᬯᬸᬲ᭄ᬫᬜ᭄ᬚᬬᬾᬂᬰᬢ᭄ᬭᬸ᭞ᬢᬦ᭄ᬧᬧᬥᬭᬶᬓᬾᬂᬭᬵᬢ᭄᭞ᬗ᭄ᬳᬸᬮᬸᬦ᭄ᬥᬯᭂᬂ᭠
ᬢᬦ᭄ᬮᬾᬦ᭄ᬫᬶᬦ᭄ᬢᬵᬦᬓ᭄ᬲᬶᬭᬵᬫ᭄ᬧᬸ᭞ᬫᬓᬧ᭄ᬭᬫᬶᬰ᭄ᬯᬭᬷᬦᬶᬗ᭄ᬯᬂ᭞ᬲ᭄ᬭᬳᬓ᭄ᬦᬳᬶᬓᬂᬧᬸᬢ᭄ᬭᬶ᭟ᬰ᭄ᬭᬷᬫ᭄ᬧᬸᬫᬓᬧᬢᬶᬃᬣᬦ᭄᭞ᬭᬶᬂᬦᬵᬕᬭᬓᬲᬶᬫᬮᬶᬗ᭄ᬕᬶᬄ᭞ᬢᬦ᭄ᬓᬸᬭᬧᬗᬦ᭄ᬫ᭄ᬯᬂᬓᬶᬦᬸᬫ᭄᭞ᬲᬸᬫᬳᬸᬃᬰ᭄ᬭᬷᬫ᭄ᬧᬸᬫᬃᬤ᭄ᬥᬯ᭞ᬥᬸᬄᬲᬂ
[᭔᭕ 45A]
ᬦᬵᬣᬓᬶᬢᬫᬸᬘᬧ᭄ᬯᬶᬰᬾᬱᬾᬪᬹᬄ᭞ᬭᬢᬸᬓᬲᬶᬮ᭄ᬯᬶᬄᬯᬶᬪᬯ᭞ᬯᬶᬃᬬ᭄ᬬᬦ᭄ᬢᬓᬢ᭄ᬯᬗᬶᬂᬪᬸᬫᬶ᭟ᬓᬾᬯᬮᬳᬦᬓᬸᬭᬂᬦ᭄ᬬ᭞ᬓᬶᬢᬥᬢᭂᬂᬢᬦ᭄ᬧᬲᬤᬦᬾᬭᬶᬓᬶ᭞ᬢᬦ᭄ᬫᬦᬹᬢ᭄ᬰᬷᬮᬦᬶᬂᬧ᭄ᬭᬪᬹ᭞ᬮᬸᬤ᭄ᬫᬶᬦ᭄ᬢᬧᬸᬢ᭄ᬭᬶᬦᬶ
ᬗ᭄ᬯᬂ᭞ᬓᬤᬶᬩᬗ᭄ᬕᬭᬶᬰᬓ᭄ᬢᬶᬦ᭄ᬢᬗᬲᭀᬭᬂᬰᬢ᭄ᬭᬸ᭞ᬬᬦ᭄ᬓᬶᬢᬢᬸᬳᬹᬧᬲᬫ᭞ᬭᬲᬲᭀᬃᬰᬓ᭄ᬢᬶᬪᬹᬧᬢᬶ᭟ᬧ᭄ᬭᬪᬹᬓᬲᬶᬲᬲᬳᬸᬃᬭᭀᬱ᭟ᬛᬓᭀᬂᬓᬶᬢᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬕᬃᬤ᭄ᬥᬯᬺᬤ᭄ᬥᬕᬗ᭄ᬕᬵᬫ᭄ᬩᭂᬓ᭄ᬫᬸ
᭞ᬦ᭄ᬤᬢᬦᬾᬫᬦᬶᬂᬚᬷᬯ᭞ᬯᬾᬳᬓ᭄ᬦᬧᬸᬢ᭄ᬭᬶᬓ᭄ᬢᬫᬗ᭄ᬓᬾᬬ᭄ᬬᬓᬸ᭞ᬳᬧᬦᬓᬸᬯ᭄ᬦᬂᬫᬮᬧ᭞ᬳᬋᬧ᭄ᬧᬓᬧ᭄ᬭᬫᬶᬰ᭄ᬯᬭᬷ᭟ᬳᬧᬕᬸᬡᬦ᭄ᬬᬧᬸᬢ᭄ᬭᬶᬦ᭄ᬢ᭞ᬬᬦ᭄ᬢᬦ᭄ᬧᬯᬾᬳᬓ᭄ᬦᬭᬶᬯ᭄ᬯᭀᬂᬮᬓᬶ᭞ᬓᬾᬢᭀᬧ᭄ᬭᬪᬸᬓ
ᬲᬶᬘᬸᬘᬸ᭞ᬫᬓ᭄ᬱᬢᬦ᭄ᬗᬗ᭄ᬕᭀᬮᬭᬧᬦ᭄᭞ᬢᬸᬃᬯᬶᬭᭀᬱᬗᬸᬦᬸᬲ᭄ᬘᬦ᭄ᬤ᭄ᬭᬳᬲᬲᬵᬫ᭄ᬧᬸᬦ᭄᭞ᬓᬤᬶᬢᬶᬗ᭄ᬓᬄᬲᬂᬫᬫᬸᬗ᭄ᬕᬮ᭄᭞ᬘᬭᬶᬢᬪᬕᬯᬵᬦ᭄ᬘᭂᬦᬶᬂ᭟ᬬᬦᬢ᭄ᬯᬵᬫ᭄ᬧᬸᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞ᬫᬹᬚᬵᬓ᭄ᬦᬳᬓ᭄ᬜ [ 46 ][᭔᭕ 45B]
᭔᭕
ᬦᬲᬶᬤ᭄ᬥᬶᬫᬦ᭄ᬥᬶ᭞ᬯᬶᬚᬶᬮ᭄ᬧᬜ᭄ᬚᬭᬧ᭄ᬢᭂᬂᬗ᭄ᬮᬶᬧᬸᬢ᭄᭞ᬧ᭄ᬭᬪᬸᬓᬲᬶᬓ᭄ᬦᬧᬜ᭄ᬚᬭ᭞ᬧ᭄ᬢᭂᬂᬚᬕᬢ᭄᭞ᬧ᭄ᬢᭂᬂᬫᬢᬧ᭄ᬢᭂᬂᬓᬮ᭄ᬪᬸ᭞ᬢᬦ᭄ᬯ᭄ᬭᬸᬳᬶᬂᬤᬰᬤᬾᬰ᭞ᬓ᭄ᬦᬧᬜ᭄ᬚᬭᬪᬬᬧᬢᬶ᭟ᬳᬸᬥᬸᬄᬰ᭄ᬭᬷᬫ᭄ᬧᬸᬪᬕᬯᬵᬦ᭄᭞ᬓ᭄ᬱ
ᬫᬓ᭄ᬦᬧᬯᬶᬓ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬳᬕᬸᬂᬤᭀᬱᬗ᭄ᬯᬂᬧᬸᬓᬸᬮᬸᬦ᭄᭞ᬳᬮ᭄ᬧᬓᬫ᭄ᬭᬶᬂᬲᬂᬥᬃᬫ᭄ᬫ᭞ᬤ᭠ᬤᬶᬫᬗ᭄ᬓᬾᬧ᭄ᬢᭂᬂᬳᬶᬯᭃᬂᬫᬗᬮᬶᬧᬸᬢ᭄᭞ᬗ᭄ᬳᬸᬮᬸᬦ᭄ᬫᬶᬦ᭄ᬢᬵᬕᭃᬗᬵᬫ᭄ᬧᬸᬭ᭞ᬓᬾᬯᬮᬗ᭄ᬳᬸᬮᬸᬦ᭄ᬫᬳᬸᬭᬶᬧ᭄᭟ᬢᬶ᭠
ᬗ᭄ᬳᬮ᭄ᬲᭂᬫ᭄ᬩᬳᬶᬗᬵᬦᬵᬣ᭞ᬫᬗᬤ᭄ᬧᬤᬭᬶᬚᭂᬂᬫᬳᬵᬫᬸᬦᬶ᭞ᬳᬬ᭄ᬯᬮᬮᬶᬲ᭄ᬭᬶᬲᬗ᭄ᬳᬸᬮᬸᬦ᭄᭞ᬲᬸᬓᬗ᭄ᬳᬸᬮᬸᬦ᭄ᬫᬜᬭᬓ᭞ᬤᬤᬶᬚᬸᬭᬸᬲᬧᬸᬭᬶᬧᬰ᭄ᬭᬫᬦᬕᬸᬂ᭞ᬫᬯᬭᬳᬶᬤᬪᬕᬯᬵᬦ᭄᭞ᬳᬧᬓ᭄ᬭ
ᬲᬧ᭄ᬭᬪᬸᬓᬲᬶ᭟ᬓᭀᬫᬶᬦ᭄ᬢᬳᬸᬭᬶᬧᭂᬦ᭄ᬭᬶᬳᬶᬗ᭄ᬯᬂ᭞ᬦ᭄ᬤᬢᬦ᭄ᬲᬶᬤ᭄ᬥᬫᬗᬾᬗ᭄ᬯᬗᬸᬭᬶᬧᬶ᭞ᬢᬦ᭄ᬚ᭄ᬭᬸᬯ᭄ᬬᬳᬸᬭᬶᬧᬶᬗ᭄ᬲᬸᬦ᭄᭞ᬫᬶᬦ᭄ᬢᬭᬶᬲᬂᬳ᭄ᬬᬂᬯᬶᬰᬾᬱ᭞ᬳᬧᬦ᭄ᬲᬶᬭᬲᬗ᭄ᬓᬦ᭄ᬧᬭᬦᬶᬓᬦᬂᬪᬹᬄ᭞ᬯ᭄ᬬᬧᬯ᭄ᬬᬧᬶᬫᬯᬓ᭄ᬲᬶᬭ
[᭔᭖ 46A]
᭞ᬬᬦᬲᬶᬄᬓᭀᬭᬶᬓᬫᬶ᭟ᬳᬬ᭄ᬯᬓᬶᬢᬩᬸᬤ᭄ᬥᬶᬭᭀᬱ᭞ᬥᬃᬫ᭄ᬫᬱᬥᬸᬬᬾᬓᬦᬳᬧ᭄ᬢᬶ᭞ᬫᬗ᭄ᬓᬯᬭᬄᬓᬸᬭᬶᬓᬫᬸ᭞ᬢ᭄ᬳᭂᬃᬲᬶᬭᬪᬕᬯᬵᬦ᭄᭞ᬫᬃᬬ᭄ᬬ᭄ᬬᬵᬓ᭄ᬦᬳᬚ᭄ᬜᬦᬲᬶᬤ᭄ᬥᬶᬧᬸᬢᬸᬲ᭄᭞ᬧᬥᬗᬶᬓᬂ᭠
ᬧ᭄ᬢᭂᬂᬗᬶᬯᭃᬂ᭞ᬧ᭄ᬭᬪᬸᬓᬲᬶᬫᬮᬬᬹᬕ᭄ᬮᬶᬲ᭄᭟ᬫᬮᬬᬹᬢᬦ᭄ᬗᬾᬢᬧᬭᬦ᭄᭞ᬫᬾᬭᬂᬲᬶᬭᬓᬲᭀᬭᬶᬂᬓᬰᬓ᭄ᬢᬶᬦ᭄᭞ᬢᬦ᭄ᬫᬦᬹᬢ᭄ᬲᬚᬦᬾᬂᬭᬢᬸ᭞ᬓᬕ᭄ᬬᬦᬶᬹᬢᬦᬓᬢ᭄ᬫ᭄ᬯ᭞ᬧᬭᬧ᭄ᬭᬪᬸᬫᬗᭂᬦ᭄‌ᬮ᭄ᬮ᭠
ᬫᬃᬧᬸᬢ᭄ᬭᬶᬳᬬᬸ᭞ᬦᬸᬮᬶᬬᬘᬦ᭄ᬥᬓ᭄ᬭᬶᬗᬯᬦ᭄᭞ᬫᬢᬓ᭄ᬯᬦ᭄ᬓᬭᬡᬮᬭᬶ᭟ᬧ᭄ᬭᬪᬸᬓᬲᬶᬲᬫᬾᬭᬂ᭞ᬫᬯᬭ᭄‌ᬓᭂᬦ᭄ᬓᬤᬶᬓ᭄ᬭᬫᬗᬹᬦᬶ᭞ᬢ᭄ᬳᭂᬃᬫᬮᬬᬹᬲᬂᬧ᭄ᬭᬪᬸ᭞ᬤᬾᬦ᭄ᬬᬵᬚ᭄ᬭᬶᬄᬢᬸᬫᬸᬢᬸᬭᬸ᭞ᬲᬂᬫᬜ
ᬦ᭄ᬥᬓ᭄᭞ᬫᬯᬮ᭄ᬬᬫᬮᬬᬹᬳᬰ᭄ᬭᬸ᭞ᬢᬦ᭄ᬗᬾᬢᬂᬧᬭᬦ᭄ᬧᬭᬦ᭄᭞ᬢᬦ᭄ᬯ᭄ᬭᬶᬂᬰᬢ᭄ᬭᬸᬯᬸᬲ᭄ᬫᬮᬭᬶ᭟ᬓᬾᬢᭀᬘᬸᬘᬸᬲᬢ᭄ᬯᬬᬂᬧ᭄ᬓᬓ᭄᭞ᬳᬶᬦ᭄ᬤᬶᬓᬶᬤᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬫᬶᬓᭀᬮᬶᬬᬂᬧᬸᬢ᭄ᬭᬶᬳᬬᬸ᭞᭠ [ 47 ][᭔᭖ 46B]
᭔᭖
ᬮ᭄ᬬᬸᬳᬕᬸᬗᬾᬜᬭᬢᬂ᭞ᬢᬸᬲᬶᬂᬲᬶᬤ᭄ᬥᬓᬮᬫᬃᬲᬂᬧᬸᬢ᭄ᬭᬶᬳᬬᬸ᭞ᬦᬾᬦᬾᬰᬓ᭄ᬢᬶᬦᬾᬪᬕᬯᬵᬦ᭄᭞ᬳᬚ᭄ᬜᬦᬦᬾᬲᬶᬤ᭄ᬥᬶᬫᬦ᭄ᬥᬶ᭟ᬚᬦᬶᬩ᭄ᬯᬶᬦ᭄ᬮᬦ᭄ᬢᬸᬭᬂᬧ᭄ᬓᬓ᭄᭞ᬫᬜᬢ᭄ᬯᬬᬂᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞
ᬫᬓᬶᬭᬾᬳᬶᬤᬫᬦ᭄ᬢᬸᬓ᭄᭞ᬭᬶᬂᬦᬵᬕᬭᬩᬭᬢ᭄ᬫᬤ᭄ᬬ᭞ᬯᬶᬭᬾᬳᬶᬤᬫᬶᬓᭀᬮᬶᬳᬂᬧᬸᬢ᭄ᬭᬶᬳ᭠ᬬᬸ᭞ᬲᬤᬦᬫᬦ᭄ᬢᬸᬓ᭄ᬓᬰᬹᬦ᭄ᬬ᭞ᬢᬸᬫᬸᬮᬶᬳᬶᬤᬫᬫᬃᬕ᭄ᬕᬶ᭟ᬧᬸᬧᬸᬄᬫᬶᬚᬶᬮ᭄᭟᭐᭟ᬬᬓᬶᬧᬸᬢᬸᬢ᭄‌ᬩ
ᬋᬗᬶᬧᬸᬦ᭄ᬗᬶᬭᬶᬂ᭞ᬓ᭄ᬭᬡᬪᬓ᭄ᬢᬶᬋᬓᭀ᭞ᬭᬶᬂᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶᬦᬾ᭞ᬫᬶᬯᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬳᬬᬸᬦᬾᬢᬦ᭄ᬲᬶᬧᬶ᭞ᬤᬶᬚᬕᬢᬾᬓᬲᬸᬩ᭄᭟ᬧᬸᬢ᭄ᬭᬶᬳᬬᬸᬧᬸᬢ᭄ᬭᬶᬦᬶᬂᬤᬾᬯᬳᬷ᭞ᬲᬓᬶᬂᬲ᭄ᬯᬃᬕ᭄ᬕ
ᬫᬜ᭄ᬓᬾ᭞ᬲᬂᬳ᭄ᬬᬂᬭᬢᬶᬄᬢ᭄ᬤᬸᬦ᭄ᬤᬶᬕᬸᬫᬶᬦᬾ᭞ᬢᬦ᭄ᬧᬲᬫᬲᬶᬭᬭᬶᬂᬧᬯᬾᬲ᭄ᬢ᭄ᬭᬷ᭞ᬯᬸᬲᬶᬤᬫᬫᬃᬕ᭄ᬕᬶ᭞᭠ᬭᬶᬗᬮᬲ᭄ᬫᬜᬸᬲᬸᬧ᭄᭟ᬫᬗᬮᬦ᭄ᬢᬸᬃᬲᬂᬢᬶᬕᬫᬫᬃᬕ᭄ᬕᬶ᭞ᬚᬦᬶᬲᬸᬩᬳ᭄ᬚᭀᬄ᭞ᬗᬮᬶᬯᬢᬶᬦ᭄‌ᬳᬮᬲ᭄ᬫ
[᭔᭗ 47A]
ᬤᬸᬃᬕ᭄ᬕᬫᬾ᭞ᬮᬯᬸᬢ᭄ᬢᭂᬧᬸᬓ᭄‌ᬢᬶᬃᬣᬗᬼᬩᬸᬢ᭄ᬳᭂᬦᬶᬂ᭞ᬤᬶᬢᬸᬳᬶᬤᬭᬭᬶᬲ᭄᭞ᬫᬲᬦ᭄ᬤᭂᬓᬦ᭄ᬮᬯᬸᬢ᭄᭟᭠ᬳᬶᬤᬭᬯᬸᬄᬤᬶᬢᬶᬃᬣᬦᬾᬳ᭄ᬦᬶᬂ᭞ᬫᬲᬸᬃᬬ᭄ᬬᬰᬾᬯᬡ᭞ᬫᬢᬢᬶᬓᬲ᭄‌ᬗ᭄ᬕᭂᬮᬭᬂᬬᭀᬕᬦᬾ᭞ᬲᬸᬩᬯᬸᬯᬸ᭠
ᬢ᭄‌ᬩ᭄ᬯᬶᬦᬶᬤᬗᬯᬶᬢᬶᬦ᭄᭞ᬫᬢᬶᬃᬣᬬᬢ᭄ᬭᬵᬥᬶ᭞ᬫᬰᬸᬘᬶᬫᬯᬲᬸᬄ᭟ᬲᬸᬩᬧ᭄ᬭᬕᬢ᭄‌ᬪᬕᬯᬵᬩ᭄ᬫᬩᬺᬱᬶᬄ᭞ᬚᬦᬶᬳᬶᬤᬋᬓᭀ᭞ᬢ᭄ᬭᬸᬲ᭄ᬫᬫᬃᬕ᭄ᬕᬳᬮᭀᬦ᭄ᬧᬫᬃᬕ᭄ᬕᬶᬦᬾ᭞ᬫᬦ᭄ᬤᬶᬓᬭᬹᬫ᭄‌ᬭᬶᬂᬲᬂᬭᬵᬚᬧᬸᬢ᭄ᬭᬶ
᭞ᬥᬹᬳᬬᬸᬫᬵᬲ᭄ᬫᬫᬶ᭞ᬲᬸᬩᬧᬳᭂᬓᬶᬓᬸ᭟ᬳᬦᬾᬢᬸᬚᬸᬲᬶᬂᬮᬾᬦ᭄ᬢ᭄ᬯᬄᬦᬵᬕᬭᬷ᭞ᬧᬸᬭᬷᬩ᭠ᬭᬢ᭄ᬫᬤ᭄ᬬ᭞ᬳᭂᬦ᭄ᬢᭀᬗᭂᬦᬄᬗᬭᬯᬢᬦ᭄ᬧᬸᬭᬷᬦᬾ᭞ᬚᬮᬦ᭄ᬚᬦᬶᬫᬚᬮᬦᬾᬗ᭄ᬕᬮᬶᬦ᭄᭞ᬧᬗ᭄ᬤᬢᬸᬢᬸᬕ᭄ᬯᭂ
ᬗᬶ᭞ᬓᬾᬯᭂᬄᬮᬓᬃᬢ᭄ᬧᬸᬓ᭄᭟ᬳᬧᬦᬶᬧᬸᬦ᭄‌ᬤᬶᬳᬮᬲ᭄ᬤᬸᬃᬕ᭄ᬕᬫᬶ᭞ᬮ᭄ᬬᬸᬲᬃᬯ᭄ᬯᬩᬸᬭᬶᬦ᭄᭞ᬕᬮᬓ᭄ᬕᬮᬓ᭄‌ᬫᬶᬯᬄᬮᬮᬶᬧᬶᬦᬾ᭞ᬳᬸᬧᬲᬶᬧᬸᬦ᭄‌ᬫᬭᬦᬾᬦ᭄ᬢᭂᬦ᭄ᬲᬶᬧᬶ᭞ᬦ᭄ᬢᭀᬢᬗᬭᬶᬦ᭄ᬬᬸᬓ᭄ᬢᬶ᭞ᬩ [ 48 ][᭔᭗ 47B]
᭔᭗
ᬜ᭄ᬘᬦᬦᬾᬮ᭄ᬬᬸ᭟ᬧᬡ᭄ᬥᬫ᭄ᬲᬭᬷᬳᬸᬫᬢᬸᬃᬫ᭄ᬙᬤᬲᬶᬄ᭞ᬩᬗᭂᬢᬼᬲᬸᬫᬗ᭄ᬓᭀ᭞ᬲᬶᬗ᭄ᬳᬶᬳᬚᬶᬢᬶᬢ᭄ᬬᬂᬍᬍᬄᬫᬗ᭄ᬓᬾ᭞ᬦᬾᬦ᭄ᬢᭂᬦ᭄ᬓᭀᬤᬕ᭄ᬗᬮᬦ᭄ᬢᬸᬃᬫᬫᬃᬕ᭄ᬕᬶ᭞ᬓᬲᬢᬦ᭄ᬤᬸᬮᬸᬭᬶᬦ᭄᭞ᬩᬲᬂᬢᬶᬢ᭄ᬬᬂᬲ᭄ᬥᬸᬓ᭄᭟ᬘ᭄ᬦᬶᬂᬘᬸᬘᬸ
ᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬧ᭄ᬭᬚ᭄ᬜᬦᬶᬤᬋᬓᭀ᭞ᬗᬸᬦᬤᬶᬓᬓ?ᬳᬍᬲ᭄ᬯᬦ᭄ᬧᬸᬢ᭄ᬭᬶᬦᬾ᭞ᬓᬦ᭄ᬤᬶᬓᬬᬂᬩᬢᭂ᭠ᬲᬶᬂᬦᬵᬕᬭᬷ᭞ᬲᬸᬩᬗᭂᬦᬄᬘ᭄ᬦᬶᬂ᭞ᬧᬳᭂᬓ᭄ᬭᬯᬢᬶᬧᬸᬦ᭄᭟ᬕ᭄ᬮᬶᬲᬶᬂᬢᬸᬢᬸᬭ᭄‌ᬳᬶᬤᬭᬶᬂᬧᬫᬃᬕ᭄ᬕᬶ᭞ᬲᬸᬩᬮᬶᬯᬢ᭄ᬳᭂ
ᬚᭀᬄ᭞ᬮᬯᬸᬢ᭄ᬢᭂᬧᬸᬓ᭄‌ᬳᬤᬤᬾᬰᬕ᭄ᬥᬾ᭞ᬤᬶᬢᬸᬳᬶᬤᬫᬲᬦ᭄ᬤᭂᬓᬦ᭄ᬭᬭᬶᬲ᭄᭞ᬯ᭄ᬯᭀᬂᬤᬾᬰᬢᬦ᭄ᬫᬭᬶ᭞ᬢ᭄ᬓᬧᬥᬗ᭄ᬭᬸᬜᬸᬂ᭟ᬢᬹᬃᬦᬓᭀᬦᬂᬢ᭄ᬓᬾᬦ᭄ᬧᬸᬢᬸᬢ᭄ᬰᬸᬦ᭄ᬥᬶ᭞ᬦᬾᬦᬾᬳᬶᬂᬭᬶᬂᬫᬗ᭄ᬓᭀ᭞ᬬᬓᬶᬧᬸᬢᬸᬢ᭄‌ᬗᭀ
ᬭᬳᬦ᭄ᬚᬢᬶᬦᬾ᭞ᬳᬶᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬫᬦ᭄ᬢᬸᬓᬓᬧᬸᬭᬷ᭞ᬭᬶᬂᬩᬭᬢ᭄ᬫᬤ᭄ᬬᬾᬓᬸ᭟ᬚᬦᬶᬗ᭄ᬮᬦ᭄ᬢᬸᬭ᭄‌ᬲᬂᬢᬶᬕᬫᬫᬃᬕ᭄ᬕᬶ᭞ᬲᬸᬩᬭᬯᬸᬄᬫᬗ᭄ᬓᭀ᭞ᬤᬶᬚᬩᬦᬶᬂᬮᬯᬗᬦᬕᬸᬗᬾ᭞ᬦᬸᬮᬶᬭᬯᬸᬄᬓᭀ
[᭔᭘ 48A]
ᬮᬚᬬᬧᬢᬶᬄ᭞ᬫᬶᬯᬄᬢᬦ᭄ᬤᬫᬦ᭄ᬢ᭄ᬭᬶ᭞ᬧᭂᬧᭂᬓ᭄ᬫᭂᬦ᭄ᬤᬓ᭄ᬲᬵᬫ᭄ᬧᬸᬦ᭄᭟ᬧᬥᬕᬸᬧᬸᬄᬲᬳᬶᬲᬶᬦᬶᬂᬧᬸᬭᬷ᭞ᬬᬫᬭᬾᬭᭀᬤ᭄᭞ᬘᬭᬶᬢᬬᬂᬲᬸᬩᬤᬶᬚ᭄ᬭᭀᬯᬦᬾ᭞ᬲᭀᬯᬂᬲᭀᬯᬂᬧᬥᬫᬗᬶᬗᭂᬢᬶᬦ᭄᭞ᬳᭂᬗ᭄ᬕᭀ
ᬦᬾᬲᬯᬶᬚᬶ᭞ᬳᬶᬤᬧᬸᬢ᭄ᬭᬶᬳᬬᬸ᭟ᬭᬶᬂᬕ᭄ᬤᭀᬂᬭᬹᬫ᭄‌ᬫᬵᬲ᭄ᬫᬸᬭᬸᬩ᭄ᬫᬮᬶᬗ᭄ᬕᬶᬄ᭞ᬲᬵᬫᭀᬯᬸᬦ᭄ᬗ᭄ᬭᬜ᭄ᬚᬶᬂᬫᬗ᭄ᬓᭀ᭞ᬧᬭᬘᬾᬫᬶᬳᬓ᭄ᬯᬾᬳᬶᬭᬶᬗᬦᬾ᭞᭞ᬧᬥᬪᬓ᭄ᬢᬶᬗᬶᬭᬶᬗᬂᬲᬂᬧᬸᬢ᭄ᬭᬶ᭞ᬕᬃᬚ᭄ᬚᬶᬢᬦᬶᬗ᭄ᬳᬢᬶ᭞ᬗᬶᬭᬶᬂᬧᬸᬢ᭄ᬭᬶᬳᬬᬸ᭠
᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬕ᭄ᬮᬶᬲᬶᬂᬘᬭᬶᬢᬓᭀᬘᬧᬦ᭄᭞ᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬧᬭᬲᬾᬫᬶᬫᬗᬶᬭᬶᬗᬂ᭞ᬫᬸᬯᬳᬶᬜᬧᬥᬪᬓ᭄ᬢᬶ᭞ᬘᬭᬶᬢᬬᬂᬳᬶᬤᬚᬦᬶ᭞ᬳᬶᬤᬧᬘᬂᬫᬧᬶᬓᬬᬸ᭠
ᬦ᭄᭞ᬗ᭄ᬮᬷᬮᬘᬶᬢ᭄ᬢᬫᬭᬶᬂᬢᬫᬦ᭄᭞ᬓᬶᬭᬶᬂᬳᭀᬮᬶᬄᬧᬭᬘᬾᬫᬶ᭞ᬳᬶᬜᬲᬵᬫ᭄ᬧᬸᬦ᭄᭞ᬘᬸᬫᬯᬶᬲ᭄ᬧᬥᬗᬶᬭᬶᬗᬂ᭟ᬫᬫᬃᬕ᭄ᬕᬶᬳᬶᬓᬢᬧᬦ᭄᭞ᬢᬦ᭄ᬓᭀᬘᬧᬦ᭄ᬫᬭᬶᬂᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬓᬂᬢ [ 49 ][᭔᭘ 48B]
᭔᭘
ᬫᬦ᭄᭞ᬮᬾᬤᬗᬶᬤᬫᬜᬶᬗᬓᬶᬦ᭄᭞ᬧᬧᬬᭀᬦ᭄ᬢᬫᬦᬾᬳᬰ᭄ᬭᬶ᭞ᬕ᭄ᬦᭂᬧᬶᬂᬲᬃᬯ᭄ᬯᬦᬶᬂᬲᬦ᭄ᬢᬸᬦ᭄᭞ᬤᬶᬢ᭄ᬧᬶᬦᬶᬂᬉᬤ᭄ᬬᬦ᭞ᬓᬓᬶᬢᭂᬭᬶᬂᬓᬬᬸᬢᬗᬶ᭞ᬫᬶᬯᬳᬶᬧᬸᬦ᭄᭞ᬘᬦᬶᬕᬭᬫ᭄ᬯᬂᬲᬭᭀᬚ᭟ᬧᬸᬜᬦ᭄ᬧᬸᬥᬓᬾ
ᬫᬚᬚᬭ᭄᭞ᬳᬯᭀᬃᬲ᭄ᬓᬃᬤᬮᬸᬫ᭄ᬭᬶᬓ᭄᭞ᬲ᭄ᬓᬃᬕᬥᬸᬂᬫᬗᬸᬭᬫ᭄ᬩ᭄ᬬᬄ᭞ᬧᬥᬬᬲᬮᬶᬂᬮᬶᬗ᭄ᬕᬾᬦᬶᬦ᭄᭞᭠ᬩᬸᬗᬓᭂᬫ᭄ᬩᬂᬧᬥᬫᬶᬳᬶᬓ᭄᭞ᬳᬗ᭄ᬕ᭄ᬭᬾᬓ᭄ᬩᬸᬮᬦᬾᬫᬗ᭄ᬕᭂᬫ᭄ᬧᬸᬓ᭄᭞ᬗᭂᬜ᭄ᬚᭀᬃᬤᬶᬤᬸᬳᬸᬃᬢᬮᬕ᭞ᬫᬳᭀᬬᭀᬤ
ᬦ᭄ᬢᭂᬫ᭄ᬧᬸᬳᬗᬶᬦ᭄᭞ᬫᬶᬦᬩᬶᬧᬸᬦ᭄᭞ᬗᬢᬸᬭᬶᬦ᭄ᬲᬂᬯᬯᬸᬧ᭄ᬭᬵᬧ᭄ᬢ᭟ᬗᬮᬧ᭄ᬩᬸᬗᬦ᭄ᬜᬘᭀᬗ᭄ᬕᬾᬭᬂ᭞ᬘᬼᬓᬂᬤᬶᬧᬸᬲᬸᬂᬫᬶᬳᬶᬓ᭄᭞ᬗᬯᬸᬯᬸᬳᬶᬓ᭄ᬳᬳᬬᬸᬯᬦ᭄᭞ᬓᬾᬢᭀᬧᬶᬓᬦ᭄ᬢᭂᬦ᭄ᬜᬘ᭄ᬦᬶᬂ᭞ᬬᬦ᭄ᬲᬯᬗᬂᬧ᭄ᬓᬓ᭄ᬯ᭄ᬬᬓ᭄ᬢᬶ
᭞ᬘᬭᬶᬢᬳᬶᬢᬸᬜ᭄ᬚᬸᬂᬢᬸᬢᬸᬭ᭄᭞ᬫᬚᬚᬃᬢ᭄ᬧᬶᬓ᭄ᬢᬮᬕ᭞ᬤᬶᬢ᭄ᬗᬄᬢᬸᬜ᭄ᬚᬸᬗᬾᬧᬸᬢᬶᬄ᭞ᬳᬤᬤᬤᬸ᭞ᬢᬸᬜ᭄ᬚᬸᬂᬩᬶᬭᬸᬧᬥᬫ᭄ᬓᬭ᭄᭟ᬮᬾᬤᬗᬶᬤᬦᬾᬓᬮᬶᬯᬢ᭄‌ᬫᬜᬶᬗᬓ᭄ᬲᬃᬯ᭄ᬯᬦᬶᬂᬲᬭᬷ᭞ᬧᬥᬫᬮᬶᬗ᭄ᬕᬾ
[᭔᭙ 49A]
ᬦ᭄ᬮᬶᬗ᭄ᬕᬾᬦᬦ᭄᭞ᬗᬤᬸᬯᬂᬳᬫ᭄ᬩᬸᬦᬾᬫᬶᬳᬶᬓ᭄᭞ᬢᬸᬃᬓᬢᭂᬫ᭄ᬧᬸᬳᬦ᭄ᬢᬸᬓᬗᬶᬦ᭄᭞ᬫᬳᭀᬬᭀᬤᬦ᭄ᬲ᭄ᬓᬭᬶᬧᬸᬦ᭄᭞ᬫᬶᬦᬫ᭄ᬩᬢᬸᬭᬶᬦ᭄ᬲᬂᬧ᭄ᬭᬵᬧ᭄ᬢ᭞ᬗᬮᬧ᭄ᬲ᭄ᬓᬭᬶᬧᬸᬦ᭄ᬫᬶᬳᬶᬓ᭄᭞ᬜᬗ᭄ᬮᬸᬄᬜᬗ᭄ᬮᬸᬄ᭞ᬓᬳᬫ᭄ᬡᬳᭀᬮᬶᬳᬸᬗ᭠
ᬲᬦ᭄᭟ᬲ᭄ᬓᬃᬲᬸᬗᬾᬗᬾᬦᬾᬓᭀᬘᬧ᭄᭞ᬳᬬᬤᭀᬬᭀᬤ᭄ᬢᭂᬫ᭄ᬧᬸᬳᬗᬶᬦ᭄᭞ᬧᬦᬩ᭄ᬫᬗᬸᬦ᭄ᬤᬂ᭠ᬩ᭄ᬭᬫᬭ᭞ᬢ᭄ᬓᬳᬶᬧᬸᬦ᭄ᬗᬶᬲᭂᬧ᭄ᬲᬭᬷ᭞ᬳᬯᬦᬦ᭄ᬘᬸᬘᬸᬦᬾᬚᬦᬶ᭞ᬢ᭄ᬓᬩ᭄ᬭᬫᬭᬗᬋᬩᬸᬢ᭄᭞ᬳᬶᬧᬸᬦᬶᬲᬭᬶᬦ᭄ᬲ᭄ᬓᬭ᭄
᭞ᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬗᬦ᭄ᬤᬶᬓᬵᬭᬹᬫ᭄᭞ᬢ᭄ᬓᬾᬦᬶᬂᬦᬶᬘᬾᬫᬶᬳᬶᬜ᭟ᬩᬶᬩᬶᬘᬾᬫᬶᬩᬶᬩᬶᬳᬶᬜ᭞ᬕᬃᬚ᭄ᬚᬶᬢᬕ᭄ᬮᬄᬦᬶᬗ᭄ᬳᬮᬶᬦ᭄᭞ᬩᬸᬗᬧᬥᬓᭂᬫ᭄ᬩᬂᬫ᭄ᬓᬭ᭄᭞ᬢ᭄ᬓᬩ᭄ᬭᬫᬭᬜᬕ᭄ᬚᬕᬶᬦ᭄᭞ᬲᭂᬍ
ᬕ᭄ᬫᬗᬶᬲᭂᬧ᭄ᬲᬭᬶ᭞ᬤᬶᬢ᭄ᬗᬄᬢ᭄ᬮᬕᬦᬾᬓᬸᬫ᭄ᬧᬸᬮ᭄᭞ᬤᬸᬮᬸᬭᬶᬦ᭄ᬗᬢᭀᬦᬂᬲ᭄ᬓᬭ᭄᭞ᬓᭂᬫ᭄ᬩᬂᬫᬗ᭄ᬤᭀᬢᬗ᭄ᬳᬢᬶ᭞ᬲᬯᬗᬶᬧᬸᬦ᭄᭞ᬢᬫᬦ᭄ᬲᬂᬳ᭄ᬬᬂᬫᬦᭀᬪᬯᬵ᭟ᬳᬫ᭄ᬩᬸᬫᬶᬳᬶᬓ᭄ᬫᬳᬶᬫ᭄ᬧᬸᬕᬦ᭄᭞ᬳᬫ᭄ᬧᭂᬳ [ 50 ][᭔᭙ 49B]
᭔᭙
ᬗᬗᬶᬦ᭄ᬗᬲᬶᬃᬲᬶᬭ᭄᭞ᬫᬓᭂᬲ᭄ᬬᬸᬄᬤᭂᬫ᭄ᬧᬸᬳᬸᬗᬲᬦ᭄᭞ᬫᬶᬯᬄᬬᬾᬄᬢ᭄ᬮᬕᬦᬾᬳ᭄ᬦᬶᬂ᭞ᬓᬤᬶᬲᬮᬓᬲᬶᬦᬗ᭄ᬮᬶᬂ᭞ᬓᬤᬾᬦ᭄ᬢᬶᬗ᭄ᬕᬃᬤᬼᬕᬶᬧᬸᬦ᭄᭞ᬳᬾᬮᬕᬾᬮᭀᬕ᭄ᬫᬕᬾᬮᭀᬳᬦ᭄᭞ᬫᬶᬯᬳᬶᬧᬸᬦᬶᬕᭂᬭᬧᬶ᭞ᬓᬦ᭄ᬢᭂ
ᬦᬶᬧᬸᬦ᭄᭞ᬲ᭄ᬮᬶᬬᬓ᭄ᬲ᭄ᬮᬶᬬᬸᬓ᭄‌ᬬᬫᬘᬦ᭄ᬥ᭟ᬩ᭄ᬭᬫᬭᬢᬸᬗ᭄ᬕᬮ᭄ᬬᬧ᭄ᬭᬵᬧ᭄ᬢ᭞ᬓᬸᬦᬶᬂᬜᬮᬂᬲᬼᬂᬧᬸᬢᬶᬄ᭞᭠ᬫᬶᬦᬩ᭄ᬭᬢᬸᬦᬶᬂᬩ᭄ᬭᬫᬭ᭞ᬜᬕ᭄ᬚᬕ᭄ᬤᬶᬳᬋᬧ᭄ᬲᬂᬧᬸᬢ᭄ᬭᬶ᭞ᬢᬸᬫᬸᬮᬶᬫᬗᬶᬲᭂᬧ᭄ᬲᬭᬶ᭞ᬗᬸᬮᬗᬸᬦᬶᬦ᭄ᬩᬶᬓᬲᬶᬧᬸᬦ᭄᭞᭠
ᬫᬜᬗ᭄ᬲᬩᬶᬲᬭᬶᬩᬸᬗ᭞ᬢᬸᬫᬸᬮᬶᬗᬤᭂᬓᬤᭂᬓᬶᬦ᭄᭞ᬳᬦ᭄ᬤᬾᬳᬶᬧᬸᬦ᭄᭞ᬓᬤᬶᬜᬩ᭄ᬲᬩᬶ᭠ᬲ᭄ᬢ᭄ᬭᬷᬢᬦ᭄ᬯᬫ᭄᭟ᬢᬶᬗ᭄ᬓᬳᬾᬓᬤᬗᬭᭀᬫᬦ᭄᭞ᬫᬦ᭄ᬤᬶᬫᬦ᭄ᬫᬗ᭄ᬢᭀᬢ᭄ᬧᬶᬧᬶ᭞ᬳᬸᬃᬗᬸᬲᬸᬤᬶᬦ᭄ᬧᬬᭀᬥᬭ᭞᭠
ᬗ᭄ᬤᭂᬂᬲᬩᬸᬓ᭄ᬢᬸᬃᬗᭂᬮᬾᬲᬶᬦ᭄᭞ᬓᬫ᭄ᬩᭂᬦᬾᬲᬸᬩᬓᬧᬶᬮ᭄ᬧᬶᬮ᭄᭞ᬲᬫ᭄ᬩᬶᬮ᭄ᬧᬦᬶᬫ᭄ᬧᬳᬶᬦ᭄ᬧᬸᬧᬸ᭞ᬓ᭄ᬚᭂᬂᬓ᭄ᬚᭂᬂᬜᬮᬶᬬᭂᬭᬂ᭞ᬫ᭄ᬭᬕᬢᬂᬕᬓᬾᬉᬢ᭄ᬢᬫᬶ᭞ᬳᬚᬓ᭄ᬮᬶᬬᬸ᭞ᬗᬸᬮᬢᬶᬓᬲᬸᬓᬦ᭄ᬲ᭄ᬫᬭ᭟ᬓᬾᬢᭀᬘ᭄ᬦᬶᬗᬸᬧᬫᬶ᭠
[᭕᭐ 50A]
ᬬᬂ᭞ᬲᭀᬮᬳᬶᬧᬸᬦ᭄ᬗᬷᬲᭂᬧ᭄ᬲᬭᬶ᭞ᬗᬃᬤ᭄ᬥᬶᬍᬂᬍᬂᬓᬲ᭄ᬫᬭᬦ᭄᭞ᬲᬂᬗᬢᭀᬦᬂᬲᭀᬮᬄᬧᬗᬶᬤ᭄᭞ᬳᬶᬤᬤᬵᬳᭂᬯᬶᬧᬩ᭄ᬥᬫ᭄ᬲᬭᬷ᭞ᬓᬲ᭄ᬫᬭᬦ᭄ᬩᬸᬤᬸᬳᬸᬮᬗᬸᬦ᭄᭞ᬦᬦᭂᬂᬦᬸᬮᬾᬗᬾᬓᬵᬫ᭄ᬩᬭ᭞ᬢᭀᬬᬦ᭄ᬲ᭄ᬭᬸᬧᬢᬦᬾ᭠
ᬫᬶᬮᬶ᭞ᬢᬸᬃᬫᬦᭂᬫ᭄ᬧᬸᬄ᭞ᬕ᭄ᬫᬸᬓᬶᬓᬂᬧᬬᭀᬥᬭ᭟ᬓᬕ᭄ᬬᬢ᭄ᬘᬾᬯᬶᬮᬦ᭄ᬧᬭᬳᬶᬜ᭞ᬦᬶᬗᬮᬶᬦ᭄ᬕᬸᬲ᭄ᬢᬶᬦᬾᬲ᭄ᬤᬶᬄ᭞ᬳᬧᬓᬤᬾᬦ᭄ᬦᬾᬗ᭄ᬭᬡᬬᬂ᭞ᬤᬤᬶᬧᬮᬶᬂᬫᬫᬶᬦᭂᬳᬶᬦ᭄᭞ᬮᬯᬸᬢ᭄ᬫᬢᬸᬭᬶᬧᬸᬦ᭄ᬕᭂᬮᬶᬲ᭄᭞ᬲᬶᬗ᭄ᬕᬶᬄ
ᬤᬾᬯᬶᬧᬡ᭄ᬥᬫ᭄ᬲᬦ᭄ᬢᬸᬦ᭄᭞ᬧᬸᬦᬧᬶᬭᬢᬸᬗᬯᬦᬂ᭞ᬚᬗᭂᬮ᭄ᬲᬸᬗᬸᬢ᭄ᬓᬤᬶᬫᬗ᭄ᬓᬶᬦ᭄᭞ᬬᬦ᭄ᬢ᭄ᬯᬄᬧᬢᬹᬢ᭄᭞ᬤᬸᬭᬸᬲ᭄‌ᬦ᭄ᬤᬶᬓᬮᬂᬭᬶᬂᬢᬶᬢ᭄ᬬᬂ᭟ᬤᬯᬶᬧᬡ᭄ᬥᬫ᭄ᬲᬭᬷᬫᬸᬘᬧ᭄᭞ᬲᬫ᭄ᬦᬶᬮᬶᬤᬫᬜᬸᬲᬸᬢᬶᬦ᭄᭞ᬢᭀ᭠
ᬬᬦᬓ᭄ᬱᬶᬧᬢᬫ᭄ᬩ᭄ᬯᬲ᭄᭞ᬲ᭄ᬯᬪᬵᬯᬓᬤᬶᬓᬩᬶᬮ᭄ᬩᬶᬮ᭄᭞ᬓᬶᬫᬸᬤ᭄ᬦᭂᬭᬂᬦᬾᬚᬢᬶ᭞ᬗ᭄ᬕᬯᬾᬤᬮᬶᬳ᭠ᬦ᭄ᬧᬂᬲᬭᬸ᭞ᬓ᭄ᬦᬩᬸᬤᬸᬄᬓᬸᬮᬗᬸᬦᬦ᭄᭞ᬍᬂᬍᬂᬩᬸᬗᭂᬂᬩ᭄ᬗᭀᬂᬯ᭄ᬬᬓ᭄ᬢᬶ᭞ᬳᬤᬲᭂᬫᬸᬢ᭄᭞ᬗᬭᬾᬧᬾᬫᬗᬸᬢ᭄ᬕᬸ [ 51 ][᭕᭐ 50B]
᭕᭐
ᬢ᭄ᬫᬢ᭟ᬓ᭄ᬭᬡᬮᬫ᭄ᬧ᭄ᬬᬲ᭄ᬫᭂᬲᬬᬾᬳ᭄ᬬ᭞ᬲᬸᬲᬸᬢᬷᬦ᭄ᬲᬬᬦᬸᬫᬷᬮᬶ᭞ᬚᬮᬦ᭄ᬚᬦᬶᬩᬶᬩᬶᬩᬸᬤᬮ᭄᭞᭠ᬫᬦ᭄ᬢᬸᬓ᭄ᬫᬯᬮᬶᬓᬧᬸᬭᬷ᭞ᬢᬸᬫᬸᬮᬶᬭᬭᬶᬲ᭄ᬫ᭄ᬫᬫᬃᬕ᭄ᬕᬶ᭞ᬭᬯᬸᬄᬭᬶᬂᬧᬭ᭄ᬬᬦ᭄ᬲᬵᬫ᭄ᬧᬸᬦ᭄᭞ᬗᬾᬮᬶᬗᬶᬦ᭄ᬕᭀᬦᬾᬲᭀ᭠
ᬯᬂ᭞ᬚᬦᬶᬬᬦᬸᬘᬧᬂᬯ᭄ᬗᬶ᭞ᬲᬫᬶᬲᬵᬫ᭄ᬧᬸᬦ᭄᭞ᬲᬶᬋᬧᬶᬤᬤᬶᬧᬫᬺᬫᬦ᭄᭟ᬳᬸᬥᬹᬄᬘ᭄ᬦᬶᬂᬘᬸᬘᬸᬦ᭄ᬧ᭄ᬓ᭠ᬓ᭄᭞ᬧᬭᬶᬲᭀᬮᬳᬦᬓᬶᬲ᭄ᬢ᭄ᬭᬷ᭞ᬧ᭄ᬭᬚ᭄ᬜᬦ᭄ᬬᬦ᭄ᬗᬯᬾᬤᬮᬶᬳᬦ᭄᭞ᬜᬭᬸᬯᬂᬩᬸᬯᬗᬾᬘ᭄ᬦᬶᬂᬗᬚ᭄ᬗᬄᬬᬦᬤᬳᬸᬦᬶᬂ᭞
ᬦᬗ᭄ᬳᬶᬂᬲᬭᬸᬲᬭᬸᬩᬶᬭᬸ᭞ᬬ᭞ᬚᬢᬶᬦᬾᬬᬲᬸᬩᬕᬤᬂ᭞ᬬᬦᭂᬂᬦ᭄ᬢᭀᬩᬓᬢ᭄ᬚᭂᬚᭂᬳᬶᬦ᭄᭞ᬓᬤᬾᬦ᭄ᬗᬫ᭄ᬩᬸᬮ᭄᭞ᬧᬫ᭄ᬭᬕᬢ᭄ᬦᬕᬶᬄᬧ᭄ᬭᬕᬢᬂ᭟ᬘ᭄ᬦᬶᬂᬦᭂᬲᭂᬓᬦᬓ᭄ᬩᬚᬂ᭞ᬧᬮᬶᬬᬢ᭄ᬜᬦᬾᬢᬶᬗᬮᬶᬦ᭄᭞ᬬᬦ᭄
ᬲᬼᬤᬾᬢ᭄ᬤᬸᬯᭂᬓ᭄ᬦᬜ᭄ᬘᭂᬩᬂ᭞ᬤᬸᬮᬸᬭᬶᬦ᭄ᬓᭂᬜᭂᬫᬕᬶᬕᬶᬲ᭄᭞ᬲᭀᬮᬳᬾᬫᬾᬦ᭄ᬢᭀᬲ᭄ᬜᬶᬗ᭄ᬕᬸᬓᬶᬦ᭄᭞ᬫᬓ᭄ᬢᭂᬫ᭄ᬗᬭᬾᬫᭀᬦ᭄ᬮᬯᬸᬢ᭄᭞ᬳᭂᬦ᭄ᬢᭀᬓᬳᬗ᭄ᬕᭀᬦ᭄ᬤᬮᬶᬳᬦ᭄᭞ᬳ᭄ᬤᬘ᭄ᬦᬶᬂᬩ᭄ᬯᬶᬦ᭄ᬲᬗ᭄ᬕᬶᬭᬶ᭞ᬤᬶᬫᬦ᭄ᬕᭂᬮᬸᬢ᭄
[᭕᭑ 51A]
᭞ᬩᬗ᭄ᬓ᭄ᬬᬗᬾᬮᬯᬸᬢ᭄ᬕᬶᬲᬶᬬᬂ᭟ᬚᬦᬶᬲᬸᬩᬧ᭄ᬢᭂᬂᬯᬬᬄ᭞ᬲᬶᬋᬧ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬢᬸᬫᬸᬮᬶᬳᬶᬤᬜᬸᬫ᭄ᬧ᭄ᬦ᭞ᬫᬢ᭄ᬫᬸᬤᬶᬧᬸᬘᬓᬵᬤ᭄ᬭᬶ᭞ᬅᬃᬘ᭄ᬘᬫᬩᬶᬓ᭄‌ᬫᬘᬗ᭄ᬓ᭄ᬭᬫᬶ᭞ᬗᬶᬭᬶᬂᬲᬂᬆᬃᬚ᭄ᬚᬦᬤᬶᬢᬸ᭞ᬮᬯᬸᬢ᭄ᬫᬳ᭠
ᬫ᭄ᬬᬦᬫ᭄ᬬᬦᬦ᭄᭞ᬲᬮᬶᬂᬢᬸᬦ᭄ᬥᬓ᭄ᬲᬮᬶᬂᬢᬸᬦ᭄ᬥᬶᬓ᭄᭞ᬲᬮᬶᬗᬸᬲᬸᬤ᭄᭞ᬦᬶᬫ᭄ᬧᬳᬶᬦ᭄ᬧᬸᬧᬸᬦᭂᬳ᭄ᬦᬂ᭟᭠ᬲᬂᬆᬃᬚ᭄ᬚᬸᬦᬲᬬᬦ᭄ᬲᬬᬦ᭄᭞ᬫᬗᬸᬲᬸᬤᬶᬦᬦᬾᬳᬶᬮᬶᬤ᭄᭞ᬢᬸᬲᬶᬂᬤᬤᬶᬩᬦ᭄ᬗᭂᬮᬶᬤᬂ᭞ᬫᬦ᭄ᬤᬶᬫᬦ᭄ᬫᬗ᭄ᬢᬾ
ᬢ᭄ᬧᬶᬧᬶ᭞ᬲᬩᬸᬓᬾᬮᬯᬸᬢ᭄ᬓᬮᬸᬲᬶᬦ᭄᭞ᬯᬲ᭄ᬢ᭄ᬭᬦᬾᬓᬧ᭄ᬮᬶᬢᬂᬲᬵᬫ᭄ᬧᬸᬦ᭄᭞ᬳᭂᬦ᭄ᬢᭂᬦᬶᬤᬫᬓᭂᬲ᭄ᬬᬩ᭄᭞ᬗᬧᬸᬧᬸᬗᬦ᭄ᬧᬸᬮᬂᬧᬮᬶᬂ᭞ᬕᬍᬂᬢᬸᬫ᭄ᬧᬸᬓ᭄᭞ᬕᬸᬭᬧᬾᬓᬕ᭄ᬮᬸᬢ᭄ᬤᬶᬫᬦ᭄᭟ᬳᬾᬮᬶᬗᬶᬤᬢ᭄ᬓᬾᬦ᭄ᬭᬕ
᭞ᬩ᭄ᬗᭀᬂᬩ᭄ᬗᭀᬂᬫᬗᬸᬭᬶᬫᬶᬓ᭄᭞ᬤ᭞ᬮᬸᬤᬶᬦ᭄ᬧᬜᬶᬗᬓᬦ᭄ᬲᬧ᭄ᬦᬦ᭄᭞ᬲᬂᬆᬃᬚ᭄ᬚᬸᬦᬫᬦᬫ᭄ᬩᭂᬮᬶᬦ᭄᭞ᬢᬦ᭄ᬲᬶᬤ᭄ᬥᬓ᭄ᬮᬾᬲᬓᬶᬤᬶᬓ᭄᭞ᬓᬬᬸᬦᬾᬲᬬᬦᬸᬮᬗᬸᬦ᭄᭞ᬫᬗᬫᬾᬗᬫᬾᬲᬂᬧᬵᬂᬣ᭞ᬓᬦ᭄ᬤᬸᬕᬶ [ 52 ][᭕᭑ 51B]
᭕᭑
ᬗᭀᬢᬾᬡ᭄ᬢᬍᬗᬶᬲ᭄᭞ᬕᭂᬭᬸᬂᬕᭂᬭᬸᬂ᭞ᬯᭀᬂᬲᬶᬤ᭄ᬥᬳᬶᬤᬦᬳᬦᬂ᭟᭐᭟ᬧᬸᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭐᭟᭐᭟ᬲᬶᬗ᭄ᬕᬶᬄᬩ᭄ᬮᬶᬤᬤᬜ᭄ᬚᬬᬳᬾᬮᬶᬗᬾᬮᬶᬂ᭞ᬫᬢ᭄ᬫᬸᬭᬶᬂᬢᬶᬢ᭄ᬬᬂ᭞ᬫᬭᬶᬂᬕᬸᬦᬸᬂᬅᬃᬘ᭄ᬘᬫᬡᬶᬓ᭄᭞ᬫᬘ
ᬗ᭄ᬓ᭄ᬭᬫᬲᬶᬦᬋᬗᬦ᭄᭟ᬤᬤᭀᬲ᭄ᬢᬶᬢ᭄ᬬᬂᬓᬧᬸᬧᬸᬗᬦ᭄ᬲᬦᬾᬫᬗ᭄ᬓᬶᬦ᭄᭞ᬧᬮᬶᬂᬗ᭄ᬕᭂᬮᬸᬢᭂᬫ᭄ᬩᬂ᭞ᬓᬤᬾᬲᬵᬫ᭄ᬧᬸᬦ᭄‌ᬗ᭄ᬕᭂᬮᬸᬢ᭄ᬩᭂᬮᬶ᭞ᬩᬗᭂᬢ᭄ᬓᬭᬗ᭄ᬲᬸᬓᬦ᭄ᬲ᭄ᬫᬭ᭟ᬲᬂᬳ᭄ᬬᬂᬲ᭄ᬫᬭᬮᬾᬤᬗᬶᬤᬫᬜᬓᬶᬢᬶᬦ᭄᭞
ᬫᬦᬄᬢᬶᬢ᭄ᬬᬗᬸᬬᬂ᭞ᬧᬸᬮᬂᬧᬮᬶᬂᬫᬗᬸᬭᬶᬫᬶᬓ᭄᭞ᬧ᭄ᬢᭂᬂᬮ᭄ᬫᬄᬫᬢᬳᬦᬦ᭄᭟ᬬᬦ᭄ᬢᬦ᭄ᬩᭂᬮᬶᬦᬫ᭄ᬩᬦᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬦᬾᬦ᭄ᬢᭂᬦ᭄ᬲᬶᬤ᭄ᬥᬯᬭᬲ᭄᭞ᬦᬾᬤᬍᬫ᭄ᬓᬶᬦᬧᬜᬓᬶᬢ᭄᭞ᬫᬾᬯᬄᬗᬋᬋᬳᬶᬢ
ᬫ᭄ᬩ᭟ᬩ᭄ᬮᬶᬩᬕᬸᬲ᭄‌ᬩᬕᬸᬲ᭄ᬩᭂᬮᬶᬦᬾᬜᬓᬶᬢᬶᬦ᭄᭞ᬲᬓᬶᬢ᭄ᬫᬢᬦ᭄ᬢᬶᬢ᭄ᬬ᭞ᬭᬕᬦ᭄ᬩᭂᬮᬶᬦ᭄᭞ᬜᬮ᭄ᬓᬓ᭄ᬢᬦ᭄ᬓᭂᬦᬶᬳᬗ᭄ᬓᬶᬤᬂ᭟ᬩᬸᬤᬸᬳᬸᬬᬂᬢᬶᬢ᭄ᬬᬂᬫᬦ᭄ᬤᬸᬮᬫᬾᬩ᭄ᬮᬶ᭞ᬤᬶᬚᬩ᭄ᬮᬶᬫᬕ᭄ᬦᬄ᭞ᬧᬘᬂᬭᬸᬭᬸᬄᬢᬶᬢ᭄ᬬᬂ
[᭕᭒ 52A]
ᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬲᬶᬤ᭄ᬥᬓᬧᬗ᭄ᬕᬸᬳ᭟ᬫᬭᬓᬾᬢᭀᬧᬦ᭄ᬤᬸᬮᬫᬾᬦᬾᬲᬂᬧᬸᬢ᭄ᬭᬷ᭞ᬮᬦ᭄ᬢᬲ᭄ᬓᬧᬶᬋᬗᬂᬳᭀᬮᬶᬄᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬳᬶᬤᬫᬢᬶᬗᬶᬗᬾᬗ᭄ᬕᬮᬂ᭟ᬚᬕ᭄ᬫᬫ᭄ᬧᬓᬦ᭄‌ᬓᭀᬭᬶᬦ᭄ᬧ᭄ᬫᬫᬺᬫᬦ᭄ᬲᬂᬧᬸᬢ᭄ᬭᬶ᭞
ᬢᬦᬦᬫᬗᬫ᭄ᬧᬓᬂ᭞ᬤᬾᬦᬶᬂᬚ᭄ᬜᬦᬦᬶᬤᬲᬂᬲᬶᬤ᭄ᬥᬶ᭞ᬮᬯᬸᬢ᭄ᬗ᭄ᬭᬜ᭄ᬚᬶᬂᬓᬧᬫᬺᬫᬦ᭄᭟ᬘ᭄ᬦᬶᬂᬫᬵᬲ᭄ᬫᬩᬶᬓ᭄‌ᬳᬧ᭠ᬓ᭄ᬭᬡᬦ᭄ᬘᭂᬦᬶᬂᬲ᭄ᬤᬶᬄ᭞ᬗᬭᬶᬫᬶᬓ᭄ᬫᬜᬫ᭄ᬩᬢ᭄᭞ᬦᬗ᭄ᬳᬶᬂᬲᬫᬃᬧᬶᬋᬗᬚᬶ᭞ᬚᬦᬶᬲ᭄ᬓᭂᬦᬂᬦᬸᬢᬸᬭᬶ᭟ᬓᬳᬢᬸᬭᬂᬧᬜᬸ
ᬫ᭄ᬧ᭄ᬦᬦᬾᬜᬓᬶᬢᬶᬦ᭄᭞ᬲᬓᬶᬂᬓᬯᬶᬢ᭄ᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬓᬤᬃᬢ᭄ᬢᬬᬂᬲᬫᬶ᭞ᬚᬗᭂᬮ᭄ᬫᬍᬦᭂᬓ᭄ᬪᬕᬯᬵᬦ᭄᭟ᬢᬸᬃᬗᬦ᭄ᬤᬶᬓᬥᬹᬄᬘ᭄ᬦᬶᬂᬚᬷᬯᬵᬢ᭄ᬫᬦᬚᬶ᭞ᬲᬗᭂᬢ᭄ᬗᬯᬾᬚ᭄ᬗᬄ᭞ᬳᬶᬧᬶᬬᬦ᭄ᬓᬭᬡᬲ᭄ᬥᬶᬄ᭞ᬫᬵᬲᬳᬬᬸᬲᬬᬂᬮᬷ
ᬮᬬᬂ᭟ᬲᬳᬸᬃᬩᬗ᭄ᬭᬲ᭄‌ᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬳᬚᬶᬚᬢᬶᬧ᭄ᬭᬚ᭄ᬜᬦ᭄᭞ᬤ᭄ᬯᬦᬶᬗᬚᬶᬢᬦ᭄ᬗ᭄ᬭᬲᬦᬶᬦ᭄᭞ᬫᬦᬳᬾᬲᬓᬶᬢ᭄ᬓᬲ᭄ᬫᬭᬦ᭄᭟ᬩᬲ᭄ᬓᬮᬶᬦ᭄ᬢᬂᬲᬂᬳ᭄ᬬᬂᬲ᭄ᬫᬭᬫᬜ᭄ᬚᬳᬶᬮᬶᬦ᭄᭞ᬭᬢᬶᬳᬾᬓᬕᭀᬤ᭞ᬲᬗ᭄ᬓᬦ᭄ᬤ [ 53 ][᭕᭒ 52B]
᭕᭒
ᬤᬶᬩᬸᬓᬚᬦᬶ᭞ᬢᬦᬸᬭᬸᬂᬓᬮᬸᬦ᭄ᬢᬮᬸᬦ᭄ᬢ᭟ᬲᬶᬗ᭄ᬕᬶᬳᬚᬶᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬲᬗᬶᬦᬸᬘᬧ᭄ᬧ᭄ᬭ ᬚ᭄ᬜᬦ᭄᭞ᬧᬸᬢᬸᬲᬶᬗᬵᬚ᭄ᬜᬦᬲᬶᬤ᭄ᬥᬶ᭞ᬰᬓ᭄ᬢᬶᬲᬦ᭄ᬥᬶᬫᬯᬶᬰᬾᬱ᭟ᬲᬦᬾᬫᬗ᭄ᬓᬶᬦ᭄‌ᬪᬸᬓ᭄ᬢᬶᬢᬂᬢᬺᬱ᭄ᬡᬦᬶᬳᬚᬶ᭞ᬫᬧᬸᬢ᭄ᬭ
ᬭᬶᬂᬢᬶᬢ᭄ᬬᬂ᭞ᬳᬸᬕᬶᬫᬗ᭄ᬤᬲᬶᬤ᭄ᬥᬳᬚᬶ᭞ᬫᬢ᭄ᬫᬸᬭᬶᬂᬲᬂᬆᬃᬚ᭄ᬚᬸᬦ᭟ᬧᬢᬸᬢᬚᬶᬜᬭᬢᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬫᬺᬱᬶᬤᬬᬂ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬫᬵᬢᬶ᭞ᬭᬭᬶᬲᬂᬧᬤ᭄ᬫᬂᬢᬶᬢ᭄ᬬᬂ᭟ᬥᬹᬄᬤ᭄ᬬᬳᬬᬸᬫᬵᬲ᭄ᬚᬷᬯᬶᬢᬧᬡ᭄ᬥᬫ᭄ᬲᬭᬷ᭞
ᬳᬬᬸᬦᬶᬂᬯᬦᬶᬢ᭞ᬋᬱᭂᬧᬂᬤᬾᬯᬦᬾᬚᬦᬶ᭞ᬭᬵᬚᬧᬸᬢ᭄ᬭᬶᬦᬾᬳᬸᬢ᭄ᬢᬫ᭟ᬢᬸᬲᬶᬂᬧᬢᬹᬢ᭄ᬳᬦᬓᬶᬲ᭄ᬢ᭄ᬭᬷᬲᬭᬢ᭄ᬗᬮᬶᬄ᭞ᬲᬂᬫᬭᬕᬮᬦᬂ᭞ᬦᬾᬢ᭄ᬯᬭᬢᬳᬾᬦ᭄ᬢᭂᬧᬸᬓᬶᬦ᭄᭞ᬲ᭄ᬢ᭄ᬭᬷᬚᬮᬶᬃᬳᭂᬦ᭄ᬢᭀᬓᬸᬘᬧ᭄᭟ᬭᬭᬶᬲ᭄ᬜᭂᬮ᭠
ᬕ᭄‌ᬫᬢᬸᬭᬶᬧᬸᬦ᭄ᬮᬸᬄᬓᬭᬸᬡᬷ᭞ᬧ᭄ᬓᬢ᭄ᬢ᭄ᬬᬂᬦᬸᬦᬲᬂ᭞ᬧᬶᬓ᭄ᬦᭀᬄᬲᬢ᭄ᬯᬧᬸᬦᬶᬓᬶ᭞ᬳᬶᬫ᭄ᬩᬧᬸᬦᬧᬶᬧᬸᬦᬶᬓ᭟ᬭᬶᬳ᭠ᬦ᭄ᬢᬸᬓᬦ᭄‌ᬢᬶᬢ᭄ᬬᬳ᭄ᬮᬸᬄᬓᬤᬶᬫᬗ᭄ᬓᬶᬦ᭄᭞ᬫᬯᬶᬦᬦ᭄ᬦᬓᬾᬦᬂ᭞ᬧ᭄ᬓᬓ᭄ᬤᬮᬂᬫᬜᬳᬸᬭᬶᬦ᭄᭞ᬩ᭄ᬦᭂᬄᬓᬭᬸᬡᬷᬦᬓᭀᬦᬂ᭟
[᭕᭓ 53A]
ᬬᬾᬦᬶᬗᬤᬵᬦᬓ᭄ᬮᬸᬄᬗᬮᬶᬄᬳᬦᬓ᭄ᬫ᭄ᬯᬦᬶᬫᬶᬸ᭞ᬫᬦᬹᬢ᭄ᬲ᭄ᬮᭀᬓᬜ᭄ᬚᬕᬢ᭄᭞ᬦᬾᬲᬸᬩᬗ᭄ᬮᬶᬫ᭄ᬩᬓ᭄ᬤᬶᬕᬸ᭠ᬫᬶ᭞ᬓᬤᬶᬳᬶᬧᬸᬦᬶᬧᬗᬶᬦ᭟ᬚᭀᬗ᭄ᬓᭀᬓ᭄ᬚᭀᬗ᭄ᬓᭀᬓ᭄‌ᬓᬾᬓᬾᬓ᭄ᬓᬾᬓᬾᬓ᭄ᬫᬗᬳᬸᬓᬶᬦ᭄᭞ᬧ᭄ᬮᬸᬫ᭄ᬩᬳᬾᬧᬂᬢ᭄ᬓ᭞
ᬬᬾᬦᬶᬂᬢ᭄ᬯᬭᬓᬢ᭄ᬓᬳᬶᬦ᭄᭞ᬗ᭄ᬮᬸᬫ᭄ᬩᬶᬫᬓ᭄ᬩᭂᬃᬫᬶᬲᬕ᭟ᬫᬳᬶᬍᬳᬦ᭄‌ᬓᬾᬓᬾᬓ᭄ᬓᬾᬓᬾᬓ᭄ᬫᬗᬮᬶᬳᬶ᭠ᬦ᭄᭞ᬳᬶᬧᬸᬦᬶᬧᬮᬸᬫ᭄ᬩᬄ᭞ᬧᬸᬮᬂᬧᬮᬶᬂᬓ᭄ᬫᬫᬳᬶ᭞ᬫᬭᬢ᭄ᬧᬸᬓ᭄ᬫᬗᬾᬗ᭄ᬕᬮᬂ᭟ᬢᬸᬃᬫᬜᭀᬗ᭄ᬓᭀᬓ᭄‌ᬤᬶᬳᬋᬧᬦ᭄ᬲ᭄ᬬ
ᬧᬾᬫ᭄ᬯᬦᬶ᭞ᬫᬼᬤᬾᬓᬮᬶᬯᬢ᭄᭞ᬓᬢᬸᬫ᭄ᬧᬗᬶᬦ᭄ᬓᬮᬸᬫ᭄ᬩᬳᬶᬦ᭄᭞ᬓᬾᬢᭀᬘ᭄ᬦᬶᬂᬲᬹᬓ᭄ᬱ᭄ᬫᬦ᭄ᬜ᭟ᬬᬦ᭄ᬢ᭠ᬦ᭄ᬢᭂᬧᬸᬓ᭄‌ᬧ᭄ᬮᬸᬫ᭄ᬩᬳᬾᬳᬦᬾᬳᬮᬶᬄ᭞ᬫᬓ᭄ᬱᬧᬤᬾᬯᬾᬓᬦ᭄᭞ᬓᭂᬦᭂᬳᬾᬢ᭄ᬯᬭᬫᬳᬶᬲᬶ᭞ᬳ᭄ᬚᬶᬢᬾᬩᬓᬢ᭄ᬓᬾᬭᭀ
ᬢᬂ᭟ᬬᬾᬦᬶᬂᬲᬚ᭞ᬧᬗᬶᬦᬦᬾᬫᬸᬮᬧᬶᬗᬶᬢ᭄᭞ᬗᬦ᭄ᬢᬶᬤᬶᬢᭀᬗᭀᬲ᭄ᬜ᭞ᬢ᭄ᬓᬦ᭄ᬫ᭄ᬯᬦᬶᬦᬾᬗᬸᬜᬳᬶ᭠ᬦ᭄᭞ᬲᬭᬢ᭄ᬫᬥᬶᬓ᭄ᬧᬤᬤ᭄ᬯᬬᬦ᭄᭟ᬮᬸᬄᬓᬭᬸᬡᬷᬚᬦᬶᬧ᭄ᬓᬓ᭄ᬩ᭄ᬯᬶᬦ᭄ᬜᬫ᭄ᬩᬸᬗᬶᬦ᭄᭞ᬧᬗᬦ᭄ᬤᬶᬓᬦᬶᬤ᭞ᬤᬾᬯᬶᬳᬬᬸᬧᬡ᭄ᬥᬫᬸ [ 54 ][᭕᭓ 53B]
᭕᭓
ᬭᬷ᭞ᬩᬗ᭄ᬕ᭄ᬭᬲ᭄ᬓᭂᬤᭂᬄᬫᬦᬸᬦᬲᬂ᭟ᬬᬾᬦᬶᬂᬚᬢᬶᬳᬚᬶᬲ᭄ᬯᬾᬘ᭄ᬙᬢᬺᬱ᭄ᬡᬳᬲᬶᬄ᭞ᬭᬶᬂᬢᬶᬢ᭄ᬬᬂᬓᬲ᭄ᬫᬭᬦ᭄᭞᭠ᬧᬢᬹᬢᬸᬢ᭄ᬲᬳᬬᬗᬚᬶ᭞ᬤᬕᬶᬗᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭟ᬲᬶᬤ᭄ᬥᬭᬭᬶᬲ᭄‌ᬢᬶᬢ᭄ᬬᬂᬗᬫ᭄ᬩᬶᬮᬦᬓ᭄ᬫ᭄ᬯᬦᬶ᭞ᬚᬮᬭᬦ᭄ᬧᬸᬦᬶ᭠
ᬓ᭞ᬗᬃᬤ᭄ᬥᬶᬯᬶᬪᬯᬦᬾᬧ᭄ᬭᬵᬧ᭄ᬢᬶ᭞ᬳᬦ᭄ᬢᬸᬓ᭄ᬪᬶᬦᬦᬾᬭᬶᬂᬚᬕᬢ᭄᭟ᬤᬶᬚᬯᬾᬦ᭄ᬢᭂᬦ᭄‌ᬯ᭄ᬯᭀᬂᬧᬯᬾᬲ᭄ᬢ᭄ᬭᬷᬫᬳᬸᬢ᭄ᬢᬫᬶ᭞ᬗ᭄ᬭᬩᬶᬬᬂᬦᬓ᭄ᬮᬦᬂ᭞ᬲᬶᬬᬸᬲᬢᬸᬗ᭄ᬕᬮ᭄ᬓᬧᬗ᭄ᬕᬶᬄ᭞ᬲᬧᬸᬦᬶᬓᬫᬓᬘᬶᬳ᭄ᬦ᭟ᬲᬵᬫ᭄ᬧᬸᬦ᭄ᬓᬫ᭄ᬫᬦ᭄ᬢᬶᬢ᭄ᬬᬆᬃᬚ᭄ᬚᬸᬦ᭠
ᬧᬗ᭄ᬕᬶᬄ᭞ᬳᬚᬶᬳᬚᬶᬦ᭄ᬢᬶᬢ᭄ᬬᬂ᭞ᬲᬭᬢᬂᬗᬋᬋᬄᬫᬗ᭄ᬓᬶᬦ᭄᭞ᬫᬗ᭄ᬤᬓ᭄ᬦᬶᬲᬂᬆᬃᬚ᭄ᬚᬸᬦ᭟ᬲᬶᬭᬧᬢᬹᬢ᭄‌ᬓᬩᬾᬮᬦᭀᬮᬶᬳᬚᬶ᭞ᬲᬚᬩᬳᬶᬧᬸᬢ᭄ᬭᬷ᭞ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬯᬦ᭄ᬢᬄᬲᬶᬓᬶ᭞ᬲᬶᬭᬫᬮᬶᬄᬕᬸᬫᬦᬬᬂ᭟ᬬᬦ᭄ᬢᬦ᭄ᬲᬶᬤ᭄ᬥ᭠
ᬦᬶᬃᬤᭀᬦ᭄ᬢᬶᬢ᭄ᬬᬤᬺᬩᬾᬳᬚᬶ᭞ᬲᬶᬤ᭄ᬥᬲᬮ᭄ᬯᬶᬃᬓᬵᬃᬬ᭄ᬬ᭞ᬚ᭄ᬜᬦᬯᬶᬰᬾᬱᬲᬶᬤ᭄ᬥᬶ᭞ᬭᬭᬶᬲ᭄ᬢᬦ᭄ᬲᬸᬫᬶᬦ᭄ᬥᬓᬵᬃᬬ᭄ᬬ᭟ᬫᬓᬘᬶᬳ᭄ᬦᬳᬚᬶᬢᬦ᭄‌ᬲ᭄ᬯᬾᬘ᭄ᬙᬭᬶᬂᬧᬸᬢ᭄ᬭᬶ᭞ᬤᬶᬹᬮᬾᬤᬂᬜᬶᬗᬓ᭄ᬢᬶᬢ᭄ᬬᬂ᭞ᬲᬗ᭄ᬲᬭᬲᬢᬸᬗ᭄ᬕᬸᬦᬸᬭᬶᬧ᭄᭞ᬩ᭄ᬘᬶᬓᬦ᭄ᬢᬶᬢ᭄ᬬᬂᬧᬤ᭄ᬫᬂ᭟
[᭕᭔ 54A]
ᬳᬸᬥᬹᬳᬬᬸᬲᬗᭂᬢ᭄ᬩᬯᭀᬲᬾᬜᬓᬷᬢᬶᬦ᭄᭞ᬗᬃᬤ᭄ᬥᬶᬳᬚᬶᬳᬾᬭᬂ᭞ᬩᭀᬬᬲᬓᬶᬂᬢᬸᬦᬳᬲᬶᬄ᭞ᬳᬶᬦ᭄ᬤᬶᬓᬚᬶᬦᬾᬫᬧᬸᬢ᭄ᬭ᭟ᬧᬡ᭄ᬥᬫ᭄ᬲᬭᬷᬫ᭄ᬮᬳᬂᬫᬶᬋᬗᬗᬶᬦ᭄ᬤᬶᬓ᭄᭞ᬳᬶᬤᬲᬂᬆᬃᬚ᭄ᬚᬸᬦ᭞ᬳᬓ᭄ᬯᬾᬳᬶᬤᬦ᭄ᬤᬸᬯᬾ
ᬭᬩᬶ᭞ᬲᬸᬩᬤ᭄ᬭᬫᬶᬯᬄᬲᬸᬧ᭄ᬭᬩ᭄᭟ᬦᬸᬮᬸᬧᬸᬬ᭄‌ᬧᬸᬢ᭄ᬭᬦᬶᬤᬦᬵᬕᬕᬶᬡᬷ᭞ᬲᬫᬶᬳᬬᬸᬗᬬᬂ᭞ᬢ᭄ᬯᬭᬳᬤᬫᬦᬦ᭄ᬥᬶᬗᬶᬦ᭄᭞ᬲᬸᬩᬓᬲᬸᬩ᭄ᬤᬶᬢ᭄ᬭᬶᬮᭀᬓ᭟ᬲᬳᬸᬃᬦᬶᬫ᭄ᬩᬮ᭄᭞ᬳᬶᬤᬤᬾᬯᬶᬧᬦ᭄ᬥᬶᬫ᭄ᬲᬭᬷ᭞ᬲᬶ᭠
ᬗ᭄ᬕᬶᬄᬳᬚᬶᬪᬕᬯᬵᬦ᭄᭞ᬲᬵᬫ᭄ᬧᬸᬦᬂᬫᬜ᭄ᬚᬗᬂᬫᬮᬶᬄ᭞ᬋᬋᬳᬶᬤᬲᬂᬆᬃᬚ᭄ᬚᬸᬦ᭟ᬲᬸᬫᬶᬤᬬᬂ᭠ᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬭᬶᬓᬶᬭᬶᬂᬩᬭᬢ᭄ᬫᬤ᭄ᬬ᭞ᬳᬶᬭᬶᬂᬢᬶᬢ᭄ᬬᬂᬗᬦ᭄ᬢᬾᬦᬚᬶ᭞ᬫᬗ᭄ᬤᬢᬦ᭄ᬯᬾᬦ᭄ᬢᭂᬦᬮ
ᬗᬦ᭄᭟ᬤᬤᬷᬓ᭄ᬦᭂᬄᬧᬶᬦᬸᬦᬲ᭄ᬘᭂᬦᬶᬂᬭᬶᬗᬚᬶ᭞ᬳᬚᬶᬫᬜᬭᬢᬂ᭞ᬲᬶᬤ᭄ᬥᬳᬚᬶᬫᬗ᭄ᬮᬓᭀᬦᬶᬦ᭄᭞ᬗᬮᬶᬳᬶᬤᬲᬂᬆᬃᬚ᭄ᬚᬸᬦ᭞ᬦᬾᬦᬾᬚᬦᬶᬘ᭄ᬦᬶᬂᬗᬦ᭄ᬢᬶᬬᬂᬤᬶᬧᬸᬭᬷ᭞ᬓᬾᬢᭀᬘᬸᬘᬸᬳᬶᬤ᭞ᬗᬦ᭄ᬤᬶᬓᬭᬶᬂᬲ [ 55 ][᭕᭔ 54B]
᭕᭔
ᬡ᭄ᬥᬫ᭄ᬲᬭᬷ᭞ᬪᬕᬯᬵᬕ᭄ᬗᬚᬩᬬᬂ᭟ᬗᬦ᭄ᬤᬶᬓᬭᬶᬂᬧᬫᬦ᭄ᬧᬢᬶᬄ᭞ᬧᬫᬦ᭄ᬧᬢᬶᬄᬓᬵᬮᬚᬬ᭟ᬚᬦᬶᬧᬫᬦ᭄ᬳᭂᬫ᭄ᬩᬦ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬩᬧᬮᬓᬃᬮᬸᬯᬲ᭄᭞ᬓᬇᬦ᭄ᬤ᭄ᬭᬧ᭄ᬭᬱ᭄ᬝᬫᬗᬮᬶᬄ᭞ᬲᬂᬆᬃᬚ᭄ᬚᬸᬦᬮᬓᬃ
ᬤᬸᬱ᭄ᬢᬵ᭟ᬤᬾᬦᬶᬂᬓ᭄ᬦᭂᬄᬧᬡ᭄ᬥᬫ᭄ᬲᬭ᭄ᬬᬧᬂᬫᬭᬩᬶ᭞ᬫᬚᬮᬭᬦᬶᬧ᭄ᬬᬦ᭄᭞ᬤᬶᬕᬸᬦᬸᬂᬫᬢ᭄ᬫᬸᬬᬸᬓ᭄ᬢᬶ᭞᭠ᬕᬸᬦᬸᬂᬅᬃᬘ᭄ᬘᬫᬡᬶᬓ᭄ᬧᬸᬘᬓ᭄᭟ᬫᬢᬸᬃᬲᭂᬫ᭄ᬩᬓᬵᬮᬚᬬᬓ᭄ᬬᬦᬧᬢᬶᬄ᭞ᬲᬚ᭄ᬜᬰ᭄ᬭᬷᬪᬕᬯᬵᬦ᭄᭞ᬓᬸᬤ᭄ᬬᬂ᭠
ᬧᬘᬂᬗᬋᬋᬳᬶᬦ᭄᭞ᬳᬦᬓ᭄ᬮᬦᬂᬗᬦ᭄ᬤᬶᬳᬾᬭᬂ᭟ᬲᬂᬆᬃᬚ᭄ᬚᬸᬦᬫᬭᬕᬲᬢ᭄ᬭᬶᬬᬍᬯᬶᬄ᭞ᬧᬸᬭᬸᬱᬯᬶᬰᬾᬱ᭞ᬭᬭᬶᬲ᭄ᬧᬦ᭄ᬤᬸᬂᬓᬵᬮᬯ᭄ᬗᬶ᭞ᬲᬧᬾᬮᬾᬳᬶᬦ᭄ᬥᬶᬓ᭄ᬧᬸᬦᬶᬓ᭟ᬳᬦᬓ᭄ᬮᬦᬂᬓᬭᬩ᭄ᬬᬂᬳᬦᬓ᭄ᬳᬷᬲ᭄ᬢ᭄ᬭᬷ᭞ᬫ
ᬗ᭄ᬤᭀᬄᬧᬘᬂᬲᬶᬤ᭄ᬥ᭞ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᭀᬬᬲᬓᬶᬂᬧᬭᬶᬫᬤ᭟ᬫᬦᬹᬢ᭄ᬪᬯᬦ᭄‌ᬪᬕᬯᬵᬦ᭄ᬤᬦᬯᬧᬢᬶ᭞ᬗᬃᬤ᭄ᬥᬶᬦᬶᬦ᭄ᬲᬗ᭄ᬰᬬ᭞ᬲᬶᬦᬄᬧᬸᬢ᭄ᬭᬶᬦᬾᬭᬵᬓ᭄ᬱᬲᬶ᭞ᬲᬧᬸᬦᬶᬓᬓᬧᬃᬡ᭄ᬦᬬᬂ᭟ᬲᬦᬾᬫ᭠
[᭕᭕ 55A]
ᬗ᭄ᬓᬶᬦ᭄‌ᬧᬢᬹᬢ᭄ᬪᬕᬯᬵᬦ᭄ᬫᬶᬦᭂᬳᬶᬦ᭄᭞ᬤᬲᬭᬶᬦ᭄ᬯᬶᬯᬾᬓ᭞ᬫᬦᬸᬢ᭄ᬰᭂᬮᭀᬓᬦᬶᬂᬪᬸᬫᬶ᭞ᬗᬺᬋᬳᬸᬮᬫ᭄ᬭᬶᬂᬢᬮᬕ᭟ᬳᬸᬮᬫ᭄ᬓᭂᬦᬶᬢᭀᬬᬦᬶᬧᬸᬦ᭄ᬫᬗ᭄ᬕᭂᬄᬳ᭄ᬦᬶᬂ᭞ᬫᬗ᭄ᬤᬲᬧᬸᬦᬶᬓ᭞ᬦᬬᬲᬹᬓ᭄ᬱ᭄ᬫᬓᬶᬦᬶᬦ᭄ᬓᬶᬦ᭄᭞ᬫᬗ᭄ᬤᬲᬵᬫ᭄ᬧᬸ᭠
ᬦ᭄ᬓᬢᬗ᭄ᬳᬦ᭄᭟ᬧᬫᬦ᭄ᬧᬢᬶᬄᬤᬲᬗᭂᬢ᭄ᬰᬗ᭄ᬲᬬᬾᬗ᭄ᬕᬢᬶ᭞ᬩᬧᬲᬸᬩᬬᬢ᭄ᬦ᭞ᬗ᭄ᬕᭂᬮᬭᬂᬚ᭄ᬜ᭄ᬬᬦᬲᬶ᭠ᬤ᭄ᬥᬶ᭞ᬕᬸᬳ᭄ᬬᬯᬶᬰᬾᬱᬲᬹᬓ᭄ᬱ᭄ᬫ᭟ᬫᬗ᭄ᬤᭀᬄᬧᭂᬲᬦ᭄‌ᬢᬦ᭄ᬲᬶᬤ᭄ᬥᬩᬧᬗᬸᬮᬢᬶ᭞ᬳᬶᬤᬲᬂᬆᬃᬚ᭄ᬚᬸᬦ᭞ᬫᬯᬦᬂ᭠
ᬤᬶᬦᬦᬾᬫᬦᬶ᭞ᬲᬸᬩᬦᬧᬦ᭄ᬤᬶᬩᬭᬢ᭄ᬫᬤ᭄ᬬ᭟ᬓ᭄ᬫᬧᬫᬦ᭄‌ᬓᬧᬸᬭᬷᬳᭂᬫ᭄ᬩᬦ᭄ᬤ᭄ᬬᬄᬤᬾᬯᬶ᭞ᬬᬢ᭄ᬦᬢᬶᬹᬬᬢ᭄ᬦᬧᬫᬦ᭄᭞ᬩᬧᬫᬚᬮᬦ᭄ᬦᭂᬚᬦᬶ᭞ᬫᬦᬸᬚᬸᬇᬦ᭄ᬤ᭄ᬭᬧ᭄ᬭᬱ᭄ᬝᬵ᭟᭐᭟ᬧᬸᬧᬸᬄᬧᬗ᭄ᬓᬸᬭ᭄᭟᭐᭟
ᬰ᭄ᬭᬸᬫᬫᬃᬕ᭄ᬕᬪᬕᬯᬵᬦ᭄᭞ᬧᬫᬃᬕ᭄ᬕᬶᬦᬾᬳᬸᬫᬶᬩᭂᬭᬶᬂᬩ᭄ᬬᭀᬫᬮᬗᬶᬢ᭄᭞ᬪᬸᬱᬡᬦᬾᬧᬸᬢᬶᬄᬦᬸᬮᬸᬲ᭄᭞ᬓᬢᭀᬦ᭄ᬓᬤᬶᬓᬸᬦ᭄ᬢᬸᬮ᭄‌ᬗ᭄ᬮᬬᬂ᭞ᬭᬶᬗᬵᬫ᭄ᬩᬭᬗᭂᬦ᭄ᬢᬯᬂᬳᬶᬤᬮᬸᬫᬓᬸ᭞ᬧ᭄ᬭᬵᬧ᭄ᬢᬲᭀᬭᬶᬂᬰᬰᬥᬭ᭞ᬮᬾ [ 56 ][᭕᭕ 55B]
᭕᭕
ᬤᬗᬶᬤᬦᬾᬫᬗᬓ᭄ᬱᬶ᭞ᬳᬮᬲ᭄ᬕᬸᬦᬸᬂᬓᬢᭀᬦ᭄ᬭᬫ᭄ᬬ᭞ᬭᬶᬂᬲ᭄ᬮᬦᬶᬧᬸᬦ᭄‌ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬤᬾᬰᬳᬰ᭄ᬭᬶ᭞ᬳᬸᬫᬳᬾᬫᬚᬚᬃᬳᬮᬸᬲ᭄᭞ᬫᬮᬶᬄᬓᬦ᭄ᬢᭂᬦᬶᬲᬵᬕᬭ᭞ᬫᬳᭀᬫ᭄ᬩᬓᬦ᭄‌ᬩᭂᬜ᭄ᬚᬄᬗ᭄ᬭᬕᬵᬄᬳᭂᬜ᭄ᬘᬳᬶᬦᬶᬧᬸᬦ᭄
᭞ᬯᬾᬦ᭄ᬢᭂᬦ᭄ᬧ᭄ᬭᬯᬸᬫᬮᬬᬭᬦ᭄᭞ᬓ᭄ᬩᬢ᭄ᬩᬶᬤᬓ᭄‌ᬫ᭄ᬮᬢᭂᬓᬗᬶᬦ᭄᭟ᬲᬵᬫ᭄ᬧᬸᬦ᭄ᬤᭀᬄᬧᬫᬃᬕ᭄ᬕᬶᬦᬶᬤ᭞ᬳᬓ᭄ᬯᬾᬄᬤᬰᬲᬵᬫ᭄ᬧᬸᬦ᭄ᬲᬫᬶᬓᬮᬶᬦ᭄ᬢᬗᬶᬦ᭄᭞ᬇᬦ᭄ᬤ᭄ᬭᬧ᭄ᬭᬱ᭄ᬝᬵᬦᬫ᭄ᬧᭂᬓ᭄ᬲᬵᬫ᭄ᬧᬸᬦ᭄᭞ᬢᬶᬩᬮᬸᬳᬸᬭᬶᬂᬯᬾᬧ᭄ᬫ᭞᭠
ᬫᬓᬶᬦ᭄ᬓᬶᬦᬦ᭄‌ᬕ᭄ᬮᬭᬂᬳᬚᬶᬚ᭄ᬜᬦᬧᬸᬢᬸᬲ᭄᭞ᬚ᭄ᬜ᭄ᬬᬦᬧᬜ᭄ᬚᬭᬧ᭄ᬢᭂᬂᬯᬲ᭄ᬢᬦ᭄ᬜ᭞ᬧᬳᬶᬘᬦ᭄ᬳ᭄ᬬᬂᬮᬸᬤ᭄ᬭᬰᬓ᭄ᬢᬶ᭟ᬲᬂᬳ᭄ᬬᬗᬚᬶᬚ᭄ᬜᬦᬧᬜ᭄ᬚᬭ᭞ᬯᬸᬲ᭄ᬧᬶᬫᬹᬚᬲᬓᬾᬂᬩ᭄ᬬᭀᬫᬮᬗᬶᬢ᭄᭞ᬓ᭄ᬦᬶᬧ᭄ᬢᭂᬂᬧᬸᬭᬷᬦᬾᬲᬵᬫ᭄ᬧᬸᬦ᭄᭞
ᬲᬳᬶᬲᬶᬦᬶᬂᬇᬦ᭄ᬤ᭄ᬭᬧ᭄ᬭᬱ᭄ᬝ᭞ᬍᬧᬼᬧ᭄ᬲᬶᬋᬧ᭄‌ᬪᬕᬯᬵᬦ᭄ᬭᬭᬶᬲ᭄ᬢᭂᬤᬸᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬫᬭᬾᬂᬦᬢᬭ᭄᭞ᬧᬸᬭᬷᬇᬦ᭄ᬤ᭄ᬭᬧ᭄ᬭᬱ᭄ᬝᬲ᭄ᬧᬶ᭟ᬫᬮᬶᬄᬫᬹᬚᬳᬶᬦ᭄ᬮᬯᬗᬦ᭄᭞ᬧ᭄ᬭᬫᬗ᭄ᬓᬶᬦ᭄ᬓᭀᬭᬶᬫᬫᬺᬫᬦᬾᬯ᭄ᬬᬓ᭄ᬢᬶ᭞ᬫᬳᬫ᭄ᬧ
[᭕᭖ 56A]
ᬓᬦᬶᬧᬸᬦ᭄ᬮᬳᬸᬢ᭄᭞ᬚ᭄ᬜᬦᬲᬶᬤ᭄ᬥᬶᬗᬫ᭄ᬧᬓᬂ᭞ᬦᬸᬮᬶᬓᬢᭀᬦ᭄‌ᬲᬂᬆᬃᬚ᭄ᬚᬸᬦᬲᬶᬋᬧ᭄ᬲᬫ᭄ᬧᬸᬦ᭄᭞ᬫᬲᬋᬗᬦ᭄ᬤᬾᬯᬶᬲᬸᬧ᭄ᬭᬪ᭞ᬲ᭄ᬤᭂᬓ᭄ᬫᬢᬶᬫ᭄ᬧᬄᬫᬮᬶᬮᬢ᭄᭟ᬗ᭄ᬭᬜ᭄ᬚᬶᬪᬕᬯᬵᬦ᭄ᬓᬕ᭄ᬤᭀᬗᬦ᭄᭞ᬢᬸᬃᬗᬲ᭄ᬯᬾᬦᬶᬦ᭄᭞
ᬓ᭄ᬮᬾᬲ᭄ᬧᬓᬶᬮᬶᬢᬾᬧ᭄ᬭᬚᬦᬶ᭞ᬓᬵᬫ᭄ᬩᬶᬮ᭄ᬲᬂᬅᬃᬚ᭄ᬚᬸᬦᬲᬵᬫ᭄ᬧᬸᬦ᭄᭞ᬓᬩᬓ᭄ᬢᬭᬶᬂᬚᬩᬬᬦ᭄᭞ᬓᬕ᭄ᬦᬳᬂᬭᬶᬂᬢ᭄ᬗᬳᬶᬂᬓᬭᬸᬘᬸᬢ᭄᭞ᬲᬶᬦᬶᬦᬶᬹᬫ᭄ᬧᭂᬦ᭄ᬲᬶᬤᬶᬚ᭄ᬜᬦ᭞ᬲᬶᬤ᭄ᬥᬶᬦᬶᬂᬲᬓᬫᬾᬂᬓᬧ᭄ᬢᬶ᭟ᬲᬵᬫ᭄ᬧᬸᬦ᭄ᬩᭂᬘᬶᬓ᭄ᬕᭂᬦᬄᬳᬶᬤ
᭞ᬭᬭᬶᬲ᭄ᬩᬸᬤᬮ᭄‌ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬢᬦ᭄ᬮᬾᬦᬵᬫ᭄ᬩᬭᬓᬢᬸᬚᬸ᭞ᬫᬹᬃᬤᬶᬭᬯ᭄ᬓᬲᬦ᭄᭞ᬧᬫᬃᬕ᭄ᬕᬶᬦᬾᬓᬤᬶᬳᬗᬶᬦ᭄ᬫᬗᬮᬶᬲ᭄ᬬᬸᬲ᭄᭞ᬢᬦ᭄ᬘᬶᬦᬭᬶᬢᬭᬶᬂᬫᬃᬕ᭄ᬕ᭞ᬭᬳᬸᬄᬭᬶᬂᬪᬭᬢ᭄ᬫᬤ᭄ᬬᬧᬸᬭᬷ᭟ᬫᬮᬶ᭠
ᬗ᭄ᬕᬶᬄᬭᬶᬗᬵᬫ᭄ᬩᬾᬦ᭄ᬕᭂᬤᭀᬗᬦ᭄᭞ᬓᬬᬸᬦᬶᬤᬗ᭄ᬕᬸᬬᭀᬦᬶᬦ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬭᬭᬶᬲ᭄ᬫᬗᬦ᭄ᬤᬶᬓᬳ᭠ᬭᬹᬫ᭄᭞ᬥᬸᬄᬤᬾᬯᬕᬢ᭄ᬫᬚ᭄ᬯᬶᬢ᭞ᬤᭀᬂᬕ᭄ᬮᬶᬲᬂᬫ᭄ᬤᬮ᭄‌ᬓᬾᬳᬶᬦᬾᬯᬳᬬᬸ᭞ᬭᬭᬶᬲ᭄ᬫᭂᬤᬮ᭄ᬧᬸᬢ᭄ᬭᬦᬶᬤ᭞ᬰ᭠ [ 57 ][᭕᭖ 56B]
᭕᭖
ᬕ᭄ᬬᬢ᭄ᬓᬬᬸᬦᬾᬜᬶᬗᬓᬶᬦ᭄᭟ᬪᬕᬯᬵᬦ᭄ᬭᬳᬸᬄᬗᬭᬕ᭞ᬭᬭᬶᬲ᭄ᬫᬢᬸᬃᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬩᬧᬳᬚᬶᬯᬯᬸᬳᬸᬄ᭞ᬳᬯᬦᬦᬚᬶᬗᬭᬕ᭞ᬢᬦ᭄ᬫ᭄ᬭᬲᬶᬤᬬᬂᬗᬫᬾᬢ᭄ᬲᬂᬓᬢᬸᬚᬸ᭞ᬦᬸᬮᬶᬲ᭄ᬤᬶᬄ
ᬧᬧ᭄ᬮᬶᬲᬳᬦ᭄᭞ᬢᬦ᭄ᬫᬋᬦ᭄ᬦᬸᬮᬫᬾᬯᬷᬥᬶ᭟ᬲᬶᬗ᭄ᬕᬶᬄᬲᬂᬳ᭄ᬬᬂᬯᬷᬥᬶᬯᬲ᭞ᬕ᭄ᬮᬶᬲ᭄ᬩᬜ᭄ᬚᬸᬢ᭄ᬳᬸᬭᬶᬧ᭄ᬢᬢ᭄ᬧᬂᬲᬦᬾᬫᬗ᭄ᬓᬶᬦ᭄᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬲᬢᬢᬫᬦᬦ᭄ᬤᬗᬾᬭᬂ᭞ᬦᬶᬃᬤᭀᬦ᭄ᬧᬶᬲᬦ᭄᭞ᬢᬶᬢ᭄ᬬᬂᬫᬤᬺ
ᬩᬾᬕᬸᬭᬸ᭞ᬓᬲᬸᬩ᭄ᬰᬓ᭄ᬢᬶᬲᬶᬤ᭄ᬥᬶᬚ᭄ᬜᬦ᭞ᬢᬦ᭄ᬲᬸᬫᬶᬤ᭄ᬥᬓᬃᬬ᭄ᬬᬚᬢᬶ᭟ᬕ᭄ᬮᬶᬲ᭄ᬩᬕᬯᬵᬦ᭄ᬗᬦ᭄ᬥᬶᬓ᭞ᬳᬸᬥᬸᬄᬤᬾᬯᬶᬧᬡ᭄ᬥᬫ᭄ᬲᬭᬷᬢᬸᬮ᭄ᬬᬭᬢᬶᬄ᭞ᬲᬬᬂᬳᬚᬶᬦᬾᬓᬮᬗ᭄ᬓᬸᬂ᭞ᬳᬚᬶᬲᬓᬶᬂᬫᬕᬸᬬᭀᬦᬦ᭄᭞ᬚ᭠
ᬢᬶᬦᬶᬧᬸᬦ᭄‌ᬲᬸᬩᬲᬶᬤ᭄ᬥᬶᬦᬶᬂᬓᬬᬸᬦ᭄᭞ᬳᬶᬤᬾᬯᬧᬘᬂᬗ᭄ᬭᬩ᭄ᬬᬂ᭞ᬧᬡ᭄ᬥᬸᬧᬸᬢ᭄ᬭᬲᬂᬓᬶᬭᬶᬫᬶ᭟ᬓ᭄ᬫᬳᬶᬤᬾᬯᬓᬕ᭄ᬤᭀᬗᬦ᭄᭞ᬳᬚᬶᬮᬓᬃᬫᬢᬸᬃᬢ᭄ᬓᬾᬦ᭄ᬲᬂᬓᬶᬭᬶᬫᬶ᭞ᬓᬾᬢᭀᬘᬸᬘᬸᬳᬧᬂᬯ᭄ᬭᬸᬄ᭞ᬯᬘᬦᬦᬶᬤ᭠
[᭕᭗ 57A]
ᬪᬕᬯᬵᬦ᭄᭞ᬦᬸᬮᬶᬳᬶᬤᬗ᭄ᬭᬜ᭄ᬚᬶᬂᬤᬾᬯᬶᬧᬡ᭄ᬥᬫ᭄ᬲᬦ᭄ᬢᬸᬦ᭄᭞ᬫ᭄ᬤᬮᬶᬤᬲᬂᬆᬃᬚ᭄ᬚᬸᬦ᭞ᬲᬓᬶᬂᬓ᭄ᬭᬸᬢᬾᬲᬂᬋᬱᬶ᭟ᬗᬦ᭄ᬤᬶᬓᬳᬶᬤᬪᬕᬯᬵᬦ᭄᭞ᬳᬸᬥᬸᬄᬓᬦᬓ᭄ᬓᬶᬢᬲᬂᬓᬶᬭᬶᬫᬶ᭞ᬫᬗ᭄ᬓᬾᬋᬗᭃᬦ᭄ᬯᬸᬯᬸᬲᭂᬗ᭄ᬲᬸ
ᬦ᭄᭞ᬩᬧᬗᬫᬾᬢ᭄ᬭᬶᬧᬫᬺᬫᬦ᭄᭞ᬲ᭄ᬥᭂᬂᬓᬶᬢᬫᬺᬫ᭄ᬮᬯᬦ᭄ᬖᬭᬦᬾᬓᬸ᭞ᬲᬂᬫᬗᬭᬲᬸᬧ᭄ᬭᬪ᭞ᬳᬬ᭄ᬯᬲᬮᬳᬃᬱᬲᬶᬗ᭄ᬕᬶᬄ᭟ᬓᬭᬡᬗ᭄ᬯᬂᬗᬫᬾᬢ᭄ᬓᬶᬢ᭞ᬦ᭄ᬤᬢᬦ᭄ᬮᬾᬦ᭄ᬧᬓᬫᬦ᭄ᬢᬸᬲᬂᬓᬶᬭᬶᬫᬶ᭞ᬫᬢ᭄ᬫᬸᬮᬯᬦᬦ
ᬦᬶᬗ᭄ᬳᬸᬮᬸᬦ᭄᭞ᬧᬸᬢ᭄ᬭᬶᬓᬮᭀᬂᬓᬾᬂᬚᬕᬢ᭄᭞ᬤᬾᬯᬶᬧᬡ᭄ᬥᬫ᭄ᬲᬭᬷᬧᬧᬲᬶᬳᬶᬧᬸᬦ᭄᭞ᬬᬾᬓᬧᬓᬭᬩ᭄ᬬᬓᬶᬢ᭞ᬳᬬᬸᬳᬦ᭄ᬯᬫ᭄ᬧᬸᬢ᭄ᬭᬶᬤᬾᬯᬢᬷ᭟ᬓᬲᭀᬃᬩᬶᬦᬶᬦ᭄ᬢᬲᬫᬹᬳᬵᬭᬶᬂᬓᬳᬬᭀᬦ᭄‌ᬍᬯᬶᬳᬬᬸ᭠
ᬧᬡ᭄ᬥᬫ᭄ᬲᬭᬷ᭞ᬳᬬ᭄ᬯᬲᬗ᭄ᬰᬬᬾᬂᬓᬮ᭄ᬪᬸ᭞ᬦᬫ᭄ᬢᬫᬶᬲ᭄ᬫᬭᬵᬕᬫ᭞ᬦ᭄ᬬᬢᬓᬶᬢᬍᬂᬍᬂᬓᬲ᭄ᬫᬭᬦ᭄ᬳᬦ᭄ᬤᬸᬮᬸ᭞ᬘ᭄ᬦᬶᬂᬘᬸᬘᬸᬫᬓᬤᬤ᭄ᬯ᭞ᬓᬾᬢᭀᬯᬘᬦᬦ᭄ᬲᬂᬋᬱᬶ᭟ᬤᬾᬯᬶᬧᬡ᭄ᬥᬫ᭄ᬲᬭᬷᬮᬦ᭄ᬢᬲ᭄᭞ᬤ᭄ᬗᭀᬓ᭄ᬤᭂᬓ᭄᭞᭠ [ 58 ][᭕᭗ 57B]
᭕᭗
ᬳᬸᬮᬶᬕ᭄ᬤᭀᬂᬜᬗᬓᬶᬦ᭄᭞ᬓᬢᭀᬦ᭄ᬲᬂᬆᬃᬚ᭄ᬚᬸᬦᬩᬕᬸᬲ᭄᭞ᬓᬢᬼᬓ᭄ᬢᭂᬓ᭄ᬲᬬᬦ᭄ᬭᬸᬦ᭄ᬢᬕ᭄᭞ᬓᭂᬜᭀᬃᬦᬤᬓ᭄ᬓᬲ᭄ᬫᬭᬦᬾᬢᬸᬫ᭄ᬩᬸᬄ᭞ᬓᬬᬸᬦ᭄ᬜᬗ᭄ᬓᭀᬮ᭄ᬜᬳᬸᬧ᭄ᬦᬶᬫᬦ᭄᭞ᬭᬭᬶᬲᬶᬤᬫ᭄ᬤᬮ᭄ᬦᬩ᭄ᬓᬶ
ᬮ᭄᭟ᬫᬮᬶᬗ᭄ᬕᬶᬄᬭᬶᬂᬧᬸᬗ᭄ᬓᬸᬭᬶᬤ᭞ᬲᬂᬆᬃᬚ᭄ᬚᬸᬦᬜᬮᬾᬫ᭄ᬧᭀᬄᬳᬶᬤᬫᬮᬶᬗ᭄ᬕᬶᬄ᭞ᬦᬸᬮᬶᬲᬂ᭠ᬆᬃᬚ᭄ᬚᬸᬦᬫᬢᬸᬭ᭄᭞ᬳᬾᬄᬓᬶᬢᬪᬕᬯᬵᬦ᭄ᬦᬶᬲ᭄ᬢ᭞ᬦ᭄ᬤᬢᬦ᭄ᬬᭀᬕ᭄ᬬᬓᬶᬢᬫᬦ᭄ᬤᬸᬲ᭄ᬢᬬ᭄ᬬᬓᬸ᭞ᬤᬸᬤᬸᬓ᭄ᬭ
ᬫᬦᬶᬂᬥᬶᬓ᭄ᬱᬶᬢ᭞ᬓᬤᬶᬳᬸᬫᬶᬦ᭄ᬢᭀᬦ᭄ᬓᬰᬓ᭄ᬢᬶᬦ᭄᭟ᬇᬓᬶᬲᬶᬧᬡ᭄ᬥᬸᬳᬢ᭄ᬫᬚ᭞ᬲᬂᬆᬃᬚ᭄ᬚᬸᬦᬦ᭄ᬤ᭠ᬢᬦᬧᬶᬮᬶᬄᬢᬦ᭄ᬤᬶ᭞ᬳᬬ᭄ᬯᬵᬓ᭄ᬯᬾᬄᬯᬶᬮᬰᬦ᭄ᬫᬸ᭞ᬓᬶᬢᬤᬦᬯᬭᬵᬚ᭞ᬫᭂᬗ᭄ᬕᭂᬧ᭄ᬰᬦ᭄ᬢᬯᬭᬄᬤᬺᬩ᭄ᬬᬧᬸ
ᬢ᭄ᬭᬳᬬᬸ᭞ᬦ᭄ᬤᬶᬳᬦᬕᬫᬦᬦ᭄ᬬ᭞ᬬᬦ᭄ᬢᬦ᭄ᬓᬫᬸᬂᬜᬶᬤ᭄ᬭᬾᬂᬧᬢᬶ᭟ᬓᬶᬢᬦᬦᬓ᭄ᬲᬂᬆᬃᬚ᭄ᬚᬸᬦ᭞ᬳᬬ᭄ᬯᬫᬗ᭄ᬓᬤᬾᬦ᭄ᬢᬳᬫᬯᬩᬸᬤ᭄ᬥᬶ᭞ᬢᬦ᭄ᬲᬓᬾᬂᬤ᭄ᬭᭀᬳᬓᬗ᭄ᬳᬸᬮᬸᬦ᭄᭞ᬚᬕᬶᬳᬋᬧ᭄ᬫᬫᬦ᭄ᬢ᭄ᬬ᭞ᬫ
[᭕᭘ 58A]
ᬲ᭄ᬢ᭄ᬭᬷᬫᬸᬮᬸᬗᬭᬸᬫᬸᬦ᭄᭞ᬧᬗᬯᬶᬢ᭄ᬬᬦ᭄ᬫᬲᬗ᭄ᬕᬫ᭞ᬲᬂᬯᬵᬃᬣᬗᬦ᭄ᬤᬶᬓᬫᬦᬶᬲ᭄᭟ᬳᬭᬶᬫᬵᬲ᭄ᬓᬸᬬᬦᬸᬧᬫ᭞ᬗᭂᬤᭀᬦ᭄ᬯᬶᬫ᭄ᬩᬳᬮᬶᬲ᭄ᬢᬢᬦ᭄ᬧᬲᬶᬭᬶᬂ᭞ᬭᭀᬫᬳᬶᬋᬂᬓᬤᬶᬫᭂᬦ᭄ᬥᬸᬂ᭞ᬫᬤ᭄ᬬᬭᬫ᭄ᬧᬶᬂᬳᬲ᭄ᬢᭂ
ᬮ᭄ᬕᭀᬦ᭄ᬥ᭞᭞ᬯ᭄ᬢᬶᬲ᭄ᬢᬵᬭᬶᬓᬤᬶᬧᬸᬥᬓᬭᬹᬫ᭄ᬮᬸᬫ᭄ᬮᬸᬫ᭄᭞ᬧ᭄ᬢᬓ᭄ᬜᬮᬂᬢᬦ᭄ᬧᬲᬫ᭞ᬧᬬᭀᬥᬭ᭠ᬗ᭄ᬕᭂᬫᬸᬓ᭄ᬜᬗ᭄ᬓᬶᬄ᭟ᬗᬲᭀᬭᬂᬳᬶᬦᬶᬬᬸᬄᬥᬦ᭄ᬢ᭞ᬳᬯᬬᬯᬦ᭄ᬢᬲᬂᬲᬗᬦ᭄ᬲᬶᬗ᭄ᬕᬶᬄ᭞ᬭᬭᬲ᭄ᬫᬦᬹᬢ᭄ᬭᬶᬓᬬᬶᬹᬳ
ᬬᬸᬦ᭄᭞ᬢᬦᬦᬲᬶᬗ᭄ᬲᬮ᭄ᬲᬫᬢ᭄ᬭ᭞ᬯ᭄ᬭᬸᬄᬦᬫ᭄ᬢᬫᬶᬲᭀᬮᬄᬓᬓᬸᬂᬬᬦ᭄ᬓᭂᬦᬓᬹᬂ᭞ᬤᬾᬯᬶᬤ᭄ᬭᭀᬧᬤᬶᬓᬲᭀᬭᬦ᭄᭞ᬫᬯᬾᬄᬲᬸᬓᬲᬗ᭄ᬕᬫᬤᬶ᭟ᬮᬯᬸᬢ᭄ᬳᬶᬤᬲᬂᬆᬃᬚ᭄ᬚᬸ᭞ᬗᬸᬲᬸᬤᬸᬲᬸᬤ᭄ᬲᬸᬲᬸᬦᬶᬤ
ᬦᬾᬦ᭄ᬢᬗ᭄ᬓᬶᬄ᭞ᬮᬯᬸᬢᬶᬤᬗ᭄ᬮᬸᬲᬶᬦ᭄ᬲᬩᬸᬓ᭄᭞ᬫ᭄ᬮᬶᬢᬂᬢᬗ᭄ᬕᬸᬦ᭄ᬯᬲ᭄ᬢ᭄ᬭ᭞ᬲᬂᬤ᭄ᬬᬳᬬᬸ᭞ᬜ᭄ᬭᬵᬄᬗᬋᬫ᭄ᬧᬬᬓ᭄ᬲᬵᬫ᭄ᬧᬸ᭞ᬧᬸᬲᬸᬂᬕ᭄ᬩᬄᬳᬦ᭄᭞ᬥᬥᬦᬾᬗᬮᬶᬕᬃᬲᬫᬶ᭟ᬳᬫ᭄ᬩᬸᬫᬶᬳᬶᬓ᭄ᬫᬳᬶᬫ᭄ᬧᬸᬕᬦ᭄ [ 59 ][᭕᭘ 58B]
᭕᭘
ᬓᬫᬭᬦᬶᬦ᭄‌ᬓᬳᬶᬧᬸᬄᬓᬤᬶᬫᬦᬶᬦ᭄᭞ᬧᬬᭀᬥᬭᬓᬢᭂᬳᭂᬦ᭄ᬲᬵᬫ᭄ᬧᬸᬦ᭄᭞ᬮᭀᬮᬶᬄᬚ᭄ᬭᬶᬚᬶᬫᬓᬤᬰ᭞ᬧᬸᬧᬸᬦᬶᬤᬓᬢᭂᬳᭂᬦᭀᬮᬶᬄᬧᬸᬧᬸ᭞ᬧ᭄ᬭᬕᬢ᭄ᬲᬸᬩᬓᬵᬃᬬ᭄ᬬᬦᬶᬤ᭞ᬩ᭄ᬭᬗ᭄ᬲᬸᬓ᭄ᬩᬸᬱᬡᬫᬮᬶᬄ᭟
ᬲᬸᬩᬧ᭄ᬭᬕᬢ᭄ᬫᬩᬸᬱᬡ᭞ᬕᬕᬺᬕ᭄ᬢᬦ᭄‌ᬲᬂᬆᬃᬚ᭄ᬚᬸᬦᬦ᭄ᬤᭂᬲᭂᬓᬶᬦ᭄᭞ᬗ᭄ᬕᭂᬮᬸᬢ᭄ᬦᬶᬫᬦ᭄‌ᬧᬶᬮᬸᬂᬲᬸᬲᬸ᭞ᬤᬤᬶᬫᬢ᭄ᬫᬸᬲᬗ᭄ᬕᬫ᭞ᬍᬍᬄᬗᬗ᭄ᬲᭂᬕ᭄‌ᬤᬾᬯᬶᬬᬡ᭄ᬥᬫ᭄ᬲᬭᬷᬗᬗ᭄ᬲᬸᬭ᭄᭞ᬮᬸᬤᬶᬦ᭄ᬓᬢᭂᬢᭂᬄᬓᬗ᭄ᬲᭂᬳᬂ᭞
ᬢ᭄ᬯᬭᬜᬶᬤᬬᬂᬗᬭᬶᬲᬶᬓ᭄᭟ᬲᬂᬆᬃᬚ᭄ᬚᬸᬦᬫᬗᬗ᭄ᬲᭂᬳᬂ᭞ᬫᬫᬶᬦ᭄ᬤᭀᬳᬶᬦᬶᬤᬗᬫᬭᬦᬶᬦ᭄᭞ᬯᬶᬓᬦ᭄ᬗᭂᬮᬾᬤᬗᬶᬦ᭄ᬦᬓ᭄ᬮᬸᬄ᭞ᬦᭂᬫ᭄ᬯᬂᬲ᭄ᬫᬭᬕᬫ᭞ᬳᬦᬓ᭄ᬳᬶᬲ᭄ᬢ᭄ᬭᬷᬢᬦ᭄ᬦᬕᭂᬦ᭄ᬯᬦᭂᬄᬫᬢ᭄ᬫᬸ᭞ᬫᬗ᭄ᬓᬶᬦᬶᬤᬲᬂᬆᬃᬚ᭄ᬚᬸ
ᬦ᭞ᬲᬵᬫ᭄ᬧᬸᬦᬸᬲᬦ᭄ᬫᬶᬂᬓᬮᬶᬳᬶᬦ᭄᭟ᬲᬂᬤ᭄ᬬᬄᬫᬢᬗᬶᬫᬢ᭄ᬮᬳᬦ᭄᭞ᬦᬩ᭄ᬤᬩ᭄ᬧᬸᬲᬸᬂᬫᬗ᭄ᬤᬫᬭᬹᬧ᭠ᬩ᭄ᬘᬶᬓ᭄᭞ᬯᬲ᭄ᬢ᭄ᬭᬦᬾᬩ᭄ᬮᬸᬲ᭄ᬫᬓᬶᬧᬸᬓ᭄᭞ᬧᬸᬧᬸᬦᬾᬫᬢ᭄ᬭᬾᬯᬾᬲᬦ᭄᭞ᬩᬳᬦ᭄ᬮᬫ᭄ᬧ᭄ᬬᬲ᭄‌ᬓ᭄ᬦᬢᬶᬃᬣᬓᬵᬫᬦ᭄ᬤ᭠
[᭕᭙ 59A]
ᬗ᭄ᬓᬾᬓᬶᬰᬩᬮᬶᬓᭂᬦ᭄ᬢᬭᬸᬫᬸᬳᬸᬦ᭄᭞ᬤ᭄ᬬᬄᬧᬦ᭄ᬥᬫ᭄ᬲᬭᬷᬳᬭᬶᬦ᭄ᬢ᭞ᬳᬦᬭᬶᬗᬸᬭᬶᬢᬶᬗ᭄ᬳᬮᬶ᭟ᬓᬾᬢᭀᬯᬘᬦᬦ᭄‌ᬪᬕᬯᬵᬦ᭄᭞ᬫᬢᭀᬮᬶᬳᬦ᭄‌ᬲᬂᬆᬃᬚ᭄ᬚᬸᬦᬓᬳᬸᬭᬶ᭞ᬢᬗ᭄ᬓᭂᬚᬸᬢᬶᬤᬜᬶᬗᬓ᭄ᬮᬯᬸ
ᬢ᭄᭞ᬦᬗᭂᬦᬓ᭄ᬢᭂᬓᬂᬳᬚᬳᬦ᭄᭞ᬪᬯᬦᬶᬤᬦᬾᬯᬶᬧᬡ᭄ᬥᬫ᭄ᬲᬭᬷᬳᬬᬸ᭞ᬭᬭᬶᬲᬶᬤᬲᬂᬆᬃᬚ᭄ᬚᬸᬦ᭞ᬓᬲ᭄ᬫᬭᬦᬶᬤᬜᬶᬗᬓᬶᬦ᭄᭟ᬦᬸᬮᬶᬫᬢᬸᬃᬲᬳᬲᭂᬫ᭄ᬪ᭄᭞ᬓ᭄ᬱᬫᬵᬓ᭄ᬦᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬓ᭄ᬭᬡ
ᬓᬧᬸᬧᬸᬗᭂᬦ᭄ᬳᬸᬮᬸᬦ᭄᭞ᬧ᭄ᬭᬲᬗ᭄ᬮᬫᬢᬸᬭᬵᬮ᭄ᬧᬓ᭞ᬫᭀᬖᬫᭀᬖᬢᬦ᭄ᬓᭂᬤᬲᬧᬳᬶᬗ᭄ᬳᬸᬮᬸᬦ᭄᭞ᬫᬗ᭄ᬓᬾᬢᬧᬫᬶᬓ᭄ᬪᬕᬯᬵᬦ᭄᭞ᬲᬸᬓᬗᬢᬸᬭᬓᭂᬦ᭄ᬤᬶᬭᬶ᭟ᬳᬸᬥᬸᬄᬦᬦᬓ᭄ᬲᬂᬆᬃᬚ᭄ᬚᬸ᭞ᬬᬦ᭄ᬯᬸᬲ᭄ᬫᬗ᭄ᬓᬓᬶᬢ
ᬭᬶᬧᬸᬡ᭄ᬥᬫ᭄ᬲᬭᬷ᭞ᬳᬬ᭄ᬯᬢᬲᬗ᭄ᬰᬬᬾᬂᬓᬮ᭄ᬪᬸ᭞ᬧᬋᬂᬮᬯᬤᬭᬶᬦᬶᬓ᭞ᬫᬫᬹᬓ᭄ᬢ᭄ᬬᬲᬗ᭄ᬕᬫᬢ᭠ᬦ᭄ᬢ᭄ᬭᬾᬓᬸ᭞ᬫᬺᬤ᭄ᬬᬓᭂᬤ᭄ᬲᬦ᭄ᬢᬦᬮᬓ᭄ᬬ᭞ᬧᬓᬮᬭᬧᬦ᭄ᬦᬸᬫᬸᬮᬶᬄ᭟ᬥᬹᬄᬧᬡ᭄ᬥᬫ᭄ᬲᬭᬷᬦᬦᬓ᭄᭞ᬦᬄᬮ [ 60 ][᭕᭙ 59B]
᭕᭙
ᬯᬸᬢᬂᬳᬶᬭᬶᬂᬳᬶᬤᬳᬶᬩ᭄ᬮᬶ᭞ᬳᬚᬶᬗᬮᬸᬕ᭄ᬭᬳᬶᬦ᭄ᬲᬵᬫ᭄ᬧᬸᬦ᭄᭞ᬳᬫᬹᬓ᭄ᬢᬶᬲᬗ᭄ᬕᬫᬓᬫ᭞ᬫᬗᬃᬤ᭄ᬥᬶᬦᬶᬦ᭄᭞ᬲᬦ᭄ᬢᬦᬮᬦᬂᬢᬸᬃᬩᬕᬸ᭞ᬘᬸᬘᬸᬧᬶᬦᬓᬲᬤᬦ᭞ᬫᬸᬮᬶᬳᬾᬂᬥᬹᬜᬰᬸᬘᬶ᭟ᬘ᭄ᬦᬶᬂᬘᬸᬘᬸᬫᬓᬤ
ᬤᬤ᭄ᬯ᭞ᬚᬦᬶᬳᬶᬤᬲᬃᬧᬵᬃᬣᬫ᭄ᬯᬂᬧᬡ᭄ᬥᬫ᭄ᬲᬭᬶ᭞ᬳᬶᬦᬸᬕ᭄ᬭᬳᬦ᭄ᬗᬦ᭄ᬢᬾᬦ᭄ᬲᬵᬫ᭄ᬧᬸᬦ᭄᭞ᬮᬯᬸᬢ᭄ᬫ᭠ᬤᬦ᭄ᬤᬦ᭄ᬓᬧᬫᬺᬫᬦ᭄᭞ᬦ᭄ᬢᬾᬲᬂᬓᬮᬶᬄᬫᬳᬫ᭄ᬬᬦᬫᬦᬦ᭄ᬤᬶᬢᬸ᭞ᬗᬸᬮᬸᬭᬶᬦ᭄ᬲᬸᬓᬲᬗ᭄ᬕᬫ᭞ᬗᬃᬤ᭄ᬥᬶᬲᬦ᭄ᬢ
ᬦᬫ᭄ᬯᬦᬶ᭟ᬲᬂᬆᬃᬚ᭄ᬚᬸᬦᬗ᭄ᬮᬸᬢ᭄ᬦᬶᬫᬦ᭄᭞ᬤᬾᬯᬶᬧᬡ᭄ᬥᬫ᭄ᬲᬭᬶᬭᬸᬦ᭄ᬢᬕ᭄ᬩ᭄ᬭᬶ᭞ᬓ᭄ᬭᬶᬗᭂᬢᬾᬫᬩ᭄ᬭᬶᬬᭀ᭠ᬓ᭄ᬫᭂᬲᬸ᭞ᬢᬸᬫ᭄ᬩᬾᬦ᭄ᬚᬦᬶᬧᬤᬤ᭄ᬯᬬᬦ᭄᭞ᬗᬚᬓᬦᬓ᭄‌ᬮᬦᬂᬳᬭᬡᬢᬗ᭄ᬓᭂᬚᬸᬢ᭄᭞ᬚᭂᬚᭂᬄᬓᭂᬦ᭄ᬥᭂᬮ᭄ᬓ
ᬧ᭄ᬭᬕᬢᬂ᭞ᬦᬸᬳᬸᬓ᭄ᬯᬶᬚᬂᬳᬶᬤᬕ᭄ᬮᬶᬲ᭄᭞ᬫᬗᬾᬲ᭄ᬕᬾᬲ᭄ᬢᬸᬃᬫᬲᬶᬗ᭄ᬕᬸᬓᬦ᭄᭞ᬢᬸᬃᬓᬳᭂᬦ᭄ᬢᬸᬗᬂᬢᬗᬗᬾᬲᬂᬓᬶᬭᬶᬯᬶ᭞ᬤᭂᬓᭂᬧ᭄ᬧᬬᭀᬥᬭᬕᬸᬧᬸᬄ᭞ᬲᬂᬆᬃᬚ᭄ᬚᬸᬦᬯ᭄ᬭᬸᬳᬶᬂᬓ᭄ᬭᬫ᭞ᬳᬸᬮᬳᬦ᭄ᬬᬧᬯᬾ᭠
[᭖᭐ 60A]
ᬮᬸ᭞ᬓ᭄ᬘᭀᬭᬦ᭄ᬧᬜ᭄ᬘᬾᬭᬦ᭄ᬢᭂᬫ᭄ᬩᬕ᭞ᬤᬸᬗ᭄ᬦᬕ᭄ᬓᬬᬸᬦᬾᬢᬦ᭄ᬲᬶᬧᬶ᭟ᬲᬂᬆᬃᬚ᭄ᬚᬸᬦᬫᬗᭂᬦᬤᬶᬓ᭞ᬗ᭄ᬮᬤ᭄ᬧ᭄ᬭᬡᬜᬸᬜᬸᬃᬫᬦᬶᬲ᭄ᬗᬲᬶᬳᬲᬶᬄ᭞ᬯᬮᬸᬬᬳᬶᬫᬥᬸᬚᬸᬭᬸᬄ᭞ᬲᬸᬲᬸᬢᬶᬦ᭄ᬧᬸᬧᬸᬦᬾᬤᬵᬳᭂᬯ᭞ᬢᬸᬃᬲ᭄ᬮᬶ᭠
ᬦᬶᬦ᭄‌ᬯᬲ᭄ᬢ᭄ᬭᬶᬦᬶᬤᬾᬯᬦᬾᬩ᭄ᬮᬸᬲ᭄᭞ᬮᬯᬸᬢ᭄ᬫᬲᬮᬶᬦ᭄ᬫᬳᬶᬬᬲ᭄᭞ᬮᬶᬦ᭄ᬤᬶᬬᬂᬮᬶᬭᬶᬗᬾᬳᬤᬶ᭟ᬓ᭄ᬜᭂᬫᬤᬶᬦᬾᬤᬩ᭄ᬤᬩᬂ᭞ᬦᬾᬗᬃᬤ᭄ᬥᬶᬦᬶᬦ᭄᭞ᬗᬃᬕ᭄ᬕᬭᬂᬲ᭄ᬫᬭᬦᬶᬩ᭄ᬮᬶ᭞ᬳᬗ᭄ᬕᬶᬢ᭄ᬲᬲᬸᬫ᭄ᬧᬗᬾᬳᭂᬫ᭄ᬧᬸᬓ᭄᭞ᬲ᭄ᬓᬃ᭠
ᬫ᭄ᬦᬸᬳᬾᬘᭀᬗ᭄ᬕᬾᬭᬂ᭞ᬢ᭄ᬯᬳᬶᬫ᭄ᬦᬸᬄᬳᬶᬹᬫᬶᬳᬶᬓᬾᬫᬗᬮᬸᬩᬮᬸᬩ᭄᭞ᬦᬾᬗᬃᬤ᭄ᬥᬶᬦᬶᬦ᭄ᬩᭂᬂᬮᬶᬓᬲ᭄ᬫᬭᬦ᭄᭞ᬳᭂᬦ᭄ᬢᭀᬲᬭᬢᬂᬗᬧᬶᬓᬶᬦ᭄᭟ᬚᬦᬶᬚᬮᬦ᭄ᬓᬾᬲᬭᬢᬂ᭞ᬫᬦᬗ᭄ᬓᬶᬮᬶᬦ᭄‌ᬪᬕᬯᬵᬦ᭄ᬲᬦ᭄ᬢᬦᬸ᭠
ᬫᬹᬃᬢ᭄ᬢᬶ᭞ᬳᬧᬂᬳᬶᬤᬤᬶᬓᬬᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬦᬸᬚᬸᬯᬂᬧᬘᬂᬢᬗ᭄ᬓᬶᬮ᭄ᬭᬶᬂᬲᬂᬯᬶᬓᬸ᭞ᬤᬶᬕ᭄ᬮᬶᬲ᭄ᬲᬩᬬᬧ᭄ᬭᬧ᭄ᬢ᭞ᬤᬶᬳᬚᭂᬂᬲᬂᬯᬶᬓᬸᬲᬶᬤ᭄ᬥᬶ᭟ᬫᬮᬶᬗ᭄ᬕᭂᬃᬳᬶᬤᬫᬦᬧᬓ᭄᭞ᬲᬚ᭄ᬜᬪᬕᬯᬵ᭠ [ 61 ][᭖᭐ 60B]
᭖᭐
ᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬮᬶᬳᬢ᭄ᬲᭂᬫ᭄ᬩᬳᬶᬂᬲᬗ᭄ᬳᬸᬮᬸᬦ᭄᭞ᬫᭀᬖᬢᬦ᭄ᬓᭂᬦᬲᬧ᭞ᬓ᭄ᬱᬫᬵᬓ᭄ᬦᬤᭀᬱᬦᬶᬂᬧᬫᬶᬓ᭄ᬧᬸᬓᬸᬮᬸᬦ᭄᭞ᬧ᭄ᬭᬲᬗ᭄ᬖᬢᬦ᭄ᬫᬦᬹᬢ᭄ᬓ᭄ᬭᬫ᭞ᬚᬢᬶᬫᬹᬥᬵᬥᬫᬧᬶᬗ᭄ᬕᬶᬂ᭟ᬤᬾᬯᬶᬧᬡ᭄ᬥᬫ᭄ᬲᬭᬷᬲᬶᬭ᭞ᬦᬸᬦ
ᬲ᭄ᬮᬸᬕ᭄ᬭᬭᬶᬂᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬲᬚ᭄ᬜᬧᬸᬓᬸᬮᬸᬦ᭄ᬲᬂᬯᬶᬓᬸ᭞ᬳᬕᬸᬗᬶᬂᬤᭀᬱᬳᬶᬂᬯ᭄ᬯᬂ᭞ᬤᬾᬦ᭄ᬬᬭᬳᬢ᭄‌ᬓ᭄ᬦᬲ᭄ᬫᬭᬭᬓᬓ᭄ᬲᬂᬫ᭄ᬧᬸ᭞ᬯᬦᬶᬧ᭄ᬭᬲᬗ᭄ᬖᬳᬗᬸᬘᬧ᭄᭞ᬢᬦ᭄ᬫᬦᬹᬢ᭄ᬳᬸᬮᬳᬶᬂᬧᬸᬢ᭄ᬭᬶ᭟ᬓ᭄ᬱᬦ᭄ᬢᬯ᭄ᬬᬳᬸᬮᬳᬗ᭄ᬯᬂ᭟
ᬭᬾᬄᬯ᭄ᬯᬂᬳᬫ᭄ᬯᬫ᭄‌ᬳᬃᬤ᭄ᬥᬧ᭄ᬭᬫᬤᬾᬂᬳᬢᬶ᭞ᬢᬦ᭄ᬥᬷᬃᬖᬭᭀᬱᬧᬸᬓᬸᬮᬸᬦ᭄᭞ᬥᬹᬄᬢᬓᬭ᭄ᬯᬯᬸᬲ᭄ᬫᬭᬩ᭄ᬬ᭞ᬬᬢ᭄ᬦᬬᬢ᭄ᬦᬳᬬ᭄ᬯᬯᬾᬄᬢᬸᬓᬃᬓᬤᬸᬭᬸᬲ᭄᭞ᬦᬹᬢᬓᭂᬦ᭄ᬥᬃᬫ᭄ᬫᬦ᭄ᬢᬲᭀᬯᬂ᭞ᬢᬺᬱ᭄ᬡᬮᬸᬮᬸᬢ᭄ᬢᬫᬭ
ᬩᬶ᭟ᬚᬦᬶᬮᬾᬦ᭄ᬲᬢ᭄ᬯᬬᬂᬧ᭄ᬓᬓ᭄᭞ᬳᬶᬦ᭄ᬤᬶᬤᬤᬾᬯᬶᬲᬸᬧ᭄ᬭᬩᬲ᭄ᬥᬶᬄ᭞ᬳᬭᬦ᭄ᬲᬢ᭄ᬯᬳᬧᬂᬮᬦ᭄ᬢᬸ᭠ᬭ᭄᭞ᬳᬶᬤᬓᬶᬮᬗᬦ᭄ᬲᬂᬧᬵᬃᬣ᭞ᬤᬶᬧᬫᬺᬫ᭄ᬦ᭞ᬳᬾᬭᬗᬶᬤᬦᬾᬓᬮᬗ᭄ᬓᬸᬂ᭞ᬲ᭄ᬥᭂᬓ᭄ᬲᬶᬋᬩᬶᬹᬧ᭄ᬫᬢᬶᬫ᭄ᬧ᭠
[᭖᭑ 61A]
ᬳᬦ᭄᭞ᬳᬶᬮᬂᬢ᭄ᬯᬭᬓᬯᬶᬓᬦᬶᬦ᭄᭟ᬳᬶᬮᬗᬶᬮᬗᬦᬾᬢᬯᬄ᭞ᬗᬸᬤ᭄ᬬᬂᬳᬶᬤᬫ᭄ᬭᬕᬮᬦᬂᬚ᭄ᬯᬂᬫᬮᬶᬂ᭞ᬤᬾᬯᬷᬲᬸᬧ᭄ᬭᬩᬲᬸᬗ᭄ᬲᬸᬢ᭄᭞ᬫᬭᬳᭂᬦ᭄ᬢᭂᬦ᭄ᬫᬘᬶᬗᬓᬦ᭄᭞ᬳᬶᬮᬗᬶᬤᬲᬗᬵᬃᬚ᭄ᬚᬸᬦᬢᬸᬲᬶᬂᬢ᭄ᬧᬸ
ᬓ᭄᭞ᬗ᭄ᬭᬕᬳᬶᬤᬤᬶᬧᬫᬺᬫᬦ᭄᭞ᬤᬤᬶᬳᬶᬤᬧᬸᬮᬂᬧᬮᬶᬂ᭟ᬘᬶᬗᬓ᭄ᬓᭀᬭᬶᬦᬾᬫᬸᬦᭂᬩᬦ᭄᭞᭠ᬳ᭄ᬦᬸᬫᬗ᭄ᬕᭂᬄᬓᬸᬓᬸᬄᬓᭂᬓᭂᬄᬫᬓᬜ᭄ᬘᬶᬂ᭞ᬓᬕ᭄ᬬᬢ᭄ᬫᬓᭂᬲ᭄ᬬᬩ᭄ᬤᬶᬓᬬᬸᬦ᭄᭞ᬦᬸᬮᬶᬢᬗᬶᬲ᭄ᬫᬚ᭄ᬭᬶᬢᬦ᭄᭞ᬫᬦ᭄ᬤᬸᬮ
ᬫᬾᬯᬘᬦᬦᬾᬢᬦ᭄ᬧᬳᬸᬦ᭄ᬤᬸᬓ᭄᭞ᬳᬾᬭᬂᬓᬬᬸᬦᬾᬓᬮᬶᬦ᭄ᬢᬂ᭞ᬭᬩᬶᬤᬫ᭄ᬧᬶᬂᬚᬸᬯᬂᬫᬮᬶᬂ᭟᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟ᬳᬸᬥᬸᬄᬩ᭄ᬮᬶᬲᬂᬓᬶᬭᬶᬫᬶ᭞ᬮᬮᬶᬲ᭄ᬫᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭞ᬦᬧᬶᬓᬾᬤᭀ᭠
ᬱᬦ᭄ᬢᬶᬢ᭄ᬬᬗᬾ᭞ᬩ᭄ᬮᬶᬩᬸᬤᬮ᭄ᬢᬦ᭄ᬗ᭄ᬯᬂᬲᬶᬢᬂ᭞ᬜᬶᬮᬶᬩ᭄ᬗᬫᬮᬶᬗᬶᬦ᭄ᬢᬶᬢ᭄ᬬ᭞ᬗᬃᬤ᭄ᬥᬶᬦᬶᬦ᭄ᬢᬶᬢ᭄ᬬᬧᬓᬾᬯᬸᬄ᭞ᬫᬗ᭄ᬤᬢᬶᬢ᭄ᬬᬂᬫᬗ᭄ᬕᬸᬳᬾᬭᬂ᭟ᬢᬶᬢ᭄ᬬᬂᬧᬸᬍᬲ᭄ᬗᬶᬭᬶᬂᬩ᭄ᬮᬶ᭞ᬭᬶᬂᬕ᭄ᬤᭀᬂᬧᬓᬓᬮᬶᬳᬦ᭄᭞ᬤᬤᭀᬲᬶᬘᬮ᭄ᬩᭂᬮᬶᬫᬗ᭄ᬓᬾ᭞ [ 62 ][᭖᭑ 61B]
᭖᭑
ᬫᬗ᭄ᬤᭀᬄᬩ᭄ᬮᬶᬳᬫ᭄ᬩᬶᬮ᭄ᬤᬸᬱ᭄ᬝ᭞ᬓᬤᬶᬧᬸᬦᬧᬶᬰᬓ᭄ᬢᬶᬦ᭄ᬬ᭞ᬦᬾᬦ᭄ᬢᭂᬦ᭄ᬲᬶᬤ᭄ᬥᬧᬘᬂᬫᬦ᭄ᬤᬸᬂ᭞ᬩ᭄ᬮᬶᬫᬭᬕᬯᬶᬰᬾᬱ᭟ᬤᬶᬲᬸᬩᬦᬾᬓᬾᬢᭀᬘ᭄ᬦᬶᬂ᭞ᬲᬫ᭄ᬩᬢᬾᬤᬾᬯᬶᬲᬸᬧ᭄ᬭᬩ᭞ᬲᬂᬘᬢᬹᬃᬧᬡ᭄ᬥᬯᬋᬓᭀ᭞ᬲᬸᬩᬧᬥ
ᬫᬶᬭᬕᬶᬬᬂ᭞ᬫᬜᬕ᭄ᬚᬕ᭄ᬦᬸᬳᬸᬓ᭄ᬚᭂᬮᬦᬦ᭄᭞ᬓᭀᬭᬶᬫᬳᬫ᭄ᬧᬓᬦ᭄ᬕᬸᬧᬸᬄ᭞ᬯᬶᬭᬾᬄᬓᭀᬭᬶᬦᬾᬓᬭᬾᬓ᭟ᬲᬸᬩᬗ᭄ᬭᬜ᭄ᬚᬶᬂᬲᬋᬂᬲᬫᬶ᭞ᬲᬂᬥᬃᬢᬶᬹᬫ᭄ᬫᬧᬸᬢ᭄ᬭᬗᬦ᭄ᬤᬶᬓ᭞ᬳᬧᬓᬭᬡᬲᬸᬗ᭄ᬲᬢᬾ᭞ᬮᬄᬧ
ᬯᬭᬄᬭᬶᬓᬓᬦ᭄ᬢ᭞ᬲᬸᬧ᭄ᬭᬩᬫᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄ᬲᬂᬧ᭄ᬭᬪᬸ᭞ᬦᬶᬱ᭄ᬝᬳᬶᬗ᭄ᬯᬂᬫᬳᬸᬮᬸᬦ᭟ᬓᬓᬆᬂᬚ᭄ᬚᬸᬦᬢᬦ᭄ᬓᬭᬶ᭞ᬫᬢᬶᬗ᭄ᬕᬮ᭄ᬢᬦ᭄ᬧᬧᬯᬭᬄ᭞ᬢᬦ᭄ᬯ᭄ᬭᬸᬄᬓᬭᬡᬦ᭄ᬬᬫᬗ᭄ᬓᭀ᭞ᬳᬧᬮᬸᬗ᭄ᬳ᭠
ᬳᬧᬳᬶᬮᬂ᭞ᬓᬾᬯᬮᬲᬶᬭᬢᬦᬦ᭞ᬓᭀᬭᬶᬦᬾᬢᬦ᭄ᬯᭂᬗᭃᬓᬸᬓᬸᬄ᭞ᬤᬤᬶᬓᬕ᭄ᬬᬦ᭄ᬳᬸᬮᬸᬦ᭄ᬓᬓ᭟ᬓ᭄ᬱᬫᬵᬓ᭄ᬦᬳᬸᬮᬸᬦ᭄ᬲᬶᬗ᭄ᬕᬶᬄ᭞ᬢᬦ᭄ᬓᬢ᭄ᬫᬸᬩᬸᬤ᭄ᬥᬶᬭᬲ᭞ᬲᬵᬢ᭄ᬲᬵᬢ᭄ᬫᬢᬶᬗ᭄ᬕᬮ᭄ᬚᬷᬯᬦᬾ᭞ᬧᬋᬂᬧᬋᬂᬮᬓᬶᬫᭂᬋ
[᭖᭒ 62A]
ᬫ᭄᭞ᬢᬦ᭄ᬯ᭄ᬭᬸᬄᬭᬶᬓᬭᬡᬦᬶᬭ᭞ᬦ᭄ᬤᬢᬦ᭄ᬤ᭄ᬭᬩᬾᬳᬢᬸᬭᬶᬗ᭄ᬲᬸᬦ᭄᭞ᬓᬾᬭᬗᬦ᭄ᬢᬦ᭄ᬢᬳᭂᬦ᭄ᬢ᭄ᬯᬲ᭄᭟ᬗᬦ᭄ᬤᬶᬓᬲᬂᬧ᭄ᬭᬪᬸᬳᬭᬶᬲ᭄᭞ᬥᬃᬫ᭄ᬫᬧᬗ᭄ᬰᬭᬶᬲᬂᬪᬷᬫ᭞ᬫᬶᬯᬳᬭᬶᬦᬓᬸᬮᬦᬾ᭞ᬮᬯᬦᬭᬶᬲᬳᬤᬾᬯ᭞ᬳ᭠
ᬭᬶᬲᬂᬪᬷᬫᬲᬾᬦ᭞ᬦ᭄ᬤᬶᬢᬉᬧᬬᬦᬶᬭᬾᬓᬸ᭞ᬧᬵᬃᬣᬳᬶᬮᬂᬭᬶᬂᬓᭀᬮ᭄ᬫᬦ᭄᭟ᬤ᭄ᬬᬄᬲᬸᬧ᭄ᬭᬪᬮᬭᬓᬶᬂᬓᬶᬂ᭞ᬲᬳᬶᬮᬗᬾᬳᬭᬶᬦᬶᬭ᭞ᬲᬶᬭᬧᬋᬂᬫᬺᬫ᭄ᬫᬗ᭄ᬓᭀ᭞ᬤᬤᬶᬢᬦ᭄ᬓᬯ᭄ᬭᬸᬳᬓ᭄ᬦ᭞ᬕᬧᬳᬶᬮᬂᬳᬧᬮᬸᬗ᭄ᬳᬵ᭞
ᬫᬾᬭᬂᬲᬸᬩ᭄ᬭᬶᬸᬧ᭄ᬭᬩᬓᬮᬗ᭄ᬓᬸᬂ᭞ᬦᬬᬧᬯᬭᬄᬭᬶᬢᬶᬢ᭄ᬬᬂ᭟ᬲᬂᬪᬷᬫᬫᬯᬭᬄᬲᬶᬗ᭄ᬕᬶᬄ᭞ᬓᬓᬧ᭄ᬭᬪᬸᬥᬃᬫ᭄ᬫᬧᬸᬢ᭄ᬭ᭞ᬳᬸᬮᬄᬲᬂᬓᬶᬭᬶᬫᬶᬫᬗ᭄ᬓᭀ᭞ᬫᬦᬳᬶᬗ᭄ᬳᬸᬮᬸᬦ᭄ᬢᬦᬶᬮᬂ᭞ᬳᬧᬦ᭄ᬲᬓᬶᬂᬤᬗᬹᬓᬸᬦ᭞ᬲᬦᬲᬶᬦᬶ
ᬳᬦᬓᬶᬧᬸᬦ᭄᭞ᬤ᭄ᬭᬸᬯᬾᬧᬸᬢ᭄ᬭᬢᬦ᭄ᬓᬯ᭄ᬭᬸᬳᬦ᭄᭟ᬲᬂᬧᬵᬃᬣᬍᬯᬶᬳᬶᬂᬧ᭄ᬓᬶᬓ᭄᭞ᬫᬓ᭄ᬯᬾᬄᬧᬸᬢ᭄ᬭᬶᬭᬵ᭠ᬚᬧᬸᬢ᭄ᬭ᭞ᬯᬸᬮᬗᬸᬦ᭄ᬭᬶᬧᬵᬃᬣᬫᬗ᭄ᬓᭀ᭞ᬲᬂᬆᬃᬚ᭄ᬚᬸᬦᬚᬸᬕᬫᬗ᭄ᬓ᭞ᬧ᭄ᬭᬚ᭄ᬜᬗᬫᭂᬃᬲ᭄ᬢ᭄ᬬᬵᬃᬚ᭄ᬚ᭞ᬫᬗᬺᬋᬗᬶᬄᬪᬹ [ 63 ][᭖᭒ 62B]
᭖᭒
ᬫ᭄ᬕᬸᬭᬸᬫ᭄ᬩ᭄ᬭᬸᬫ᭄᭞ᬗ᭄ᬕᬯᬾᬍᬂᬍᬂᬓᬲᭂᬫᬭᬦ᭄᭟ᬫᬗ᭄ᬓᬦᬳᬸᬮᬄᬦ᭄ᬬᬓᬭᬶᬯᬶ᭞ᬢᬦ᭄ᬲᬮᬄᬧᬫᬃᬡ᭄ᬦᬦᬶᬗ᭄ᬯᬂ᭞ᬍᬳᭂᬂᬳᬦ᭄ᬢᬶᬦᭂᬦᬦ᭄ᬓᬯᬮ᭞ᬲ᭄ᬯᬾᬦ᭄ᬬᬲᬧ᭄ᬢᬭᬳᬶᬦ᭞ᬦ᭄ᬬᬳᬦ᭄ᬬᬥᬢᭂᬗ᭞ᬲᬂᬦᬓᬸᬮᬰᬷᬖ᭄ᬭᬫᬢᬸ
ᬭ᭄᭞ᬓᬓᬲᬫ᭄ᬧᬸᬭᬦᭂᬦᬶᬗ᭄ᬯᬂ᭟ᬫᬭᬲ᭄ᬫᬭᬲᬶᬓᬂᬩᬸᬤ᭄ᬥᬶ᭞ᬓᬤ᭄ᬬᬧᬯᬭᬄᬲᬂᬪᬷᬫ᭞ᬦ᭄ᬤᬢᬦ᭄ᬲᬶ᭠ᬦᬗ᭄ᬕᬄᬮᬗ᭄ᬕᬄᬦ᭞ᬓᬤ᭄ᬬᬩᬸᬤ᭄ᬥᬶᬦᬶᬦ᭄ᬖ᭄ᬯᬂᬓᬓ᭞ᬕᬶᬮᬗᬾᬲᬂᬆᬃᬚ᭄ᬚᬸᬦ᭞ᬓᭀᬭᬶᬫᬗ᭄ᬕᭂᬄᬓᬸᬦᭂᬂᬗᬶᬧᬸᬦ᭄᭞
ᬲᬶᬭᬫᬺᬫ᭄ᬮᬯᬦ᭄ᬲᬸᬧ᭄ᬭᬩ᭟ᬳᬧᬦ᭄ᬓ᭄ᬯᬾᬄᬳᬶᬲᬶᬦᬶᬂᬪᬸᬫᬶ᭞ᬳᬦᬤᬸᬱ᭄ᬝᬫᬯᬶᬰᬾᬱ᭞ᬳᬗᬫᬾᬢ᭄ᬲᬶᬭᬲᬂᬓᬓ᭞ᬦᬬᬉᬧᬬᬧᬶᬦᬲᬂ᭞ᬲᬤᬦᬲᬶᬤ᭄ᬥᬦᬶᬂᬓᬵᬃᬬ᭄ᬬ᭞ᬓᬭᬡᬘᬶᬦᬶᬤ᭄ᬭᬾᬂᬰᬢ᭄ᬭᬸ᭞ᬫᬦ᭠
ᬯᬳᬦᬩᬸᬤ᭄ᬥᬶᬮ᭄ᬬᬦᬦ᭄᭟ᬧᬯᬾᬳᬶᬓᬂᬭᬵᬚᬧᬸᬢ᭄ᬭᬶᬤᬾᬦ᭄ᬬᬍᬍᬂᬓ᭄ᬦᬲ᭄ᬫᬭ᭞ᬓᬤ᭄ᬬᬯᬭᬄᬲᬂᬪᬷᬫᬦᬾ᭞ᬲᬂᬧᬵᬃᬣᬧ᭄ᬓᬶᬓ᭄ᬢᬦ᭄ᬲᬫ᭞ᬬᭀᬕ᭄ᬬᬓᬓᬬᬢ᭄ᬦᬾᬂᬦᬬ᭞ᬳᬬ᭄ᬯᬧ᭄ᬭᬫᬦᬭᬶᬂᬮᬓᬸ᭞ᬫᬕ
[᭖᭓ 63A]
ᬯᬾᬳᬾᬯᭂᬄᬲᬂᬦᬵᬣ᭟ᬬᬢ᭄ᬦᬓᬓᬭᬶᬓᬂᬩᬸᬤ᭄ᬥᬶ᭞ᬤᬸᬮᬸᬃᬦ᭄ᬬᬦᬬᬯᬶᬦᬬ᭞ᬳᬶᬓᬫᬳᬵᬰ᭠ᬓ᭄ᬢᬶᬋᬓᭀ᭞ᬫᬓᬲᬜ᭄ᬚᬢᬲᬂᬦᬵᬣ᭞ᬳᬬ᭄ᬯᬍᬫᭂᬳᬶᬂᬫᬦᬄ᭞ᬫᬕᬯᬾᬚᬕᬢ᭄ᬭᬳᬬᬸ᭞ᬓᬾᬯᬮᬬ᭠
ᬧᬍᬄᬧᬍᬄ᭟ᬬᬦ᭄ᬬᭀᬕ᭄ᬬᬳᬮᬧᭂᬦ᭄ᬲᬶᬗ᭄ᬕᬶᬄ᭞ᬬᬦ᭄ᬲᬮᬄᬩᬸᬯᬗᭂᬦ᭄ᬓᬓ᭞ᬬᬾᬓᬢᬦᬦᬳᬗᬧᬾ᭞ᬳᬧᬦ᭄ᬳᬸᬮᬸᬦᬶᬦᬓᬬ᭞ᬫᬹᬥᬢᬦ᭄ᬯ᭄ᬭᬸᬳᬶᬂᬦᬬ᭞ᬓᬯᬢᭂᬓ᭄ᬪᬓ᭄ᬢᬶᬫᬧ᭄ᬭᬪᬸ᭞ᬫᬸᬯᬄᬫᬓᬤᬂᬫᬓᬓ᭟
ᬧ᭄ᬭᬪᬸᬥᬃᬫ᭄ᬫᬯᬗ᭄ᬰᬳᬭᬶᬲ᭄᭞ᬫᬯᬭᬄᬮ᭄ᬯᬶᬃᬫᬘᬸᬤ᭄ᬭᬯ᭞ᬜᭂᬜᭂᬃᬫᬦᬶᬲᬭᬹᬫᬮᭀᬦ᭄᭞ᬕᬃᬚ᭄ᬚᬶᬢᬲᬶᬭᬫᬗᬺᬗᭃ᭞ᬳᬢᬸᬭᬾᬳᬭᬶᬦᬶᬭ᭞ᬥᬹᬄᬲᬂᬪᬷᬫᬳᬭᬶᬦᬶᬗ᭄ᬲᬸᬦ᭄᭞ᬫᬸᬯᬄᬦᬓᬸᬮᬲᬤᬾᬯ᭟ᬩ᭄ᬯᭂᬃ᭠
ᬳᬢᬸᬭᬾᬲᬂᬓᬮᬶᬄ᭞ᬓᬮᬶᬳᬶᬓᬗ᭄ᬯᬂᬮᬓ᭄ᬯᬓᭂᬦ᭄᭞ᬍᬕᭂᬂᬳᬦ᭄ᬢᬶᬲᬧ᭄ᬢᬂᬤᬶᬦᬾ᭞ᬫᬗᬦ᭄ᬢᬶᬬ᭠ᬢ᭄ᬦᬾᬗᬸᬧᬬ᭞ᬳᬧᬦᬓ᭄ᬯᬾᬳᬶᬲᬶᬦ᭄ᬚᬚᬢ᭄᭞ᬬᬢ᭄ᬦᬢᬧ᭄ᬭᬫᬤᬾᬂᬓᬮ᭄ᬪᬸ᭞ᬲᬸᬧ᭄ᬭᬩᬫᬳᬢᬸᬃᬦᬶᬫ᭄ᬩᬮ᭄᭟᭠ [ 64 ][᭖᭓ 63B]
᭖᭓
ᬲᬶᬗ᭄ᬕᬶᬄᬓᬓᬦᬭᬧᬢᬶ᭞ᬧᬵᬡ᭄ᬥᬸᬧᬸᬢ᭄ᬭᬥᬃᬫ᭄ᬫᬯᬗ᭄ᬰ᭞ᬳᬧᬤᬤᬶᬗ᭄ᬳᬸᬮᬸᬦ᭄ᬫᬗ᭄ᬓᬾ᭞ᬫᬸᬯᬄᬓᬓᬲᬫᬲᬦᬓ᭄᭞ᬲᬶᬦᬗ᭄ᬕᬄᬧᬜ᭄ᬘᬧᬵᬡ᭄ᬥᬯ᭞ᬓᬮ᭄ᬯᬗᬶᬲᬂᬧᬵᬃᬣᬳᬶᬓᬸ᭞ᬓᬭᬶᬘᬢᬸᬃᬲᬂᬧᬵᬡ᭄ᬥᬯ᭟ᬳ᭠
ᬲᬸᬲᬸᬦᬾᬭᬂᬓ᭄ᬯᬶᬓᬶ᭞ᬭᬲᬓᬳᬶᬮᬗᬦ᭄ᬚᬶᬯ᭞ᬢᬦᬸᬭᬸᬂᬳᬫᬗ᭄ᬕᬶᬄᬧᬧᬾ᭞ᬳᬬᬳᬦᬲᬂᬆᬃᬚ᭄ᬚᬸᬦ᭞ᬥᬹᬄᬓᬓᬲᬂᬆᬃᬚ᭄ᬚᬸᬦ᭞ᬮᬮᬶᬫ᭄ᬫᬦᬶᬗ᭄ᬕᬮᬶᬦᬶᬗ᭄ᬲᬸᬦ᭄᭞ᬓᬭᬶᬤᬺᬤ᭄ᬥᬫᬜᬾᬯᬓ᭟ᬭᬶᬗᭂᬦ᭄ᬤᬶ
ᬓᬓᬫᬮᬶᬗ᭄ᬕᬶᬄ᭞ᬢᬦᬦᬯᬺᬢᬳᬫᬢ᭄ᬭ᭞ᬢᬦ᭄ᬯ᭄ᬭᬸᬄᬗᬭᬸᬭᬸᬄᬕ᭄ᬦᬳᬾ᭞ᬤᬤᬶᬫᬸᬗᭂᬂᬫᬦᬳᬶᬗ᭄ᬯᬂ᭞ᬢᬦ᭄ᬚᭂᬦᭂᬚ᭄ᬫᬶᬦᬸᬫᬫᬗᬦ᭄᭞ᬢᬦᬦᬦᬬᬓᬢ᭄ᬫᬸ᭞ᬯᬶᬢ᭄ᬦᬶᬂᬳᬾᬭᬂᬦᬦ᭄ᬥᬂᬮᬭ᭟ᬫᬦᬯᬓᬓ
ᬯᬸᬲ᭄ᬫᬵᬢᬶ᭞ᬲᬢ᭄ᬬᬲᬸᬧ᭄ᬭᬩᬫᬶᬮᬸᬳ᭞ᬫᬸᬮᬶᬳᬶᬂᬲ᭄ᬯᬃᬕ᭄ᬕᬮᭀᬓᬦᬾ᭞ᬳᬶᬭᬶᬓᬗ᭄ᬳᬸᬮᬸᬜᬾᬯᬓ᭞ᬗᬯᬸᬮᬪᬓ᭄ᬢ᭄ᬬᬵᬢ᭄ᬯᬂ᭞ᬢᬺᬱ᭄ᬡᬳᬲᬶᬄᬗ᭄ᬯᬗᬳᬸᬮᬸᬦ᭄᭞ᬲᬮᬸᬂᬗ᭄ᬮᬸᬂᬲᬪᬬᬦ᭄ᬢᬓ᭟ᬳᬲᬂᬢ᭠
[᭖᭔ 64A]
ᬢᬲ᭄ᬘᭂᬦᬶᬂ᭞ᬢ᭄ᬓᬾᬓᬶᬂᬲᬢ᭄ᬯᬘᬭᬶᬢ᭞ᬤᬾᬯᬶᬲᬸᬧ᭄ᬭᬩᬦ᭄ᬤᬸᬮᬫᬾ᭞ᬳᬶᬮᬗᬶᬤᬲᬂᬆᬃᬚ᭄ᬚᬸᬦ᭞ᬲᬂᬪᬷᬫᬫᬲᬳᬸᬃᬜ᭄ᬮᬕ᭄᭞ᬤᬲᬭᬾᬳᬶᬭᬶᬤᬶᬓᬬᬸᬦ᭄᭞ᬓᬾᬦᬾᬧᬗᬦ᭄ᬤᬶᬓᬦᬶᬤ᭟ᬥᬹᬄᬤᬾᬯᬶᬲᬸ
ᬗᬶᬹᬧ᭄ᬭᬩᬳᬤᬶ᭞ᬲ᭄ᬤᬶᬄᬓᬶᬂᬓᬶᬂᬫᬲᬲᬫ᭄ᬩᬢ᭄᭞ᬢᬶᬗ᭄ᬕᬮᬶᬦ᭄ᬆᬃᬚ᭄ᬚᬸᬦᬫᬗ᭄ᬓᭀ᭞ᬗᬃᬤ᭄ᬥᬶᬓ᭄ᬯᬂᬲᬂᬧᬵᬡ᭄ᬥᬯ᭞ᬚᬦᬶᬓᭀᬘᬳ᭄ᬦᬸᬧᬢ᭄ᬧᬢ᭄᭞ᬤᬚᬲᬗᭂᬢᬤᬶᬳᬶᬩᬸᬓ᭄᭞ᬚᬮᬦᬦ᭄ᬢᬶᬧᬶᬢᬸᬂᬤᬶ᭟ᬧ᭄ᬭᬕᬢ᭄ᬬᬳᬓᬾᬢᭀ
ᬘ᭄ᬦᬶᬂ᭞ᬦᬸᬗᬦ᭄ᬢᬶᬧᬦ᭄ᬓᬦ᭄ᬤᬶᬦ᭞ᬳᬧᬭᬯᬸᬳᬶᬤᬫᬗ᭄ᬓᭀ᭞ᬢᬸᬲᬶᬂᬭᬯᬸᬄᬧᬶᬢᬸᬂᬤᬶᬦ᭞ᬤᬶᬢᬸᬲᬂᬰ᭄ᬭᬷ᭠ᬥᬃᬫᬧᬸᬢ᭄ᬭ᭞ᬫᬭᬋᬫᬶᬤᬫᬋᬫ᭄ᬩᬸᬓ᭄᭞ᬓᬾᬦ᭄ᬓᬾᬦ᭄ᬧᬶᬳᭀᬮᬶᬄᬯᬶᬦᬬ᭟ᬬᬦ᭄ᬲᬸᬩᬕᬸᬮᬸᬓ᭄ᬲᬕᬶᬮᬶ᭠
ᬓ᭄᭞ᬯᬶᬯᬾᬓᬦᬾᬓᬫᬃᬕ᭄ᬕᬶᬬᬂ᭞ᬚᬗ᭄ᬓᭂᬧ᭄ᬧᬗᬦ᭄ᬢᬶᬦᬾᬋᬓᭀ᭞ᬲᬸᬩᬕ᭄ᬦᭂᬧ᭄ᬧᬶᬢᬸᬂᬤᬶᬦ᭞ᬳᬶᬤᬲᬂᬘᬢᬹᬃᬧᬵᬡ᭄ᬥᬯ᭞ᬗᬦ᭄ᬢᬶᬢᭀᬦ᭄ᬤᬾᬦᬶᬤᬭᬯᬸᬄ᭞ᬮᬯᬸᬢᬶᬤᬗᬺᬫ᭄ᬩᬸᬕ᭄ᬦᬬ᭟ᬫ᭄ᬭᬕᬢ᭄ᬩᬯᭀᬲᬾᬚ [ 65 ][᭖᭔ 64B]
᭖᭔
ᬦᬶ᭞ᬲᬂᬪᬷᬫᬓᭀᬄᬯᬸᬲ᭄ᬫᬫᬃᬕ᭄ᬕ᭞ᬗ᭄ᬢᬸᬢ᭄ᬲᬂᬧᬵᬃᬣᬫᬗ᭄ᬓᭀ᭞ᬲᬚ᭄ᬩᬕᬶᬂᬓᬗᬶᬦ᭄ᬓᬚ᭞ᬫ᭄ᬕᬯᬳᬶ᭠ᬲᬲᬂᬦᬓᬸᬮ᭞ᬗ᭄ᬢᬸᬢ᭄ᬲᬂᬚ᭄ᬩᬕᬶᬂᬓᬯᬸᬄ᭞ᬦᬾᬗ᭄ᬮᭀᬤᬂᬲᬳᬤᬾᬯ᭟ᬯᬸᬲ᭄ᬫ᭄ᬫᬫᬃᬕ᭄ᬕᬶᬲᬋᬂᬲᬫᬶ᭞ᬧᬫᬃᬕ᭄ᬕ
ᬦ᭄ᬳᬶᬤᬲᬂᬪᬷᬫ᭞ᬘᬭᬶᬢᬬᬂᬧ᭄ᬓᬦ᭄ᬫᬗ᭄ᬓᬾ᭞ᬲᬸᬩᬚᭀᬄᬗᬚᬓᬗᬶᬦᬂ᭞ᬢ᭄ᬯᬭᬦᭂᬧᬸᬓᬶᬦᬧ᭞ᬭᬭᬶᬲ᭄ᬤᬶᬳᬮᬲᬾᬜᬸᬲᬸᬧ᭄᭞ᬢᬦ᭄ᬧᬭᬾᬭᬾᬦᬦ᭄ᬫᬫᬃᬕ᭄ᬕ᭟ᬩᬸᬭᭀᬦᬮᬲ᭄ᬧᬥᬫ᭄ᬮᬳᬶᬩ᭄᭞ᬲᬫᬶᬫ᭠
ᬗᬮᬶᬳᬮᬶᬗᬦ᭄᭞ᬫᭂᬗ᭄ᬲᬸᬩ᭄ᬧᬓ᭄ᬭᭀᬲᭀᬓ᭄ᬤᬶᬩᭂᬢᬾ᭞ᬢᬓᬸᬢ᭄ᬢᭂᬓᬾᬦᬶᬂᬲᬂᬪᬷᬫ᭞ᬫᬵᬦᬸᬱᬢᬦ᭄ᬩᬶᬸᬦᬩᬶᬦ᭞ᬲᬼᬫᬼᬢᭂᬂᬕᬸᬗᬮᬸᬳᬸᬭ᭄᭞ᬤᬵᬯᬦᬾᬢᬦ᭄ᬧᬢᬦ᭄ᬤᬶᬗᬦ᭄᭟ᬲᬂᬪᬷᬫᬗ᭄ᬮᬦ᭄ᬢᬸᬃᬫᬫᬃᬕ᭄ᬕᬶ᭞ᬢᬦ᭄ᬧ
ᬗᬶᬢᬸᬂᬧᬭᬦ᭄ᬧᬭᬦ᭄᭞ᬮ᭄ᬬᬸᬦᬕᬭᬦᬾᬋᬓᬾ᭞ᬲᬸᬩᬧᬘᬓᬮᬶᬯᬢᬦ᭄᭞ᬢᬸᬲᬶᬂᬢ᭄ᬧᬸᬓ᭄ᬲᬂ᭠ᬆᬃᬚ᭄ᬚᬸᬦ᭞ᬢᬾᬚᬗᬤᭂᬕ᭄‌ᬜ᭄ᬚᭂᬍᬕ᭄ᬢᭂᬧᬸᬓ᭄᭞ᬮᬾᬤᬗᬶᬤᬦᬍᬓ᭄ᬢᭂᬓᬂ᭟ᬕᬕᬾᬲᭀᬦᬶᬤᬜᬕ᭄ᬚᬕᬶᬦ᭄᭞
[᭖᭕ 65A]
ᬫᬦᬸᬚᬸᬢᬾᬚᬤᬸᬫᬶᬮᬄ᭞ᬫᬓᬘᬶᬳ᭄ᬦᬦ᭄ᬢᭀᬢᬾᬚᬦᬾ᭞ᬳᬤᬢᬶᬃᬣᬰᬸᬘ᭄ᬬᭀᬢ᭄ᬢᬫ᭞ᬫᬗᬼᬩᬸᬃᬫᬮᬧᬢᬓ᭞ᬲᬸᬩᬳᬶᬤᬢ᭄ᬓᭂᬤ᭄ᬤᬶᬢᬸ᭞ᬫᬫᬹᬚᬵᬲᬹᬃᬬ᭄ᬬᬰᬾᬯᬡ᭟ᬬ᭄ᬳᭂᬃᬫᬢᬶᬃᬯᬬᬢ᭄ᬭᬾᬓᬶ᭞ᬚᬦᬶᬓᬂᬯᬶᬢ᭄ᬩ᭄ᬯᬶ
ᬦ᭄ᬢᬸᬢᬸᬭᬂ᭞ᬧᬫᬃᬕ᭄ᬕᬶᬦ᭄ᬲᬂᬦᬓᬸᬮᬦᬾ᭞ᬫᬫᬃᬕ᭄ᬕᬶᬳᬶᬤᬗᬳ᭄ᬯᬗᬂ᭞ᬲᬸᬩᬚᭀᬳᬶᬤᬫᬫᬃᬕ᭄ᬕᬷ᭞ᬤᬶ᭠ᬦᬵᬕᬭᬳᬶᬤᬜ᭄ᬮᬸᬧ᭄ᬲᬸᬧ᭄᭞ᬲᬫ᭄ᬩᬶᬮ᭄ᬫᬫᬶᬋᬗᬂᬯᬺᬢ᭟ᬲᬶᬗᬤᬳᬦᬓ᭄ᬦᭂᬧᬸᬓᬶᬦ᭄᭞ᬯᭀᬃᬣᬦᬾᬢᬸᬲᬶᬂᬫ᭠
ᬭᬯᬢ᭄᭞ᬧᬫᬃᬕ᭄ᬕᬶᬫᬶᬍᬄᬫᬗ᭄ᬓᭀ᭞ᬢᬦ᭄ᬓᭀᬘᬧ᭄ᬧᬫᬃᬕ᭄ᬕᬦᬶᬤ᭞ᬜᬸᬲᬸᬧᬶᬤᬤᬶᬳᬮᬲ᭄᭞ᬢ᭄ᬧᬸᬓ᭄ᬓᬬᬸᬜᬦ᭄ᬤᬶᬂᬩᬢᬸ᭞ᬤᬶᬢᬸᬓᬾᬳᬶᬤᬫᬭᬵᬃᬬ᭄ᬬᬦ᭄᭟ᬳᬸᬘᬧᬂᬦᬾᬓ᭄ᬮᭀᬤ᭄ᬚᬦᬶ᭞ᬧᬫᬃᬕ᭄ᬕᬶᬦᬾᬢᬦ᭄ᬭᬾᬭᬾ
ᬦᬦ᭄᭞ᬢ᭄ᬓᭂᬦ᭄ᬤᬶᬲᬶᬲᬶᬦ᭄ᬧᬲᬶᬳᬾ᭞ᬓᬢᭀᬦ᭄ᬦᬸᬱᬦᬾᬫᬚᬚᬭ᭄᭞ᬧᬥᬩᬶᬭᬸᬓᬘᬶᬗᬓᬦ᭄᭞ᬮᬗᬶᬢᬾᬲᬘᬢ᭄ᬤᬶᬤᬸᬳᬸᬭ᭄᭞ᬫᬶᬦᬩ᭄ᬫᬢᬜ᭄ᬘᭂᬩ᭄ᬤᬶᬚᬕᬢ᭄᭟ᬳᭀᬫ᭄ᬩᬓᬾᬕ᭄ᬥᬾᬢᬦ᭄ᬲᬶᬧᬶ᭞ᬗᭂᬜ᭄ᬘᬄᬬ᭄ᬬᬓᬾ᭠ [ 66 ][᭖᭕ 65B]
᭖᭕
ᬤᬶᬢ᭄ᬗᬄ᭞ᬧᬸᬢᬶᬄᬫᬤᬶᬤᬶᬄᬗᬲᬶᬲ᭄ᬬᬂ᭞ᬦᭂᬫ᭄ᬧᬸᬄᬓᬳᬂᬧᬘᭀᬭᬾᬗ᭄ᬕᬄ᭞ᬩ᭄ᬯᬦᬚᬳᬦ᭄ᬮᬯᬸᬢᬳ᭠ᬤ᭄᭞ᬗᬭᬾᬧᬾᬳᬸᬤᬗᬾᬮᬶᬬᬸ᭞ᬳᬤᬫᬵᬢᬶᬫᬳᬦ᭄ᬢᭂᬧᬦ᭄᭟ᬗᬗᬶᬦᬗᬶᬤᬫᬫᬃᬕ᭄ᬕᬶ᭞ᬜᬸᬤᬸᬢ᭄ᬩᬸᬦᬸ᭠
ᬢ᭄ᬫᭂᬕᬢᬮᬲ᭄᭞ᬤᭀᬦ᭄ᬢᭂᬳᭂᬧᬾᬫᬓᭂᬩᬶᬭᬦ᭄᭞ᬫᬶᬦᬩ᭄ᬫᬗ᭄ᬩᬶᬢᬶᬦᬶᬤ᭞ᬓᬧᬸᬓ᭄ᬓᬸᬢᬸᬳᬾᬳᬳᬲ᭄᭞ᬓᬢᭂᬫ᭄ᬧᬸᬳᬶᬂᬳᬗᬶᬦ᭄ᬮᬶᬮᬸᬲ᭄᭞ᬫᬓ᭄ᬩᬸᬃᬗᬚᬓᬗᬶᬦᬂ᭟ᬫᬶᬦᬩᬶᬧᬸᬦ᭄ᬫᬢᬸᬚᬸᬯᬶᬦ᭄᭞ᬮᬶᬗ᭄ᬕᬶᬳᬶᬤᬲᬂᬆᬃᬚ᭄ᬚᬸ
ᬦ᭞ᬯᬯᬸᬓᬘᬶᬗᬦ᭄ᬓᬧᬸᬓᬾ᭞ᬫᬓ᭄ᬩᬸᬃᬗᬚᬗᬗᬶᬦᬂ᭞ᬳᭂᬦ᭄ᬢᭀᬓᬾᬓᬧᬢᬶᬢᬶᬲᬂ᭞ᬧᬓ᭄ᬩᬸᬭᬶᬧᬸ᭠ᬦᬶᬓᬧᬸᬓ᭄᭞ᬢ᭄ᬓᭂᬤᬶᬤᬤᬶᬤᬸᬲᬸᬦᬦ᭄᭟ᬤᬶᬢᬸᬫᬲᬦ᭄ᬤᭂᬓᬦ᭄ᬭᬭᬶᬲ᭄᭞ᬲᬫ᭄ᬩᬶᬮ᭄ᬫᬶᬋᬗᬂᬓ᭄ᬭᬶᬫᬶᬓᬦ᭄᭞ᬤᬶ᭠
ᬤᬸᬲᬸᬦ᭄ᬯᬯᬶᬤᬗᬦᬾ᭞ᬚᬕᬢ᭄ᬩᬭᬢ᭄ᬫᬵᬤ᭄ᬬᬓᭀᬘᬧ᭄᭞ᬚᬦᬶᬓᬶᬧᬸᬢᬸᬢ᭄ᬧᬘᬂ᭞ᬓᬢᬸᬓᬤᬾᬳᬶᬧᬸᬦ᭄ᬫᬦ᭄ᬤᬸᬲ᭄᭞ᬲᬸᬩᬢ᭄ᬓᭂᬤ᭄ᬲᬶᬲᬶᬦ᭄ᬢᬸᬓᬤ᭄᭟ᬫᬢᭂᬕ᭄ᬢᭂᬕᬦ᭄ᬲᬫ᭄ᬩᬶᬮ᭄ᬦᬫ᭄ᬧᬶᬦ᭄᭟ᬯᬮᬶᬬᬂᬚᬦᬶᬳᬸ
[᭖᭖ 66A]
ᬘᬧᬂ᭞ᬳᬶᬤᬲᬂᬲᬤᬾᬯᬫᬗ᭄ᬓᬾ᭞ᬗᬮᬦ᭄ᬢᬸᬭᬶᬤᬫᬫᬃᬕ᭄ᬕ᭞ᬢ᭄ᬓᭂᬤ᭄ᬤᬶᬢ᭄ᬧᬶᬦ᭄ᬢᬸᬓᬤ᭄᭞ᬓᬶᬧᬸᬢᬸ᭠ᬢ᭄ᬮᬯᬸᬢ᭄ᬓᬢ᭄ᬫᬸ᭞ᬳᬶᬲᭂᬗᬶᬤᬫᬦᬓᭀᬦᬂ᭟ᬦᬶᬭᬓᬾᬫᬢᬓᭀᬦ᭄ᬚᬦᬶ᭟ᬲᬶᬜᬓᬾᬓᬓᬶᬦᬶᬗᭂᬢᬂ᭞᭠
ᬳᬶᬤᬲᬂᬓᬶᬭᬶᬯᬶᬫᬗ᭄ᬓᭀ᭞ᬳᬶᬤᬮᬸᬗ᭄ᬳᬵᬫᬘᬗ᭄ᬓ᭄ᬭᬫ᭞ᬲᬯᬲ᭄ᬢᬭᬤᬶᬳᬩᬸᬮᬦ᭄᭞ᬓᬬᬂ᭠ᬚᬦᬶᬢᭀᬦ᭄ᬤᬾᬦ᭄ᬫᬦ᭄ᬢᬸᬓ᭄᭞ᬓᬶᬧᬸᬢᬸᬢ᭄ᬫᬳᬢᬸᬃᬲᭂᬫ᭄ᬩᬄ᭟ᬭᬢᬸᬢᬶᬢ᭄ᬬᬂᬓᬾᬧᬸᬦᬶᬓᬶ᭞ᬧᬋᬓᬦᬶᬤᬪ
ᬕᬯᬵᬦ᭄᭞ᬲᬦ᭄ᬢᬦᬸᬫᬹᬃᬢ᭄ᬢᬶᬓᬶᬦᬯᭀᬢ᭄᭞ᬭᬢᬸᬳᬸᬦᬶᬂᬚᬢᬶᬢ᭄ᬬᬂ᭞ᬫᬸᬗ᭄ᬕ᭄ᬯᬶᬂᬳᬶᬤᬲᬂᬆᬃᬚ᭄ᬚᬸᬦ᭞ᬪᬕᬯᬵᬦ᭄ᬲᬦ᭄ᬢᬦᬸᬫᬦ᭄ᬤᬸᬂ᭞ᬓᬩᬓ᭄ᬢᬭᬶᬂᬕᬭᬓ᭄ᬫᬤ᭄ᬬ᭟ᬳᬶᬤᬦᬺᬩᬾᬭᬵᬚᬧᬸᬢ᭄ᬭ᭞ᬳᬬᬸᬦᬾᬢ᭠
ᬦ᭄ᬲᬫᬦ᭄ᬧᬤ᭞ᬧᬸᬢ᭄ᬭᬶᬳᭀᬮᬶᬄᬗᬺᬤᬦᬦᬾ᭞ᬯᬮᬸᬬᬭᬢᬶᬄᬭᬶᬂᬮ᭄ᬫᬄ᭞ᬧᬸᬦᬶᬓᬲᬦᬾᬜ᭠ᬭᬢᬂᬫᬗ᭄ᬤᬲᬶᬤ᭄ᬥᬦᬶᬂᬫᬢ᭄ᬫᬸ᭞ᬫᬭᬩᬶᬦᬸᬮᬶᬜᭂᬦ᭄ᬢᬦ᭟ᬲᬧᬸᬦᬶᬓᬫᬓᬚᬢᬶ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬫᬦ [ 67 ][᭖᭖ 66B]
᭖᭖
ᬯᭂᬕᬂ᭞ᬬᬦ᭄ᬧᬘᬂᬭᬯᬸᬄᬓᬚ᭄ᬭᭀ᭞ᬗ᭄ᬢᬸᬢᬶᬤᬲᬂᬆᬃᬚ᭄ᬚᬸᬦ᭞ᬲᬵᬫ᭄ᬧᬸᬦᬂᬭᬢᬸᬗᬭᬕ᭞ᬧᬭᬧᬢᬶᬄᬳᬶᬤᬭᬢᬸ᭞ᬮᬶᬦ᭄ᬢᬂᬰᬓ᭄ᬢᬶᬫᬯᬶᬰᬾᬱ᭟ᬲᬂᬲᬳᬤᬾᬯᬲᬶᬭᬵᬭᬶᬲ᭄᭞ᬗᬦ᭄ᬤᬶᬓᬭᬶᬂᬳᬋᬓ᭠
ᬦ᭄᭞ᬓᬶᬧᬸᬢᬸᬢ᭄ᬕᭂᬮᬄᬢᬭᬶᬫᭀ᭞ᬳᭀᬮᬲ᭄ᬓᬶᬧᬸᬢ᭄ᬦᬸᬚᬸᬯᬂ᭞ᬚᬦᬶᬕ᭄ᬮᬄᬮᬓᬃᬩᬸᬤᬮ᭄᭞ᬫᬯ᭠ᬮᬶᬧᬘᬂᬳᬸᬫᬦ᭄ᬢᬸᬓ᭄᭞ᬓᬦᬵᬕᬭᬇᬦ᭄ᬤ᭄ᬭᬧ᭄ᬭᬱ᭄ᬝ᭟ᬢᬸᬫᬸᬮᬶᬳᬶᬤᬫᬫᬃᬕ᭄ᬕᬶ᭟ᬢᬦᬸᬘᬧᭂᬦ᭄ᬫᬭᬶᬗᬯᬦ᭄᭞ᬲᬸ
ᬩᬢ᭄ᬓᭂᬤᬶᬤᬋᬓᭀ᭞ᬤᬶᬚᬩᬦ᭄ᬧᬸᬭᬷᬦᬾᬓᭀᬘᬧ᭄᭞ᬓᬤᬶᬫᬤᬸᬗᬦ᭄ᬲᬫᬬ᭞ᬲᬶᬦᬋᬗᬦᬶᬤᬭᬯᬸᬄ᭞ᬲᬂᬪᬷᬫᬫ᭄ᬯᬂᬲᬂᬦᬓᬸᬮ᭟ᬢᬸᬫᬸᬮᬶᬳᬶᬤᬫᬗ᭄ᬭᬜ᭄ᬚᬶᬂ᭞ᬗᬧᬸᬭᬶᬬᬂᬲᬶᬦᬋᬗᬦ᭄᭞ᬲᬸᬩᬓ
ᬢᬸᬭᬗᬶᬦ᭄ᬤᬶᬓᬾ᭞ᬳᭀᬮᬶᬳᬶᬤᬲᬂᬲᬳᬤᬾᬯ᭞ᬦᬸᬮᬶᬳᬶᬤᬫᬭᬋᬫᬦ᭄᭞ᬫᬶᬦᭂᬳᬶᬦᬸᬧᬬᬧᬸᬢᬸᬲ᭄᭞ᬦᬾᬧᬘᬂᬓᭂᬮᬓ᭄ᬱᬡᬬᬂ᭟᭐᭟ᬧᬸᬧᬸᬲᬶᬦᭀᬫ᭄᭟᭐᭟ᬫᬯᬭᬄᬲᬂᬥᬃᬫ᭄ᬫᬧᬸᬢ᭄ᬭ᭞ᬦ᭄ᬤᬶ
[᭖᭗ 67A]
ᬳᬸᬧᬬᬫᬗ᭄ᬓᬾᬳᬭᬶ᭞ᬓᬭᬡᬦ᭄ᬬᬲᬂᬆᬃᬚ᭄ᬚᬸᬦ᭞ᬧᬶᬦᬮᬶᬗᬦ᭄ᬓᬵᬮᬯ᭄ᬗᬶ᭞ᬤᬾᬦ᭄ᬦᬶᬭᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬫᬯᬾᬄᬭᬵᬚᬧᬸᬢ᭄ᬭᬶᬦᬶᬧᬸᬦ᭄᭞ᬯᬸᬲ᭄ᬓᬭᬩᬶᬲᬂᬆᬃᬚ᭄ᬚᬸᬦ᭞ᬭᬶᬂᬤ᭄ᬬᬳᬬᬸᬧᬡ᭄ᬥᬫ᭄ᬲᬭᬷ᭞ᬬᬦ᭄ᬬ
ᬦ᭄ᬤᭀᬦᭂᬦ᭄‌ᬧ᭄ᬭᬗᭂᬦ᭄ᬤᬸᬭᬸᬂᬫᬦᬹᬢᬸᬮᬄ᭟ᬓᬭᬡᬦ᭄ᬬᬲᬂᬆᬃᬚ᭄ᬚᬸᬦ᭞ᬳᬶᬦᬦ᭄ᬢᬾᬦᬦ᭄ᬧᬯᬾᬄ᭠ᬧᬸᬢ᭄ᬭᬷ᭞ᬬᬦ᭄ᬢᬦ᭄‌ᬦ᭄ᬤᭀᬦᭂᬦ᭄ᬧᬶᬦᬮᬶᬗᬦ᭄᭞ᬬᬦ᭄ᬧ᭄ᬭᬗᭂᬦ᭄ᬦ᭄ᬬᬢᬧᬲ᭄ᬢᬶ᭞ᬲᬂᬆᬂᬚ᭄ᬚᬸᬦᬰᬢ᭄ᬭᬸᬤᬤᬶ᭞ᬦ᭄ᬬᬢ
ᬲᬶᬭᬧᬋᬂᬗᬫᬹᬓ᭄᭞ᬳᬧᬨᬮᬓᬶᬢᬳᬧ᭄ᬭᬂ᭞ᬮᬯᬦ᭄ᬓᬤᬂᬲᬦᬓ᭄ᬢᬸᬗ᭄ᬕᬶᬮ᭄᭞ᬦ᭄ᬤᬢᬦᬸᬭᬸᬂ᭞ᬤᬤᬶᬳᬸᬘᬧᬦᬶᬂᬧᬭ᭟ᬲᬸᬫᬳᬸᬃᬲᬂᬯᬺᬓᭀᬥᬭ᭞ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬫᬂᬤᬸᬱ᭄ᬝᬳᬭᬶᬆᬃᬚ᭄ᬚᬸ᭠
ᬦ᭞ᬦ᭄ᬬᬢᬳᬶᬦᬸᬘᬧ᭄ᬫᬮᬶᬂ᭞ᬢᬦ᭄ᬬᭀᬕ᭄ᬬᬓ᭄ᬭᬫᬦᬶᬂᬋᬱᬶ᭞ᬯ᭄ᬦᬂᬧ᭄ᬓᬵᬦ᭄ᬢᭂᬗ᭄ᬕᭂᬓᬶᬧᬸᬦ᭄᭞ᬫᬲᬮ᭠ᬮᬶᬲ᭄ᬲᬶᬆᬃᬚ᭄ᬚᬸᬦ᭞ᬳᬧ᭄ᬭᬂᬮᬯᬦ᭄ᬓᬤᬗᬲᬶᬄ᭞ᬦᬶᬫ᭄ᬩᬮ᭄ᬫᬢᬸᬃ᭞ᬲᬂᬦᬓᬸᬮᬫᬧ᭄ᬭᬡᬫ᭄ᬬ᭟ᬓᬓᬰ᭄ᬭᬷᬥᬃᬫ᭄ᬫᬢ [ 68 ][᭖᭗ 67B]
᭖᭗
ᬤᬬ᭞ᬯᬸᬲ᭄ᬭᬸᬫᭂᬲᭂᬧ᭄ᬚ᭄ᬭᭀᬦᬶᬗ᭄ᬳᬢᬶ᭞ᬯᬭᬄᬓᬓᬫᬓᬭ᭄ᬯ᭞ᬫᬗ᭄ᬓᬾᬋᬗᭂᬦᬢᬸᬃᬫᬫᬶ᭞ᬬᬦ᭄ᬲᬮᬄᬓ᭄ᬦᬫᬲᬶᬗ᭄ᬕᬶᬄ᭞ᬬᬦ᭄ᬩᭂᬦᭂᬃᬮᬓ᭄ᬯᬦᬳᬸᬯᬸᬲ᭄᭞ᬓᬶᬢᬥᬢᭂᬂᬫᬦᬗ᭄ᬓᬶᬮ᭄᭞ᬭᬶᬩᬭᬢ᭄ᬫᬤ᭄ᬬᬦᬵᬕᬭᬷ
᭞ᬧ᭄ᬭᬡᬫ᭄ᬬᬵᬢ᭄ᬯᬂᬫᬢᬓ᭄ᬯᬦ᭄᭟ᬓ᭄ᬭᬫᬦᬶᬭᬲᬂᬓ᭄ᬱᬢ᭄ᬭᬶᬬ᭞ᬫᬕᭂᬳᬓᭂᬦᬶᬓᬂᬩᬸᬤ᭄ᬥᬶ᭞ᬮᬯᬦ᭄ᬥᬃᬫ᭄ᬫᬦᬶᬂᬓ᭄ᬱᬢ᭄ᬭᬶᬬ᭞ᬢᬦ᭄ᬫᬶᬗᬾᬂᬰᬰᬡᬾᬗ᭄ᬳᬚᬶ᭞ᬩ᭄ᬦᭂᬭᬸᬮᬳᬾᬧᬢᬶᬢᬶᬲ᭄᭞ᬢᬦ᭄ᬫᬗᬶᬢᬸᬂᬫᬵᬢᬶᬳᬶᬤᬸᬧ᭄
᭞ᬳᬸᬭᬶᬧ᭄ᬮᬯᬦ᭄ᬧ᭄ᬚᬄᬲᬫ᭞ᬬᬦ᭄ᬲᬶᬳᬦ᭄ᬤᬾᬓᬭᬶᬳᬸᬭᬶᬧ᭄᭞ᬢᬦᬦᬾᬓᬸ᭞ᬩ᭄ᬭᬢᬢᬧᬓᬶᬃᬢ᭄ᬬᭀᬢ᭄ᬢᬫ᭟ᬳᬶᬦᬸᬘᬧ᭄ᬧᬧᬦᬭᬓ᭞ᬍᬯᬶᬄᬲᬗ᭄ᬓᬾᬂᬢᬯ᭄ᬯᬂᬫᬵᬢᬶ᭞ᬫᬳᬸᬭᬶᬧ᭄ᬯᬗ᭄ᬓᬾᬮᬸᬫᬓ᭄ᬯ᭞ᬳᬯᬹᬓ᭄ᬳ᭠
ᬫ᭄ᬩᬸᬦᬶᬧᬸᬦ᭄ᬧᭂᬗᬶᬢ᭄᭞ᬦ᭄ᬤᬶᬳᬦᬯ᭄ᬯᬂᬫᬫᬋᬓᬶ᭞ᬫᬗ᭄ᬓᬢᬧ᭄ᬯᬳᬢᬸᬃᬳᬶᬗ᭄ᬲᬸᬦ᭄᭞ᬫᭀᬖᬳᬦ᭠ᬢᬕᬸᬡ᭄ᬬᬦ᭄ᬬ᭞ᬲᬸᬫᬳᬸᬃᬲᬂᬦᬭᬧᬢᬶ᭞ᬢᬸᬯᬶᬢᬸᬳᬸ᭞ᬧᬯᬭᬄᬭᬵᬭᬶᬦᬓᬸᬮ᭟ᬏᬓᬶᬢᬲᬂᬪᬶᬫ
[᭖᭘ 68A]
ᬲᬾᬦ᭞ᬫᬗ᭄ᬓᬾᬓᬶᬢᬮᬸᬗ᭄ᬳᬵᬳᬭᬶ᭞ᬮᬓ᭄ᬯᬵᬓᭂᬤ᭄ᬧᬯᬭᬄᬦᬶᬭ᭞ᬲᬂᬦᬓᬸᬮᬳᬸᬯᬸᬲ᭄ᬧᬲ᭄ᬢᬶ᭞ᬫᬦ᭄ᬫᬸᬓᬵᬃᬬ᭄ᬬᬲᬶᬤ᭄ᬥᬶ᭞ᬫᬗ᭄ᬓᬾᬰᬷᬖ᭄ᬭᬦᭂᬦ᭄ᬮᬸᬫᬓᬸ᭞ᬮᬯᬦ᭄ᬲᬶᬕᬢᭀᬢ᭄ᬓᬘ᭞ᬭᭀᬯᬗᬦ᭄ᬢᬮᬸᬗ᭄ᬳᬵᬳ᭠
ᬭᬶ᭞ᬫᬯᬭᬄᬰ᭄ᬭᬸ᭞ᬲᬂᬪᬷᬫᬫ᭄ᬯᬶᬓᬢᭀᬢ᭄ᬓᬘ᭟ᬏᬦᬦᬓ᭄ᬲᬂᬕᬢᭀᬢ᭄ᬓᬘ᭞ᬦᬦᬓ᭄ᬩᬋᬂᬮ᭄ᬯᬲ᭄ᬚᬦᬶ᭞ᬢᬹᬢ᭄ᬧᬫᬦ᭄ᬢᬵᬦ᭄ᬲᬂᬆᬃᬚ᭄ᬚᬸᬦ᭞ᬲᬶᬭᬲᬸᬓᬤᬤᬶᬭᬩᬶ᭞ᬓᬾᬯᭂᬳᬾᬫᬗ᭄ᬓᬾᬘᬳᬶ᭞ᬓᬬᬗᬚᬶ᭠
ᬢᬸᬫᬹᬢᬶᬚᬸ᭞ᬫᬗ᭄ᬓᬾᬚᬮᬦ᭄ᬫᬚᬮᬦ᭄᭞ᬕᬢᭀᬢ᭄ᬓᬘᬫᬢᬸᬃᬲᬶᬗ᭄ᬕᬶᬄ᭞ᬩᬧᬕᬸᬭᬸ᭞ᬳᬬ᭄ᬯᬩᬧᬜᭂᬲᭂᬮ᭄ᬭᬕ᭟ᬲᭀᬢᬦᬶᬂᬫᬗ᭄ᬤᬤᬶᬚᬦ᭄ᬫ᭞ᬲᬸᬓᬤᬸᬄᬓᬳᬶᬓᬧᬗ᭄ᬕᬶᬄ᭞ᬮᬯᬦ᭄ᬧᬢᬶᬳᬸᬭᬶᬧ᭄ᬫᬸ᭠
ᬯᬄ᭞ᬢᬦ᭄ᬤᬤᬶᬮᬾᬫ᭄ᬧᬲᬶᬦᬚᬶ᭞ᬢᬦᬦᬲᬲ᭄ᬯᬢᬲᬶᬗ᭄ᬕᬶᬄ᭞ᬮᬗ᭄ᬕᭂᬂᬢᬸᬫᬸᬲ᭄ᬩᭂᬘᬶᬓᬶᬧᬸᬦ᭄᭞᭠ᬬᬦ᭄ᬲᬵᬫ᭄ᬧᬸᬦ᭄ᬓᭂᬦᬲ᭄ᬯᬓᬃᬬ᭄ᬬ᭞ᬓᬃᬬ᭄ᬬᬳᬶᬓᬢᬓᬃᬬ᭄ᬬᬦᬶ᭞ᬓᬵᬃᬬ᭄ᬬᬳᬬᬸ᭞ᬳᬬᬸᬦᬸᬮᬸᬲ᭄ᬓᬢ᭄ᬫᬸᬳ᭟᭐ [ 69 ][᭖᭘ 68B]
᭖᭘
ᬳᬬ᭄ᬯᬫᬗ᭄ᬤᬤᬯᬓᬢ᭞ᬫᬗ᭄ᬓᬾᬮᬸᬫᬓᬸᬳᬕ᭄ᬮᬶᬲ᭄᭞ᬘ᭄ᬦᬶᬂᬘᬸᬘᬸᬧᬤᬶᬗᭂᬳᬂ᭞ᬫᬫᬃᬕ᭄ᬕᬶᬦᬶᬤᬲᬂᬓᬮᬶᬄ᭞ᬲᬸᬩᬚᭀᬳᬶᬤᬫᬫᬃᬕ᭄ᬕᬶ᭞ᬫ᭄ᬦᬾᬓ᭄ᬚᬸᬭᬂᬢᬸᬳᬸᬦ᭄ᬧᬗ᭄ᬓᬸᬂ᭞ᬲᬂᬕᬢᭀᬢ᭄ᬓᬘᬗᬫ᭄ᬩᬭ᭞ᬫᬓ᭄ᬩᬸᬃᬲ
ᬫ᭄ᬩᬶᬮ᭄ᬗᬯᬲᬶᬦ᭄᭞ᬳᬸᬮᬶᬤᬸᬳᬸᬭ᭄᭞ᬧᬫᬃᬕ᭄ᬕᬶᬦ᭄ᬲᬂᬯ᭄ᬭᬓᭀᬥᬭ᭟ᬢᬦ᭄ᬧᬭᬾᬭᬾᬦᬦ᭄ᬫᬫᬃᬕ᭄ᬕ᭞ᬢ᭠ᬦ᭄ᬘᬶᬦᬭᬶᬢᬤᬶᬫᬃᬕ᭄ᬕᬶ᭞ᬲᬸᬩᬢ᭄ᬓᭂᬤ᭄ᬤᬶᬦᬵᬕᬭ᭞ᬓᬰ᭄ᬘᬬ᭄ᬬᬧᬥᬦᬶᬗ᭄ᬳᬮᬶᬦ᭄᭞ᬪᬯᬦ᭄ᬲᬂᬪᬷᬫᬍᬯᬶᬄ᭞ᬢᬦ᭄ᬧ᭠
ᬥᬵᬕᬸᬗᬮᬸᬳᬸᬭ᭄᭞ᬦᬸᬮᬶᬢᭂᬭᬸᬲ᭄ᬫᬫᬃᬕ᭄ᬕ᭞ᬲᬸᬩᬢ᭄ᬓᭂᬤ᭄ᬚᬩᬦ᭄ᬧᬸᬭᬷ᭞ᬮᬯᬸᬢ᭄ᬢᬸᬳᬸᬦ᭄᭞ᬧᬸᬢ᭄ᬭᬦᬾᬲᬂᬕᬢᭀᬢ᭄ᬓᬘ᭟ᬲᬂᬓᬮᬶᬄᬚᬦᬶᬲᬢ᭄ᬯᬬᬂ᭞ᬧᬥᬳᬗᭀᬩ᭄ᬫᬜᬶᬗᬓᬶᬦ᭄᭞ᬲᭂᬲᭂᬓ᭄ᬚᭂᬚᭂᬮ᭄ᬲᬂᬫᬓᬃᬬ᭄ᬬ
᭞ᬧᬶᬲᬸᬕᬸᬄᬧ᭄ᬭᬕᬢ᭄ᬲᬶᬦᬫᬶ᭞ᬤᬶᬦᬦ᭄ᬯᬶᬯᬳᬦᬾᬚᬦᬶ᭞ᬕ᭄ᬦᭂᬧᬸᬧᬘᬭᬲᬵᬫ᭄ᬧᬸᬦ᭄᭞ᬳᬸᬦ᭄ᬤᬗᬦ᭄ᬤᬰᬦᬵᬕᬭ᭞ᬢᬦᬾᬓᬓᬮᬳᬂᬗᬹᬦᬶ᭞ᬧᬥᬭᬯᬸᬄ᭞ᬲᬳᬗᬩᬩᬩᬦ᭄ᬢᭂᬦ᭄᭟ᬕ᭄ᬦᭂᬧ᭄ᬩᬩᬦ᭄ᬢᭂᬦ᭄ᬯᬶᬯᬳ
[᭖᭗ 69A]
᭞ᬪᬕᬯᬵᬦ᭄ᬗᬦ᭄ᬤᬶᬓᬳᬭᬶᬲ᭄᭞ᬧᬫᬦ᭄ᬧᬢᬶᬄᬓᬵᬮᬚᬬ᭞ᬬᬦᬦᬢᬫᬸᬬ᭄‌ᬦ᭄ᬓᬦᬶ᭞ᬦ᭄ᬤᬢᬦᬶᬦᬸᬦ᭄ᬤᬂᬬᬸᬓ᭄ᬢᬶ᭞ᬳᬬ᭄ᬯᬧᬯᬾᬄᬫᬜ᭄ᬚᬶᬂᬢᬫᬸ᭞ᬦᬶᬬᬢᬦ᭄ᬬᬬᬳᬸᬢᬸᬲᬦ᭄᭞ᬢ᭄ᬮᬶᬓ᭄ᬢᬦᭂᬫ᭄ᬦᬸᬭᬾᬓ᭄ᬱᬦᬶ
᭞ᬜᬫᬃᬜᬭᬸ᭞ᬳᬸᬢᬸᬲᬦ᭄ᬲᬓᬶᬂᬧᬵᬡ᭄ᬥᬯ᭟ᬬᬢ᭄ᬦᬬᬢ᭄ᬦᬓᬶᬢᬧᬫᬦ᭄᭞ᬳᬸᬮᬄᬫᬲᬤᬦᬦᬷᬢ᭞ᬬᬾᬓᬭᬸᬫᬵᬓ᭄ᬱᬓᬳᬬ᭄ᬯᬦ᭄᭞ᬳᬸᬗ᭄ᬓᬸᬭᬓᭂᬦᬶᬓᬂᬰᬓ᭄ᬢᬶ᭞ᬓᬲᭀᬭᬦᬶᬗᬚᬸᬭᬶᬢ᭄᭞ᬬᬦ᭄ᬯ
ᬬᬦᬶᬢᬶᬢᬦ᭄ᬧᬸᬢᬸᬲ᭄᭞ᬓᬶᬢᬚᬕ᭄ᬭᬭᬶᬗᬸᬧᬵᬬ᭞ᬳᬧᬦ᭄ᬲᭂᬥᭂᬂᬓᬃᬬ᭄ᬬᬯᬶᬥᬶ᭞ᬯᬾᬤᬦᬯᬸᬲ᭄᭞ᬕᬶᬦ᭄ᬮᬃᬫᬭᬶᬂᬧᬫ᭄ᬭᬚᬦ᭄᭟ᬓᬾᬢᭀᬘ᭄ᬦᬶᬂᬳᬧᬂᬦᬯᬂ᭞ᬧᬶᬤᬩ᭄ᬤᬩᬾᬩᬸᬓᬚᬦᬶ᭞ᬦᬾᬳᬤᬤᬶᬪᬭᬢ᭄ᬫ᭠
ᬤ᭄ᬬ᭞ᬧᬥᬬᬢ᭄ᬦᬫᬜ᭄ᬚᬮᬳᬶᬦ᭄᭞ᬳᬸᬢᬸᬲᬦ᭄ᬜᬭᬸᬧ᭄ᬭᬵᬧ᭄ᬢᬶ᭞ᬳᬸᬮᬶᬤᬶᬇᬦ᭄ᬤ᭄ᬭᬧ᭄ᬭᬱ᭄ᬝᬾᬓᬸ᭞ᬲᭂᬲᭂᬤ᭄ᬧᬗᬦ᭄ᬤᬶᬓᬦᬶᬤ᭞ᬢ᭄ᬓᬾᬦ᭄ᬓᬵᬮᬚᬬᬧᬢᬶᬄ᭞ᬘ᭄ᬦᬶᬂᬘᬸᬘᬸ᭞ᬚᬦᬶᬧ᭄ᬓᬓ᭄ᬫᬗ᭄ᬮᬦ᭄ᬢᬸᬭᬂ᭟ᬪᬕᬯᬵᬦ᭄ᬲᬦ᭄ᬢ᭠ [ 70 ][᭖᭙ 69B]
᭖᭙
ᬦᬸᬫᬹᬭ᭄ᬢ᭄ᬬ᭞ᬫᬸᬗ᭄ᬕᬄᬫᬯᬾᬤᬤᬶᬕ᭄ᬮᬶᬲ᭄᭞ᬭᬵᬓ᭄ᬱᬲᬳᬗᭀᬩ᭄ᬗᬢᭀᬦᬂ᭞ᬢᬸᬫ᭄ᬩᬾᬦ᭄ᬢᭂᬧᬸᬓ᭄ᬘ᭠ᬭᬚᬦᬶ᭞ᬳᬸᬧᬘᬭᬵᬦᬓ᭄ᬫᬭᬩᬶ᭞ᬯᬶᬥᬶᬯᬾᬤᬦᬵᬭᬵᬦᬶᬧᬸᬦ᭄᭞ᬳᬰ᭄ᬭᬶᬍᬯᬶᬄᬢᬦ᭄ᬧᬲᬫ᭞ᬳᬢᬸ
ᬭᬦ᭄ᬤᬰᬦᬵᬕᬭᬷ᭞ᬲᬸᬩᬲᬸᬳᬸᬤ᭄᭞ᬧᬭᬧ᭄ᬭᬪᬸᬦᬾᬗ᭄ᬭᬬᬸᬦᬂ᭟ᬫᬓᬶᬦ᭄ᬓᬶᬦ᭄ᬲᬂᬪᬶᬫᬲᬾᬦ᭞ᬗᬦ᭄ᬤᬶᬓᬳᬶᬤᬦᬾᬚᬦᬶ᭞ᬢ᭄ᬓᬾᬦᬶᬧᬦᬸᬗ᭄ᬕᬸᬦ᭄ᬮᬯᬂ᭞ᬳᬶᬢᬶᬩᬧᬦᬸᬗ᭄ᬕᬸᬦ᭄ᬓᭀᬭᬷ᭞ᬯ᭄ᬓᬲᬂᬫᬦᬶᬭᬚᬦᬶ᭞
ᬦᬶᬭᬢᬗ᭄ᬓᬶᬮ᭄ᬓᬧᬸᬬ᭄ᬬᬦᬵᬕᬸᬂ᭞ᬧᬋᬓ᭄ᬢᭂᬓᬾᬦ᭄ᬪᬕᬯᬵᬦ᭄᭞ᬧᬦᬸᬗ᭄ᬕᬸᬦ᭄ᬓᭀᬭᬶᬤᬶᬕ᭄ᬮᬶᬲ᭄᭞ᬲᬸᬩᬫᬢᬸᬭ᭄᭞ᬢ᭄ᬓᬾᬦ᭄ᬧᬢᬶᬄᬓᬵᬮᬚᬬ᭟ᬳᬶᬧᬢᬶᬳᬾᬗ᭄ᬕᬮ᭄ᬫᬜᬕ᭄ᬚᬕ᭄᭞ᬢ᭄ᬓᭂᬤ᭄ᬤᬶᬚᬩᬬᬦ᭄ᬧᬸᬭᬷ᭞ᬓᬢ᭄ᬫᬸ᭠
ᬲᬂᬪᬷᬫᬲᬾᬦ᭞ᬧᬫᬦ᭄ᬧᬢᬶᬄᬫᬢᬹᬃᬳᬭᬶᬲ᭄᭞ᬲᬶᬲᬂᬭᬸᬫᬕᬢᬫᬬ᭄᭞ᬲᬓᬾᬗᭂᬦ᭄ᬤᬶᬢᬧᬸᬓᬸᬮᬸᬦ᭄᭞ᬮᬯᬦ᭄ᬲ᭄ᬬᬧᬧᬗᬭᬦ᭄ᬢ᭞ᬳᬧᬤᭀᬦ᭄ᬢᬧᬭᬾᬭᬶᬓᬶ᭞ᬮᬳᬫᬸᬘᬸᬲ᭄᭞ᬓᬶᬢᬢᬫᬸᬬ
[᭗᭐ 70A]
ᬫᬾᬓᬭ᭄ᬯ᭟ᬲᬸᬫᬳᬸᬃᬲᬂᬪᬷᬫᬲᬾᬦ᭞ᬦᬵᬫᬗ᭄ᬓᬸᬲᬂ᭟ᬯᬺᬓᭀᬥᬭᬵᬤᬶ᭞ᬕᬢᭀᬢ᭄ᬓᬘ᭠ᬳᬦᬓᬶᬗ᭄ᬯᬂ᭞ᬲᬗ᭄ᬓᬾᬇᬦ᭄ᬤ᭄ᬭᬧ᭄ᬭᬱ᭄ᬝᬓᬫᬶ᭞ᬦ᭄ᬤᬢᬦ᭄ᬮᬾᬦᬦ᭄ᬓᬫᬶ᭞ᬧᬋᬓ᭄ᬭᬶᬚᭃᬂᬋᬱᬶᬯᬶᬓᬸ᭞ᬤᬾᬦ᭄ᬬ
ᬲᬂᬆᬃᬚ᭄ᬚᬸᬦᬳᬶᬮᬂ᭞ᬲᬶᬭᬳᬦᬳᬦᬾᬂᬭᬶᬓᬶ᭞ᬫᬗᭂᬦ᭄ᬯᭂᬭᬸᬄ᭞ᬭᬶᬆᬃᬚ᭄ᬚᬸᬦᬳᬭᬶᬦᬶᬗ᭄ᬯᬂ᭟ᬯᬸᬲᬭᬩᬶᬧᬸᬢ᭄ᬭᬶᬦᬶᬭ᭞ᬗᬭᬦ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬳᬋᬧ᭄ᬳᬸᬮᬸᬯ᭄ᬭᬸᬳᬯᬵᬲ᭄᭞ᬳᬧᬚᬢᬶᬓᬤᬶᬯᬺᬢ᭄ᬢᬶ᭞᭠
ᬬᬦ᭄ᬢᬦ᭄ᬲᬮᬄᬧᬫᬦ᭄ᬧᬢᬶᬄ᭞ᬯ᭄ᬓᬲᬦᬲᬶᬗ᭄ᬕᬶᬄᬗ᭄ᬳᬸᬮᬸᬦ᭄᭞ᬧᬋᬓ᭄ᬭᬶᬲᬶᬭᬪᬕᬯᬵᬦ᭄᭞ᬲ᭄ᬯᬾᬘ᭄ᬙᬲᬶᬭᬗᬦᬸᬕ᭄ᬭᬳᬶ᭞ᬲᬶᬤ᭄ᬥᬗ᭄ᬳᬸᬮᬸᬦ᭄᭞ᬳᬸᬫᬋᬓᬶᬚᭃᬂᬪᬕᬯᬵᬦ᭄᭟ᬏᬓᬫᬸᬲᬂᬯᬺᬓᭀᬥᬭ᭞
ᬦ᭄ᬤᬢᬦ᭄ᬓᬶᬦᬦᬸᬕ᭄ᬭᬦ᭄ᬢᬾᬓᬶ᭞ᬓᬫᬸᬫᬜ᭄ᬚᬶᬂᬭᬶᬚ᭄ᬭᭀᬭᬵᬚ᭄ᬬ᭞ᬳᬧᬦ᭄ᬢᬦᬶᬦᬸᬦ᭄ᬤᬂᬧ᭄ᬭᬵᬧ᭄ᬢᬶ᭞ᬲ᭄ᬥᭂᬂᬫᬳᬵᬓ᭄ᬯᬾᬄᬲᬂᬢᬫᬸᬬ᭄᭞ᬳᬶᬦᬸᬦ᭄ᬤᬗᬦ᭄ᬥᬢᭂᬗᬶᬧᬸᬦ᭄᭞ᬧᬶᬦᬓᬲᬓ᭄ᬱᬶᬦᬶᬂᬕᬬᬚ᭄ᬜ᭞ᬯᬶᬥᬶᬯᬾᬤᬦᬾᬓᬂᬦᬵᬫᬶ᭞ [ 71 ][᭗᭐ 70B]
᭗᭐
ᬗ᭄ᬯᬯᬶᬳᬬᬸ᭞ᬓᬵᬃᬬ᭄ᬬᬧᬯᬶᬯᬳᬦᬶᬭ᭟ᬬᬦ᭄ᬓᬶᬢᬳᬫᬶᬦ᭄ᬢᬧᬹᬡ᭄ᬬ᭞ᬧᬶᬲᬸᬕᬸᬄᬦᬶᬭᬲᬂᬋᬱᬶ᭞ᬢᬫᭀᬮᬄᬓᬶᬢᬳᬶᬂᬓᬦ᭞ᬭᬶᬧᬶᬗ᭄ᬕᬶᬭᬯᬦ᭄ᬫᬮᬶᬗ᭄ᬕᬶᬄ᭞ᬳᬦᬾᬭᬂᬫᬗ᭄ᬮᬫ᭄ᬧᬳᬶ᭞ᬢ᭄ᬓᬢᬦᬶᬦᬸᬦ᭄ᬤᬂᬓᬫᬸ᭞᭠
ᬓᬤᬶᬯ᭄ᬭᬗᬫᬶᬦ᭄ᬢᬫᬶᬦ᭄ᬢ᭞ᬢᬦ᭄ᬓ᭄ᬭᬫᬦᬶᬂᬓ᭄ᬱᬢ᭄ᬭᬶᬬᬵᬤᬶ᭞ᬲᬮᬄᬮᬓᬸ᭞ᬓᬤᬶᬯ᭄ᬯᬂᬦᬶᬲ᭄ᬢᬦᬭᬓ᭟ᬲᬸᬫᬳᬸᬃᬲᬂᬪᬷᬫᬲᬾᬦ᭞ᬫᬾᬗᭂᬦ᭄ᬭᬶᬧᬯᬭᬄᬗᬹᬦᬶ᭞ᬢᬦ᭄ᬤᬤᬶᬩᬸᬤ᭄ᬥᬶᬤ᭄ᬭᭀᬳᬓ᭞ᬳᬧᬦ᭄ᬲᬂᬲᬢ᭄ᬭᬶᬬᬍᬯᬶᬄ
᭞ᬩᬸᬤ᭄ᬥᬶᬳᬸᬢ᭄ᬢᬫᬓᬶᬦᬶᬦ᭄ᬓᬶᬦ᭄᭞ᬧᬢᬶᬳᬸᬭᬶᬧ᭄ᬦᭂᬫᬸᬳᬬᬸ᭞ᬢᬦ᭄ᬲᬓᬶᬗᬸᬮᬄᬲᬮᬄ᭞ᬥᬃᬫ᭄ᬫᬓ᭄ᬱᬢ᭄ᬭᬶᬬᬧᬢᬶᬢᬶᬲ᭄᭞ᬫᬗᭂᬦ᭄ᬧᬸᬢᬸᬲ᭄᭞ᬥᬸᬄᬲᬂᬧᬢᬶᬄᬓᬵᬮᬚᬬ᭟ᬜᬸᬮᬓᬃᬡ᭄ᬦᬧᬯᬭᬄᬢ᭞ᬓᬤᬶ
ᬢᬦᬸᬮᬳᬶᬂᬧᬢᬶᬄ᭞ᬩᬶᬲᬫᬸᬘᬧ᭄ᬢᬦ᭄ᬯ᭄ᬭᬶᬂᬮᬶᬬᬦ᭄᭞ᬯ᭄ᬭᬸᬳᬶᬂᬤᬯᬓ᭄ᬓᬶᬢᬬᬸᬓ᭄ᬢᬶ᭞ᬳᬗ᭄ᬕᬓᬭᬭᬶᬓᬰᬓ᭄ᬢᬶᬦ᭄᭞ᬥᬢᭂᬂᬓᬸᬢᬦ᭄ᬫᬶᬦ᭄ᬢᬲ᭄ᬓᬸᬮ᭄᭞ᬓᬫᬸᬫᬦᬗ᭄ᬕᬄᬓᬸᬦᬶᬲ᭄ᬢ᭞ᬚᬢᬶᬓᬫᬸᬦᬶᬲ᭄ᬢᬪᬗ᭄ᬕᬶᬄ᭞ᬓᬭᬡᬾᬓᬸ᭞
[᭗᭑ 71A]
ᬲᬮ᭄ᬯᬶᬃᬧᬯᬭᬄᬫᬸᬲᬮᬄ᭟ᬫᬗ᭄ᬓᬾᬯᬾᬄᬲᬦ᭄ᬢᬦᬶᬂᬫᬦᬄ᭞ᬯ᭄ᬓᬲᬦᬗ᭄ᬳᬸᬮᬸᬦ᭄ᬲᬶᬗ᭄ᬕᬶᬄ᭞ᬭᬶᬲᬶᬭᬧᬭᬪᬕᬯᬵᬦ᭄᭞ᬦᬵᬫᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬓᬤᬶᬧᬯᬭᬄᬓᬸᬗᬹᬦᬶ᭞ᬲᬫᬗ᭄ᬓᬦᬚᬢᬶᬤᭀᬦ᭄ᬢᬸ᭞ᬳᬓᬸᬥ
ᬢᭂᬂᬢᬦᬶᬦᬸᬦ᭄ᬤᬂ᭞ᬓᬭᬜᬓᬸᬳᬢ᭄ᬯᬂᬲᬶᬗ᭄ᬕᬶᬄ᭞ᬚᬢᬶᬤᭀᬦ᭄ᬢᬸ᭞ᬯ᭄ᬭᬸᬳᬭᬶᬲᬂᬤᬦᬜ᭄ᬚᬬ᭟ᬲᬳᬸᬃᬲᬦ᭄ᬢᬓᬵᬮᬚᬬ᭞ᬫᬗ᭄ᬕᭂᬄᬧᬯᬭᬄᬓᬸᬲᬶᬗ᭄ᬕᬶᬄ᭞ᬳᬬ᭄ᬯᬤᬸᬄᬓᬫᬭᬶᬂᬫᬦᬄ᭞ᬢᬦᬦᬦᬸᬕ᭄ᬭᬳᬫᬜ᭄ᬚᬶᬂ᭞ᬳ᭠
ᬧᬦ᭄ᬲᬶᬭᬯᬭᬋᬱᬶ᭞ᬲ᭄ᬥᭂᬂᬫᬫᬹᬚᬫᬫᬸᬢᬸᬲ᭄᭞ᬉᬧᬘᬭᬦᬶᬓᬂᬬᬚ᭄ᬜ᭞ᬍᬳᭂᬂᬫᬸᬮᬶᬄᬳᬬ᭄ᬯᬫ᭠ᬜ᭄ᬚᬶᬂ᭞ᬘ᭄ᬦᬶᬂᬘᬸᬘᬸ᭞ᬧᬶᬂᬲ᭄ᬭᬶᬂᬦᬸᬦᬲᬂᬯ᭄ᬓᬲᬂ᭟ᬫᬗ᭄ᬕᭂᬳᬶᬤᬢᬦ᭄ᬓᬳᬶᬘᬦ᭄᭞ᬧᬘᬂᬗ᭄ᬭᬜ᭄ᬚᬶᬂᬓᬧᬸᬭᬷ᭞ᬳᬸᬮᬶᬢᬸ᭠
ᬦᬶᬳᬶᬤᬫᭂᬗ᭄ᬕᬄ᭞ᬳᬾᬮᬶᬂᬭᬶᬂᬧᬢ᭄ᬓᭂᬢ᭄ᬚᬢᬶ᭞ᬧᬗ᭄ᬤᬲᬗ᭄ᬓᬦᬶᬂᬧ᭄ᬮᬶᬄ᭞ᬲᬗ᭄ᬓᬦ᭄ᬧ᭄ᬮᬫᬦᬶᬤᬫᬢᬹᬭ᭄᭞ᬦᬾᬚᬦᬶᬜᬦ᭄ᬤᬂᬳᬾᬭᬗᬂ᭞ᬓᬳᬸᬘᬧ᭄ᬫᬗᬶᬤᬶᬄᬦᬲᬶ᭞ᬤᬤᬶᬓ᭄ᬩᬸᬲ᭄᭞ᬕ᭄ᬦᬶᬓ᭄ᬭᭀᬥᬦᬾᬫᬗᬩᬭ᭄᭟ᬲᭂ [ 72 ][᭗᭑ 71B]
᭗᭑
ᬧᭂᬢ᭄ᬭᬶᬚᬶᬮᬶᬂᬲᬯᬭᬄ᭞ᬛᬓᭀᬗᬲᬸᬦᬶᬲ᭄ᬢᬧᬢᬶᬄ᭞ᬢᬦ᭄ᬢᬳᬸᬭᬶᬗᬸᬦᬥᬶᬓ᭞ᬰᬰᬡᬦ᭄ᬧ᭠ᬢᬶᬄᬭᬶᬗᭂᬦ᭄ᬤᬶ᭞ᬢᬹᬢᬦᭂᬦᬸᬮᬄᬧᬢᬶᬄ᭞ᬓᬤᬶᬧᬰᬸᬳᬸᬮᬳᬦ᭄ᬫᬸ᭞ᬩᬗ᭄ᬕᬘᬗ᭄ᬓᬄᬘᬸᬫᬗ᭄ᬓᬄ᭞ᬩᬸᬤ᭄ᬥᬶᬳ᭠
ᬗ᭄ᬓᬭᬫᬸᬧᬢᬶᬄ᭞ᬧᬢᬶᬗ᭄ᬮᬘᬸᬄ᭞ᬗ᭄ᬕᬯᬾᬳᬭᬶᬧ᭄ᬫᬗ᭄ᬓᬶᬦ᭄‌ᬓ᭄ᬱᬬ᭟ᬲᬸᬫᬳᬸᬃᬲᬂᬓᬵᬮᬚᬬ᭞ᬓ᭄ᬭᭀᬥᬫᬯᬶᬗᬫᬲᭂᬗᬶᬢ᭄᭞ᬕᬥᬶᬗᬾᬫᬶᬗᬶᬲ᭄ᬫᬜᬜᬧ᭄᭞ᬢᬚᭂᬫ᭄ᬮᬦ᭄ᬥᭂᬧ᭄ᬓᬤᬶᬳᬚᬶ᭞ᬓᬸᬫ᭄ᬢᭂᬃᬯᬮᬯ
ᬦᬾᬓᬶ᭞ᬤᬾᬦ᭄ᬬᬓ᭄ᬭᭀᬥᬫᬗᬮᬶᬧᬸᬢ᭄᭞ᬫᬢᬦᬾᬫᬸᬮᬸᬫᬳᬩᬂ᭞ᬯᭀᬓ᭄ᬩ᭄ᬭᭀᬗᭀᬲ᭄ᬓ᭠ᬤᬶᬩᭂᬭᬶᬲ᭄᭞ᬮᬶᬬᬗᬶᬭᬸᬂ᭞ᬓᬤᬶᬕᬸᬯᬳᬮ᭄ᬯᬵᬦ᭄ᬪᬸᬢ᭟ᬪᬹᬧᬓᬤᬓᭀᬮᭀᬦ᭄ᬢᬓ᭞ᬭᬶᬓᬵᬮᬳ
ᬫᬗᬦ᭄ᬪᬸᬫᬶ᭞ᬢ᭄ᬳᭂᬃᬫᬗᬸᬦᬸᬲ᭄ᬘᬦ᭄ᬤ᭄ᬭᬲ᭞ᬓᬤᬶᬢᬫᬶᬢᬮᬢᬸᬕ᭄ᬦᬶ᭞ᬛᬯᬺᬓᭀᬥᬭᬚᬶᬲ᭄ᬚᬶᬲ᭄᭞ᬮᬮᬢᭂᬓ᭄ᬧᬵᬡ᭄ᬥᬯᬓᬫᬸ᭞ᬓᬶᬢᬳᬸᬮᬸᬦᬶᬂᬳᬶᬤᬶᬫ᭄ᬩ᭄ᬬ᭞ᬭᬵᬓ᭄ᬱᬲᬶᬦᬶᬘ᭄ᬙᬢᬦ᭄ᬲᬶᬧᬶ᭞ᬛᬓᭀᬗ᭠
[᭗᭒ 72A]
ᬲᬸ᭞ᬓᬬ᭄ᬯᬲᬸᬭᬸᬤ᭄ᬧᬬᬸᬳᬧ᭄ᬭᬂ᭟ᬚᬦᬶᬘ᭄ᬦᬶᬂᬧᬤᬶᬗᭂᬳᬂ᭞ᬭᬫᬾᬲᬶᬬᬢᬾᬗᬯᬶᬢᬦ᭄᭞ᬲᬂᬪᬷᬫᬫᬕᭂᬫ᭄ᬕᬤ᭞ᬕᬢᭀᬢ᭄ᬓᬘᬫᬫᬋᬗᬶᬦ᭄᭞ᬓ᭄ᬭᬹᬭᬧᬗᬫᬹᬓ᭄ᬲᬂᬓᬮᬶᬄ᭞ᬧᬢᬶᬄᬓᬵᬮᬚᬬᬓᬵᬫᬹ
ᬓ᭄᭞ᬓᬮᬫ᭄ᬢᬶᬕᬸᬮᬶᬕᬤ᭞ᬮᬕᬯᬧᬢᬶᬄᬫᬓᭂᬮᬶᬤ᭄᭞ᬗ᭄ᬯᬍᬲ᭄ᬮᬯᬸᬢ᭄᭞ᬘᬦ᭄ᬤ᭄ᬭᬲᬦᬾᬓᬢᬶᬯᬓᬂ᭟ᬫᬓᬶᬍᬲ᭄ᬲᬂᬪᬷᬫᬲᬾᬦ᭞ᬢᬦ᭄ᬧᬧ᭄ᬕᬢᬦ᭄ᬦᬶᬯᬓᬶᬦ᭄᭞ᬧᬥᬮᬕᬯᬫᬬᬸᬤ᭄ᬥ᭞ᬧᬢᬶᬄ
ᬓᬵᬮᬚᬬᬫᬶᬧᬶᬢ᭄᭞ᬫᬜᬶᬗ᭄ᬲᬾᬤᬦᬾᬦᬶᬯᬓᬶᬦ᭄᭞ᬲᬂᬪᬷᬫᬗᬯᬍᬲ᭄ᬮᬯᬸᬢ᭄᭞ᬧᬥᬫᬢᭂᬫ᭄ᬧᬸᬄᬲᬜ᭄ᬚᬢ᭞ᬮᬸᬗ᭄ᬮᬸᬂᬘᬦ᭄ᬤ᭄ᬭᬲᬲᬂᬧᬢᬶᬄ᭞ᬢᬕᭂᬮ᭄ᬢᭂᬮᬸ᭞ᬤᬦᬾᬫᬓᬶᬍᬲ᭄ᬓᬚ᭄ᬭᭀᬯ᭠
ᬦ᭄᭟ᬤᬦᬾᬗᬫ᭄ᬩᬶᬮ᭄ᬧᬦᬄᬩᬚ᭄ᬭ᭞ᬩ᭄ᬬᬸᬃᬚᬦᬶᬤᬶᬚ᭄ᬭᭀᬧᬸᬭᬷ᭞ᬧ᭄ᬭᬫᬩᬾᬮᬲᬂᬓᬓᬸᬦ᭄ᬤᬂ᭞᭠ᬤᬰᬭᬵᬚᬗᬋᬧ᭄ᬚᬦᬶ᭞ᬕᬢᭀᬢ᭄ᬓᬘᬓᬲᬶᬬᬢᬶᬦ᭄᭞ᬓᬋᬩᬸᬢ᭄ᬓᬓᬶᬢᭂᬃᬲᬵᬫ᭄ᬧᬸᬦ᭄᭞ᬳᬶᬤᬲᬫᬂᬤᬶ [ 73 ][᭗᭒ 72B]
᭗᭒
ᬫ᭄ᬮᬶᬧᬸᬢ᭄ᬭ᭞ᬓᬲᬾᬧᬦᬶᬤᬫᬦᬗ᭄ᬓᬶᬮ᭄᭞ᬦᬸᬮᬶᬫᬸᬫ᭄ᬩᬸᬮ᭄᭞ᬫᬓ᭄ᬩᬸᬃᬗᬬᬸᬄᬕᬕᬦ᭟ᬤᬶᬕᬸᬍᬫᬾᬫᬲᬗᬶᬤᬦ᭄᭞ᬓᬕ᭄ᬬᬢ᭄ᬤᬰᬦᬵᬣᬳᬚᬶ᭞ᬦ᭄ᬤᬸᬮᬾᬗᬾᬓ᭄ᬧᬤᬫᭀᬭᬾᬗᬂ᭞ᬦᬸᬮᬶᬲᬂᬢ
ᬤᬬᬤᬶᬫ᭄ᬩᬶ᭞ᬗ᭄ᬗᬸᬮᬸᬃᬲ᭄ᬯᬭᬦᬾᬗᭂᬫ᭄ᬧᭂᬗᬶᬦ᭄᭞ᬋᬲ᭄ᬋᬲ᭄ᬢᬲᬂᬤᬰᬧ᭄ᬭᬪᬸ᭞ᬧᬥᬗ᭄ᬮᬶᬤᬂᬭ᭠ᬕᬦ᭄ᬓ᭞ᬢ᭄ᬤᬸᬦ᭄ᬲᬂᬢᬦᬬᬤᬶᬫ᭄ᬩᬶ᭞ᬦᬸᬮᬶᬗᬫᬹᬓ᭄᭞ᬗᬋᬧᬶᬦ᭄ᬯᬤ᭄ᬯᬭᬵᬓ᭄ᬱᬲ᭟ᬲᬶᬗᬋᬧᬂᬓᬩᬜ᭄ᬘ᭠
ᬦ᭞ᬧᬚᭀᬮᬾᬫ᭄ᬧᬂᬮ᭄ᬬᬸᬫᬢᬶ᭞ᬤᬰᬧ᭄ᬭᬪᬸᬫᬗᬋᬧᬂ᭞ᬓᬘᬶᬤ᭄ᬭᬲᬂᬢᬶᬹᬧᬸᬢ᭄ᬭᬤᬶᬫ᭄ᬩᬶ᭞ᬓᬩᬸᬦ᭄ᬢᭂᬢᬸᬃᬓᬢᬶᬯᬓᬶᬦ᭄᭞ᬢᬦ᭄ᬓᬲᬾᬧᬶᬤᬫᬓ᭄ᬩᬸᬭ᭄᭞ᬗ᭄ᬕᭂᬮᬸᬃᬲ᭄ᬯᬭᬢᬦ᭄ᬧᭂᬕᬢᬦ᭄᭞ᬫᬶᬚᬶᬮ᭄ᬧᬦᬄ᭠
ᬢᬸᬗ᭄ᬕᬮ᭄ᬜᭂᬭᬶᬢ᭄᭞ᬮᬯᬸᬢ᭄ᬦᭂᬫ᭄ᬧᬸᬄ᭞ᬤᬤ᭄ᬯᬲᬧᬶᬲᬦ᭄ᬗᭂᬦᬬᬂ᭟ᬲᬂᬓ᭄ᬦᬫᬵᬢᬶᬫᬜᭂᬫ᭄ᬧᬂ᭞ᬮᬸᬤᬶᬦ᭄ᬓᬚᬕ᭄ᬚᬕᬶᬦ᭄ᬚᬦᬶ᭞ᬳᭀᬮᬶᬳᬶᬤᬯ᭄ᬚᬓᭀᬥᬭ᭞ᬓ᭄ᬦᬲᬶᬗ᭄ᬲᬾᬳᬶᬤᬚᬦᬶ᭞ᬓᬤᬗ᭄ᬲᭂᬓ᭄ᬓᬧᬦᬳᬶ᭠
[᭗᭓ 73A]
ᬦ᭄᭞ᬳᬚᬓ᭄ᬳᬓᬸᬢᬸᬲ᭄ᬗᬋᬩᬸᬢ᭄᭞ᬲᬂᬪᬷᬫᬫᬫᬸᬢᭂᬃᬕᬤ᭞ᬮᬕᬯᬳᬶᬤᬦᬦ᭄ᬤᬶᬗᬶᬦ᭄᭞ᬢ᭄ᬯᬭᬳᬶᬩᬸᬓ᭄᭞ᬫᬕᬶᬬᭂᬢ᭄ᬳᬶᬤᬦᬶᬯᬓᬂ᭟ᬫᬸᬮᬶᬦ᭄ᬤᭂᬃᬧᬦ᭄ᬢᭂᬕᬂᬕᬤ᭞ᬲᬫ᭄ᬩᬶᬮ᭄ᬗᬮᬶᬄᬕᬮᬄᬫᬓ᭄ᬮᬶᬤ᭄᭞ᬫᬓᬶᬍᬲ᭄ᬫ
ᬓᬳᬤ᭄ᬓᬳᬤ᭄᭞ᬚᬦᬶᬢᬾᬫ᭄ᬩᭀᬓᬾᬗᬮᬶᬗᬶᬦ᭄᭞ᬤᬗᬦᬶᬤᬗᬮᬦ᭄ᬢᬶᬕ᭄᭞ᬕᬤᬦᬾᬢᬶᬯᬓᬂᬮᬯᬸᬢ᭄᭞ᬗ᭄ᬦᬾᬦ᭄ᬢᭂᬡ᭄ᬥᬲ᭄ᬓᬦ᭄ᬢᬶᬩ᭄ᬮᬄ᭞ᬦᬾᬧᬧᬶᬢᬸᬧᬥᬫ᭄ᬮᬳᬶᬩ᭄᭞ᬧᬢᬶᬧᬸᬭᬸᬕ᭄᭞ᬗᬸᬗ᭄ᬲᬶᬦᬵᬕᬭᬦ᭄ᬜ᭞
ᬲᭀᬯᬂ᭟ᬧᬭᬧᬸᬭᬸᬱᬤᬦᬯ᭞ᬗᬋᬧᬂᬫᬲᬶᬬᬢ᭄ᬲ᭄ᬗᬶᬢ᭄᭞ᬓᬘᬶᬗᬓᬶᬦ᭄ᬳᬦ᭄ᬢᬸᬓᬶᬤ᭞ᬲᬂᬕᬢᭀᬢ᭄ᬓᬘᬫᬓᬶᬦ᭄ᬓᬶᬦ᭄᭞ᬳᬸᬮᬶᬤᬕᬸᬍᬫᬾᬜ᭄ᬭᬶᬢ᭄᭞ᬢᬦ᭄ᬧᬧ᭄ᬕᬢᬦ᭄ᬫᬗ᭄ᬕᭂᬮᬸᬭ᭄᭞ᬫ᭄ᬲᬸᬧᬦᬄᬦᬸᬳᬸ᭠
ᬢ᭄ᬚ᭄ᬭᬶᬢᬦ᭄᭞ᬓᬳᬾᬦ᭄ᬤᬳᬦ᭄ᬲᬫᬶᬗᭂᬦ᭄ᬤᬶᬄ᭞ᬓ᭄ᬦᬳᬶᬧᬸᬦ᭄᭞ᬦᬦ᭄ᬤᬂᬢᬢᬸᬓᬲᬓᬶᬢᬦ᭄᭟ᬢ᭄ᬤᬸᬦᬶ᭠ᬤᬤᬶᬫ᭄ᬩᬶᬧᬸᬢ᭄ᬭ᭞ᬫᬢᬦ᭄ᬥᬶᬂᬬᬸᬤ᭄ᬥᬫᬲ᭄ᬗᬶᬢ᭄᭞ᬤ᭞ᬢᬦ᭄ᬤᬫᬦ᭄ᬢ᭄ᬭᬶᬦ᭄ᬬᬤᬦᬯ᭞ᬯᬶᬭᬂᬢᬸᬫᭀᬦ᭄ᬭᭀᬯᬂᬓ [ 74 ][᭗᭓ 73B]
᭗᭓
ᬦᬶᬦ᭄᭞ᬫᬕᬶᬥᭂᬢ᭄ᬫᬫᬦᬳᬶᬦ᭄᭞ᬲᬂᬕᬢᭀᬢ᭄ᬓᬘᬓᬳᬫᬹᬓ᭄᭞ᬓᬤᬶᬬᬸᬤ᭄ᬥᬦᬾᬫᬸᬤᭂᬭᬦ᭄᭞ᬲᬮᬶᬂᬲᬶᬗ᭄ᬲᬾᬫᬫᬳᬶᬦ᭄᭞ᬧᬥᬮᬸᬧᬸᬢ᭄᭞ᬧᬥᬮᬕᬯᬫᬬᬸᬤ᭄ᬥ᭟ᬓᬲᬶᬗ᭄ᬲᬾᬂᬤᬶᬫ᭄ᬩ᭄ᬬᬵᬢ᭄ᬫᬚᬄ᭞
ᬓ᭄᭞ᬲᬧᬶᬤᬫᬦᬦ᭄ᬤᬶᬗᬶᬦ᭄᭞ᬭᬸᬫᬲᬓᬲᭀᬃᬫᬬᬸᬤ᭄ᬥ᭞ᬓᬲᭂᬲᭂᬄᬓᬤᬗ᭄ᬲᭂᬓ᭄ᬮᬶᬮᬶᬄ᭞ᬲᬂᬪᬷᬫᬫᬜᬕ᭄ᬚᬕᬶᬦ᭄᭞ᬧᬸᬢ᭄ᬭᬦᬶᬤᬦᬾᬓᬋᬩᬸᬢ᭄᭞ᬯᬶᬭᭀᬱᬳᬶᬤᬫᬬᬸᬤ᭄ᬥ᭞ᬕᬤᬓᬢᬶᬯᬓᬂᬕ᭄ᬮᬶ
ᬲ᭄᭞ᬫᭂᬲᬸᬳᬦ᭄ᬤᬸᬲ᭄᭞ᬫᬮᬢᬸᬕ᭄ᬦᬶᬤᬸᬫᬶᬮᬳ᭄᭟ᬩᬳᬦ᭄ᬓᭂᬭᬲ᭄ᬓᬳᬸᬬᭂᬗᬂ᭞ᬳᬲᬶᬂᬓᬕᬶᬢᬶᬓᬶᬦ᭄ᬫᬵᬢᬶ᭞ᬲᬶᬲᬦ᭄ᬫᬵᬢᬶᬧᬥᬩᬸᬩᬭ᭄᭞ᬫᬮᬳᬶᬩ᭄ᬧᬥᬫᬜᬗᬶᬤ᭄᭞ᬧᬗ᭄ᬤᬲᬶᬦ᭄ᬫᬵᬢᬶ᭞ᬳᬸ᭠
ᬭᬶᬧᬾᬓ᭄ᬮᬶᬤᬗᬶᬧᬸᬦ᭄᭞ᬚᬦᬶᬤᬧᬸᬭᬷᬳᬸᬘᬧᬂ᭞ᬧ᭄ᬭᬕᬢᬸᬧᬘᬭᬲᬫᬶ᭞ᬩᬸᬤᬮ᭄ᬲᬫ᭄ᬧᬸ᭠ᬦ᭄᭞ᬲᬂᬗᬦ᭄ᬢᬾᬦ᭄ᬫᬜ᭄ᬚᬶᬂᬧᬫᬺᬫᬦ᭄᭟ᬲᬂᬆᬃᬚ᭄ᬚᬸᬦᬫᬗᬦ᭄ᬤᬶᬓ᭞ᬳᬭᬶᬳᬬᬸᬧᬡ᭄ᬥᬫ᭄ᬲᬭᬷ᭞ᬫᬗ᭄ᬓᬾᬓ᭠
[᭗᭔ 74A]
ᬧ᭄ᬭᬫᬩᬾᬮ᭞ᬩᬾᬮᬭᬶᬂᬚᬕᬢᬶᬳᬭᬶ᭞ᬓᬓᬳᬫᬕᬸᬢ᭄ᬚᬸᬭᬶᬢ᭄᭞ᬓᬤᬂᬢᬺᬱ᭄ᬡᬧᬓᬰᬢ᭄ᬭᬸ᭞᭠ᬳᬬ᭄ᬯᬢᬳᬭᬶᬲᬗ᭄ᬰᬬ᭞ᬤᬾᬯᬶᬧᬡ᭄ᬥᬫ᭄ᬲᬭᬷᬭᬭᬶᬲ᭄᭞ᬰᬷᬖ᭄ᬭᬫᬢᬸᬭ᭄᭞ᬳᬸᬥᬹᬄᬓᬓᬤᬦᬜ᭄ᬚᬬ᭟ᬳ
ᬬ᭄ᬯᬓᬓᬫᬕᬸᬢ᭄ᬬᬸᬤ᭄ᬥ᭞ᬢᬦ᭄ᬮᬾᬦ᭄ᬰᬢ᭄ᬭᬸᬓᬓᬲᬶᬗ᭄ᬕᬶᬄ᭞ᬲᬶᬭᬢᬲᬂᬧᬵᬡ᭄ᬥᬸᬧᬸᬢ᭄ᬭ᭞ᬭᬶᬂᬓᬓᬲᬶᬭᬩᬾᬮᬦᬶ᭞ᬳᬧᬳᬸᬘᬧᬦᬶᬂᬪᬸᬫᬶ᭞ᬓᬤᬗᬲᬶᬄᬲᭂᬗ᭄ᬕᬄᬰᬢ᭄ᬭᬸ᭞ᬓᬾᬢᭀᬧᬗᬦ᭄ᬤᬶᬓᬦᬶᬤ᭞ᬢᬗ᭄ᬕᬸᬦ᭄ᬘᭀ᭠
ᬢᬦᬾᬓᬳᬫ᭄ᬩᬶᬮ᭄᭞ᬢᬸᬃᬓᬲᬫ᭄ᬩᬸᬂ᭞ᬳᭀᬮᬶᬳᬶᬤᬯᬾᬯᬶᬦᬶᬭ᭟ᬓᬕ᭄ᬮᬸᬢ᭄ᬢᬸᬃᬓᬢᭂᬓᭂᬓᬂ᭞ᬲᬩᬸᬓᬾᬳᬗ᭄ᬕᭀᬦ᭄ᬗᬮᬶᬮᬶᬢ᭄᭞ᬦᬸᬗ᭄ᬕᬮ᭄ᬫᬭᬶᬂᬭᬕᬦᬶᬤ᭞ᬧᬸᬧᬸᬦᬶᬤᬓᬢᭂᬢᭂᬳᬶᬦ᭄᭞ᬓᭀᬭᬶᬦᬾᬲᬸᬩᬫᬓᬜ᭄ᬘᬶᬂ
᭞ᬲᬂᬧᬵᬃᬣᬢᬦ᭄ᬤᬺᬩᬾᬓᬬᬸᬦ᭄᭞ᬓᬾᬢᭀᬘ᭄ᬦᬶᬗᬧᬂᬦᬯᬂ᭞ᬳᬶᬦ᭄ᬤᬶᬓ᭄ᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬯᬶᬓ᭄ᬦᭂᬕᬸᬮ᭄᭞ᬓᬥᬸᬦᬶᬤᬲᬂᬆᬃᬳ᭄ᬳᬸᬦ᭟ᬓᬵᬮᬚᬬᬩ᭄ᬯᬶᬦᬸᬘᬧᬂ᭞ᬲᬩᬸᬲᬺᬕᭂᬧ᭄ᬗᬤᬸᬚᬸᬭᬶᬢ᭄᭞ᬫᬗᬕᭂᬫᬸᬜ᭄ᬚᬢ [ 75 ][᭗᭔ 74B]
᭗᭔
ᬩᬚ᭄ᬭ᭞ᬕᬕᬾᬲᭀᬦ᭄ᬤᬦᬾᬫᬫᬃᬕ᭄ᬕᬶ᭞ᬤᬶᬚᬩᬬᬦ᭄ᬦᬦ᭄ᬤᬶᬗᬶᬦ᭄᭞ᬪᬷᬫᬕᬢᭀᬢ᭄ᬓᬘᬗᬫᬹᬓ᭄᭞ᬮᬸᬤᬶᬦ᭄ᬭᭀᬯᬂᬮ᭄ᬬᬸᬧᭂᬚᬄ᭞ᬳᬾᬭᬂᬯᬶᬭᬗᬾᬢᬦ᭄ᬲᬶᬧᬶ᭞ᬲᭂᬲᬸᬗᬫᬹᬓ᭄᭞ᬧᬢᬶᬳᬸᬭᬶᬧ᭄ᬢᬦ᭄ᬓᬳᬾᬢᬂ᭟
ᬯᬶᬓᬦᬶᬥᬯᬺᬓ᭄ᬭᭀᬥᬭ᭞ᬓᬵᬮᬚᬬᬫᬳᬵᬧᬢᬶᬄ᭞ᬜᬕ᭄ᬚᬕ᭄ᬫᬲᬜ᭄ᬚᬢᬩᬚ᭄ᬭ᭞ᬲᬂᬪᬷᬫ᭠ᬗᬦ᭄ᬤᬶᬓᬳᬭᬶᬲ᭄᭞ᬳᬬ᭄ᬯᬦᬦᬓ᭄ᬧᬸᬢ᭄ᬭᬤᬶᬫ᭄ᬩᬶ᭞ᬫᬶᬮ᭄ᬯᬧᬋᬩᬸᬢ᭄᭞ᬩᬧᬤ᭄ᬯᬤ᭄ᬯᬦ᭄ᬳᬲ᭄ᬭᬗ᭞ᬗᬤᬸᬰ
ᬓ᭄ᬢᬶᬭᬶᬲᬂᬧᬢᬶᬄ᭞ᬦ᭄ᬤᬢᬦ᭄ᬲᬸᬭᬸᬤ᭄᭞ᬩᬧᬫᬭᬶᬂᬧᬩᬭᬢᬦ᭄᭟ᬗᬋᬧᬂᬧᬢᬶᬄᬫᬬᬸᬤ᭄ᬥ᭞ᬲᬳᬲᬲᬸᬫ᭄ᬩᬃᬫᬫᬸᬜᬶ᭞ᬛᬓᭀᬂᬓᬫᬸᬩᬬᬸᬧᬸᬢ᭄ᬭ᭞ᬢᬦᬸᬭᬸᬗᬦ᭄ᬓᬫᬸᬫᬵᬢᬶ᭞ᬬᬦ᭄ᬓᬫᬸᬳᬚ᭄ᬭᬶᬄᬫᬵᬢᬶ᭞᭠
ᬲᬶᬮᬧᬶᬦᬼᬪᬹᬧᬧᬤᬗ᭄ᬓᬸ᭞ᬲᬳᬲᭂᬫ᭄ᬩᬄᬫᬶᬦ᭄ᬢᬚᬷᬯ᭞ᬬᬦ᭄ᬫᬗ᭄ᬓᬦᬵᬓᬸᬦ᭄ᬤᬢᬦ᭄ᬤᬤᬶ᭞ᬤᬶᬃᬖᬳᬸᬬᬸᬂ᭞ᬧᬦᬄᬓ᭄ᬭᭀᬥᬯ᭄ᬢᬸᬲᬦ᭄ᬢ᭟ᬲᬸᬫᬳᬸᬃᬲᬂᬪᬷᬫᬲᬾᬦ᭞ᬛᬓᭀᬂᬓᬫᬸᬫᬳᬵᬧᬢᬶᬄ᭞ᬳᬗᬦ᭄ᬤᬾᬦ᭄ᬢᬯ᭄ᬢᬸ
[᭗᭕ 75A]
ᬳᬸᬘᬧ᭄᭞ᬳᬸᬘᬧᬦ᭄ᬫᬸᬯᬮᬶᬓᬗ᭄ᬓ᭄ᬯᬶ᭞ᬕᬤᬗ᭄ᬓ᭄ᬯᬶᬓᬶᬢᬶᬗ᭄ᬳᬮᬶ᭞ᬗᬢᭂᬭᬓᭂᬦ᭄ᬢᬳᬢ᭄ᬫᬦ᭄ᬫᬸᬧᬢᬶᬢᬾᬂᬦᬭᬓᬮᭀᬓ᭞ᬘᬶᬓ᭄ᬭᬩᬮᬫᬦᬓᬶᬢᬶ᭞ᬫᬗ᭄ᬓᬳᬶᬓᬸ᭞ᬢ᭄ᬫᬳᬢ᭄ᬫᬦ᭄ᬫᬸᬲᬶᬤᬸᬱ᭄ᬝ᭟ᬲᬂᬪᬷᬫᬳᬶᬤᬗᬶᬦ᭄ᬓᬶᬦᬂ
ᬦᬶᬩᬵᬓᭂᬦ᭄ᬕᬤᬭᬸᬫᬶᬳᬶᬦ᭄᭞ᬫᬳᬵᬧᬢᬶᬓᬵᬮᬚᬬ᭞ᬯᬶᬓᬦ᭄ᬤᬦᬾᬫᬗ᭄ᬮᬶᬤᬶᬦ᭄᭞ᬲᬂᬪᬷᬫᬫᬶᬂᬓᬮᬶᬳᬶᬦ᭄᭞ᬦᬶᬯᬓᬂᬕᬤᬫᬫᬸᬧᬸᬄ᭞ᬫᬓᬶᬍᬲ᭄ᬲᬂᬓᬵᬮᬚᬬ᭞ᬦᬶᬯᬓᬂᬩᬚ᭄ᬭᬫᬢᬶᬢᬶᬲ᭄᭞
ᬦᬗ᭄ᬳᬶᬂᬮᬸᬧᬸᬢ᭄᭞ᬧᬸᬜᬦ᭄ᬳᭂᬦ᭄ᬢᬮ᭄ᬓᭂᬦᬩᬚ᭄ᬭ᭟ᬲᬬᬦ᭄ᬲᭂᬗᬶᬢ᭄ᬲᬂᬫᬬᬸᬤ᭄ᬥ᭞ᬫᬳᬶᬮ᭄ᬳᬦ᭄ᬧᬥᬗᬶᬦ᭄ᬢᬶᬧ᭄᭞ᬫᬶᬧᬶᬢᬂᬫᬗᬮᬶᬄᬘᬤ᭄ᬭ᭞ᬧᬥᬘᬾᬱ᭄ᬝᬓᬭᬗ᭄ᬮᬶᬤᬶᬦ᭄᭞ᬓᬲᬸᬯᬾᬦ᭄ᬬᬸᬤ᭄ᬥᬦᬾᬘ᭄ᬦᬶᬂ᭞ᬓ᭠
ᬲᭀᬭᬦ᭄ᬧᬧ᭄ᬭᬗᬦᬶᬧᬸᬦ᭄᭞ᬫᬳᬵᬧᬢᬶᬄᬓᬵᬮᬚᬬ᭞ᬫᬭᬗᬬᬢ᭄ᬓᬢᬶᬯᬓᬶᬦ᭄᭞ᬮᬸᬤ᭄ᬓᬧᬸᬧᬸᬄ᭞ᬓᬍᬗᭂᬃᬫ᭄ᬮᬳᬶᬩ᭄ᬓᬚ᭄ᬭᭀᬯᬦ᭄᭟ᬲᬸᬩᬕ᭄ᬦᭂᬧ᭄ᬓᬳᬢᬸᬭᬂ᭞ᬳᬶᬦ᭄ᬤᬶᬓᬾᬓᬲᭀᬭᬦ᭄ᬚᬸᬭᬶᬢ᭄᭞ᬕᬕᬾ [ 76 ][᭗᭕ 75B]
᭗᭕
ᬲᭀᬦᬶᬤᬫᬜᬕ᭄ᬚᬕ᭄᭞ᬓᬾᬯᬮᬲᬦ᭄ᬢᬶᬦᬶᬂᬩᬸᬤ᭄ᬥᬶ᭞ᬳᬮᭀᬦ᭄ᬗᬦ᭄ᬤᬶᬓᬫᬦᬶᬲ᭄᭞ᬜᬸᬜᬸᬃᬓ᭠ᬤᬶᬫᬯᭀᬃᬫᬥᬸ᭞ᬥᬹᬄᬦᬦᬓᬧᬵᬡ᭄ᬥᬸᬧᬸᬢ᭄ᬭ᭞ᬧᬸᬭᬸᬱᬯᬶᬰᬾᬱᬰᬓ᭄ᬢᬶ᭞ᬤᬳᬦ᭄ᬘᬸᬬᬸᬂ᭞ᬲ᭄ᬗᬶᬢ᭄ᬦᬦᬓ᭄ᬫᬭᬶᬗᬶᬗ᭄ᬯᬂ᭞
᭟ᬲᬸᬫᬳᬸᬃᬲᬂᬪᬷᬫᬲᬾᬦ᭞ᬛᬓᬫᬸᬲᬦ᭄ᬢᬫᬹᬃᬢ᭄ᬢᬶ᭞ᬦ᭄ᬤᬢᬦ᭄ᬰᬸᬘᬶᬓᬯᬶᬓ᭄ᬯᬦ᭄ᬢ᭞ᬓᬤᬶᬩᬘᬶ᭠ᬦᬶᬂᬢᬸᬭᬗ᭄ᬕᬶ᭞ᬭᬹᬧᬦ᭄ᬢᬯᬶᬓᬸᬲᬶᬤ᭄ᬥᬶ᭞ᬩᬸᬤ᭄ᬥᬶᬦ᭄ᬢᬓᬲ᭄ᬫᬮᬍᬢᬸᬄ᭞ᬓᬫᬸᬫᬦ᭄ᬤᬸᬱ᭄ᬝᬲ᭄ᬬᬵᬃᬚ᭄ᬚᬸᬦ᭞ᬧᬯᬾᬄᬢ
ᬧᬸᬢ᭄ᬭᬶᬦᬶᬭᬾᬓᬶ᭞ᬤᭀᬱᬳᬕᬸᬂ᭞ᬲᬂᬥᬃᬫ᭄ᬫᬲᬦ᭄ᬢᬶᬫᬦ᭄ᬤᬸᬱ᭄ᬝ᭟ᬬᬦ᭄ᬲᬸᬥᬃᬫ᭄ᬫᬳᬫ᭄ᬩᭂᬓᬦ᭄ᬢ᭞ᬓᬫᬸᬗᬢᬸᬭᬓᭂᬦ᭄ᬧᬸᬢ᭄ᬭᬶ᭞ᬫᬭᬶᬂᬲᬶᬭᬲᬂᬆᬃᬚ᭄ᬚᬸᬦ᭞ᬢᬸᬢᬸᬢᬦ᭄ᬬᬭᬵᬚᬩ᭄ᬭᬡᬶ᭞ᬫ᭄ᬯᬗᬶᬓᬂᬧᬾᬦᬶᬲᬾᬦᬶ᭞ᬜᬸ
ᬫ᭄ᬮᬄᬧ᭄ᬭᬡᬫ᭄ᬬᬢᬸᬫᬸᬗ᭄ᬓᬸᬮ᭄᭞ᬦ᭄ᬤᬢᬦᬦᬳᬸᬮᬄᬦ᭄ᬤᬸᬱ᭄ᬝ᭞ᬦ᭄ᬬᬢᬫᬮᬶᬂᬗᬭᬦ᭄ᬬᬾᬓᬶ᭞ᬳᬸᬮᬄᬘᬫ᭄ᬧᬸᬭ᭄᭞ᬗ᭄ᬕᬘᬾᬧᬢᬶᬦ᭄ᬢᬬᬓ᭄ᬱᬬ᭟ᬓᬫᬸᬤ᭄ᬭᭀᬳᬓᬓᬫᬹᬃᬓ᭄ᬓᬦ᭄᭞ᬤᬾᬦ᭄ᬬᬫᬜᬍᬯᬶᬄᬰᬓ᭄ᬢᬶ᭞
[᭗᭖ 76A]
ᬍᬓᬶᬲᬶᬪᬷᬫᬲᬾᬦᬬ᭞ᬢᬦᬚ᭄ᬭᬶᬄᬫᬢᬦ᭄ᬤᬶᬂᬚᬸᬭᬶᬢ᭄᭞ᬬᬢ᭄ᬦᬓᬫᬸᬲᬶᬩᬗ᭄ᬕᬶ᭞ᬫᬲᬳᬸᬭᬸᬂ᭠ᬓᬫᬸᬮᬫ᭄ᬧᬸᬲ᭄᭞ᬳᬶᬓᬶᬲᬲᬕ᭄ᬲᬜ᭄ᬚᬢᬗ᭄ᬓ᭄ᬯ᭞ᬕᬤᬩᬚ᭄ᬭᬳᬭᬦ᭄ᬬᬾᬓᬶ᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬳᬫᬢᬶ
ᬭᬵᬓ᭄ᬱᬲᬫᬹᬃᬓ᭄ᬓ᭟ᬳᬸᬥᬸᬄᬦᬦᬓ᭄ᬩᬶᬫᬲᬾᬦ᭞ᬧ᭄ᬤᭂᬲ᭄ᬢᬦ᭄ᬧᬳᬶᬗᬦ᭄ᬲᭂᬗᬶᬢ᭄᭞ᬢᬦ᭄ᬲᬶᬤ᭄ᬥᬓᬤᬶᬗᬸᬤ᭄ᬥᬶᬦ᭄ᬢ᭞ᬫ᭄ᬚᬳᬶᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬕᬤᬦ᭄ᬢᬫᬳᬵᬲᬸᬰᬓ᭄ᬢᬶ᭞ᬳᬫᬵᬢᬶᬫᬸᬲᬸᬄᬢᬤᬗᬹ᭞ᬅᬧᬦ᭄ᬰᬢ᭄ᬭᬸᬳᬃᬤ᭄ᬥᬫᬹ᭠
ᬥ᭞ᬢᬦ᭄ᬯ᭄ᬭᬶᬂᬭᬶᬭᬲ᭄ᬬᬦᬶᬂᬰᬓ᭄ᬢᬶ᭞ᬫᬸᬯᬳᬶᬓᬸ᭞ᬢᬦ᭄ᬯ᭄ᬭᬶᬂᬧᬫᬸᬦᬳᬶᬂᬕᬤ᭟ᬩᬧᬯ᭄ᬭᬸᬄᬭᬶᬲᬗ᭄ᬓᬦ᭄ᬧᬭᬦ᭄ᬬ᭞ᬯ᭄ᬭᬸᬄᬭᬶᬧᬫᬵᬢᬶᬂᬰᬓ᭄ᬢᬶ᭞ᬬᬦ᭄ᬓᭀᬓ᭄ᬭᭀᬥᬭᬶᬗᬶᬗ᭄ᬯᬂ᭞ᬳᬬ᭄ᬯᬲᬸᬫᬸᬭᬸᬤᬶᬂᬚᬸᬭᬶᬢ᭄᭞ᬮᬄᬧ᭄ᬭᬗᬶᬲᬦ᭄ᬢ᭠
ᬦᬸᬫᬹᬃᬢ᭄ᬢᬶ᭞ᬘ᭄ᬦᬶᬂᬫᬬᬸᬤ᭄ᬥᬲᬂᬯᬶᬓᬸ᭞ᬧᬥᬯᬶᬤᬕ᭄ᬤᬫᬬᬸᬤ᭄ᬥ᭞ᬲᬂᬯᬶᬓᬸᬫᬫᬦᬄᬕ᭄ᬮᬶᬲ᭄᭞ᬲᬂᬪᬷᬫᬫ᭠ᬦ᭄ᬢᭂᬕ᭄ᬗᬗ᭄ᬲᭃᬳᬂ᭟ᬫᬫᬹᬚᬲᬂᬋᬱᬶᬯᬭ᭞ᬭᬲᬕᬸᬳ᭄ᬬᬵᬚ᭄ᬜᬦᬲᬶᬤ᭄ᬥᬶ᭞ᬯ᭄ᬢᬸᬦ᭄ᬬᬧᬜ᭄ᬚᬭᬧ᭄ᬢᭂᬂ᭞ᬢᬶᬯᬓᬂᬳᬶᬤ᭠ [ 77 ][᭗᭖ 76B]
᭗᭖
ᬢᬸᬫᬸᬮᬶ᭞ᬲᬂᬪᬷᬫᬓᬢᬷᬯᬓᬶᬦ᭄᭞ᬧ᭄ᬢᭂᬗᬯᬢᭂᬲ᭄ᬫᬚᬸᬚᬸᬓ᭄᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭞ᬫᬗ᭄ᬕᭂᬄᬓ᭄ᬭᭀᬥᬦᬾᬢᬦ᭄ᬲᬶᬧᬶ᭞ᬓᬸᬤ᭄ᬬᬂᬮᬯᬢ᭄᭞ᬭᬕᬦᬾᬓᬩᬸᬗ᭄ᬓᬸᬲ᭄ᬧᭂᬢᭂᬂ᭟ᬘ᭄ᬦᬶᬂᬘᬸᬘᬸᬩ᭄ᬯᬶᬲᬢ᭄ᬯᬬᬂ᭞ᬫᬕᬶᬬᭂᬢ᭄ᬲᬂ
ᬧᬸᬢ᭄ᬭᬤᬶᬫ᭄ᬩᬶ᭞ᬫᬫᬦᬄᬢᬦ᭄ᬧᬧ᭄ᬕᬢᬦ᭄᭞ᬦᬗ᭄ᬳᬶᬂᬢ᭄ᬯᬭᬫᬫᬶᬦ᭄ᬢᬸᬮᬶᬦ᭄᭞ᬲᬭᬢ᭄ᬗᬗ᭄ᬲᭂᬳᬂᬫᬜ᭄ᬚᭂᬭᬶᬢ᭄᭞ᬲᬜ᭄ᬚᬢᬳᬦᬾᬓᬫᭂᬲᬸ᭞ᬧᬲᬢᬸᬲ᭄ᬬᬸᬢᬬᬦ᭄ᬜᬜᬧ᭄᭞ᬦᭂᬫ᭄ᬧᬸᬄᬲᬂᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬲᬓᬢᬄ᭠
ᬲᬜ᭄ᬚᬢᬧ᭄ᬮᬶᬢ᭄᭞ᬤᬤᬶᬦ᭄ᬬᬫᬯᬮᬶᬧᬸᬦ᭄ᬢᬸᬮ᭄᭞ᬕᬤᬮᬾᬗ᭄ᬓᭀᬂᬫᬢᬕ᭄ᬮᬦ᭄᭞ᬳᬾᬭᬂᬕᬢᭀᬢ᭄ᬓᬘᬘ᭄ᬦᬶᬂ᭞ᬢᬸᬃᬫᬓ᭄ᬩᭂᬭ᭄᭞ᬫᬗᬸᬗ᭄ᬲᬶᬫᬭᬶᬂᬳᬫ᭄ᬩᬭ᭟ᬢᬸᬗ᭄ᬕᬮ᭄ᬜᭂᬭᬶᬢ᭄ᬫᭂᬲᬸᬧᬦᬄ᭞ᬪᬕᬯᬵᬦ᭄ᬲᬦ᭄ᬢᬦᬸ
ᬫᬹᬃᬢ᭄ᬢᬶ᭞ᬧᬫᬹᬚᬚ᭄ᬜᬦᬕᬸᬳ᭄ᬬ᭞ᬫᬘ᭄ᬧ᭄ᬮᭀᬮ᭄ᬲᬂᬧᬸᬢ᭄ᬭᬤᬶᬫ᭄ᬩᬶ᭞ᬢᬸᬃᬓ᭄ᬦᬧᬜ᭄ᬚᬭᬯ᭄ᬗᬶ᭞ᬧ᭄ᬢᭂᬂᬤᭂᬤᭂᬢ᭄ᬫᬗᬮᬶᬧᬸᬢ᭄᭞ᬢ᭄ᬯᬭᬓᬢᭀᬦ᭄ᬤᬰᬤᬾᬰ᭞ᬯ᭄ᬗᬶᬤᭂᬤᭂᬢ᭄ᬫᬗ᭄ᬭᬗ᭄ᬓᬾᬗᬶᬦ᭄᭞ᬤᬤᬶᬮᬶᬫᬸᬄ᭞ᬲᬂᬓᬮᬶᬄᬭᬸᬫᬲ
[᭗᭗ 77A]
ᬧ᭄ᬚᬄ᭟ᬓᬾᬢᭀᬘ᭄ᬦᬶᬗᬧᬂᬦᬯᬂ᭞ᬰᬓ᭄ᬢᬶᬦᬾᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬧᬦᬸᬕ᭄ᬭᬳᬦ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬓᬭᬡᬰᬓ᭄ᬢᬶᬲᬸᬲᬶᬦ᭄ᬥᬶ᭞ᬳᬶᬤᬗᬦ᭄ᬤᬶᬓᬮ᭄ᬯᬶᬄᬫᬦᬶᬲ᭄᭞ᬥᬹᬄᬓᬶᬢᬪᬷᬫᬳᬦᬓ᭄ᬓᬸ᭞ᬫᬗ᭄ᬓᬾᬳᬧᬢᬓᬭᬲ᭞
ᬓ᭄ᬦᬧᬜ᭄ᬚᬭᬦᬶᬂᬯ᭄ᬗᬶ᭞ᬪᬷᬫᬫᬢᬸᬭ᭄᭞ᬛᬲᬦ᭄ᬢᬦᬸᬫᬹᬃᬢ᭄ᬢᬶᬓᬶᬢ᭟ᬳᬬ᭄ᬯᬵᬓᬸᬯᬾᬄᬲᬗ᭄ᬰᬭ᭞ᬓ᭄ᬦ᭠ᬧᬜ᭄ᬚᬭᬦᬶᬂᬯ᭄ᬗᬶ᭞ᬧᬢᬾᬦᬶᬦ᭄ᬓᬸᬰᬷᬖ᭄ᬭ᭞ᬢᬦᬦᬢᭀᬮᬶᬳᭂᬦᬗ᭄ᬓ᭄ᬯᬶ᭞ᬯᬸᬲ᭄ᬮᬮᬶᬲᬓᬸᬫᬵᬢᬶ᭞ᬳᬬ᭄ᬯ
ᬲᭀᬯᬾᬯᬾᬳᬾᬭᬂᬓᬸ᭞ᬲᬸᬫᬳᬸᬃᬢᬪᬕᬯᬵᬦ᭄᭞ᬦᬦᬓ᭄ᬪᬷᬫᬫᬶᬦ᭄ᬰᬫᬵᬢᬶ᭞ᬲᬶᬤ᭄ᬥᬓᬫᬸ᭞ᬧᬶ᭠ᬦᭂᬚᬳᬦ᭄ᬫᬭᬭᬶᬗ᭄ᬯᬂ᭟ᬢᬦ᭄ᬓᬸᬗᭂᬦᬦᭂᬦ᭄ᬧᬜ᭄ᬚᬭ᭞ᬢᬸᬂᬢᬸᬂᬚᬭᬶᬚᬶᬫᬦᬸᬤᬶᬂ᭞ᬲᬶᬤ᭄ᬥᬵᬓᬸᬫᬗ᭄ᬕᬯᬾᬧ᭄ᬚᬄ᭞ᬬ
ᬓ᭄ᬓᬶᬢᬗ᭄ᬫᬲᬶᬫᬵᬢᬶ᭞ᬢ᭄ᬭᬶᬮᭀᬓᬳᬾᬯᭂᬄᬚᬢᬶ᭞ᬲᬓ᭄ᬯᬾᬄᬦ᭄ᬬᬓᬶᬮᬗᬦ᭄ᬩᬬᬸ᭞ᬅᬧᬦ᭄ᬓᬶᬢᬳ᭠ᬗ᭄ᬓᬸᬲ᭄ᬧ᭄ᬭᬡ᭞ᬓᬶᬢᬧ᭄ᬭᬡᬦᬶᬂᬫᭂᬭᬡᬷ᭞ᬫᬯᬓ᭄ᬩᬬᬸ᭞ᬩᬬᬸᬦᬶᬂᬲᬚᬕᬢ᭄ᬢ᭄ᬭᬬ᭟ᬓᬾᬢᭀᬧᬫᬶᬤᬃᬢ᭄ᬢᬦᬶᬤ [ 78 ][᭗᭗ 77B]
᭗᭗
᭞ᬪᬕᬯᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬮᬾᬜ᭄ᬘᬭᬶᬢᬬᬂᬳᬶᬧ᭄ᬓᬓ᭄᭞ᬤᬶᬇᬦ᭄ᬤ᭄ᬭᬧ᭄ᬭᬱ᭄ᬝᬚᬦᬶ᭞ᬲᬂᬥᬃᬫ᭄ᬫᬧᬸᬢ᭄ᬭᬳᬸᬮᬫᬾᬮᬶᬂ᭞ᬮᬫᬶᬲᬂᬪᬷᬫᬢᬦ᭄ᬭᬳᬸᬄ᭞ᬤᬤᬶᬳᬶᬤᬫᬫᬶᬦᭂᬳᬂ᭞ᬲᬶᬦᬳᬤᬦᬾᬗᬳᬮᬗᬶᬦ᭄᭞ᬦᬸᬮᬶ᭠
ᬭᬳᬸᬄ᭞ᬲᬂᬢᬺᬱ᭄ᬡᬫᬶᬭᬕᬶᬯᬺᬢ᭄ᬢ᭟ᬳᬶᬮᬗᬶᬤᬦᬾᬲᬂᬧᬵᬃᬣ᭞ᬦᬸᬮᬶᬳᬶᬤᬫᬦᬓᬾᬦᬶᬦ᭄᭞ᬲᬂᬥᬃᬫ᭄ᬫᬧᬸᬢ᭄ᬭᬗᬢᬸᬭᬂ᭞ᬫᬦᬹᬢ᭄ᬳᬶᬦ᭄ᬤᬶᬓᬾᬭᬶᬂᬗᬹᬦᬶ᭞ᬚᬦᬶᬳᬶᬤᬫᬗᬢᬸᬭᬶᬦ᭄᭞ᬲᬓᬺᬱ᭄ᬡᬮᬸᬗ᭄ᬳᬵᬫᬦ᭄ᬭᬸ
ᬕ᭄ᬢᬸᬕ᭄᭞ᬫᬫᬃᬕ᭄ᬕᬶᬦᬶᬤᬲᬂᬪᬷᬫ᭞ᬓᬪᬭᬢ᭄ᬫᬤ᭄ᬬᬦᬵᬕᬭᬷ᭞ᬧᬘᬂᬗ᭄ᬭᬸᬭᬸᬄ᭞ᬲᬂᬦᬓᬸᬮᬫᬗᬶᬭᬶᬗᬂ᭟ᬫ᭄ᬯᬂᬳᬶᬤᬲᬂᬲᬳᬤᬾᬯ᭞ᬫᬸᬗ᭄ᬕᬄᬭᬶᬂᬓ᭄ᬭᬾᬢᬲᬂᬓ᭄ᬮᬳᬶᬄ᭞ᬲᬂᬓᬺᬱ᭄ᬡᬓᬸᬲᬶᬃᬓᬭᬾᬢ᭞ᬫᬸᬗ᭄ᬕᬳᬶᬤ
ᬫᬗᬸᬲᬶᬭᬶᬦ᭄᭞ᬓᬸᬤᬦᬾᬰ᭄ᬭᬸᬓᬧᭂᬘᬸᬢᬶᬦ᭄᭞ᬗᬚᬾᬢ᭄ᬗᬚᬾᬢ᭄ᬫᬗᬭᬸᬩᬸᬩ᭄᭞ᬫᬘᬶᬳ᭄ᬦᬬᬓᬲᭂᬗ᭄ᬓᬮᬦ᭄᭞ᬲᬂᬪᬷᬫᬮᬸᬗ᭄ᬳᬵᬗ᭄ᬭᬳᬸᬳᬶᬦ᭄᭞ᬫᬦᬭᬸᬕ᭄ᬢᬸᬕ᭄᭞ᬭᬳᬶᬦᬶᬤᬲᬂᬆᬃᬚ᭄ᬚᬸᬦ᭟᭐᭟ᬧᬸᬧᬸᬄ᭠
[᭗᭘ 78A]
ᬤᬸᬃᬫ᭟᭐᭟ᬘᬭᬶᬢᬬᬂᬳᬶᬲᬲᬂᬓᬺᬱ᭄ᬡᬫᬫᬃᬕ᭄ᬕ᭞ᬲᬾᬗᭂᬳᬶᬤᬭᬶᬗ᭄ᬳᬢᬶ᭞ᬓᬸᬤᬦᬾᬫ᭠ᬗᭀᬤ᭞ᬘᬶᬳ᭄ᬦᬦᬶᬂᬳᬤᬩᬜ᭄ᬘᬦ᭞ᬗᬮᬦ᭄ᬢᬸᬭᬶᬤᬫᬫᬃᬕ᭄ᬕᬶ᭞ᬫ᭄ᬘᬸᬢᬶᬦ᭄ᬓᬸᬤ᭞ᬓ᭄ᬭᬾᬢᬦᬾᬕᬜ᭄ᬘᬂᬢᬦ᭄ᬲᬶ᭠
ᬧᬶ᭟ᬫᬩᬯᭀᬲᬦ᭄‌ᬳᬶᬤSᬳᬧᬜ᭄ᬚᬗᬶᬗᬯᬦ᭄᭞ᬢᬸᬃᬫᬦᬓᬳᬾᬦᬗᬶᬦ᭄ᬤᬶᬓ᭄᭞ᬳᬶᬮᬗᬾᬲᬂᬧᬵᬃᬣ᭞ᬲᬂᬦᬓᬸᬮᬦ᭄ᬤᬃᬢ᭄ᬢᬬᬗ᭄᭞ᬓᬦ᭄ᬢᬶᬧ᭄ᬭᬕᬢ᭄ᬳᬸᬮᬶᬗᬯᬶᬢ᭄᭞ᬲᬂᬓᬺᬱ᭄ᬡᬤᬸᬄᬓ᭞ᬳᬾᬭᬂᬓᬬᬸᬦᬾᬢᬦ᭄ᬲᬷ᭠
ᬧᬶ᭟ᬫᬶᬦᬩᬶᬤᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞ᬫᬼᬤ᭄ᬗᬤᬸᬓᬰᬦ᭄ᬢᬶᬦ᭄᭞ᬫᬗᬮᬶᬄᬚᬮᬭᬦ᭄᭞ᬩ᭄ᬯᬢ᭄ᬗᬤ᭄ᬯᬂᬬᬸᬤ᭄ᬥ᭞ᬲᬗ᭄ᬓᬦ᭄ᬫᬵᬦᬸᬱᬓᬧᬮᬶᬂ᭞ᬜᬦ᭄ᬤᬂᬳᬾᬭᬗᬂ᭞ᬧᬢᬹᬢ᭄ᬩᬾᬮᬦᬶᬦ᭄ᬫᬵᬢᬶ᭟ᬚᬦᬶᬘᬸᬘᬸ᭠
ᬲ᭄ᬗᬶᬢᬶᬤᬧ᭄ᬭᬪᬸᬓᬺᬱ᭄ᬡ᭞ᬳᬯᬦᬦ᭄ᬮᬸᬗ᭄ᬳᬵᬕ᭄ᬮᬶᬲ᭄᭞ᬲᬤ᭄ᬬᬫᬢᬦ᭄ᬤᬶᬂᬬᬸᬤ᭄ᬥ᭞ᬚᬦᬶᬩ᭄ᬯᬶᬦ᭄ᬲᬢ᭄ᬯᬬᬂᬧ᭄ᬓᬓ᭄᭞ᬢᬦᬦ᭄ᬢᬭᬲᬸᬩᬧ᭄ᬭᬵᬧ᭄ᬢᬶ᭞ᬤᬶᬢ᭄ᬧᬶᬦ᭄ᬓᭀᬢ᭞ᬯᬤ᭄ᬯᬦᬾᬗᬢᬸᬭᬂᬕ᭄ᬮᬶᬲ᭄᭟ᬤᬤᬶᬬᬢ᭄ᬦᬪᬕᬯᬵᬦ᭄ᬲᬦ᭄ᬢ᭠ [ 79 ][᭗᭘ 78B]
᭗᭘
ᬦᬸᬫᬹᬃᬢ᭄ᬢ᭄ᬬ᭞ᬗᬦ᭄ᬢᬶᬲᬂᬯᬯᬸᬧ᭄ᬭᬵᬧ᭄ᬢᬶ᭞ᬲᬺᬕᭂᬧ᭄ᬲᬳᬯᬤ᭄ᬯ᭞ᬧᬭᬧᬸᬭᬸᬱᬫᬸᬯᬄ᭞ᬧᬥᬬᬢ᭄ᬦᬫᬦᬦ᭄ᬤᬶᬗᬶᬦ᭄᭞᭠ᬲᬳᬕᬕᬯᬦ᭄᭞ᬫᬲᬹᬃᬬ᭄ᬬᬓ᭄ᬗᭂᬦ᭄ᬧᭂᬗᬶᬦ᭄ᬓᭀᬧᬶᬂ᭟ᬤᬶᬢᬸᬳᬶᬤᬧ᭄ᬭᬪᬸᬓᬺᬱ᭄ᬡᬫᬗᬦ᭄ᬤᬶᬓ᭞ᬳᬤᬶᬦᬓᬸ
ᬮᬬᬢ᭄ᬦᬳᬶᬦ᭄᭞ᬫᬸᬲᬸᬳᬾᬲᬬᬕ᭞ᬗᬦ᭄ᬢᬶᬤᬶᬧᬦᬶᬜ᭄ᬚᭀᬳᬦ᭄᭞ᬫᬲᬹᬃᬬ᭄ᬬᬓ᭄ᬧᬤᬧᬤᬶᬗ᭄ᬓ᭄ᬭᬶᬓ᭄᭞ᬲᬳᬕᬕᬯᬦ᭄᭞ᬗᬸᬤ᭄ᬬᬂᬩᬸᬓᬓᬾᬦᬾᬤᬤᬶ᭟ᬬᬦ᭄ᬭᬲᬬᬂᬲᬪᬷᬫᬗ᭄ᬫᬲᬶᬦ᭄ᬧ᭄ᬚᬄ᭞ᬲᬗ᭄ᬓᬦ᭄ᬢᬸᬲᬶᬂ
ᬢ᭄ᬧᬸᬓᬶᬦ᭄᭞ᬫᬸᬲᬸᬳᬾᬕᬃᬚ᭄ᬚᬶᬢ᭞ᬫᬶᬭᬶᬩ᭄ᬲᬸᬩᬗᬮᬳᬂ᭞ᬓᭂᬢᭀᬧᬃᬡ᭄ᬦᬦ᭄ᬩᭂᬮᬶᬚᬦᬶ᭞ᬓᬾᬯᬮᬬᬢ᭄ᬦ᭞ᬤᬲᬭᬶᬦ᭄ᬩᬸᬤ᭄ᬥᬶᬲᬦ᭄ᬢᬶ᭟ᬧ᭄ᬭᬪᬸᬓᬺᬱ᭄ᬡᬲᬸᬩᬢ᭄ᬓᭂᬤ᭄ᬚᬩᬦ᭄ᬧᬸᬭ᭞ᬩᬦ᭄ᬩᬦᬶᬤᬫᬫᬃᬕ᭄ᬕᬶ᭞ᬓᬤᬶᬫ᭠
ᬘᬗ᭄ᬓ᭄ᬭᬫ᭞ᬪᬕᬯᬵᬦᬶᬤᬗᬋᬗᬶᬹᬧᬂ᭞ᬲ᭄ᬯᬪᬵᬯᬓᬤᬶᬫᭂᬦ᭄ᬤᬓᬶᬦ᭄᭞ᬲᬦ᭄ᬢᬶᬦᬶᬂᬫᬦᬄ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭟ᬓᬾᬢᭀᬘᬸᬘᬸᬧᬢ᭄ᬫᭀᬦᬶᬤᬲᬂᬧ᭄ᬭᬚ᭄ᬜᬦ᭄᭞ᬧᬥᬲᬦ᭄ᬢᬶᬦᬶᬂᬩᬸᬤ᭄ᬥᬶ᭞ᬲᬫᬶᬗᬦ᭄ᬤᬶᬲᬂᬭ
[᭗᭙ 79A]
ᬕ᭞ᬬᬤ᭄ᬬᬦ᭄ᬢᬸᬦ᭄ᬫᬤᬸᬃᬕ᭄ᬕᬫ᭞ᬧᬶᬤᬩ᭄ᬤᬩᬾᬩᬸᬓᬚᬦᬶ᭞ᬧᬥᬲ᭄ᬗᬶᬢᬦ᭄᭞ᬓᬬᬸᬦᬶᬤᬫᬢᭀᬄ᭠ᬧᬢᬶ᭟ᬥᬹᬄᬧᬸᬓᬸᬮᬸᬦ᭄‌ᬳᬭᬶᬫᬹᬢ᭄ᬢᬶᬰ᭄ᬭᬶᬓᬾᬰᬯ᭞ᬲᬶᬓᬓᬚᬷᬯᬦᬶᬂᬪᬸᬫᬶ᭞ᬲᬂᬧ᭄ᬭᬪᬸᬤᬶᬦᬵᬣ᭞ᬢᬭᬶᬫᬧ
ᬗ᭄ᬯᬗᬶᬦᬶᬗ᭄ᬯᬂ᭞ᬢᬦ᭄ᬲᬗ᭄ᬓᬲᬗ᭄ᬰᬬᬾᬂᬳᬢᬶ᭞ᬳᬧᬓᬭᬡ᭞ᬥᬢᭂᬂᬭᬶᬪᬭᬢ᭄ᬫᬤ᭄ᬬᬓᬶ᭟ᬲᬳᬸᬃᬩᬦ᭄ᬩᬦ᭄‌ᬳᬶᬤᬲᬂᬧ᭄ᬭᬪᬸᬓᬾᬰᬯ᭞ᬲᬶᬗ᭄ᬕᬶᬄᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬲᬶᬦᬗ᭄ᬕᬄᬪᬶᬓ᭄ᬱᬸᬓ᭞ᬰᬸᬘᬶᬦᬶᬃᬫᬮᬰᬸᬤ᭄ᬥ
᭞ᬰᬓ᭄ᬢᬶᬫᬦ᭄ᬢᬲᬶᬤ᭄ᬥᬶᬫᬦ᭄ᬥᬶ᭞ᬥᬃᬫ᭄ᬫᬦᬶᬂᬯᬶᬓ᭄ᬯ᭞ᬓᬤᬶᬥᬃᬫ᭄ᬫᬦᬶᬂᬫᬮᬶᬂ᭟ᬮᬸᬤ᭄ᬥᬃᬫ᭄ᬫᬦᬶᬂᬥᬦᬯᬤᬸᬱ᭄ᬝᬧᬢᬓ᭞ᬮᬦᬦᬓᬶᬢᬶᬪᬸᬫᬶ᭞ᬢᬦ᭄ᬫᬦᬹᬢᬶᬂᬓ᭄ᬭᬫ᭞ᬯᬶᬓᬸᬰᬸᬘᬶᬢᬭᬹᬧᬦ᭄ᬢ᭞ᬅᬫ᭄ᬩᬓ᭄ᬫᬸᬮ᭄ᬯᬶᬃᬤᬸᬱ᭄ᬝᬫᬮᬶᬂ᭞᭠
ᬫᬭᬓᬾᬢᭀᬳᬶᬤ᭞ᬲᬂᬓᬺᬱ᭄ᬡᬗᬦ᭄ᬤᬶᬓᬘ᭄ᬦᬶᬂ᭟ᬢᬸᬃᬫᬲᬹᬃᬬ᭄ᬬᬓ᭄᭞ᬯᬤ᭄ᬯᬤᬦᬯᬫᬫᬢ᭄ᬩᬢ᭄᭞ᬮᬄᬕᭀᬭᭀᬓ᭄ᬓᬺᬱ᭄ᬡᬧᬢᬾᬦᬶ᭞ᬭᬄᬦ᭄ᬬᬮᬶᬦᬗ᭄ᬕᬗᬦ᭄᭞ᬧᬶᬭᬢᬰᬦ᭄ᬢᬶᬦ᭄ᬯᬂᬢᬸᬗ᭄ᬕᬮ᭄᭞ᬧᬋᬂᬋᬩᬸᬢᭂ [ 80 ][᭗᭙ 79B]
᭗᭙
ᬦ᭄ᬓᬩᬾᬳᬶ᭞ᬢᬦ᭄ᬢᬳᭂᬦ᭄ᬢ᭄ᬯᬲᭂᬦ᭄᭞ᬦᬶᬥᬢᬢᬦ᭄ᬧᬗᬸᬤᬶᬮᬶ᭟ᬓᬾᬢᭀᬘ᭄ᬦᬶᬂᬯᬤ᭄ᬯᬭᬵᬓ᭄ᬱᬲᬫ᭠ᬗᬸᬘᬧ᭄᭞ᬮᬫ᭄ᬧ᭄ᬬᬲ᭄ᬗᬚᬓ᭄ᬭᭀᬯᬂᬦᬾᬓᬶ᭞ᬳᬤᬗᬗ᭄ᬕᬃᬧ᭄ᬤᬂ᭞ᬳᬤᬗᬫᭂᬢᬂᬢᬸᬫ᭄ᬮᬓ᭄᭞ᬳᬤᬫᭂᬦ᭄ᬢᬂᬧ᭠
ᬦᬄᬘ᭄ᬦᬶᬂ᭞ᬗᭀᬓᭀᬦ᭄ᬧᬕ᭄ᬭᭀᬕᭀᬄ᭞ᬫᬓᬾᬭᬗᬶᬦ᭄ᬲᬂᬧ᭄ᬭᬵᬧ᭄ᬢᬶ᭟ᬳᬤᬦᬕᬶᬄᬗ᭄ᬚᬸᬓᬶᬤᬢᬸᬃ᭠ᬫᬦ᭄ᬢᬶᬕᬂ᭞ᬳᬤᬦᬕᬶᬄᬫᬫ᭄ᬩᬲᬗᬶᬦ᭄᭞ᬮᬓᬃᬫᬓᬮᬸᬗᬂ᭞ᬳᬤᬦᬕᬶᬄᬫᬜᬓ᭄ᬘᬓ᭄᭞ᬮᬾᬦᬤ
ᬦᬕᬶᬄᬗ᭄ᬭᬜ᭄ᬚᬗᬶᬦ᭄᭞ᬳᬶᬤᬲᬂᬦᬓᬸᬮ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭟ᬲᬂᬲᬤᬾᬯᬓ᭄ᬭᭀᬦ᭄ᬤᬢᬦ᭄ᬢᬳᭂᬦ᭄ᬢ᭄ᬯᬲ᭄᭞ᬫᭂᬦ᭄ᬢᬂᬧᬦᬄᬳᬶᬤᬕ᭄ᬮᬶᬲ᭄᭞ᬢᬸᬃᬫᬤᬶᬯᬓᬂ᭞ᬯᬤ᭄ᬯᬤᬦᬯᬓᬧᬦᬄ᭞ᬲᬶᬂᬓ᭄ᬦᬗ᭄ᬫ
ᬲᬶᬦ᭄ᬫᬵᬢᬶ᭞ᬤᬸᬮᬸᬭᬶᬦ᭄ᬦᬓᬸᬮ᭞ᬩᬋᬂᬗᬶᬤᬫᬫᬦᬳᬶᬦ᭄᭟ᬧᬚᭀᬮᬾᬫ᭄ᬧᬂᬩᬗ᭄ᬓᬾᬦ᭄ᬤᬦᬯᬦᬾᬓᬢᬄ᭞ᬲᬶᬲᬦ᭄ᬫᬵᬢᬶᬕᬮᬓ᭄ᬲ᭄ᬗᬶᬢ᭄᭞ᬭᬫᬾᬲᬂᬫᬲᬶᬬᬢ᭄᭞ᬲᬂᬓᬺᬱ᭄ᬡᬫᭂᬡ᭄ᬢᬂᬘᬓ᭄ᬭ᭞ᬪᬕᬯᬵ
[᭘᭐ 80A]
ᬦ᭄ᬲᬦ᭄ᬢᬦᬸᬫᬹᬃᬢᬶ᭞ᬓᬧᬢᬶᬢᬶᬲᬂ᭞ᬯᬶᬚᬗᬶᬤᬓᬧᬦᬳᬶᬦ᭄᭟ᬫᬦ᭄ᬤᬮ᭄ᬓᭂᬧ᭄‌ᬘᬓ᭄ᬭᬦᬶᬤᬢᬦ᭄ᬦᬢ᭄ᬯᬂ᭞ᬓᬳᬫ᭄ᬩᭂᬮ᭄ᬤᬾᬲᬋᬱᬶ᭞ᬢᬸᬃᬗᬦ᭄ᬤᬶᬓᬩᬦ᭄ᬩᬦ᭄᭞ᬳᬶᬄᬓᬺᬱ᭄ᬡᬤᬤᬶᬯᬶᬭᬂ᭞ᬢᬦ᭄ᬧᬕᬸᬡᬘᬓ᭄ᬭᬦ᭄ᬬᬾ
ᬓᬶ᭞ᬳᬲᬦᬓᬸᬫᬯᬵᬲ᭄᭞ᬯ᭄ᬭᬸᬄᬭᬶᬘᬓ᭄ᬭᬦ᭄ᬢᬰᬓ᭄ᬢᬶ᭟ᬮᬯᬦ᭄ᬓᬸᬯ᭄ᬭᬸᬧᬫᬸᬤᬄᬲᬃᬯ᭄ᬯᬲᬜ᭄ᬚᬢ᭞᭠ᬫ᭄ᬯᬂᬧᬫᬸᬦᬄᬲᬃᬯ᭄ᬯᬰᬓ᭄ᬢᬶ᭞ᬓᬶᬢᬰᬓ᭄ᬢᬶᬯᬶᬤᬕ᭄ᬥ᭞ᬭᬶᬗᬚᬶᬥᬦᬹᬃᬯᬾᬤ᭞ᬫᬗ᭄ᬓᬾᬢᬦ᭄ᬧᬕᬸᬡᬲᬫᬶ᭞
ᬮᬶᬮᬂᬢ᭄ᬧᬯ᭄ᬓᬲ᭄᭞ᬘᬶᬳ᭄ᬦᬫᬗ᭄ᬫᬲᬶᬦ᭄ᬫᬵᬢᬶ᭟ᬬᬦ᭄ᬢᬦ᭄ᬓᬫᬸᬫᬦᭂᬫ᭄ᬩᬄᬗᬸᬲᬧᬶᬧᬤ᭞ᬧᬤᬶ᭠ᬗᭂᬳᬂᬚᬦᬶᬘ᭄ᬦᬶᬂ᭞ᬧ᭄ᬓᬓ᭄ᬫᬜᬢ᭄ᬯᬬᬂ᭞ᬳᬶᬦ᭄ᬤᬶᬓᬶᬤᬪᬕᬯᬵᬦ᭄᭞ᬫᬫᬹᬚᬚ᭄ᬜᬦᬲᬶᬤ᭄ᬥᬶ᭞ᬯᬶᬰᬾᬱᬲᬹ
ᬓ᭄ᬱ᭄ᬫ᭞ᬦᬾᬫᬗᬭᬦ᭄ᬧᬜ᭄ᬚᬭᬯ᭄ᬗᬶ᭟ᬓᬢᬶᬯᬓᬂᬓᬢᬗ᭄ᬓᭂᬩ᭄ᬧ᭄ᬢᭂᬂᬲᬂᬓᬺᬱ᭄ᬡ᭞ᬢᬦ᭄ᬯᬶᬓᬦ᭄ᬤᬰᬤᬶᬰᬶ᭞ᬧ᭄ᬢᭂᬂᬫᬮᬶᬫᬸᬦᬦ᭄᭞ᬭᬲᬓᬢᬶᬗ᭄ᬕᬮᬦ᭄ᬚᬷᬯ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬲᬶᬗ᭄ᬕᬶᬄᬪᬕᬯᬵ [ 81 ][᭘᭐ 80B]
᭘᭐
ᬦ᭄᭞ᬮᬬ᭄ᬯᬯᬾᬄᬲᬗ᭄ᬲᬭᬾᬗ᭄ᬳᬢᬶ᭟ᬍᬳᭂᬂᬧ᭄ᬚᬳᬓᭂᬦᬶᬗ᭄ᬯᬂᬯᬸᬲ᭄ᬧ᭄ᬭᬬᬢ᭄ᬦ᭞ᬢᬦ᭄ᬲ᭄ᬯᬾᬳᬦᬦ᭄ᬤᬂᬲᬓᬶᬢ᭄᭞ᬓ᭄ᬦᬧ᭄ᬢᭂᬂᬚᬕᬢ᭄᭞ᬳᬃᬤ᭄ᬥᬮᬚ᭄ᬚᬶᬢᬫᬾᬭᬂ᭞ᬧ᭄ᬚᬄᬲᬚ᭄ᬭᭀᬦᬶᬗᬳᬸᬭᬶᬧ᭄᭞ᬦ᭄ᬬᬢᬕᬶᬦᬸᬬ᭄ᬯ
ᬦ᭄᭞ᬫᬢ᭄ᬬᬓᭂᬦ᭄ᬳᬸᬮᬸᬦᬕ᭄ᬮᬶᬲ᭄᭟ᬰ᭄ᬭᬷᬪᬕᬯᬵᬦ᭄‌ᬫᬯᬭᬄᬭᬶᬲᬂᬓᬺᬱ᭄ᬡ᭞ᬓᬺᬱ᭄ᬡᬓᬶᬢᬳᬭᬶᬫᬹᬢ᭄ᬢᬶ᭞ᬳᬸᬭᬶᬧ᭄ᬚᬕᬢ᭄ᬢ᭄ᬭᬬ᭞ᬬᬦ᭄ᬓᬶᬢᬫᬵᬢ᭄ᬬᬫᬗ᭄ᬓᬾ᭞ᬢᬦ᭄ᬧᬚᬷᬯᬚᬕ᭄ᬓᬢ᭄ᬭᬶ᭞ᬳᬾᬯᭂᬄᬧᬭᬤᬾᬯ᭞ᬢᬦ᭄ᬧ᭠
ᬳᬸᬭᬶᬲᬯᬶᬚᬶ᭟ᬫᬢᬂᬦ᭄ᬬᬵᬓᬸᬗᭂᬦᬦᭂᬦ᭄ᬓᬶᬢᬧᬜ᭄ᬚᬭ᭞ᬯᬭᬄᬫᬸᬫᬫᬦᬶᬲ᭄ᬮᬶᬦ᭄ᬥᬶ᭞ᬲᬸᬓᬲᬂᬫᬶ᭠ᬋᬗ᭄ᬯ᭞ᬢᬶᬓᬲᬸᬮᬄᬫᬓ᭄ᬱᬫ᭞ᬩᬸᬤ᭄ᬥᬶᬓ᭄ᬭᭀᬥᬯ᭄ᬢᬸᬕ᭄ᬦᬶ᭞ᬬᬾᬓᬤᭀᬱᬦ᭄ᬢ᭞ᬓ᭄ᬦᬧᬜ᭄ᬚᬭᬯ᭄ᬗᬶ᭟ᬲᬂᬦᬓᬸ᭠
ᬮᬫ᭄ᬯᬂᬲᬂᬳᬶᬹᬲᬳᬤᬾᬯ᭞ᬲ᭄ᬗᬶᬢᬶᬤᬜᬶᬗᬓᬶᬦ᭄᭞ᬳᬶᬤᬧ᭄ᬭᬪᬸᬓᬺᬱ᭄ᬡ᭞ᬓ᭄ᬦᬧᬜ᭄ᬚᬭᬯᭂᬗ᭄ᬬ᭞᭠ᬢᬦ᭄ᬫᬋᬦᬶᬤᬫᬦᬳᬶᬦ᭄᭞ᬲᬶᬭᬪᬕᬯᬵᬦ᭄᭞ᬢᬦ᭄ᬓᬾᬗ᭄ᬕᬸᬄᬲᬦ᭄ᬢᬶᬩᬸᬤ᭄ᬥᬶ᭟ᬲᬶᬦᬋᬗᬦ᭄‌ᬲᬋᬂᬓ᭠
[᭘᭑ 81A]
ᬮᬶᬄᬳᬶᬤᬵᬫᬦᬄ᭞ᬓᭂᬫ᭄ᬩᬃᬧᬦᬳᬾᬗᭂᬦᬶᬦᬶᬦ᭄᭞ᬤᬤᬰ᭄ᬭᬷᬪᬕᬯᬵᬦ᭄᭞ᬦᬗ᭄ᬳᬶᬂᬢ᭄ᬯᬭᬤᬩᬶᬗ᭄ᬮᬢ᭄᭞ᬧᬦᬳᬾᬧᬸᬕ᭄ᬧᬸᬕ᭄ᬢᬸᬃᬧ᭄ᬮᬶᬢ᭄᭞ᬪᬕᬯᬵᬦ᭄ᬫᬸᬘᬧ᭄᭞ᬓᬫᬸᬓᭂᬫ᭄ᬩᬃᬧᬸᬢ᭄ᬭᬫᬤ᭄ᬭᬶ᭟ᬓᬫᬸᬧᬸᬢ᭄ᬭᬫᬤ᭄ᬭᬶᬘ
ᬗ᭄ᬓᬄᬫᬸᬳᬫᬦᬄ᭞ᬢᬦ᭄ᬯ᭄ᬭᬸᬳᬶᬂᬭᬵᬢ᭄ᬦᬶᬲ᭄ᬢᬤᬶ᭞ᬫᬗ᭄ᬕᭂᬧ᭄ᬫᬸᬯᬶᬰᬾᬱ᭞ᬫᬵᬗᭂᬦ᭄ᬗᬬᬸᬓᬰᬹᬭᬦ᭄᭞ᬦ᭄ᬤᬶᬕᬫᬦ᭄ᬬᬲᬶᬤ᭄ᬥᬓᬫ᭄ᬯᬶ᭞ᬓᬫᬸᬫᬾᬢ᭄ᬦᬭᬓ᭞ᬓ᭄ᬦᬧᬜ᭄ᬚᬭᬯ᭄ᬗᬶ᭟ᬢᬸᬃᬫᬫᬹᬚᬪᬕᬯᬵᬦ᭄ᬚᬦᬶᬳᬸᬘᬧᬂ᭞ᬚ᭄ᬜᬦ
ᬧᬜ᭄ᬚᬭᬲᬶᬤ᭄ᬥᬶ᭞ᬓ᭄ᬦᬦ᭄ᬬᬲᬓᬭ᭄ᬯ᭞ᬓᬢᬗ᭄ᬓᭂᬩ᭄ᬧ᭄ᬢᭂᬂᬚᬕᬢ᭄᭞ᬳᬶᬮᬂᬧᬸᬭᬸᬱᬫ᭄ᬯᬂᬰᬓ᭄ᬢᬶ᭞ᬢᬦ᭄ᬲᬶᬤ᭄ᬦᬗ᭄ᬮᬯᬦ᭄᭞ᬓᬩᬢᭂᬲᬶᬦ᭄ᬧᬜ᭄ᬚᬭᬯ᭄ᬗᬶ᭟ᬓᬧ᭄ᬢᭂᬗᬦ᭄‌ᬢᬸᬲᬶᬂᬜᬶᬗᬓ᭄ᬫᬸᬲᬸᬄᬭᭀᬯᬂ᭞ᬳᬾᬭᬂᬓᬬᬸᬦᬾ
ᬢᬦ᭄ᬲᬶᬧᬶ᭞ᬫᬕᭂᬳᬂᬧᬸᬭᬸᬱ᭞ᬗᬦ᭄ᬤᬶᬓᬳᬶᬫᬫᬢ᭄ᬩᬢ᭄᭞ᬳᬾᬳᬶᬩᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬪᬕᬯᬵᬦ᭄ᬤᬸᬱ᭄ᬝ᭞ᬦᬶᬲ᭄ᬢᬳᬸᬮᬄᬢᬦ᭄ᬲᬶᬧᬶ᭟ᬬᬦ᭄ᬓᬶᬢᬚᬢᬶᬧᬸᬭᬸᬱᬫᬳᬸᬢ᭄ᬢᬫ᭞ᬫᬳᬾᬦᭂᬦᬓᬸᬮᬮᬶᬲ᭄᭞ᬳᬬ᭄ᬯᬯᬾᬄ [ 82 ][᭘᭑ 81B]
᭘᭑
ᬲᬗ᭄ᬲᬭ᭞ᬧ᭄ᬢᭂᬂᬢᬦ᭄ᬢᭀᬦ᭄ᬤᬰᬤᬾᬰ᭞ᬳᬶᬓᬂᬧᬜ᭄ᬚᬭᬗᭂᬦᬦᬶ᭞ᬕᬫ᭄ᬧᬂᬢ᭄ᬓᬧᬦ᭄ᬢ᭞ᬢ᭄ᬗᬄᬧᬜ᭄ᬚᬭᬫᬢ᭄ᬬᬦᬶ᭟ᬓᬶᬢᬓᭂᬫ᭄ᬩᬭ᭄‌ᬳᬬ᭄ᬯᬓᬫᬸᬳᬓ᭄ᬯᬾᬳᬸᬚᬭ᭄‌᭞ᬢᬸᬗ᭄ᬕᬸᬦᭂᬦ᭄ᬓᬶᬢᬾᬂᬭᬶᬓᬶ᭞ᬤᬾᬦ᭄ᬬᬲᬳᬸᬃᬧ
ᬡ᭄ᬥᬯ᭞ᬤᬸᬭᬸᬂᬚᬗ᭄ᬓᭂᬧ᭄ᬓᬮᬶᬫ᭞ᬬᬦ᭄ᬯᬸᬲ᭄ᬕᭂᬦᭂᬧ᭄ᬮᬶᬫᬂᬲᬶᬓᬶ᭞ᬓᬶᬢᬭᬸᬫᬲ᭞ᬳᬸᬭᬶᬧᬢᬯᬫᬵ᭠ᬢᬶ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬚᬦᬶᬮᬾᬦ᭄ᬲᬢ᭄ᬯᬬᬂᬧ᭄ᬓᬓ᭄᭞᭄᭞ᬤ᭄ᬬᬄᬲᬸᬧ᭄ᬭᬩᬫ᭄ᬯᬄᬳᬶᬤᬧᬸᬢ᭄ᬭ
ᬓᬸᬦ᭄ᬢᬷ᭞ᬲᬸᬯᬾᬧᬦᬭᬸᬕ᭄ᬢᬸᬕᬾᬲᬵᬫ᭄ᬧᬸᬦ᭄᭞ᬮᬸᬗ᭄ᬳᬵᬓᬪᬭᬢ᭄ᬫᬤ᭄ᬬ᭞ᬢᭀᬦ᭄ᬤᭂᬦ᭄ᬭᬯᬸᬄ᭞ᬤᬾᬯᬶᬰ᭄ᬭᬶᬲᬸᬧ᭄ᬭᬩᬲᬸᬗ᭄ᬲᬸᬢ᭄᭞ᬲᬶᬦᬄᬲᬸᬩᬓᬲᭂᬗ᭄ᬓᬮᬦ᭄᭞ᬳᬯᬦᬦ᭄ᬫᬢᬸᬃᬚᬦᬶ᭟ᬲᬶᬗ᭄ᬕᬶᬄᬓᬓᬥᬃᬫ᭄ᬫᬧᬸ
ᬢ᭄ᬭ᭞ᬦ᭄ᬤᬢᬦᬸᬭᬸᬂᬳᬭᬶᬦ᭄ᬢᬫᬵᬢᬶ᭞ᬫᬫᬗ᭄ᬕᬶᬄᬲᭂᬗ᭄ᬓᬮᬳᬕᬸᬂ᭞ᬮᬫᬶᬤᬸᬭᬸᬂᬫᬯᬮ᭄ᬬ᭞ᬳᭂᬦ᭄ᬤᬶᬫᬗ᭄ᬓᬾᬧᬓᬳ᭄ᬬᬸᬦᬦ᭄ᬲᬗᬧ᭄ᬭᬪᬸ᭞ᬓᬤᬶᬫᬢᬶᬗ᭄ᬕᬮ᭄ᬲ᭄ᬯᬚᬷᬯ᭞ᬲᭂᬲᭂᬓᬶᬮᬂᬦᬓᬂᬩᬸᬤ᭄ᬥᬶ᭟ᬲᬸᬫᬳᬸᬃᬲᬂᬥᬃ
[᭘᭒ 82A]
ᬫ᭄ᬫᬧᬸᬢ᭄ᬭ᭞ᬳᬸᬥᬹᬳᬭᬶᬤ᭄ᬬᬄᬲᬸᬧ᭄ᬭᬩᬳᬭᬶ᭞ᬳᬬ᭄ᬯᬓᬶᬢᬮᬭᬾᬂᬓᬮ᭄ᬪᬸ᭞ᬬᬤ᭄ᬬᬦ᭄ᬓᬶᬢᬫᬳᬵᬮ᭠ᬭ᭞ᬦ᭄ᬤᬢᬦᬶᬓᬵᬓᬭᬡᬲ᭄ᬯᬓᬃᬬ᭄ᬬᬧᬸᬧᬸᬢ᭄᭞ᬲ᭄ᬭᬳᬓ᭄ᬦᬢᬫᬭᬶᬂᬳ᭄ᬬᬂ᭞ᬫᬯᬓ᭄ᬢᬶᬢᬄᬲᬶᬭᬾᬂᬪᬸᬫᬶ᭟ᬫ᭠
ᬗ᭄ᬓᬾᬳᬗ᭄ᬯᬂᬢᬸᬫᬸᬯᬸᬭ᭞ᬥᬢᭂᬂᬫᬭᬶᬂᬪᬭᬢ᭄ᬫᬤ᭄ᬬᬦᬵᬕᬭᬷ᭞ᬳᬬ᭄ᬯᬲᬦ᭄ᬤᬾᬳᬫᬦᬄᬫᬸ᭞ᬢᬸᬗ᭄ᬕᬸᬦᭂᬦᬦᬾᬂᬦᬵᬕᬭ᭞ᬰᬶᬖ᭄ᬭᬲᬶᬭᬤᬾᬯᬶᬲᬸᬧ᭄ᬭᬩᬫᬢᬸᬃ᭞ᬓᬓᬧ᭄ᬭᬪᬸᬗ᭄ᬯᬂᬢᬸᬫᬸᬢ᭞ᬢᬦ᭄ᬓᬭᬶᬫᬭᬶᬂᬧᬸᬭᬷ᭟ᬳ᭠
ᬧᬤᬤᬶᬗ᭄ᬯᬂᬫ᭄ᬯᬂᬓᬓ᭞ᬲᬶᬭᬲᬂᬘᬢᬸᬃᬧᬵᬡ᭄ᬥᬯᬢᬦ᭄ᬓᬭᬶ᭞ᬍᬳᭂᬂᬧᬥᬲᬫᬮᬫ᭄ᬧᬸᬲ᭄᭞ᬫᬦ᭄ᬢᬸᬓ᭄ᬫᬭᬶᬂᬓ᭞ᬤᬯᬢᬦ᭄᭞ᬍᬳᭂᬗᬶᬗ᭄ᬯᬧᬋᬂᬢᬸᬫᬸᬢᬮᬸᬫᬓᬸ᭞ᬲᬸᬕ᭄ᬬᬦ᭄ᬲᬗ᭄ᬳᬸᬮᬸᬦ᭄ᬯ᭄ᬭᬸᬳ᭞ᬳᬮᬳᬬᬸᬳᬭᬶᬦᬾ
ᬓᬶ᭟ᬓᬾᬢᭀᬳᬢᬸᬃᬤ᭄ᬬᬄᬲᬸᬧ᭄ᬭᬪ᭞ᬢ᭄ᬭᬸᬲ᭄ᬫᬫᬃᬕ᭄ᬕᬳᬶᬤᬲᬋᬂᬓᬮᬶᬄ᭞ᬫᬸᬗ᭄ᬕᬄᬭᬶᬓ᭄ᬭᬾᬢᬦᬾ᭠ᬲᬵᬫ᭄ᬧᬸᬦ᭄᭞ᬲᬸᬩᬓ᭄ᬢᬶᬤ᭄ᬤᬶᬩᬜ᭄ᬘᬶᬗᬄ᭞ᬕ᭄ᬮᬶᬲᬶᬂᬲᬢ᭄ᬯᬤᭀᬄᬧᬫᬃᬕᬶᬦᬾᬲᬵᬫ᭄ᬧᬸᬦ᭄᭞ᬭᬶᬂᬫᬃᬕ᭄ᬕᬢᬦ᭄ᬧᬭᬵᬃ᭠ [ 83 ][᭘᭒ 82B]
᭘᭒
ᬬ᭄ᬬᬦᬦ᭄᭞ᬭᬯᬸᬄᬤᬚᬦᬬᬦ᭄ᬧᬭᬷ᭟ᬳᬤᬗᬢᬸᬭᬂᬓᬧᬸᬃᬬ᭄ᬬᬦ᭄᭞ᬳᬶᬤᬲᬂᬥᬃᬫ᭄ᬫᬧᬸᬢ᭄ᬭᬗ᭄ᬭ᭠ᬳᬸᬳᬶᬦ᭄᭞ᬗ᭄ᬢᬸᬢᬭᬶᬦᬶᬤᬕᬸᬧᬸᬄ᭞ᬭᬭᬶᬲᬶᬤᬪᬕᬯᬵᬦ᭄᭞ᬕ᭄ᬮᬶᬲ᭄ᬫᭂᬤᬮ᭄‌ᬢᬦ᭄ᬲᬶᬧᬶᬮᬾᬤᬗᬶᬂᬓᬬᬸᬦ᭄᭞
ᬯᬸᬲ᭄ᬢᭂᬤᬸᬦ᭄ᬲᬂᬥᬃᬫ᭄ᬫᬧᬸᬢ᭄ᬭ᭞ᬪᬕᬯᬵᬦ᭄ᬗᬮᬧ᭄ᬲᭀᬃᬭᬭᬶᬲ᭄᭟ᬕ᭄ᬮᬶᬲ᭄ᬫᬳᬢᬸᬭᬓ᭄ᬱᬫ᭞ᬥᬹᬄᬧᬸᬓᬸᬮᬸᬦ᭄‌ᬪᬕ᭄ᬬᬗ᭄ᬳᬸᬮᬸᬦ᭄ᬓᬶᬢᬧ᭄ᬭᬵᬧ᭄ᬢᬶ᭞ᬓᬶᬢᬫᬯᬓ᭄ᬥᬃᬫᬧᬸᬢᬸᬲ᭄᭞ᬲᬓ᭄ᬢᬶᬢᬦ᭄ᬓᬵᬦᬦ᭄ᬓ᭄ᬭᭀᬥ᭞ᬓ᭄ᬱᬵ
ᬓ᭄ᬦᬲᬮᬳᬸᬮᬳᬶᬂᬲᬗ᭄ᬳᬸᬮᬸᬦ᭄᭞ᬲᬗ᭄ᬓᬪᬓ᭄ᬢ᭄ᬬᬮᬭᬧᬦ᭄ᬬ᭞ᬳᬫᬾᬢ᭄ᬲ᭄ᬬᬵᬃᬚ᭄ᬚᬸᬦᬲᬶᬗ᭄ᬕᬶᬄ᭟ᬲᬗ᭄ᬓᬾᬧᬹᬃᬳᬢᬸᬭᬓ᭄ᬦ᭞ᬭᬶᬯᬸᬲ᭄ᬳᬸᬮᬸᬦ᭄᭞ᬫᬜ᭄ᬚᬬᬰᬢ᭄ᬭᬸᬰᬓ᭄ᬢᬶ᭞ᬕᬤᬰᬦᬵᬕᬭᬲᬵᬫ᭄ᬧᬸᬦ᭄᭞ᬗᬢᬸᬭ᭠
ᬓᭂᬦ᭄ᬭᬚᬧᬸᬢ᭄ᬭ᭄ᬬ᭞᭞ᬮᬫᬶᬲᬵᬫ᭄ᬧᬸᬦ᭄‌ᬗ᭄ᬳᬸᬮᬸᬦ᭄ᬫᬯᬶᬦᬶᬧᬸᬓᬸᬮᬸᬦ᭄᭞ᬦ᭄ᬤᬢᬦ᭄ᬲᬶᬤ᭄ᬥᬤᬺᬯ᭄ᬬᬧᬸᬢ᭄ᬭ᭞ᬫᬗ᭄ᬓᬓ᭄ᬭᬫᬗ᭄ᬳᬸᬮᬸᬦ᭄ᬲᬶᬗ᭄ᬕᬶᬄ᭟ᬭᬶᬯᬸᬲ᭄ᬳᬸᬮᬸᬫᬹᬓ᭄ᬢᬶᬯᬶᬚᬬ᭞ᬮᬦᬫᬹᬓ᭄ᬢᬶᬲᬗ᭄ᬕᬫᬓᬫᬫᬮᬶᬄ᭞ᬯ᭄ᬢᬸᬩᬸᬤ᭄ᬥᬶᬲᬢ᭄ᬯ᭠
[᭘᭓ 83A]
ᬳᬶᬓᬸ᭞ᬓᬳᬦᬦ᭄ᬓᬫᬵᬦᬸᬱᬦ᭄᭞ᬩᬸᬤ᭄ᬥᬶᬲᬦ᭄ᬢᬳᬶᬮᬂᬩᬸᬤ᭄ᬥᬶᬓ᭄ᬭᭀᬥᬲᬵᬫ᭄ᬧᬸᬦ᭄᭞ᬢᬹᬢᬕᬫᬫᬵᬦᬸᬲ᭞ᬫ᭄ᬯᬗᬸᬧᬓᬭᬦᬾᬓᬶ᭟ᬓᬭᬡᬲᬂᬤᬰᬭᬵᬚ᭞ᬲᬫᬢᬺᬱ᭄ᬡᬵᬲᬶᬄᬭᬶᬓᬫᬶ᭞ᬲ᭄ᬭᬶᬂᬲ᭄ᬭᬶᬂᬳᬯᭀᬃᬓᬸᬫ᭄ᬧᬸ
ᬮ᭄᭞ᬤᬤᬶᬯ᭄ᬢᬸᬫᬦᬳᬶᬗ᭄ᬯᬂ᭞ᬦᬶᬗ᭄ᬕᬮᬓᭂᬦ᭄‌ᬓᬯᬶᬃᬬ᭄ᬬᬦ᭄ᬫ᭄ᬯᬂᬓᬧ᭄ᬭᬪᬸᬦ᭄᭞ᬢᬦ᭄ᬤ᭄ᬭᭀᬳᬓᬭᬶᬲᬲᬫ᭞ᬓᬭᬡᬫᬳᬯᬓ᭄ᬢᬸᬗ᭄ᬕᬶᬮ᭄᭟ᬫᬗ᭄ᬓᬧᬸᬓᬸᬮᬸᬦ᭄ᬲᬂᬦᬵᬣ᭞ᬗ᭄ᬳᬸᬮᬸᬦᬶᬓᬶᬳᬫᬹᬚᬧᬸᬢᬸᬮᬓᬶ᭞ᬲᬤᬦᬫ
ᬦ᭄ᬢᬸᬓ᭄ᬧᬸᬦᬶᬓᬸ᭞ᬫᬭᬶᬂᬮᭀᬓᬰᬸᬘᬶᬰᬹᬦ᭄ᬬ᭞ᬢᬢᬦᬦᬓ᭄ᬦᬧᬸᬦᬃᬪᬵᬯᬍᬢᬸᬄ᭞ᬫᬗ᭄ᬓᬦᬰ᭄ᬭᬷᬦᬭᬦᬵᬣ᭞ᬥᬃᬫ᭄ᬫᬧᬸᬢᬦᬭᬧᬢᬶ᭟ᬲᬭᬳᬸᬄᬳᬾᬲᬂᬥᬃᬫ᭄ᬫᬧᬸᬢ᭄ᬭ᭞ᬳᬶᬮᬂᬧ᭄ᬢᭂᬂᬧᬜ᭄ᬚᬭᬧ᭄ᬭᬚᬦᬶ᭞ᬥᬃᬫ᭄ᬫᬧᬦᬸᬮ
ᬓᬦᬶᬧᬸᬦ᭄᭞ᬓᬭᬡᬤᬤᬶᬕᬮᬂ᭞ᬚᬦᬶᬘ᭄ᬦᬶᬂᬳᬶᬤᬲᬸᬩᬧᬥᬓᬸᬫ᭄ᬧᬸᬮ᭄᭞ᬲᬶᬗ᭄ᬕᬶᬄᬰ᭄ᬭᬷᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞ᬓ᭄ᬱᬦ᭄ᬢᬯ᭄ᬬᬗ᭄ᬳᬸᬮᬸᬦᬶᬓᬶ᭟ᬦ᭄ᬤᬢᬦ᭄ᬲᬮᬳ? ᬲᬯᬸᬯᬸᬲ᭄ᬢ᭞ᬓᬾᬯᬮᬵᬓᬸᬳᬤᬲᬗ᭄ᬰᬬᬾᬂᬩᬸᬤ᭄ᬥᬶ᭞ [ 84 ][᭘᭓ 83B]
᭘᭓
ᬲᬂᬓᬺᬱ᭄ᬡᬫ᭄ᬯᬂᬳᬭᬶᬦ᭄ᬳᬸᬮᬸᬦ᭄᭞ᬓ᭄ᬦᬧᬜ᭄ᬚᬭᬯᭂᬗ᭄ᬬ᭞ᬢᬦ᭄ᬯ᭄ᬭᬸᬳᬶᬂᬭᬵᬢ᭄᭞ᬓ᭄ᬦᬧ᭄ᬢᭂᬂᬫᬗᬮᬶᬧᬸᬦ᭄᭞ᬫᬾᬭᬢᬦᬦᬲᬫᬦ᭄ᬬ᭞ᬓᬤᬶᬫᬵᬢᬶᬚ᭄ᬭᭀᬦᬶᬗᬸᬭᬶᬧ᭄᭟ᬥᬹᬲᬂᬰ᭄ᬭᬶᬥᬃᬫ᭄ᬫᬵᬢ᭄ᬫᬚ᭞ᬧ᭄ᬭᬪᬸᬓᬺᬱ᭄ᬡᬫᬳᬵᬯᬶᬰᬾᬱ
ᬰᬓ᭄ᬢᬶ᭞ᬩᬸᬤ᭄ᬥᬶᬦ᭄ᬬᬫᬹᬃᬓ᭄ᬓᬧᬸᬓᬸᬮᬸᬦ᭄᭞ᬳᬭᬶᬦ᭄ᬢᬲᬂᬪᬷᬫᬲᬾᬦ᭞ᬳᬗ᭄ᬕᬓᬭᬢᬦᬶᬥᭂᬧ᭄ᬯᬂᬮᬾᬦᬢᬸᬳᬸ᭞ᬲᬶᬭᬦᬓᬸᬮᬲᬤᬾᬯ᭞ᬳᬸᬫᬶᬥᭂᬧᬯᬓ᭄ᬦ᭄ᬬᬧ᭄ᬓᬶᬓ᭄᭟ᬬᬾᬓᬧᬶᬦᬓᬩᬜ᭄ᬘᬦ᭞ᬲᬶᬤ᭄ᬥᬶᬓ᭄ᬦᬧᬜ᭄ᬚᬭᬤ
ᬲᬲᬶᬤ᭄ᬥᬶ᭞ᬓᬫᬵᬓ᭄ᬦᬢᬲᬂᬗ᭄ᬳᬸᬮᬸᬦ᭄᭞ᬢᬦ᭄ᬓᬸᬭᬂᬪᬓ᭄ᬢ᭄ᬬᬭᬶᬓᬶᬢ᭞ᬲᬢ᭄ᬬᬵᬚ᭄ᬜᬦᬰ᭄ᬭᬷᬥᬃᬫ᭄ᬫᬧᬸᬢ᭄ᬭᬲᬂᬧ᭄ᬭᬪᬸ᭞ᬫᬗ᭄ᬓᬦᬢᬓ᭄ᬭᬫᬦ᭄ᬬ᭞ᬲᬸᬫᬳᬸᬃᬰ᭄ᬭ᭄ᬬᬵᬢ᭄ᬫᬚᬓᬸᬦ᭄ᬢᬷ᭟ᬥᬹᬄᬲᬦ᭄ᬢᬦᬸᬫᬸᬃᬢ᭄ᬢᬶᬓᬶᬢ᭞ᬬᬦ᭄ᬫᬗ᭄ᬓᬦᬤᭀ
ᬦ᭄ᬢᬫᬸᬮ᭄ᬬᬰᬸᬘᬶ᭞ᬢᬦᬦᬲᬦ᭄ᬤᬾᬳᬦ᭄ᬳᬸᬮᬸᬦ᭄᭞ᬓᬭᬡᬧᬓᬲᬤᬦ᭞ᬓᬶᬢᬫᬸᬮᬶᬄᬭᬶᬰᬹᬦ᭄ᬬᬰᬸᬘᬶᬳᬬᬸ᭞ᬫᬾᬦᬓ᭄ᬢᬩᬸᬤ᭄ᬥᬶᬦᬶᬗ᭄ᬯᬂ᭞ᬫᭀᬖᬲᬶᬤ᭄ᬥᬳᬶᬓᬂᬓᬵᬧ᭄ᬢᬶ᭟ᬲᬳᬸᬭᬮ᭄ᬯᬦᬭᬹᬫ᭄ᬯᬘᬦ᭞ᬰ᭄ᬭᬷ
[᭘᭔ 84A]
ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶᬲᬶᬤ᭄ᬥᬶ᭞ᬅᬉᬫᬉᬫ᭄‌ᬰ᭄ᬭᬷᬧᬸᬓᬸᬮᬸᬦ᭄᭞ᬢᬦ᭄ᬲᬶᬧᬶᬳᬃᬱᬦᬶᬗ᭄ᬭᬂ᭞ᬲᬓᬵᬮᬪᬝᬭᬥᬃᬫ᭄ᬫᬧᬸᬓᬸᬮᬸᬦ᭄ᬫ᭞ᬗ᭄ᬕᭂᬄᬢᬦ᭄ᬓᭂᬦᬫᬹᬃᬓ᭄ᬓ᭞ᬫᬓᬵᬃᬬ᭄ᬬᬚᬕᬢ᭄ᬢᬺᬧ᭄ᬢᬶ᭟ᬓᬶᬢᬧᬗᭂᬩᬦᬶᬂᬲᬭᬵᬢ᭄᭞
ᬲᬂᬧᬸᬦᬹᬚᬶ᭞ᬥᬃᬫ᭄ᬫᬧᬸᬭᬸᬱᬰᬓ᭄ᬢᬶ᭞ᬫᬸᬤᬶᬢᬉᬧᬾᬓ᭄ᬱᬦᬸᬮᬸᬲ᭄᭞ᬢ᭄ᬭᬶᬲᬢ᭄ᬬᬲᬶᬦᬕᭂᬳᬓ᭄ᬦ᭞ᬧᬭᬤᬾᬯᬳᬲᬶᬄᬭᬶᬓᬶᬢᬧ᭄ᬭᬪᬹ᭞ᬢᬦᬫ᭄ᬪᬾᬤᬵᬓᭂᬦ᭄ᬚᬦ᭞ᬩᬸᬤ᭄ᬥᬶᬧᬭᬵᬃᬣᬲᬸᬰᬸᬘ᭄ᬘᬶ᭟ᬧᬸᬓᬸᬮᬸᬦ᭄ᬯᬾᬳᬦᬸ᭠
ᬕ᭄ᬭᬳ᭞ᬲᬂᬆᬃᬚ᭄ᬚᬸᬦᬫᬢ᭄ᬫᬸᬮᬦ᭄ᬧᬡ᭄ᬥᬫ᭄ᬲᬭᬷ᭞ᬬᬦᬤᬺᬯ᭄ᬬᬧᬸᬢ᭄ᬭᬳᬸᬯᬸᬲ᭄᭞ᬲᬶᬭᬫᬸᬮᬶᬄᬭᬷᬦ᭄ᬤ᭄ᬭᬧᬺᬱ᭄ᬝ᭞ᬗ᭄ᬳᬸᬮᬸᬦ᭄ᬫᬸᬮᬶᬄᬭᬶᬂᬰᬹᬦ᭄ᬬᬢᬧᬸᬓᬸᬮᬸᬦ᭄᭞ᬫᬗ᭄ᬓᬦᬳᬸᬪᬬᬦᬶᬗ᭄ᬯᬂ᭞ᬳᬫᭀᬖᬲᬶᬤ᭄ᬥᬶᬦᬶᬂᬓᬵᬧ᭄ᬢᬶ᭟
ᬉᬫ᭄ᬲᬂᬥᬃᬫ᭄ᬫᬧᬸᬢ᭄ᬭᬓᬶᬢ᭞ᬦ᭄ᬤᬢᬦᬲᬫᬦ᭄ᬢᬭᬶᬓᬂᬪᬹᬫᬶ᭞ᬭᬶᬓᬵᬮᬫᬸᬮᬶᬄᬫᬦᬸᬚᬸ᭞ᬲ᭄ᬯᬃᬕ᭄ᬕᬪᬝᬵᬭᬥᬃᬫ᭄ᬫ᭞ᬦ᭄ᬤᬢᬦᬦᬫᬗᬯᬭᬢᬧᬸᬓᬸᬮᬸᬦ᭄᭞ᬭᬕᬰᬭᬷᬭᬧ᭄ᬭᬲᬶᬤ᭄ᬥ᭞ᬫᬸᬮᬶᬳᬶᬂᬥᬃᬫ᭄ᬫᬮᭀᬓᬾᬓᬶ᭟ᬳ [ 85 ][᭘᭔ 84B]
᭘᭔
ᬦᬳᬲ᭄ᬯᬦᬓᬺᬱ᭄ᬡᬭᬓ᭄ᬯ᭞ᬢᬸᬫᬹᬢ᭄ᬓᬶᬢᬢᬸᬫᬸᬢᬸᬭᬦᬾᬫᬃᬕ᭄ᬕᬶ᭞ᬢᬦᬳ᭄ᬬᬸᬦ᭄ᬧᬲᬳᬲ᭄ᬯᬦᬳᬶᬓᬸ᭞ᬥᬢᭂᬂᬭᬶᬥᬃᬫ᭄ᬫᬮᭀᬓ᭞ᬳᬦᬶᬹᬧᬦᬶᬓᬪᬝᬵᬭᬥᬃᬫ᭄ᬫᬦᬸᬭᬸᬦ᭄᭞ᬫᬯᬾᬱᬤᬤ᭄ᬬᬳᬲ᭄ᬯᬦ᭞ᬫᬗ᭄ᬓᬾ᭠
ᬓᬶᬢᬯᬸᬲ᭄ᬗᬯ᭄ᬭᬸᬳᬶ᭟ᬮᬾᬦ᭄ᬲᬶᬭᬧ᭄ᬭᬪᬸᬓᬾᬰᬯ᭞ᬓᬤᬶᬯᬭᬄᬲᬗ᭄ᬳᬸᬮᬸᬦ᭄ᬭᬶᬗᬹᬦᬶ᭞ᬢᬦ᭄ᬲᬶᬤ᭄ᬥᬚᬭᬷᬭᬫᬦ᭄ᬢᬸᬓ᭄᭞ᬫᬭᬭᬶᬯᬶᬱ᭄ᬡᬸᬮᭀᬓ᭞ᬫᬸᬯᬄᬲᬶᬭ᭞ᬲᬦᬓ᭄ᬲᬂᬧ᭄ᬭᬪᬸᬓᬘᬢᬹᬃ᭞ᬫᬗ᭄ᬓᬦᬯ
ᬭᬳᬶᬗ᭄ᬯᬂ᭞ᬳᬕᬸᬂᬲᬹᬓ᭄ᬱ᭄ᬫᬗ᭄ᬯᬂᬗᬶᬓ᭟ᬳᬫᬥᬾᬫᬸᬥᬶᬢᬦᬓᭀᬦᬂ᭞ᬳᬶᬗ᭄ᬕᬶᬄᬧ᭄ᬓᬓ᭄‌ᬤ᭄ᬫᭂᬦ᭄ᬢᬶᬢ᭄ᬬᬂ᭠ᬫᬶᬭᬕᬶ᭞ᬲᬢ᭄ᬯᬯᬯᬬᬦ᭄ᬮᬸᬳᬸᬂ᭞ᬋᬱᭂᬧ᭄ᬢᬶᬢ᭄ᬬᬂᬭᬶᬂᬫᬦᬄ᭞ᬫᬦᬹᬢ᭄ᬓᬤᬶᬲᬢ᭄ᬯᬦ᭄ᬧ᭄ᬓᬓ᭄ᬲᬦᬾᬯᬳᬸ᭞ᬪᬕ᭠
ᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞ᬲᬂᬥᬃᬫ᭄ᬫᬯᬗ᭄ᬰᬓᬧᬸᬚᬶ᭟ᬧᬕᭂᬳᬶᬤᬗᬫᭀᬂᬥᬃᬫ᭄ᬫ᭞ᬫᬺᬱᬶᬤ᭄ᬥᬬᬂᬭ᭠ᬕᬦᬶᬤᬦᬾᬲᬶᬤ᭄ᬥᬶ᭞ᬳᬫᭀᬃᬭᬶᬂᬲᬂᬥᬃᬫ᭄ᬫᬧᬸᬢᬸᬲ᭄᭞ᬳᬲᬸᬳᬶᬋᬂᬗᬶᬭᬶᬗᬂ᭞ᬫᬮᬶᬳᬶᬤ᭞ᬲᬫ᭄ᬢᭀᬦᬶ
[᭘᭕ 85A]
ᬤᬓᬘᬢᬹᬭ᭄᭞ᬫᬘ᭄ᬧᭀᬮ᭄ᬓᬮᬭᬮᬭᬦ᭄᭞ᬦᬧᬶᬲᬹᬓ᭄ᬱ᭄ᬫᬦᬾᬲᬚᬢᬶ᭟ᬲᬳᬸᬭᬮᬾᬦ᭄ᬧ᭄ᬓᬓ᭄ᬤᬮᬂ᭞ᬘ᭄ᬦᬶᬂᬘᬸᬘᬸᬫ᭄ᬮᬳᬂᬚᬦᬶᬫᬶᬭᬕᬶ᭞ᬥᬃᬫ᭄ᬫᬤᬲᬃᬫ᭄ᬮᬓ᭄ᬱᬡᬘᬸᬘᬸ᭞ᬗ᭄ᬢᬸᬢ᭄ᬲᬤ᭄ᬬᬦᬾᬤᬶᬚᬕᬢ᭄᭞
ᬬᬾᬦᬶᬂᬧᬕᭂᬄᬗᭂᬫ᭄ᬩᬦ᭄ᬲᬂᬳ᭄ᬬᬂᬥᬃᬫ᭄ᬫᬧᬸᬢᬸᬲ᭄᭞ᬓᬤᬶᬓᭂᬫ᭄ᬩᬂᬲᬭᬶᬦ᭄ᬲ᭄ᬓᬭ᭄᭞ᬦ᭄ᬓᬬᬂᬤᬾᬯᬾᬓ᭄ᬢᬦ᭄ᬫ᭠ᬭᬶ᭟ᬳᬶᬧᬸᬦᬶᬢᬫ᭄ᬩᬸᬮᬶᬮᬶᬗᬦ᭄᭞ᬓᬤᬶᬓ᭄ᬤᭂᬂᬫᬦᬳᬶᬧᬸᬦ᭄ᬦᭂᬓᬳᬶᬦ᭄᭞ᬓᬾᬢᭀᬘ᭄ᬦᬶᬂᬚᬢᬶᬦᬶᬧᬸ᭞ᬬᬦ᭄ᬫᬲ᭄ᬤ᭠
ᬦᬥᬃᬫ᭞ᬅᬃᬣᬓᬫᬢ᭄ᬓᬧᬤᬾᬯᬾᬓᬦᬶᬧᬸ᭞ᬫᬸᬯᬳᬦᬾᬮᬾᬦ᭄ᬮᬾᬦᬦ᭄᭞ᬦᬾᬫᬕᬸᬡᬢᬸᬂᬢᬸᬂᬳᬭᬶᬧ᭄᭟ᬕᬕᭀᬤᬦ᭄ᬚᬕᬢᬾᬓᭀᬘᬧ᭄᭞ᬤᬰᬾᬦ᭄ᬤ᭄ᬭᬬᬦᬾᬢᬦ᭄ᬫᬧᬹᬦ᭄ᬫᬹᬃᬢ᭄ᬢᬶ᭞ᬜ᭄ᬮᬸᬯᬕᬂᬯᬶᬧᬦᬶᬧᬸᬦ᭄᭞᭠
ᬤᬤᬶᬓ᭄ᬦᬲᬦᬸᬗ᭄ᬮᬲ᭄᭞ᬍᬕᬓᭂᬦᭂᬳᬾᬗ᭄ᬭᬲᬬᬂᬲᬃᬯ᭄ᬯᬮᬸᬳᬸᬂ᭞ᬤ᭄ᬫᭂᬦ᭄ᬦᬶᬗ᭄ᬳᬮᬶᬦ᭄ᬦᬾᬫ᭄ᬮᬄ᭞ᬫᬶᬯᬄᬲᬓ᭠ᬜᬲᬫᬶ᭟ᬦᬾᬦᬾᬗᬃᬤ᭄ᬥᬶᬓᬩᬜ᭄ᬘ᭞ᬳᭂᬦ᭄ᬢᭀᬓ᭄ᬭᬡᬲᬂᬥᬃᬫ᭄ᬫᬯᬗ᭄ᬰᬚᬢᬶ᭞ᬢᬦ᭄ᬓᭂᬦᬩᬜ᭄ᬘᬦᬾᬰᬢ᭄ᬭᬸ᭞ᬬ [ 86 ][᭘᭕ 85B]
᭘᭕
ᬦ᭄ᬰᬶᬓ᭄ᬢᬶᬳᬸᬢ᭄ᬢᬫᬬᬂ᭞ᬬᬾᬦ᭄ᬢᬦ᭄ᬮᬗ᭄ᬕᭂᬂᬓᬕᭀᬤᬳᬶᬦᭀᬮ᭄ᬮᬶᬄᬰᬢ᭄ᬭᬸ᭞ᬮᭀᬩᬫᭀᬫᭀᬦ᭄ᬢᭀᬗᬯᭂᬢ᭄ᬯᬂ᭞ᬲᬮ᭄ᬯᬶᬭᬶᬂᬰᬢ᭄ᬭᬸᬦ᭄ᬓᬳᬶᬦ᭄᭟ᬬᬦ᭄ᬘᭂᬦᬶᬂᬧᬘᬂᬫ᭄ᬮᬓ᭄ᬱᬡ᭞ᬧᬢᬹᬢ᭄ᬧᬶᬲᬦ᭄‌ᬥᬃᬫ᭄ᬫᬳᬗ᭄ᬰᭀᬦ᭄ᬤᬲᬭᬶᬦ᭄
ᬫᬦᬳᬾᬳᬺᬢᬶᬦ᭄ᬫᬮᬸ᭞ᬩᬸᬤ᭄ᬥᬶᬲᬦ᭄ᬢᬶᬳᬶᬜ᭄ᬘᭂᬧᬂ᭞ᬳᬗ᭄ᬕᭀᬦ᭄ᬤᬦ᭄ᬤᬲᬃᬧᬧᬶᬦᭂᬳᬾᬳᬧᬂᬦᬸᬮᬸᬲ᭄᭞ᬫᬭᬮᬦ᭄ᬢᬲᬸᬘᬧᬂ᭞ᬤᬸᬮᬸᬭᬶᬦ᭄ᬲ᭄ᬫᬶᬢᬫᬦᬶᬲ᭄᭟ᬯ᭄ᬢᬸᬮᬓ᭄ᬱᬡᬳᬸᬢ᭄ᬢᬫ᭞ᬫᬗᬃᬤ᭄ᬥᬶᬦᬶᬦ᭄‌ᬜᬫᬩ᭄ᬭᬬᬦᬾᬳ
ᬲᬶᬄ᭞ᬳᭂᬦ᭄ᬢᭀᬧᬶᬦᬕᭂᬳᬓᭂᬦ᭄ᬘᬸᬘᬸ᭞ᬳᬧᬂᬳ᭄ᬤᬓᬲᭂᬗ᭄ᬓᬮᬦ᭄᭞ᬤᬾᬦᬶᬂᬓᬾᬯᭂᬄᬫᬮᬓ᭄ᬱᬡᬚ᭄ᬭᭀᬦᬶᬗᬶᬤᬸᬧ᭄᭞ᬳᬶᬤᬸᬦ᭄ᬫᭀᬦ᭄ᬤᭀᬂᬧᬸᬦᬃᬪᬵᬯ᭞ᬫᬯᬮᬶᬯᬮᬶᬫᬦᬺᬱ᭄ᬝᬶ᭟ᬓᬾᬯᬮᬘ᭄ᬦᬶᬂᬮ᭄ᬕᬬᬂ᭞ᬲᬢ᭄ᬯᬦ᭄ᬧ᭄ᬓ᭠
ᬓ᭄‌ᬫᬦᬹᬢ᭄ᬲᭂᬮᭀᬓᬦᬶᬪᬸᬫᬶ᭞ᬧ᭄ᬭᬚ᭄ᬜᬦ᭄ᬤᬮᬗᬾᬫᬦᬸᬢᬸᬭ᭄᭞ᬲᬸᬩᬲᬸᬳᬸᬤ᭄ᬗᬯᬬᬂ᭞ᬢ᭄ᬯᬭᬳᬶᬗᭂᬢ᭄‌ᬢ᭄ᬓᬾᬦᬸᬘᬧᬦᬾᬯᬯᬸ᭞ᬤᬸᬕᬲᬾᬗᬸᬘᬧᬂᬯᬬᬂ᭞ᬤ᭄ᬯᭂᬕ᭄ᬦᬸᬢᬸᬃᬢᬦ᭄ᬢᭂᬓᬾᬗ᭄ᬳᬢᬶ᭟ᬳᬫ᭄ᬧᬸᬭᬧ᭄ᬓ
[᭘᭖ 86A]
ᬓ᭄ᬳᬫ᭄ᬧᬸᬭ᭞ᬢᬸᬲᬶᬗᬤᬦᬸᬮᬸᬲ᭄ᬲᬮ᭄ᬯᬶᬭᬤᬤᬶᬕᬸᬫᬶ᭞ᬭ᭄ᬯᬪᬶᬦᬾᬤᬫᬚᬮᬦ᭄ᬢ᭄ᬭᬸᬲ᭄᭞ᬕᬸᬫᬶᬦᬾᬫᬧ᭄ᬢᭂᬂᬮ᭄ᬫᬄ᭞ᬫᬦᬸᬱᬦᬾᬓᬕᬸᬯᬸᬂᬩᬳᬦ᭄ᬧ᭄ᬮᬶᬄᬧᬢᬹᬢ᭄᭞ᬳᬶᬤᬸᬧ᭄ᬫᬵᬢᬶᬯᬋᬕ᭄ᬮᬬᬄ᭞ᬍᬧ᭄ᬬᬳᬶᬗᭂᬢ᭄ᬧᬸᬍᬲ᭄ᬗᭂᬦ᭄ᬤᬸᬲᬶᬦ᭄
᭟ᬦ᭄ᬢᭀᬲᬢᬢᬮᬗ᭄ᬕᭂᬂᬳᬤ᭞ᬧᬢᬹᬢ᭄ᬧᬶᬲᬦ᭄ᬘᭂᬦᬶᬂᬫᬧᬶᬦᭂᬄᬚᬦᬶ᭞ᬓᬵᬃᬤᬶᬦᬶᬦ᭄ᬧᬗᭂᬦ᭄ᬤᬸᬳᬶᬧᬸ᭞ᬦᬾ᭠ᬦᬾᬫᬗᬃᬤ᭄ᬥᬶᬲᬮᬄ᭞ᬫ᭄ᬯᬂᬮᬶᬧ᭄ᬬᬫᬶᬯᬄᬲᬮ᭄ᬯᬶᬃᬘᬦᬶᬧᬸᬦ᭄᭞ᬗᬃᬤ᭄ᬥᬶᬩᬕ᭄ᬬᬤᬶᬲ᭄ᬓᬮ᭞ᬫ᭄ᬯᬄᬪᬕ᭄ᬬᬦᬶᬲ᭄ᬓᬮᬧᬶᬦ᭄ᬤ᭄ᬭᬶᬄ
᭟ᬦᬾᬦᬾᬚᬦᬶᬦᬄᬪᬹᬓ᭄ᬢᬶᬬᬂ᭞ᬢᬸᬲᬶᬗᬳᬳᬦᬧᬢᬹᬢ᭄ᬲᬚᬢᬶ᭞ᬢᬦ᭄ᬲᬶᬤ᭄ᬥᬧᬘᬂᬫᬦ᭄ᬭᬸᬲ᭄᭞ᬦᬾᬦᬾᬲᬮᬄᬓᬾᬢᭀᬓᬵᬘᬧ᭄᭞ᬤ᭄ᬯᬦᬶᬂᬚᬦᬶᬳᬤᬚᬕᬢ᭄ᬢ᭄ᬭᬶᬓᬲᭂᬗ᭄ᬕᬸᬄ᭞ᬫᬺᬘᬧᬤᬲ᭄ᬯᬕ᭄ᬕᬓᬯᬄ᭞ᬬᬾᬦᬶᬂ
ᬤᬶᬲ᭄ᬓᬮᬘ᭄ᬦᬶᬂ᭟ᬫᬸᬮᬢᭀᬗᭀᬲ᭄ᬚᬮᬾᬫ᭄ᬮᬄ᭞ᬬᬦ᭄ᬤᬶᬲ᭄ᬯᬃᬕ᭄ᬕᬦ᭄ᬢᭀᬗᭀᬲᬃᬯ᭄ᬯᬍᬯᬶᬍᬯᬶᬄ᭞ᬦᬾᬧ᭄ᬮᬶᬄᬦᬭᬓᬳᬶᬧᬸᬦ᭄‌ᬲᬮᬄᬲᭀᬮᬄᬓᬤᬸᬱ᭄ᬝᬦ᭄᭞ᬓᬘᬯᬶᬲᬂᬭᬶᬂᬓᬯᬳᬶᬧᬸᬦ᭄ᬫᬦᬸᬗ᭄ᬕᬸ᭞ᬯᬶᬭᬾᬘ᭄ᬦᬶᬂᬤᬲ᭄ᬓᬮ᭞ᬧ᭠ [ 87 ][᭙᭖ 86B]
᭘᭕
ᬢᬹᬢ᭄ᬥᬃᬫ᭄ᬫᬢᬹᬢ᭄ᬧᬢᬶᬢᬶᬲ᭄᭟ᬚᭂᬫᭂᬢᬂᬘ᭄ᬦᬶᬂᬦᬓᭀᬦᬂ᭞ᬳᬦᬾᬓᬾᬦ᭄ᬓᬾᬦ᭄᭞ᬲᭀᬮᬳᬾᬧᬢᬹᬢ᭄ᬚᬮᬦᬶᬦ᭄᭞ᬧᬗ᭄ᬤᬓᬲᭂᬗ᭄ᬓᬮᬦᬶᬤᬸᬧ᭄᭞ᬲᭂᬍᬕ᭄ᬫᬳᬸᬭᬸᬓ᭄ᬤᬶᬲᬲ᭄ᬢ᭄ᬭ᭞ᬯᬶᬭᬾᬄᬤᬶᬢᬸᬓᬳᬸᬗ᭄ᬕᬸᬳᬂᬳᬮᬳᬬᬸ᭞
ᬦᬾᬦᬾᬧᬢᬹᬢ᭄ᬮᬓ᭄ᬱᬡᬬᬂ᭞ᬗ᭄ᬕᭀᬦ᭄ᬲᬚ᭄ᬚᬢᬚ᭄ᬭᭀᬦᬶᬗᬸᬭᬶᬧ᭄᭟ᬮᬓ᭄ᬱᬡᬦᬾᬳᬦᬾᬘᭀᬭᬄ᭞ᬧᬢᬹᬢ᭄ᬫᬲᬶᬢᬼᬩᬂᬫᬫᬶᬦᭂᬳᬶᬦ᭄᭞ᬳᬧᬂᬢᬢᬲ᭄ᬘᭂᬦᬶᬂᬘᬸᬘᬸ᭞ᬓᬾᬯᬮᬤᬮᬓ᭄ᬱᬦᬬᬂ᭞ᬳᬧᬂᬧ᭄ᬤᬲ᭄‌ᬦᬾ
ᬦᬾᬘᭀᬭᬄᬧ᭄ᬮᬳᬶᬧᬸ᭞ᬧᬗ᭄ᬤᬘ᭄ᬦᬶᬂᬤᬤᬶᬚᬭᬳᬦ᭄᭞ᬳᬶᬘᭀᬭᬄᬤᬸᬃᬰᬷᬮᬭᬸᬲᬶᬢ᭄᭟ᬬᬾᬦ᭄ᬢᬢᬲ᭄ᬢᭂᬓᬾᬳᬶᬘᭀᬭᬄ᭞ᬲᬶᬦᬄᬘ᭄ᬦᬶᬂᬩᬶᬲᬬᬢ᭄ᬦᬗ᭄ᬮᬶᬤᬶᬦ᭄᭞ᬢᬦ᭄ᬓᬢᬤᬳᭀᬮᬶᬳᬶᬧᬸᬦ᭄᭞ᬓᬾᬢᭀᬘ᭄ᬦᬶᬂ᭠
ᬳᬶᬗᭂᬢᬂ᭞ᬳᬧᬂᬮᬦ᭄ᬢᬸᬭ᭄‌ᬤᬚᬕᬢᬾᬘ᭄ᬦᬶᬗᬶᬤᬸᬧ᭄᭞ᬫᬗ᭄ᬕᬶᬄᬘ᭄ᬦᬶᬂᬤᬶᬃᬖᬬᬸᬱ᭞ᬓᬾᬢᭀᬧᬃᬮ᭠ᬦ᭄ᬲᬂᬦᬸᬫᬤᬶ᭟ᬲᬢ᭄ᬯᬦ᭄ᬧ᭄ᬓᬓᬾᬧᬗᬸᬦ᭄ᬢᬢ᭄᭞ᬦᬾᬦᬾᬫᬤᬦ᭄‌ᬳᬭᬂᬲᬢ᭄ᬯᬦᬾᬘ᭄ᬦᬶᬂ᭞ᬲᬢ᭄ᬯᬭᬭᬕ᭄ᬕ᭄ᬭᬕ᭠
[᭘᭗ 87A]
᭘᭖
ᬦ᭄ᬜᬸᬫ᭄ᬧᬸᬢ᭄᭞ᬢ᭄ᬯᬭᬫ᭄ᬤᬲᬃᬫᬳᬵᬩ᭄ᬭ᭞ᬓᬮᬶᬄᬳᬱ᭄ᬝᬤᬰᬧᬃᬯ᭄ᬯᬦᬾᬓᬯᬸᬯᬸᬲ᭄᭞ᬲᬓᬶᬂᬯ᭄ᬢᬸᬫᬦᬄᬧ᭄ᬓᬓ᭄᭞ᬗᬗ᭄ᬕᬶᬢ᭄‌ᬗ᭄ᬕᬸᬭᬶᬢ᭄ᬲᬢ᭄ᬯᬭᬶᬳᬶᬦ᭄᭟ᬲ᭟ᬤᬲᬭᬶᬧᬸᬦ᭄ᬲᬢ᭄ᬯᬘᬭᬶᬢ᭞ᬘᬭᬶᬢᬦᬾᬲᬢ᭄ᬯᬫᬩ᭄ᬦᭂᬄ
ᬧ᭄ᬮᬶᬄ᭞ᬦᬾᬦᬾᬧ᭄ᬮᬶᬄᬓᬸᬢᬂᬮᬯᬸᬢ᭄᭞ᬮᬯᬸᬢ᭄ᬤᬸᬤᬸᬓ᭄‌ᬦᬾᬩ᭄ᬦᭂᬳᬶᬦ᭄᭞ᬦᬾᬦᬾᬩ᭄ᬦᭂᬄ᭞ᬗᬃ᭠ᬤ᭄ᬥᬶᬳᬶᬤᬸᬧᬾᬭᬳᬬᬸ᭞ᬭᬳᬬᬸᬳᬶᬦᬸᬘᬧ᭄ᬲ᭄ᬯᬃᬕ᭄ᬕᬦ᭄᭞ᬰ᭄ᬯᬃᬕ᭄ᬕᬮᭀᬓᬢᭀᬗᭀᬰ᭄ᬰᬸᬘᬶ᭟ᬳᬦᬾ
ᬢᬾᬫᬮᬸᬓᬗ᭄ᬕᭀᬳᬂ᭞ᬳᬭᬦ᭄ᬲᬢ᭄ᬯᬧ᭄ᬓᬓ᭄‌ᬦᬾᬦᬾᬚᬦᬶᬘ᭄ᬦ᭄ᬦᬶᬂ᭞ᬤᬸᬭᬶᬬᬦ᭄ᬩ᭄ᬯᬶᬦ᭄ᬲᬫ᭄ᬩᬸᬂ᭞ᬜᬢ᭄ᬯᬬᬂᬯᬯᬬᬦᬶᬹᬗᬦ᭄᭞ᬤᬕᬶᬗᬶᬧᬸᬦ᭄‌ᬦᬾᬧᬢᬹᬢ᭄ᬢᬸᬮᬤ᭄ᬭᬸᬭᬸᬄ᭞ᬧᬶᬦᬓᬳᬶᬫ᭄ᬩᬦᬶᬂᬚᬕᬢ᭄᭞ᬋᬲᭂᬧᬂᬘ᭄ᬦᬶᬂᬫᬦᬫ᭄ᬧᬶ᭟᭐᭟
ᬭᭀᬦ᭄ᬢᬮ᭄ᬧᬸᬦᬶᬓᬶᬳᬭᬦ᭄ᬲᬢ᭄ᬯ᭞ᬓᬕᬸᬭᬶᬢᬦ᭄ᬢᬸᬓ᭄‌ᬳᬶᬯᬬᬦ᭄ᬢᭂᬕᭂᬕ᭄᭟ᬧᬸᬧᬸᬢ᭄ᬓᬲᬸᬭᬢ᭄‌ᬭᬶᬂᬭᬳᬶᬦ᭞ᬭ᭞ᬓ᭞ᬢᬫ᭄ᬩᬶᬭ᭄᭞ᬢᬗ᭄ᬕᬶᬮ᭄ᬧᬶᬂ᭞᭑᭓᭞ᬰᬰᬶᬄ᭞᭕᭞ᬇᬰᬓ᭞᭑᭙᭑᭔᭞ᬳᭀᬮᬶᬄᬳᬶᬯᬬᬦ᭄ᬢᭂᬕᭂᬕ᭄ [ 88 ][᭘᭗ 87B]
[empty]